2009-07-11

جمعية الصباحية التهالكية !!!!



*************** تحديث **************
لووووول شوفوا جريدة الوطن واقروا مهرجان جمعية الصباحية لوووول









سكان منطقة الصباحية الكرام






أقدر مواقفكم الرائعة تجاه منطقتكم ، وجهودكم الجبارة ولكني أعتب عليكم السكوت عن ما يحدث في (( الجبرة )) أقصد جمعية الصباحية الغير تعاونية :)










.................
























طبعا بالنسبة لي ماروح الجمعية الا اذا بغيت ادفع فواتيري هناك بسرعة واطلع ، فشفت عمال وقاعدين يعدلون الجمعية قلت اكشخ توهم يستوعبون ان الدنيا تطورت ؟؟؟ قلت يالله اجيك على الجمعية من داخل @@ ولا اهي اهي لوووول




على قولة المثل الي يقول (( هالله هالله من برا يعلم الله من جوا ))
















اليكم اعزائي القراء نقاط مهمة من بعدها ادعوكم لزيارة جمعية الصباحية وقولوا طموحة جذابة لووول .










* دائما الترتيب منعدم في الجمعية كي نجد رف الشامبو وبعد رفييين تكملة رف الشامبو فتضييع شهالعفسة الموطبيعية ؟










*حمامات تكرمون مرة وحدة كنت محتاجة حمام لأني كنت ماخذة طفل معاي وسوا لي فضيحة فدخلوني مكان يخرع دشبته قلت انا اليوم راح اطلع ميتة لوووول قذارة ووساخة وبالاخير تكرمون حمام جن حمامات الاستراحات لمن الواحد يسافر بسيارته لوول .














*الأرفف هناك حدث ولا حرج لووول الحلاو والكااكاو المفروض يكونون بصوب واحد ، فتلقى حلاو حلاو حلاو بهارات بهارات فستق حب حب فسق كاكاو كاكاو كاكاو .. بعدين غرفة صغيرة على صوب هم فيها حلاو وكاكاو مادري هذا الفائض ولا شالسالفة ماتدري .












* الاسعار طبعا بوق اشكرة عيني عينك ينصدم الواحد من الاسعار هناك وين الحسيب والرقيب ماكو .










* طبعا تصير مهرجانات عمرة ومادري شنو واهل المنطقة مايدرون لوووول ، وماعندنا مثل الجمعيات الي شايفة خير الي تسوي تذاكر تخفيضات حق اهل المنطقة كلش ماكو ... يقصون علينا روحوا مرح لاند وحمدوا ربكم انها بالصباحية :) .








* مرة بسنة من السنوات سطروا مجموعة سيارات يم بعض وبأخر السنة ماندري منو فاز فيهم لووول ولا عطونا خبر ولا ندري سبحان الله لوووول .












* هناك سلمكم الله شافوا صعيدي يبني بيت قالوا له تصير محاسب بجمعية الصباحية ؟؟؟ كله مصريين وهنود تارسين الجمعية اكثر من الناس الي تيي الجمعية لووول ، ويليت يلبسون Uniform لبس البيت سلمكم الله ماتدري هذا واحد ياي يشتري ولا يطلع يشتغل بالجمعية لوووول .




* سوالف ستار بكس ، بودي شوب ، كليرز هالسوالف الحلوة هذي ماعندنا لا انسوا حطوا لنا مطعم هندي بنص الساحة الي برا وقالوا وايد عليكم ترا :p .












* الكاشير مسخرة طبعا مرة قلت له بدفع كي نت ولا يقول لي تعالي ورايا ، ووداني الكاشير الي عقب عقب عقبه لووول طلع كي نت واحد بس حق جمعية كاملة لووول .










برب @ امي نادتني وقطعت حبل أفكاري @ برب




























ــــــــــــــــــــــــــــــــــــــــــ












بــــــــــــــــــــــــاك
















* صار موقف مرة مع الوالدة اهي تجيك وايد على تواريخ الانتهاء ، فلقت ممنتج منتهي من زمان لمن نادت الي يشتغل هناك شاف العلبة ولا ينادي ربعه شالوه بسرعة بسرعة لووول








* المنتجات هناك تحسسني اني عايشة بزمن مبروكة ومحظوظة لمن اشتغلوا بجمعية ، والله يحسسوني داشة حواج مو جمعية ، ونص الاغراض مغبرة .








* بيت جيرانا حبوا يسوون مفاجأة حق ولدهم بعيد ميلاده فشروا له كيكة من جمعية الصباحية لووول ومستانسين حدهم فلمن قطعوا الكيكة ولا يتفاجؤون بدودة كبيرة لووول بالنسبة لهم يمكن الوضع مفاجئ بالنسبة لي يمكن عادي آكلها جن العيد .








* سلمكم الله في ساحة برا مسوينها حق التقحيص كله قواري وقحص الناس ماتقدر تمشي واعليا .










* طبعا مكتبة عامة كان عندنا مكتبة عامة احترفت وخلاص مولازم الطلبة والهواة في منطقة الصباحية يقرون ، خل يروحون حق المناطق المجاورة يزاهم الله خير :) .












* طبعا ترتيب الماكينات ما أأولكومشي لووول ماكينة بيبسي بصوب وماكينة بيبسي ثانية بعييييييييييييييد عنها حييييل وبعدين ماكينة عصاير منخشة عنهم بصوب بعييييد ، تمشي وتنسى موضوع العصاير والمشروبات ... تروح صوب الصابون تطلع لك ماكينة رد بول هذي ششايبها هني لوووول .












والله جمعية الصباحية تذكرني بسوق الجمعة على العفسة الي فيها .












لذا ادعوكم لزيارة لجمعية الصباحية والاستمتاع بمنظر الرقي الي اهي فيه :) وقبل ماتروحون طقوا فرة على جمعية الخالدية أو الشامية أو مشرف او اي من الجمعيات الي شايفة خير بعدين سيدة روحوا لجمعية الصباحية :)


























ــــــــــــــــــــــــــــــــــــــــــــــــــــــــــــ








موقف غبي شوي












بمصافط جمعية الصباحية مو الي فوق الي تحت ، المهم بالمصافط تلقون السيارات تسوي قوانين مرور من كيفها ماتدري وين الروحة ووين الردة فوقف الشارع وهرنات والناس ناطرة ناطرة ناطرة وبالاخير شنو ؟؟ واحد وقف سيارته بنص الشارع علشان ينزل يسلم على رفيجه الي واقف بالطرف الثاني @@






نطلع من سياراتنا نلطم يعني من المشهد الفظيع هذا مثلا ؟ ؟؟














ـــــــــــــــــــــــــــــــــــــــــــــــــــــــــــ
















لمن كنت صغيرة كنت اشوف كل فترة دفاتر حسابات والنشااطات الي يسوونها طبعا انا كنت احب اقرا واشوف اهم شمسوين بس الحين ماكو من هالاشياء فمستغربة يعني عاجبهم وضع الناس الي ساكتة؟؟


















وشي ثاني اذكر قبل سنوات شفت مشروع كانوا يبون يسوونه انهم يعدلون الجمعية وطبعا لازم يحطون رسم قبل التنفيذ ويحطون سيارات وناس تمشي فحاطين وحدة شقرا لابسة قصير تمشي ، انا بطيتها ضحك من قلب لوووووول ماعندنا هالاشياء بمنطقتنا شهالخيال ؟؟؟














والله نصيحة روحوا بس اشتروا بطل بيبسي واستمتعوا بالمناظر هناك :) ولاتنسون تعدون جم واحد يشتغل بالجمعية . :)










كل عام وانتي بتطور ياجمعية الصباحية :)










,,,,,,,,,,,,,,,,,,,,,,,,






اجتماعي سامحني وايد سولفت لووول

37 comments:

غير معرف يقول...

بالكويت نقول: من فوق هالله هالله و من تحت يعلم الله!!

Jako يقول...

واحد وقف سيارته بنص الشارع علشان ينزل يسلم على رفيجه الي واقف بالطرف الثاني @@

طموحة صار معاي نفس هالوقف لكن في جامعة الكويت في مصافط p12 بالشويخ تخيلي طلبة جامعة جذي@@
طبعا ما قصرت فيهم :)

3BeeDo ;) يقول...

انا مره كنت رايح مخفر الصباحيه الصراحه مريت يم الجمعيه مادري من وين الناس يدشون لها ألفت طريج حتى لمن طلعت رونق سايد عادي محد كلمني ولا شي وبدوار بعد طلعت رونق سايد وعادي جنه العيد وقفولي ومشيت
لانه لاعت جبدي مادري من وين اطلع ألفت طلعه من المنطقه الغبية:>
بس ترى رايح المخفر عشان ورقه حادث مو اي شي ثاني وانا مو من سكانها عشان لحد يتهم بس :P

اجتماعي يقول...

ههههه ..

الله يهنيكم بجمعيتكم ..

أعتقد جمعيتنا تسير على خطاها ..
بس الفرق إن جمعيتنا يديدة نسبيا ..

صارلها تقريبا بس 10 سنين

عنيف يقول...

الحال من بعضه سيم سيم ما في فرق ودي اقولها بلغات اخرى بس ما اعرف

زي بعضوو بالمغربي نسيت شلون تنقال

خااالف تعرف يقول...

عادي تعالي بمنطقتنا صباح الناصر راح تشوفين العجايب

نفس حالتكم واردى شوي

في انتخابات جمعية المرشحين يكسرون الصندوق وين قاعدين موريتانيا

واعضاءنا.. لا حياة لمن تنادى بالعكس يضغطون عالوزير لايحولها نيابة!!
..ادري مصدومين
:)

{~المباركية~} يقول...

صدمتيني لما قلتي جمعيتكم فيها مواقف طابقين طلع عندكم تطور جايد بالجمعيه و جمعيتنا ماوصلت له

انا اكره الجمعيات التعاونيه
اكثر شي اروح مركز سلطان الي يمنا بسلوى خطوتين

لانه جمعيتنا بايخه كلها مصبنه و مصخره
مسوينه مركز تجمعهم

يبيله على يوم انييب اليهال على فضاوتهم يعدلون الجمعيه

فدوه لعيون فدعة الصباحية يقول...

في أمور ثانيه ماتعرفونها , انا اشتغل بشركة انزل بضاعه بجمعيتكم البائسه , يذلونا ذل عشان يطلع منهم الدينار ولمه إنزل بضاعه عندكم لازم نعطيهم على كل مجموعه كرتون مجاني بس طبعا اهم يبيعونه بدون ما يكون مقيد عشان يبلعون فلوسه , دشي داخل قسم الماليه تلقين 7 مصريين كل واحد مشغل قرآن ومعليه عالآخر وقاعد يسبون بعض بنفس الوقت ,بس الموضوع المصيري الحين جم لازم ادفع حق حبيبج خلو عشان اخذ مكانه ؟ ترى القصد زواج والعصمه بإيدج بعد , سارعي العرض محدود :>

طموحة مملوحة يقول...

غير معرف


توني أدري ولا مرة سمعت بهالمثل هني لووول متى ينقال :p

طموحة مملوحة يقول...

jako



بالجامعة بعد ؟؟؟ شفيهم الشباب ؟؟؟

ويتطنزون على الهنود طلعوا الهنود احسن منهم والله

طموحة مملوحة يقول...

3BeeDo ;)


لووووووول اعترف شمسوي ؟؟ فالع لك هندي ولا شي؟ ؟

اي شفت العفيسة ؟؟

طموحة مملوحة يقول...

اجتماعي


الله يعينكم انا قلت اتحجى لأني مواطنة ماحب اشوف الغلط واسكت والله :p

طموحة مملوحة يقول...

عنيف


من عذر انتو يمنا خو الوباء منتشر لوول

طموحة مملوحة يقول...

خالف تعرف

امبي صدمتني على الصناديق @@

لوووول خلني ساكتة اخاف اتحجى يزعلون مني :p

طموحة مملوحة يقول...

المباركية

لالا المواقف فوق بصوب والمواقف الي تحت بصوب ثاني لووول ..


احنا بعد عندنا مصبنة بغيت اتكافخ مع واحد عمره 12 سنة بس بعدين تذكرت اني بنت كبيرة لوول

طموحة مملوحة يقول...

فدوه لعيون فدعة الصباحية

لوووول اصدمني اكثر والله مرة سألت مصري قلت له وين المهرجانات ؟؟ نبي تذاكر حق الترفيهية الشعب شي خلونا نستانس جان يقول احنا نعمل واللهِ هوانتي بالمنطقة دي أول مرة اشوفج .. لوووول قلت له انا ما اتعامل مع الجمعية لأنها اي كلام جان يقول لا ليه بتؤولي كده دحنا متعاونين اوي مع الناس ..

ياعمي حتى جرايد ماحب اشتري من عندهم والله ...


لوووول ماراح ارد عليك على الجزئية الأخيرة لوووول بس عرفت انت منو .. :)

*Being One يقول...

الله يعيينكم !

Sn3a يقول...

بيييه
عاد الجمعيه ترا اهم شي بالمنطقه

الله يعينكم
الخالديه حلوة ومركز سلطان حولي

طموح مملوح يقول...

اقول ترى كل الجمعيات بوووق بس انا ابي اقول شغله في مرض قديم اسمه انفلونزا التعاونيه هذا مرض محد لقاله علاج بس علاجه خيزرانه ولسب...

العلاج عند الوالد... لوووووول

Bu Jassem يقول...

:))
لو سمحتي هذي الجمعيه قضينا طفولتنا في سردابها بين البريد والمستوصف والمكتبه
ولو سمحتي رقم صندوقنا
8765 لا تخليني لانه من سنين ما شرينا منها
وذاك اليوم رحت بشتري ولا يقولون لي موقفين الصندوق قلنا يمكن الوالد متوفي
قلت لا بارك الله فيكم :)

seven يقول...

لووووووووووووووووول

أنا مريــح نفــسي و أرووح مركز سلطان الفحيحيل

بعدين إني ظلمتي الجمعيه

أولاً : الجمعية أرضت كل الأطراف و حطت لكم ثلاث مطاعم مشويات جنب بعـض و مطعم فطاير تركي و مطعم عربي جنب بعـض

و حطت لكم مطعم هندي ورى و هم فطاير بصوبه

و محل ريـاضه و جنبه محل لوازم عائليه إلي مع الوقت أخذ محل الرياضيه و صار مخلط لبسهم و بو طقه من أمه

الفايده الحلوه هنااك " الحواج "

بصراحه شالوا كل الحواويج إلي بالصباحيه بس الحمد لله هذا موجود

داخل الجمعيـه حيل حيل منظمه ما شاء الله

أقترح عليــهم يحطون " نافيقيشن و يركبونها بسلة الجمعيه

بعديــن كلامج صح عن المكتبه العامه إلي كنت مستفيــد منها أيام البحوث بس إذا تذكريــنها أو رحتي لها

المكان إلي كانت فيــه يعتبر منفى و الداخل مفقود و الخارج منه مولود

المهم شالوها

على فكره أنتخاباتهم الأخيـره رحت لهم و ضاق خلقي و قلت عوووع ماني مصوت و رديـت البيت

المهم بعد ما رديت أنا صكت هوشه و كنسلوا أنتخاباتهم

و من الكلام إن ادارة الجمعيه عليـها كلام و أختلاسات كبيره

و من الكلام

إن مجلة الجمعية الأخيــره أحتوت على أكثر من 110 صور لرئيس الجمعيــه

لووووووووووووووووول

طموحة مملوحة يقول...

*Being One

دحنا غلابة :(

لووول لا عادي انا اروح مركز سلطان فحيحيل والحين الي بالكوت ياسلام مطيحة هناك عند السوشي لووول

طموحة مملوحة يقول...

Sn3a


اي جمعية الخالدية اوووف ايام الجامعة وايد اروح اقحص هناك لووول لا واذا عندنا رحلة حقلية انا ورفيجاتي مانشتري الا من الخالدية نيييب سوالف يهال حلويات وبربيكان وبلعة وناسة لووول كافي شكل الجمعية يفتح النفس حلاته ناكل الجمعية كلها لووول


ذقتي الكشري هناك ؟

طموحة مملوحة يقول...

طموح مملوح


لوووووول لا بس جد والله انا وايد اقارن الاسعار وجمعيتنا يخرب بيت اسعارهم والله بوق والله ماشتري لا واذا لقيت احد من الادارة يمشي اسبهم لووول بصوت عالي لابوها من جمعية لابوها من ادراة مالت عليهم لووووول

طموحة مملوحة يقول...

Bu Jassem


امبي والله ماسكة بطني من الضحك اي صح اول لمن مجلة ماجد يدزون لي هديتي 10 دراهم بالبريد الي يم المستوصف كان وناسة اروح هناك حده خبال لوووول والجمعية كلها خرابيط فنانين المنطقة لووول ...

والله احنا رقمنا عبيط بعد

طموحة مملوحة يقول...

seven


لوووول وناسة اغلب المدونين طلعوا من الصباحية انا اقول ياربي هالمنطقة مستحيل ماتطلع مبدعين الحمدلله لوول


المكتبة العامة والله انا كنت اروح الفحيحيل وهدية بس صج مكان المكتبة عندنا يخرع وقالوا بعيدونها بعد ما احترقت للحين ماشفنا شي .. غيرواالارضية برا مع الماي نتزحلق لووول ذاك اليوم والله لابسة عباية وقحصت فيها من الماي لوووول شكلي حده كان يضحك واليهال معاي على بالهم العب لوووول قحصوا معاي لحظة شهالعبالة ؟؟

لا وصج قالعين المحلات ملابس رياضية وتصوير بآخر الدنيا لووول والصيدلية غالية من قلب تدري ..!!!!


ولا محل الملابس الرياضية يخرب بيت الشغلة مرة رحت بشتري حق ولد اخوي لاعت جبدي كنت بقول حق راعي المحل ارتب لك المحل ؟؟

يتعب النفسية والله :)


الحمدلله ان في مركز سلطان لووول

elsha3er يقول...

هناك سلمكم الله شافوا صعيدي يبني بيت قالوا له تصير محاسب بجمعية الصباحية ؟؟؟ كله مصريين وهنود تارسين الجمعية اكثر من الناس الي تيي الجمعية لووول



كله مصريين وهنود تارسين الجمعية


تحياتى


احمد الشاعر

طموحة مملوحة يقول...

اخوي الشاعر


القصد من كلامي ليس الاستهزا هذي الأماكن يشتغل فيها ذوي الجنسية الفلبينية في كل مكان وليس المصرييين ولكن نستغرب من وجودهم في الجمعية ..

مش حتفهمني والله بس مش قصدي الاستهزاء :)

elsha3er يقول...

السلام عليكم

يمكن بس بجد انا اتضيقت جدا عشان كدة حتى ما رضتش ارد سبت كلامك يرد عنك لانى كنت متضايق جدا يمكن اللى انتى بتقولية انا فهمته غلط بس كنتى المفروض تراعى المشاعر ان فى ناس مصريين حتقراة

تحياتى

احمد الشاعر

seven يقول...

لووووووووووول

بما إنا من رواد الجمعيــه خليــنا نكثف الأنتقاد

يمكن تصير جمعيتنا مثل مجمع الشاميه

أسف قصدي جمعية الشاميه

" محل النظارات " بو طقه

المكتبه إلي فوق تبيـع حتى أشرطة أغاني

لوووول

خووش مكتبه

الجمعية هذه تعتبر الأولى بالكويت من عدد المصافط

و المحببه للأطفال

الأطفال يحبون يروحون مع أهلهم للجمعيــه

عشــان الصعده للمصافد " فوق المستوصف " و النزله

تمام خووش حركة

أعتقد اليابان يدرسون هالفكره الحيــن


بالنسبة للأرضيه إلي قدام باب الجمعيــه

و الله كلامج صج

أنا أمشي خطوه و أشفط خطوه

ما عندي مانع للإنزلاق و خصوصاً لأني اخاف من الحوادث فلازم أمشي و أنا مركز بسبب تهور أصحاب الدراجات الهوائيه

صالون النساء كان بالضبط بالضبط أمام باب الخروج مال الجمعيه

بصراحه خوش نظام

من يفتحون باب الصالون الأسود إلي كأنه باب " حمام " تشووف إلي داخل مربطيـن لعمل سمكرة و تطشيب و بوليش

لووووول

أووف بس أكثر إلي قاهرني ثلاث مطاعم جنب بعض و كل واحد أزفت من الثــاني

ليش ما في ستاربكس أو سكند كب

ليش مافي فيش ماركت

ماكوو

ما كوو

ما تعودنا من الصباحيه هالتأخر إلي صاير

كنا بالمقدمه بشتى المجالات

راحت أيام نوبل إلي كل سنه كنا نفوز فيــها

و الأوسكار هم سنه و ترك تفوز فيـها فنانة من الصباحيـه

و أفضل لاعب بالعالم كان أخر لاعب محمد بنيان

حسافه عليــج يا درة الكويت على قولة " عضو مجلس أمه " بغيت اهفه بالطفايه من القهر من الجذب إلي قاله

و بس

تعبت

3BeeDo ;) يقول...

لا والله مو مسوي شي :> عشان باخذ ورقه حادث لا اكثر ولا اقل:>
بس مادخلت الجمعيه بس شفت المرور المنتظم الصراحه :P

طموحة مملوحة يقول...

ابن خالتي الشاعر

انا ماأولتش حاجة غلط وماسبيتش اوعى تفهمني غلط وتزعل ، انا انتقدت الجميع بصراحة حاطين رف واحد مصري وهندي وماسكين الجمعية كلها والكويتة ماعرفش هما فين .. بس اسم بس ومابيعملووش ولا حاجة @@

الموضوع مش موضوع جنسية انا انتقدت فقط ... واكثر كلامي عن الناس الكويتة الي بيمسكوا الجمعية التعبانة دي :(

حقك علي ان كنت فهمتني غلط

طموحة مملوحة يقول...

seven


لوووووول امبي ذكرتني مرة رحت المكتبة ولا اشوف صفة اشرطة اغاني ولا تدش وحدة تقول له جم تبيع لي كل الاشرطة ؟؟ ابي احرقهم .. احنا طالعناها شدعوة !!!
جان يقول لها مايصير ولا تقول بشتريها كلها بس قولي جم لوول


على طاري الصعدة لووووول اي والله لمن كنا صغار نقول لأبوي تكفة ودنا من هني علشان الصعدة لوووووووول امبي مادري على شنو تونس لوووول

يخرب بيت السالفة ..



لوووووول الصباحية كانت شي والحين مو شي ؟؟؟

والله من عمر الصباحية الله بالخير لووول


اذكر بحفل تفوق مومصدقين بيسوون لنا حفل تكريم .. طلع الحفل علطول توزيع جوائز والجوائز شهادة واذكر سنسلة كحيانة زين طلع منهم شي بس لووول

اوووف انا بعد تعبت خلاص بروح انتحر وارد

طموحة مملوحة يقول...

3BeeDo ;)


استعبط مو من صجي لووول

لا عند المخفر اول لمن كنا نروح المستوصف الشارع مسكر من صوب المخفر الي يمه البانزين والشارع حق سيارة وحدة بس روحة وردة شلون يعني ؟؟؟ يصير الشارع مثل حلقة بوخرشد الي راح صوب الهنود

أثـَـر ... يقول...

ههه .,

أدعوك لزيارة جمعية الجميع ., جمعية الفيحا فأراه بمثابة سبـا لقاطني منطقة الصباحبـة !

ههه

طموحة مملوحة يقول...

أثر


لووول الظاهر جمعياتنا يشوفون منو اردى منهم مو منو احسن منهم لووول

سامي يقول...

عاد الله يهداك مالقيتي الا حمد مطر! لا والله انتي من هالبنات اللي يغارون من النائبات

اقول عطوها فرصه وبعدين غيروها