2009-07-01

يابعد خشمي كلكم ....





السلام عليكم ورحمة الله وبركاته


أود في البداية أن أبعث كلمة شكر كبيرة لكل من سأل عني بالبلوق من الاصدقاء والغير معرفين والله على راسي كلكم والله وفيكم الخير وهذا من طيبكم والله .




وأخص بالشكر لصديقتي الغالية دانة الكندري

وحبيبتي مناير العبدالله

لأنهم ماخلوني دقيقة وحدة الا وسألوا عني وكانوا معاي دقيقة بدقيقة


وأشكر مدونة بوعلي

على سؤاله الدائم لي ولصحتي فيه الخير والله


وشكر لناصر المطيري لأنه كان يتابع حالتي واهو بالسعودية وبالفعل التشخيص الي قال لي اهو نفسه الي اكتشفوه هني بالكويت دليل على تدني المستوى الصحي بالكويت


وشكر لعبدالعزيز الكندري

على سؤاله الدائم ومتابعة حالتي الصحية وهو في الولايات المتحدة الامريكية .



أشكر جميع الاسامي الي موجودة في تعليقات الموضوع السابق شكر جزيل عمري ماراح انسى وقفتكم هذي في عز احتياجي للدعاء


وكذلك أشكر مركز أسعد الحمد للأمراض الجلدية التخصصي على خدماتهم الجليلة لحالتي ومعاملتهم الرائعة معي واشكر مدير المركز
(( بيض الله وجهه ))





وأشكر مستشفى مبارك الكبير على متابعتهم المستمرة لي ومباشرة حالتي كل الشكر الجزيل لهم .



أشكر مستشفى الامراض السارية صج مبنى المستشفى يخرع بس الدكاترة الي فيه عسل اشكرهم جزيل الشكر .


وأشكر مستشفى العدان على الدكاترة المتخلفين الي فيه ، الي كل واحد يقول لي انتي مافيج شي وطلع فيني بلاوي الحمدلله لحقت على عمري .

أشكر شقيقتي الحبيبة الي راكضت باوراقي وطلعت لي واسطات والله بدون الواسطات الدنيا ماتمشي بالكويت ..

واشكر الدكتورة بنت عمتي على مساعداتها ونصائحها :p





اشكرهم جزيل الشكر

الحمدلله حالتي في تحسن مستمر ولله الحمد لازالت يدي تعاني من البقع الموجودة ولكن احسن من السابق .

الحمدلله على كل حال والحمدلله الي لقيت اهل واصدقاء وحبايب يوقفون معاي بضيقتي ومايخلوني ولا دقيقة .

اشكرهم جزيل الشكر على الوقفة الي ماراح انساها


سحبت الكورس الصيفي علشان ارتاح لأني فعلا بحاجة للراحة



كان ودي اصور ايدي واحطها لكم بس كل من شافها لاعت جبده وحس بغثيان ..

يقولون حالتي فريدة من نوعها بالكويت :S

الحلو ان طلبوا مني يدرسون حالتي طلبة طب وقلت لهم في سبيل العلم افا عليكم خل يدرسون حالتي يمكن باجر اييهم واحد مثلي شيقولون له ؟؟


روح اعمل اشعة وتحاليل ويطالعون ايده يقولون ايه ده ؟؟؟؟ مش عارف ايه ده مثل ما سووا فيني العدان؟



ــــــــــــــــــــــــــــــــــــــــــــــــــــــــــــــــــــــــــــــــــــــــــــــ









شي ثاني انضم لعائلتي عضو جديد لوووول اخو زوزو سميناه خلود :)

مو حلو ادري زوزو احلا منه بس ناطرته يكبر شوي علشان اطقه :)





ــــــــــــــــــــــــــــــــــــــــــــــــــــــــــــــــــ




أقول لبعض النواب مولازم تدشون تجمع ولا مجموعة علشان يوصلونكم بعدين تبينون قناع النفاق الي انتو فيه حلات الواحد يوصل بشرف ويمثل ديرته بشرف .


عليهم بألف عافية بال5 ملاييييين


بس الي حبيت اقوله :)


ان الله كبـــــــــــــــــــــــــــــــــــــــــــــــــــــــــــــــــــير وفوق الجميع


وبيي يوم لافيه نواب ولا طرح ثقة ولاهم يحزنون بيي يوم نتحاسب على كل فلس خذيناه مولنا





ــــــــــــــــــــــــــــــــــــــــــــــــــــــــــــــــــــــــــــــــــــــــــــ





اهـــــــــــــــــــــــداء











67 comments:

غير معرف يقول...

حبيبتي والله ما سويت شي إنتي صديقتي الصدوقة وإختي قبل كل شي :**
ما تشوفين شر وإن شاء الله بتردين لنا بالسلامة..
وشحقه ذاكرة إسمي خووو ..؟ :q
تبين بطل ماي ..؟ :q

لا أتغشمر من زمان ما ملقت عليج يلا شدي حيلج نبي نشوفج الكورس الياي ;)

( دانه كندروزة ;q ) << قمت أحب إسمي :q

أبو الدســتور يقول...

بالسلامة انشاءالله

غير معرف يقول...

wat was ur diagnosis ?

Enter-Q8 يقول...

وسلامي الى الحاجه ام محمود و نبلغكم ان عويس دخل الجيش و فتحية أتخطبت و صبحي كتب كتابه

ما تشوفين شر ان شاء الله اللي رضوا على المال العام و لا انتي

SHAHAD يقول...

الحمدلله على السلاامة حبيبتي
وما تشوفيين شر ياارب

ومبرووك ما يااكم
اسم الله عليه يهببل : )

طز بالرجالة يقول...

سلامات يالغالية
شوفي انا بقولج رايي و كيفج عاد
انا كنت متوقعه يصير فيج جذيه لسبب واحد
عيون الناس
و كنت متوقعه بعد اتييج في ايدج
لانك تكتبين و ترسمين و الناس في الكويت ما شاء الله كلش مو حسوديين و كلش ما يصكون الغير بعين تييبهم القاع

انت تذكريني في البنات الصغار الي كانوا يرقصون في الحفلات الوطنية
كل وحده اطلعت حاشها مرض او انقلبت فيها سيارة
من ريهام ( جابر ابونا من عمر) لي الي سوت برنامج الابواب السبعة
عتيجه انا ادري بس هذا الي صار

انا اشوف انج تدارين على شمعتج يا حبي
كل نشاطج مكتوب هني و ناس وايد فاجه عيونها
ما تسوى عليج

استعيني على قضاء امورك بالكتمان

تحياتي

أستاذ حمام يقول...

اجر وعافية وطمنينا على صحتج بين فترة وثانية.. بالانتظار

Q8EL5AIR يقول...

الف الف الحمدلله على السلامة . وماتشوفين شر ان شاء الله ..

وبعدوينج وحسادج ان شاء الله ..






ومبروووووووووووووك على المولود اليديد .. وعاسه الله يبلغكم فيه :)






وتحياتي ..
ويسلمواااااااااااااااا :)

ناصر المطيري يقول...

الحمدلله ع السلامه ساروووووووووووونه

وربي تستاهلين الطيب :)

ماتشوفين شر يالغاليه ..

just a bunch of thoughts يقول...

ما تشوفين شر حبيبتي و الف سلامة عليج ...

و دير بالج من الحساد ... دايماً اقري المعوذات و اذكار الصباح و المساء ...

الله الحافظ ..

just a bunch of thoughts يقول...

وييه نسيت ابارك لكم بالمولود اليديد D:

عسى الله يحفظه و يخليه لكم ويجعله من الذرية الصالحة ان شاء الله :)

بو سعد يقول...

الحمدلله على السلامة .. و كله بأجره :)

^^ يقول...

وييه بعد عمري كل ذي ادوويه

الحمد لله على سلامتج
اجر وعافيه ان شاء الله

وحلااته خلوود ماشااء الله تباارك الله
الله يحفظه ويخلييه اهوا واخييته
ويتربى بعزكم ان شاء الله

لج وحشششششه والله

إمـرأة لا تُنسـى يقول...

الحبيبة طموحة مملوحة
أجر وعافية ان شاء الله طهور
احسن شي سويتيه انج اخذتي اجازة من ضغوط الدراسة ولويتها، فعلا الراحة النفسية نص العلاج

يبي لج سفرة تغير جو :)

اجتماعي يقول...

الحمدلله على سلامتج ..

وزين سويتي سحبتي الصيفي ..

لأن الجو .. إبدااع !!

خل نشوف همتج من يديد :)
بس لا تسولفين وايد ..

esTeKaNa يقول...

صباح الخير

الف لا باس عليج
أسأل الله العظيم رب العرش الكريم اني يشفيك،لا تتركين المعوذات وارقي نفسك يوميا واجر وعافيه يارب
:)
والله يحفظ خلود ويطرح فيه البركة يارب

Alikingkw يقول...

تقومين بالسلامة انشاء الله وما تشوفين شر

Yang يقول...

ماتشوفين شر, وبالسلامة انشاء الله


اجر وعافية

elsha3er يقول...

السلام عليكم

حمدالله على سلامتك اختى الغالية ويارب يتم شفائك على خير

وبطلب منك تدعيلى ان بقة المرة دى لانى دخلت فى دور برد شديد اسف لو مش حقدر اتابعك الفترة الجاية وان شاء الله يتم الشفا بألف خير


تحياتى


احمد الشاعر

alala يقول...

أجر و عافية ... و حمدلله على سلامتج

يا معودة دفعي صدقة دفعة بلا عن عمرج عيون الناس ما ترحم :)

و صدق من قال ((ان شاء الله اللي رضوا على المال العام و لا انتي))

و مبروك ما ياكم ... الله يحفظه ان شاء الله :)

نون النساء يقول...

أجر وعافيه ان شاء الله


بغيت ما اقولج شيلي الحشرات وحذفيهم بالسكه
بس خفت

هههههههههههههه



معافاة ومكافاة بالأجر حبيبتي




ومبارك عليكم العنووون الله يطرح فيه البركه
ويكبر وينطّق :P

طموحة مملوحة يقول...

غير معرف 1 (( دانة ))

بعد خشمي والله انتي ايي تكفين ابي ماي بس قليل نسبة الصوديوم فيه بليييز لوووول



حبيبتي ما انحرم منج ولا من الكنادرة كلهم لوووول


خو منو بعرف دانة الكندري؟؟ انتي وثنتين من رفيجاتي كلكم دانة الكندري لووووول

طموحة مملوحة يقول...

ابو الدستور

الله يسلمك ... ادري ادري الي صار فيني من الاستجواب ترا :p

طموحة مملوحة يقول...

غير معرف2


سلمك الله اول كان حايشني فايرس بحلجي وذكرت هالشي ببوست قديم ماكنت ادري شنو اهو وذكرت دكاترة العدان شقالوا لي ماكانوا يدرون شنو هالمشكلة المهم عطوني علاج له خف بس للحين في اثار كان تطلع فقاعات ماي ووايد يطلع دم من حلجي ، المهم ماكانوا يدرون ان هذا فايرس ولا انا كنت ادري بعد ماخف شوي الي بشفايفي انتقل لي ايدي اليمنى بين اصابعي وشل حركة يدي وبعدها صار التهابات حادة بالاوردة الدموية كادت ان تؤدي الى جلطة بالاوردة لولا تدارك الامر ولله الحمد المهم الاوردة بيدي كلها انتفخت وصارت ايدي كلها مثل الخريطة كلها خطوط حمرا متفوخة وماقدر احركها كلش ، لمن حسيت ان الموضوع بدا يمشي لي رقبتي وصرت حتى ماقدر ابلع ريجي رحت المستشفيات الي ذكرتها والحمدلله عطوني علاج وعندي مواعيد بمستشفى الامراض السارية كان على اساس يسوون لي عملية جراحية بس الدكتور ماكان موجود فمستشفى الامراض السارية عطتني علاج ومستشفى اسعد الحمد عطوني علاج اذا ما صار اوكي بيسوون العملية بس الحمدلله العوار قام يخف والفقاعات فشت شوي :) الحمدلله

ومنعوني من اني اسلم على احد او احد ياكل من وراي لأنه معدي جدا ...
والحمدلله اني ماخذة دورات بالتمريض قاعدة اضمد نفسي واعالج روحي :p

الحمدلله على كل حال وناطرة والله متى يروح كلش علشان ارد ارسم مثل اول . بس الشي الي مخرعني ان اول مرة اشوف جذي شي وبين اصابعي واول مرة ايدي تنتفخ جذي كنت احس انها بتنفجر لأنها كانت حارة حييييل .

طموحة مملوحة يقول...

Enter-Q8



لوووول هذي هلوسة وتخاريف المرض ياخالد ...

اي والله صدقت

يزاك الله خير

طموحة مملوحة يقول...

SHAHAD


الله يبارك فيج يالغالية ... شوفي انا ناطرة عليه شوي تتعدل ملامحه واصوره لأنه جيكر لوول

طموحة مملوحة يقول...

طز بالرجالة


والله كلهم قالوا لي بحاول ان شاء الله وقاعدة ارقي نفسي الحمدلله فديتج حبيبتي تخافين علي ؟؟؟

ان شاء الله بصير جيدة وماقول كل شي واخاف على نفسي لووول ...

مع اني مقتنعة بأن كل الي يصير لنا الله كاتبه بس ان شاء الله بحافظ على نفسي

فديتنج والله

طموحة مملوحة يقول...

أستاذ حمام



الله يعافيك يارب


يزاك الله يخير وان شاء الله ماراح اقطع عن التدوين

طموحة مملوحة يقول...

Q8EL5AIR


بعد خشمي والله انت فيك الخير :)

طموحة مملوحة يقول...

ناصر المطيري


يعطيك العافية والله مادري شقول لك بس يزاك الله الف خير وسلم على اخوك وقول له تكفى تعال افتح لك عيادة بالكويت خاصة وبروح له علطول والله احنا محتاجين لخبرته بس لا يروح العدان تكفة لوووول

سلم عليه وايد وقول له سارة تدعي لك ليل ونهار عسى الله يوفجكم يارب

طموحة مملوحة يقول...

just a bunch of thoughts


بعد قلبي انتي الله يبارك فيج يالغالية اي والله بقعد اقرا ليل ونهار ان شاء الله واحصن نفسي

طموحة مملوحة يقول...

بو سعد



اي والله أجر

طموحة مملوحة يقول...

88

بعد عمري انتي شلونج ؟؟

من صجج حسسوني اني قاعدة بسوق ماسكة جياس ادوية :(


بعد راسي شفتي خويلد ؟؟؟



لووول فديتج لا تقاطعيني ترا احبج في الله والله :)

طموحة مملوحة يقول...

إمـرأة لا تُنسـى


بعد قلبي انتي والله حبيب قلبي ابوي زفني قال لي ماكو دراسة خل تولي الدراسة المهم انتي ...

اي والله يبيله بس مو وقته الحين والله ان شاء الله جريب


فدرتنج والله وفديت ردج بعد راسي انتي والله

طموحة مملوحة يقول...

اجتماعي


لووووول احس انك زفيتني ان شاء الله ما اسولف وايد لووووول



الدنيا خريف والجو تخاريف :)

طموحة مملوحة يقول...

esTeKaNa


صباح الورد يا وردة المدونين كلهم .. يبيله استكانة جاي والله

بعد راسي انتي والله يزاج الله خير

طموحة مملوحة يقول...

Alikingkw


الله يسلمك ياخوي العزيز

طموحة مملوحة يقول...

Yang


الله يعافيك يايانغ



ماقصرت والله فيك الخير

طموحة مملوحة يقول...

elsha3er



ربنا يشفيك ويشفي جميع المرضى يارب

اشرب لبن كويس :)

متشكرة اوي يابن خالتي

طموحة مملوحة يقول...

alala


بعد راسي انتي والله اي والله دفعة بلا ان شاء الله ماراح انسى هالشي .. :(

اتوقع لو انا ماخذة ال5 ملاييين بصرفها بعلاج الاوادم المساكين الي بالمستشفيات لا تشوفيني قمت اسب استغفر الله ، والله من تعامل الوحوش الي بالعدان يخرب بيتهم سبيتهم سب قوي قعدت ابجي والله لأن في حالات اشوفها جدامي خلتني اكره الدنيا لابوها من دنيا لابوها من فلوس الصحة والعافية والله تسوى هالملاييين كلها

طموحة مملوحة يقول...

نون النساء

لووووول لا تشوفين شسووا فيني سين وجيم

* متى آخر مرة مسكتي حشرة ؟

*كنتي لابسة قفازات ولا لا ؟؟

اذكر بالرحلة مسكت حشرة بس هم زميل معاي مسكها ماعتقد كانت السبب لووول



يعطيج العافية يالغالية :) لا تخافين مسكرة على الحشرات عدل :)

غير معرف يقول...

أنا دايما اتابع كاركتيرج لأن تخاريفج تعور راسي وتيبلي صداع نصفي:)
علشان جذي تأخرت بالرد عالموضوع

(أتغشمر معاج)

:)

عالعموم..
سلامات ماتشوفين شر يالغالية

تحياتي

طموحة مملوحة يقول...

غير معرف


اي والله صدقت لووووول عندي رسمات يديدة بس للحين ماحطيتهم اعتذر على الطوالة من زمان ماحطيت رسمات بمدونتي الثانية


يعطيك العافية اخوي العزيز

عزيز يقول...

الله يقومج بالسلامه انشالله

*Being One يقول...

مـا تشووفين شر حبيبتي الحمدالله على سلامتج ^^,

علي الملا يقول...

الحمد لله على السلامة يالمتسببة انتي كل شي تبين تتصيدين عليه انتبهي لصحتج :P


ننتظر حلاوة السلامة

علي الملا يقول...

اي صح نسيت

ليش ما شكرتيني حتى لو تسكيته بس :( ودي ابجي :(

الحــــٌر يقول...

مساء الخير

مبروك ما ياكم

ويتربى بعزكم

الله يجعله من الذرية الصالحة

دمتي بخير
:)

bo rashed يقول...

افا ياذا العلم

مو بشارة والله

سلامتج يا سارونة التدوين

وانتي الله يهداج دوم اشوفج تجارب

وحشرات غريبة

ديري بالج يا يبا

ترا هالأشياء ممكن تنقلج امراض

الله يحفظج من كل شر

سامحيني على التأخير

بس مادريت إالا الحين

خطاج السو

وانشالله اجر وعافية

Manal يقول...

ما تشوفين شر
ومبروك ما ياكم

:)

جنون الكويت يقول...

سلامات طموحه وماتشوفين شر ..........
الله يشافيج انشالله .............
بس ديربالج من مستشفيات الكويت

طز بالرجالة يقول...

هاااو شلون ما اخاف عليج اكيد اخاف عليج
عزيزة و غالية و مونستنا بسوالفج
بس اتمنى انج تدارين على شمعتج مثل ما قلت لج

مبروك البيبي و يتربي بعزكم ان شاء الله
سلامات يا حبي

علي إسماعيل الشطي يقول...

أجر و عافية أختي و ماتشوفين شر

تمنياتي لك الشفاء العاجل

تحياتي

مركبنا يقول...

يـــ365ـــوم على اختفاء حسين الفضاله …
ساهم بوضع البنر في مدونتك
http://3.bp.blogspot.com/_xJiMP6a3EM8/Sk0coxUQwFI/AAAAAAAAAhE/7w1Ki9T5DrU/s1600-h/alfodhalah.jpg
وشارك معنا في حملة مدونة نقاط
http://www.nqa6.com/2009/07/blog-post.html

طموحة مملوحة يقول...

عزيز


مشكور:)

طموحة مملوحة يقول...

*Being One


الله يسلمج عزيزتي :)

طموحة مملوحة يقول...

علي الملا


لوووووول اشكرك على وجودك وعلى ردك وعلى كلامك العسل اشكرك على وجودك في الحياة لووووول

بعدين شسوي انا المناعة عندي ضعيفة :( وكل فترة وفترة لازم يصير فيني شي موحلو شسوي يعني:(؟؟

طموحة مملوحة يقول...

الحر


يزاك الله الف خير اخوي الكريم :)

طموحة مملوحة يقول...

bo rashed


أفا ياذا الأدب :p

بوراشد من صغري امسك حشرات والحين لازم احط قفازات وامسكهم شوي شوي وحالتي حالة لا يبا حلاته تمسك الحشرة بيدك المجردة لوووول ...

لا والله مو من الحشرات ظلموا الحشرات واهم ماسووا لي شي:(

هذا فايرس مادري من وين ياي والله بس يعدي علشان جذي قاعدة بروحي في البيت علشان ما اعدي احد وخلودي الصغير للحين مابسته :( هل يعقل ذلك ؟؟

بعد خشمي والله انت بوراشد لا تشوف شكثر استانس لمن اشوف ردودك النادرة في مدونتي ماننحرمشي:)

طموحة مملوحة يقول...

Manal


مايجيييج ياعمري والله يبارك فيج يالغالية :) الفال نشوف عيالج يارب:)

طموحة مملوحة يقول...

جنون الكويت



جنونتي الغالية يعطيج العافية حبيبتي انتي :)

طموحة مملوحة يقول...

طز بالرجالة


بعد خشمي انتي والله الله لا يحرمني منج يارب قولي آميين ؟

طموحة مملوحة يقول...

أخي علي إسماعيل الشطي



يزاك الله خير ياخوي العزيز

طموحة مملوحة يقول...

مركبنا


بعد خشمي والله وياكم اكيد :)

bai'6aweeya يقول...

الف بالسلاامه علييج حبوبتي وماتشووفين شر يالغااليه ..I'm new :)

طموحة مملوحة يقول...

يعطيج العافية اختي الغالية :)

ولكم بعالم التدوين :)

(( أبوغرايم )) يقول...

سلامتك أخيتي وماتشوووفين شر وطمنينا عن أحوالج لاتقاطعين

تروحين وإتردين سالمه غانمه يااارب

خطااكم السوو