2009-06-22

دكتور ملقوف ..







في مستشفى الاعدام


الكويت في تاريخ 21 _ يونيو -2009



الساعة 12:45 ظهرا



ـــــــــــــــــــــــــــ






تقحيص تقحيص تقحيص ...




نعم ...!!!



هكذا كانت تمشي في ممرات المستشفى وسط الازدحام ، بسرعة بسرعة تبحث وتسأل الجميع : لو سمحت وين دكتور الجلدية ؟؟

لو سمحت



لوسمحتي


لو سمحتي


بلييييييييييز


وصلت أخير الى الغرفة فطرقت الباب ودخلت . واذا باثنان من الدكاترة جالسين ، أخذت نفسا عميقا ، فقال احدهم : ماعليه تعالي قعدي ارتاحي ..


هي : اوووووووف دكتور والله ركضت
مسرعة عندي امتحان الساعة 2 بالشويخ والله وحدي تعبانة .

الدكتور يرى ورقتها : ياحليلج ماعندج موعد أصلا .

هي : شدراني المستوصف كان مسكر امس ورحت المستشفى عطوني هالورقة ماقالوا موعد قالوا تعالي باجر ... باجر؟؟؟ اي باجر .... تنحت لحظة باجر ولا أمس ؟؟1!!!!



الدكتور أولا بنظرة لا تعليق ومن ثم : ماعليه شرايك يادكتور الفلاني أشوف شسالفتها ؟

الدكتور 2 : ايوة خلصها شوف شو فييا ... !!

هي : دكتور ، انا فيني حساسية من الشمس هذا من زمان ، المشكلة براطمي صارت سود وتخرع الحين شوف شلون صارت كل ما مر الوقت صارت حبوب ودم وحالتي حالي وتحرقني والله ماكو فايدة .

الدكتور : خل نشوف وريني ويتفحصها يمين يسار يمين يسار .

الدكتور 2 : هي اكيد من معجون الاسنان اكيد منها او من الشمس يالله اكتب لها الوصفة بسرعة .

الدكتور : لحظة خل افحص اشوف شفيها يمكن مو من المعجون .

هي : شلون يعني ما افرش اسناني ؟؟ وبعدين حتى ماقدر ابتسم ولا اضحك ولا اقدر اسولف شلون يعني ؟


الدكتور : احسن مولازم تضحكين وبعدين ترا وايد تتحلطمين ! طلعت لج مثل الفقاعات وفيها ماي ؟؟

قبل أن تجيب هي تليقف الدكتور 2 : لا ماطلعت لها اكتب لها الوصفة بسرعة .


نظرت له هي بنظرة باردة فقالت : منو المريض ؟؟؟ واي طلعت لي فقاعات وفيها ماي وساعات دم بعد.

الدكتور : عرفت الحين تدرين من شنو طلعت لج هالبلاوي ؟؟؟


هي : من شنو ؟؟؟





الدكتور : من الاعصاب الي فيج حطيتي لنفسج امراض وانتي بعدج صغيرة ... فيج نفسية ولازم ترتاحين وتريحين اعصابج .






@@







نفسية ؟؟؟


أعصاب ؟؟؟؟





أخذت من الدكتور وصفة العلاج ، ومن ثم اتصلت بوالدتها : يما انا توني طالعة من الطبيب .

والدتها : ها شقال لج ؟

هي : يما انا فيني أعصاب ؟؟ انا عندي نفسية .

والدتها : مش عارفة اسألي نفسك !!!!!!



اتصلت بوالدها : يبا حبيبي أنا فيني اعصاب ؟؟

والدها : انتي وردة مافيج الا العافية حبيبتي انتي .














كيف تدمر الاعصاب صحتنا؟؟؟

وكيف نستسلم لها بسهولة ..


ارتفاع ضغط الدم .

انيميا حادة

حساسية شديدة .

حرارة داخلية .



بسبب الأعصاب :)





الراحة النفسية رائعة ، والامتحانات انتهت ولا للفصل الصيفي ونعم للسفر والراحة النفسية :)




ـــــــــــــــــــــــــــــــــــــــــــــــــــــــــــــــ












عقاب الي يستهين بخشمه لووووووول




18 comments:

{~المباركية~} يقول...

وعلييه
عيل انا ليش عايش
اذا الحبوب الي بويهي تطلع من :-
الككاو
الدهون
العصبيه
اكح ويهي تطلع لي حبه
تييني قشعريره تطلع لي حبه
اروح البحر اسبح تطلع لي حبه
ماسوت علينا
و جربت كل الكريمات كل الوصفات كل الطرق ماكو حل نجح

لوول الصراحه الدكتور الي انتي رايحة له يغث بمعنى الكلمه
ماسوت عليج رايحة له يعالجج
ماتشووفين شر
الله يعطيج العافيه

TrueClue يقول...

قلنالج ارتاحي ما تسمعين الحجي .. ضغط و ضغط و ضغط .. لازم تنفجرين و شوفي شنو صار فيج

احسن لا تاخذين صيفي .. روحي سافري استانس .. ونسي نفسج شوي

و انشالله درجاتج ممتازه .

فريج سعود يقول...

دكتور اعصاب هذا من وين متخرج ؟

نمووول يقول...

الحمدلله خلص الكورس
بس ما اعتقد الضغوط بتوقف
بكل وقت ومكان في ضغط نفسي وعقلي
خاصة طلابنا الله يعينهم..

ReLaaaX يقول...

يااااااابعد قلبي والله قلبج

سلااااااااااامة عمرج

آنا اقول روحي طبيب ثاني خل يشوف شفيج ماعليج منهم مالت عليهم

لاتجازفين الجلديه يعني بشرتج يعني حرام بشرتج تروح فيها من تشخيصهم الخايس




وبعدين احبج احبج احبج حاطتلي ماروكو حبيبتي انتي ;*

Fishah يقول...

سلامات والله ماتشوفين شر .. تركي عنج هالاطباء القصاصيب .. بس يفتون على كيفهم .. يودرون الواحد بعلاجهم ال اي كلام ..
روحي خاص وااااااااااااايد احسن :)

واي وناسه احبها موروكووو سوالفها تضحك :)

وحبيبتي وخري عنج الاعصاب .. لاتصيرين جبريت مثلي .. مخي قامت تضرب فيوزاته ليه درجه حاشتني حاله شبه زهايمر لوول بس انسا :>

حَافِـيَةُ الَقَدمَيّـنْ ولِبَاسِي المَطـرْ يقول...

الحكومه تشخيصهم ولا بيزه !!
انا رحت عندهم فوق الـ 8 مرات
عشان شفايفي حساسيه من البرد
عطوني كريمات فيهم كرتزون
داومت عليهم والحمدلله شفايفي طابوا
بس لما قطعتهم الله لا يوريج !!
تخسبقت عدل , وبعدها رحت خاص عطوني كريمات ادويه والحمدلله جني البخت الحين ,
لا تجازفين أبداً من شاف اسلوب الدكتور الثاني أشكره مالهم خلق احد
ما تشوفين شر :*

um_alzain يقول...

ماتشوفين شر انشالله
ريلاكس
تنفسي بعمق وقولي لا اله الا الله مع الشهيق ولا حول ولا قوة الا بالله مع الزفير تمرين ممتاز لضبط النفس وراحة للاعصاب
ومافيج الا العافيه
والهون ابرك مايكون

بو سعد يقول...

سلامتج و ما تشوفين شر ..

و ما شاء الله التشخيص وايد دقيق .. انا اقول روحي حق دكتور يدري شنو قاعد يتكلم عنه احسن لج ..


"يارسول الله اوصني؟" .. قال : "لا تغضب"

طموحة مملوحة يقول...

المباركية

لوووووووووووووووول


انت مثلي والله لوووول

اي يتعازمون اشوفها ولا لا @@

طموحة مملوحة يقول...

TrueClue




اي والله برتاح اخيرا لا هم ولا عوار راس لا دراسة ولا شي بريح اعصابي واريح عقلي شوي لووول

طموحة مملوحة يقول...

فريج سعود


بالكويت كل شي يصير .... التلميذ يصير مدرس بالكويت افا عليك

طموحة مملوحة يقول...

نمووول


ضغط البيت اهون من شغط الدراسة والدكاترة والله

طموحة مملوحة يقول...

ReLaaaX


بعد قلبي حتى انا احبج وايد الحين انا قاعدة اطالع اجزاءها احس فيني منها لمن كنت صغيرة :) لووول

طموحة مملوحة يقول...

Fishah



الدكتور ماقال لي شي يديد لوووول اخوي يقول لي من صغرج فيج اعصاب لمن اعصب احذف خواتي بقلاصات @@ ماذا يحدث لوووو ل ولا فالعة راس اختي بكعب شالي مقعدني انا لوووول روحي انتحري ياسارة لوووول


والله شكلي بروح خاص اسوي علاج طبيعي واريح اعصابي من كل شي

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ


تصدقين !! والله قاعدة امتحن ولا تقول لي الاستاذة ساروووو شفيييج؟؟ شنو هذا ؟؟ لا حول عين وماصلت على النبي حطي هردة .. الينات قعدوا يضحكون لوول

تدرين شكلي شلون كان ؟؟ جني شيماء علي والله جن 4 براطم فوق بعض لووول

طموحة مملوحة يقول...

um_alzain



يابعد راسي يالزين كله انتي والله ...

اي والله دعواتج ماشفت منها الا راحة البال الله لا يحرمني من وجودج قولي آميين

طموحة مملوحة يقول...

بو سعد


الغضب مشكلة عندي ماقدر امسك اعصابي والله :( اسأل الي معاي بالقسم بعد ...

انا اطبق مقولة ( اتق شر الحليم اذا غضب ) يالهوي