2009-07-15

يقولون الهوى بلوى




أدري عنوان الموضوع ماله شغل بالموضوع بتاتا لوووووول ، بس هالجملة وايد اقولها وخاصة بالجامعة لمن اتوهق بالدراسة لووول .
بوستي اليوم شوي فصلة لأن كنت افكر احط بوست مشحون بشحنات سالبة ضد الرجل . وليس كل الرجال طبعا :)
بس قلت نحلي أول بعدين عاد ندش بالمواضي عالي تغث :)
ـــــــــــــــــــــــــــــــــــــــــ
..
..
عطلتي مملة جدا ومادري شنو الي مقعدني بالبيت لا دوام جامعة ولا دوام مجلة ومريحة اعصابي بس مادري قاعدة اضيع وقتي كله على التتنيحات والانسجام مع نفسي ، ومابي احد يزعجني ولا صوت ولا شي مجرد قاعدة مجابلة الطوفة حتى مادري شفكر فيه استغفر الله .
شريت لي كذا كتاب والله شكلهم يشوق للقراءة بس مع شديد الاسف البيت وازعاجه مو مال قراءة .
يبيله يوغا والله
..
..
ـــــــــــــــــــــــــــــــــــــــــــــــــــــــــــــــ
..
..
اعزائي القراء أقدم لكم نخبة من البنات الحلوين الأمورين الي يقطرون عسل ، بصراحة الغيرة الشديدة الي فيني خلتني أفضحهم .
ليش اهم حلوين جذي ؟
وليش شفايفهم وايد حلوة وكلش ماكو شنب ؟؟
وليش شعرهم سايح حلو يلمع ؟؟
وليش اجسامهم حلوة ممشوقة سكسية ؟
أقدم لكم نخبة من ملكات الجمال ... الي بيخلونا نعنس :p
..
..

من فوق يمين : شفيقة ، صفيقة ، مليقة ، هليقة ، نهيقة :p









هذول أحلا ثنتين الطلب عليهم وايد بصراحة ، انا اغار من الي على اليمين بصراحة ، عيونها يفتنني :)

والي يمها !!! أنا شوية شنبات تطلع لي اكره عمري هذا شنو ؟؟

اخييييييييييييييييييييي زواج زواج زواج

ـــــــــــــــــــــــــــــــــــــــــــــــ

في يوم من الايام قعدت اسولف مع رفيجاتي عن الجنوس ، فقلت لهم : والله الجنس فلان خوش واحد الله يهديه والله لو يصير خوش ريال الطلب عليه يزيد لوووول اهو جنس وعنده معجبات يحليله .

جان تقول رفيجتي : سارووو عندي وحدة من رفيجاتي حبت جنس .

سارة : @@ بالله بالله !!

اهي : اي والله سارووو كنا نضحك عليها شنو جنس خلصوا الرياييييل ، وحياتج خلته خوش ريال والحين حامل منه تزوجها .

سارة : ماشاء الله اخييييي سلمي على رفيجتج هذي وقولي لها مايعر ؟؟

اهي : سارة بسج خيالات انا شدراني ؟؟

ترا في أمل يصحون من الي اهما فيه .

ـــــــــــــــــــــــــــــــــــــــــــــــ

سؤال فني ؟؟؟

منو قاص على الحريم وقايل لهم دي جي اسلامي ودي جي مو اسلامي ؟؟؟

الموسيقى بس اهي الي كافرة يعني الطار والسوالف الثانية اسلامية ؟؟ روحوا زين بس :p

،،،،،،،،،،،،،،،،،،،،،،،،

خوش فيديو تعلموا يلي على بالكم الدين ما ايي الا بالطق والزف والتكفير :)






















تتوقعون لو صار هالشي عندنا في بلاد المسلمين راح يعطون الموضوع أهمية ؟؟

أقرأ عن اسلام فلان وفلان وفلان في الصحف بس لهم زاوية صغيرة بس في حين وكالات الاخبار الامريكية كلها تكلمت عن الموضوع :)



ـــــــــــــــــــــــــــــــــــــــ

الحين اجتماعي يقول : شلون يعني سارة ؟؟؟ أرد على شنو ولا شنو ؟؟؟ ماراح ارد وقعدي انتي ماتسمعين الكلام :p

خلص البوست لي هني بروح اسوي تمارين الصباح ، لا يغركم بطة بس اسوي تمارين الصباح واحيي العلم بعد لوووول

63 comments:

جرفاس يقول...

هاهاهاها الله يلعن بليسج..

اللهم لا شماته..وعسى الله لا يبلانا ..

اذكر ايام الثانوية كان واحد من الربع كان عنده عصابه اي جنس يركبونه عقب الهدة يودونه البراحه ويطقونه طق عقبها يصير يال لا ويقلب متوحش عشان ماينطق مره ثانيه..

سالم يقول...

السلام عليكم
يعطيج العافيه اختي
حعندي جم شغلة وودي اعلق عليها وانشالله ماكون ثقيل عليج بكلامي
اختي صاحبه المدونة بخصوص موضوع الجنوس او حتا البويات والي ماتطرقتيله بس اثنينهم نفس الطقه فانا اايدج تماما بكل كلامج وانه انشالله ممكن يتعالجون وجذي
بس طرحج كان وايد غلط برايي يعني وحدا نفسج ونفس البوستات الحلوه والهادفه الي تطرحينها تيين تعرضين موضوع حساس بهالاسلوب ليش!!يعني الواحد يقول الحمدالله والشكر والله يشفيهم بس مايتشمت فيهم لانه انتي عندج اكيد عيال عيالج او عيال احد من اهلج ولاتتمنين الله يطلع فيهم هالشييي صح ولا لا
ولا انا بالعكس اقول اغلب هالبويات والجنوس و99 بالميه مافيهم شي وممكن يتعالجون نفسيا خصوصا اذا بلشوا مبجر بعمر المراهقه وجذيي
ولكن ،،
في فئة ثانيه
مادري اذا تعرفينها او لا
بس برايج اذا بتيين وتحكيم على شي مو المفروض تدرسين الموضوع بشوية شمولية اول؟
في فئة اسمها ترانسشكوال او انترسكشوال
يعني ناس فيهم عيب خلقيي
او حتا عيب نفسي او هرموني وماله علاج هرموني او نفسيي
وهذا موكلامي هذا كلام اهل الاختصاص من دكاترة نفس وشيوخ دين لدرجة انهم حلوا العمليه حق الثلاث انواع والحلات الي فوق اذا مافاد معاهم اي علاج فيجوز التدخل الجراخي
واختي لايكون عبالج كل الجنوس اولبويات بيركضوووووووون يسون العمليه!!لاااااااااطبعا لانه هذول شواذ ولايكرهون جنسهم بالعكس يحبونه بس يتشبهون شكليا بس بالجنس الاخر لا اقل ولا اكثر
اما الي فعلا مريض فعيشته عذاب وعايش بجسم ماينتمي له
حياج مدونتبي اذا حابه تعرفين اكثر
http://transshelp.blogspot.com

وانا واحد من هالفة الي انظلمت لانه انا مو بويه ولكن الناس تصنف حالتنا غلط وتشمل الناس الي مثل حالتي مع الشواذ
احنا لو شواذ حان مرتاحين احنا لو شواذ جان مافكرنا بالعمليه ومن دكتور لي دكتور ومن شيخ لي شيخ وندور لنا حل احنا لو شواذ جان حالنا حال هلاشواذ الي لو سالتي واحد تفكر تسوي العمليه وتحول جنسك بقول بكل برود لا مرتاح جذي!!هذا اهو الاذ مو احنا
والجنوس والبويات صايرين موضه مع الاسف او مشكلتهم بسيطه وتتعالج بس اهم مايبون

ولافاد معاي علاج نفسي ولاشيي
والحل لمشكلتي على كلام الاطباء النفسين والجراحين وشيوخ الدين هو التدخل الجراحي وتحويل الجنس
ومن سنة 2006 سويت موقع يتكلم عن هالمشكله مخصوص وعشان اساعد الناس الي مثل حالتي وانشر الوعي عن قضيتنا والحمدالله صوتنا وصل وواااااااايد ناس فهمت حالتنا وعرفت الفرق بينا وبين الشواذ


وياريت تشيلين الصور الي انتي حاطتهم حرام تروح حسنات وحده مثلج على سوالف فضايح و الللله والله يهدي الجميع
والله من وراء القصد


وهذا البلوق بعد ماتم نقله
http://transshelp.blogspot.com/
واعتذر للاطاله

اخوج ترانس كويتي
سالم

سالم يقول...

واعجبتني الجملة الي انتي حاطتها مكان التعليق

والي اهيا
إن كنت تفعل ماتريد فأنت فوضوي ، وإن كنت تفعل ما يريد الناس فانت جبان ، وإن كنت تفعل مايراه عقلك نافعا لغيرك قبل نفسك فأنت (( إنسان )) ..

من هي مثلج ماحس حطت هالجمله عبط
وابحث عن النفع في طرحج لموضوع الجنوس فلا اراه
فياريت لو يتم نشر الموضوع بطريقه احسن
يعني انا لا من الجنوس ولا من البويات
حالتي ترانسشكوال
ولكن يجب ان تنصح هالف\ة وان تسئلين نفسج والمئسئولين بعد ليش مافي مراكز لعلاج هالشواذ بدال الضياع الي اهم فيه استغفر الله
انا ضدهم ودضهم ودضهممممم ومحد مخرب على اليي مثيي غيرهم وساعات وايد تحلطم ببلوقيي عليهم لما اقول بس
ولكن ماتوصل للفضيحه
وانه اقول الحل شمكلتهم وانها العلاج النفسي ولازم لهم مراكز والخ

واي تعليق انا حاضر اسمعج اذا حابه تقولين شي
سلام

طموحة مملوحة يقول...

جرفاس


الطق ماينفع والله ، الطق عمره ماكان علاج العلاج بالعقل

انا ما اتشمت بس وضعهم غلط الي يحطون صوره

في طريقي لأكون رجلاً مرئياً يقول...

على الرغم من الموضوع يعتبر بالنسبة لي
offensive

و لكن أنا في المقابل أعلم بأنك و الكثيرين من الناس قلوبكم بيضاء و لا تقصدون الإهانة ، لذلك لن أتضايق :)

و لأن عدم الالمام العلمي للكثير من الناس بأبعاد مسببات مثل هذه الحالات، تجعل الحديث في هذا الموضوع بالذات مليء بالمغالطات و الأحكام المسبقة و التعميم

الموضوع هذا بالذات يعتبر متشعب
ولا أستطيع أن أفرد له رد واحد أو موضوع واحد ، لذلك فتحت مدونة و أنا في صدد تأليف كتاب توعوي لمن هم بمثل حالتي

بعض النقاط التي أرغب بذكرها في هذا الموضوع:

1 -
هناك فرق بين الهوية الجندرية-الجنسية ، و التوجه أو الميل الجنسي

Gender identity is NOT Sexual orientaion
they are two different things

مثل ما ذكرت في موضوعك أنك لا تتحملين ظهور شنب بسيط ، لأن الهوية الجندرية لديك أنثى، فأنت ترفضين بشكل كامل أن تظهر عليك صفات ذكورية على جسدك و هذا أمر طبيعي

الحالات التي تولد بمشكلة اضطراب الهوية الجندرية ، مثلاً يولودون بجسد ذكوري مع مخ يحمل نويات قاعدية أنثوية
هذه الحالات تعرف نفسها على أنهن إناث ، لذلك تبدأ بعض التصرفات و السلوكات الأنثوية من سن مبكرة جداً و تعريف أنفسهن بأنهن إناث على الرغم من أجسادهن الذكورية، و التي تستمر بالنمو و التشكل عند البلوغ بظهور العلامات الثانوية للذكور,,, و الأمر يطبق لأصحاب الأجساد الأنثوية بهوية جنسية ذكورية

تشعر هذه الحالات بأنها و أجسادها في اتجاهين مختلفين، لذلك تسعى إلى تقليل حده هذا الانفصام -إن صح التعبير- بتغيير شكل الجسد قدر الإمكان ، و يكون هناك رفض تام للصفات الجنسية الظاهرة على الجسد و التي تخالف تعريف المخ لجنس صاحب الحالة

2-

الميل الجنسي شيء مختلف تماماً عن الهوية الجنسية

فقد يكون هناك شخص هويته الجنسية متناسقة مع جسده ، رجل أو إمرأة، و لكن يميل جنسياً لشخص من نفس الجنس، و هنا يكون مثلياً
Homosexual

أو قد يميل للجنسين في نفس الوقت
biosexual

أو قد يميل للجنس المغاير، رجل يميل لمرأة و العكس
Heterosexual

لا أستطيع تخمين حالة البنت التي حبت(جنس) و تزوجته
هل هو فعلاً يعاني من اضطراب الهوية الجنسية؟ هل توجهم الجنسي مثلي..بايو أو هترسكشوال

مثل ما قلت الموضوع متشعب و لا يمكن أن نعمم فكرة على حالة لا نعرف كل أبعادها

بالإضافة إلى وجود مشكلة لدينا هي استخدام مصطلحات عامة على حالات تعتبر متنوعة و لكل لها خصوصية

مثل كلمة جنس أو بوية، اصحبت تطلق بشكل عشوائي و على حسب ما يراه الشخص نفسه

مثلاً قد ترى شخصاً طريقة حركة ايده في الكلام بشكل معين ، على طول يتم تسميته جنس!!

او بنت تمشي بطريقة معينة على طول سموها بوية!!

الكلام لا ينتهي و اخذ منحنى جدي في حين أعلم أن قصدك هو المزح لا أكثر و لا أقل
:)

و لكن مهمتي هي التوعية المجتمع لمن هم في مثل حالتي لأننا بالفعل نعاني من الأحكام الاجتماعية المسبقة و الرفض الاجتماعي الظالم بسبب استمرار الجهل و السخرية منا

تقبلي فائق احترامي
و صباح الخير :)

طموحة مملوحة يقول...

أخوي سالم

اول شي أحيييك على تعليقك الجاد والرائع لموضوعي وراح اشرح لك وجهة نظري بكل صراحة وشفافية ..

موضوعي لا يتحدث عن الجنوس مجرد حوار صار مع صديقة لي وتعليق على الصور المحطوطة .

الصور الي موجودة اهم الجنوس نفسهم نشروها ، اوكي انت انسان متربي ومحترم وانا اعرف جنوس بكل صراحة شفت منهم الادب والاخلاق ولالهم شغل بأحد وكافيهم خيرهم شرهم ، اوكي انا اشوف وضعهم مشكلة وادعي لهم يارب يهديهم ومع ذلك اشوف ان الي قاعد يصير بمجتمعنا يزيد من فئة الشذوذ والجنوس ,

نعم قريت مسبقا عن حالتك وراح ازور مدونتك اكيد واقرا أكثر ، انا وياك نعم ، مع شديد الأسف ساعات العادات والتقاليد وبعض المتشددين يخلون الواحد يستحي يطرح هالمووضوع ألا وهو مراكز علاج الحالات هذي ؟؟

الواحد مايدري عن نية كل شخص يمكن هالشاذ مو عاجبته حالته بس يكابر علشان الناس لا تقول عنه ضعيف !!!

مابي اقول الأهل لأن اكيد لهم تأثير كبير بس ماحب ايييب سيرتهم لأن كل واحد عاقل كبير بالغ يقدر يصلح من نفسه .


اخوي راح احط مدونتك بالمفضلة عندي وراح ازورها بين الحين والآخر .

والمفروض ماتزعل لأن أنت أحسن من هالاشكال الي بالصور ، في جنوس يحبون يصورون نفسهم ويفرجون العالم عليهم وشوف اليوتيوب حفلات دق ورقص ومسخرة .

هل تعتقد ان انت مثلهم ؟؟ انا ادري ان انت مو منهم بس لا تدافع عنهم ، لأن اهم مايستحقون ان ندافع عنهم هالفئة الي تنشر صورها ، اما الفئة الأخرى بالعكس والله لو عندي المادية الكافية والمقدرة افتح مراكز علاج بالكويت .. سالفة الفشلة والعيب هذي اهي الي ودتنا ورا الشمس !!


وقلت المثال الي صار بالحوار أن شوف الحب شسوى بالجنس خلاه يرد مثل ما انخلق عليه ريال وتصرفات ريال ، لأن لقى الاهتمام له وهذا الي المفروض يصير . الاهتمام بالمراكز الي تفضلت انت وقلتها وانا وياك ماراح اوقف ضدك .. لأني سابقا كنت اظن الجنوس أغبياء ماعندهم تفكير حتى البويات ، بعدين لمن صادفت وايد منهم لقيت قلبهم نظيف وصافي مجرد تغيرات نفسية غيرتهم عندي وحدة من صديقاتي كانت بوية ... ووالله اذكر لمن ردت وشافت نفسها واهتمت بنفسها على انها بنت قالوا ان سارة اهي الي خربتها لووول :p

يعني الي حواليها كانوا يشجعونها على انها تستمر كبوية . :)


لمن يشوف الشخص الي جدامه يشد بيده ويشجعه على الاصلاح صدقني راح يصلح من نفسه ..


بس هم أرد واقول لا تدافع عن هذول الي ينشرون صورهم .. حلو شكلهم جذي يعني ؟؟

وانت غير عنهم .. اعتقد لو هذول همهم نفسهم جان سووا مثلك وحطوا مدونة يخلون الناس تقرا وجهة نظرهم ما يلجؤون للفساد .

وهذول ريايييل ترا :)

مو بنات علشان نخاف على سمعتهم والريال مثل مايقولون بمجتمعنا شايل عيبه :)



ـــــــــــــــــــــ


على المقولة الي حاطتها بالتعليقات :) اي نعم أنا ماحطيتها مني والطريج .. وكنت اتمنى الكل يتأمل حروفها ومعانيها مثل ماتفضلت انت وتأملتها .


ولك وعد مني راح احط موضوع مستقبلا اناقش هالقضية بس بعد ما اأقرا أكثر علشان لا اقول شي من عندي :)


ومدونتي موجودة لأي شي تبيه انا حاضرة ويشرفني والله زيارتك لها والاهتمام :)


تمنياتي لك بالتوفيق دائما :)

elsha3er يقول...

السلام عليكم

انا مستنى البوست اللى حتقطعى فى جلدنا


ثانيا انا حعلق على الصور

بجد انا لو مكان اى حد فيهم انا كنت انتحرت اهونلى انا بتكلم بصراحة

طب فين النخوة اللى تخلى رجالة تلبس كدة بعيدا عن التعصب الجنسى بس انا ما اعتقد رجل يرضى لنفسه كدة

شكرا كمان مرة


تحياتى

احمد الشاعر

طموحة مملوحة يقول...

في طريقي لأكون رجلاً مرئياً


اولا أشكرك جزيل الشكر على كلامك اللبق وركز اني علقت على الصور هل تعتقد أن اشكالهم عادية ؟؟

موضوع الجنس بصراحة في ناس تفرق بين الجنس والترف وفي مثل ما تفضلت على اقل حركة يقولون هذا جنس .



في حالات كثيرة بالمجتمع بس ما استهزئت فيها مثل ما ذكرت انا فئة الجنوس والبويات كيفهم بصراحة بس الي ضحكت عليه طريقة الي ناشرين صورهم تتوقع شنو الهدف من التصوير ونشر صورهم بهالشكل ؟؟ يعني تعمد منهم ينشرون الصور تتوقع هل هم راضييين عن نفسهم ؟


مجتمعنا فعلا حط حطة كبيرة على الجنوس والبويات .

بالنسبة لي أراها مشكلة يعني بصراحة ساعات اتمنى أكون ريال لأسباب ليست جسدية ام جنسية وانما لأسباب اخرى فكر ومنهج مجتمعنا المتحيز للرجل لا يعني اني بوية :p


وساعات تطلع مني حركات صبيان هم لا يعني اني بوية . بس في الي يتعمدون والله كنت اشوف بويات ودهم يسوون نفس البنات بس تتعمد اهي تمثل دور البوية علشان الناس تنظر لها وتهتم فيها ....



من وجهة نظرك ويليت ترد علي : الاسباب الي أدت لزيادة هذي الفئة ؟؟
من البويات والجنوس ؟

مع ان اول موجودين وسمعت وايد عنهم بس الحين بالذات ليش وايد ؟؟؟
وبكل مكان ؟

وهل تؤيد فتح مراكز لعلاجهم ؟


شكرا لك :)

طموحة مملوحة يقول...

ابن خالتي

الحاجات دي موجودة بكل حتة بس الي عاوزة افهمه اني لما زرت عدة مواقع فانهم يقولوا ان الفئة دي اكثر تواجدها بالخليج في الكويت والسعودية والامارات ماعرفش مافيش دراسات بس الموجودين بيقولوا كده @@

ربنا يشفيهم

عثماني يقول...

هذول الجنوس شغل وين ؟؟؟

لان ما اظن انهم من انتاج الكويت

الجنوس انتاج الكويت وايد احلا

اعتقد و الله اعلم بان هذول صناعة يا اليمن يا خورفكان

:)

جرفاس يقول...

القصه اللي قلتها ماتعبر عن رايي مجرد ذكرى عابره حبيت اذكرها..

عموما رأيي بهالمسألة واضح جدا..


المتشبهين ملعونين من فوق سبع سماوات ولا رحمة لهم..وهذه حقيقة لا شك فيها والأحاديث بهذا الصدد كثيره ومعروفه للجميع يكفيك نغزه بالمستر قوقل لتثري معلوماتك الدينية..


اغلب اللي نشوفهم متشبهين بسبب اضطرابات نفسية وليست عيوب خلقيه .. وهذولا علاجهم يروحون دكتور نفسي ويرجعون لربهم بكل صدق يلقون العلاج مليون بالميه..


اما سالم .. اذا كان عندك عيب خلقي اسأل الله العظيم رب العرش العظيم ان يشفيك .. راجع الدكاتره واطلب لجنة طبية تجتمع ويكشفون حالتك .. وان كان لك حق راح تاخذه ويتم تحويلك بالاوراق الرسميه بتدعيم من تقارير اللجان الطبيه..اما انك تسوي حمله عشان تعرف الناس ومادري شنو فما اشوف له داعي ابدا..صاحب العيب الخلقي ياخذ حقه ونحترمه ونقدره وندعيله الله يشافيه..غير هذا ماعندنا انا ادرس منذ زمن بأمريكاواعرف ضمنيا ما أعني..لديهم مراكز علاج ولديهم كل الحقوق والعلاج متوفر بكل مكان..ولكنهم يأبون إلا ان يظلون على هذه الحاله..حتى تفشّت هذه الظاهره وآخر التقارير الحكومية تشير إلى ان نسبة هذه الفئة %10 من مجمل عدد السكان مما سبب بإنتشار الأمراض بشكل مخيف..حتى ان بعض الولايات الأمريكية أحست بهذا الخطر الي يهدد المجتمع فقامت بمسخ بعض حقوقهم المدنية بالكامل..اذن العلاج معروف مسبقا..الدين وضع أطر لكل المشاكل..


تحياتي واسف عالإطالة

طموحة مملوحة يقول...

عثماني


الي بالكويت احتر منهم اكثر لوووول


والله مادري شكلهم خليجيين لووول

الله يشافيهم

طموحة مملوحة يقول...

جرفاس


انا أشوف أن سالم حالة خاصة اتوقع حتى بالشرع ماحرم هالشي لأنه مرض خلقي مثل ماقاله سالم

اشكرك جرفاس على وجهة نزرك :p

في طريقي لأكون رجلاً مرئياً يقول...

لازم يكون في مركز أبحاث يدرس كل أنواع الحالات من الناحية الاجتماعية النفسية البيولجية مثل ما هو موجود في الخارج

توجد مسببات كثيرة مختلفة و لكن أنا بتكلم عن حالتي أنا لأن لا يحق لي أن أتكلم بلسان غيري و أقصيه أو أظلمه بحكمي المسبق عليه ، فقط عشان أنا أطلع بشكل زين على حساب غيري

لا يؤمن أحدكم حتى يحب لأخيه ما يحب لنفسه

و أنا لا ألم بكل مسببات الحالات المختلفة و لكن أؤيد وجود مراكز أبحاث و توفير العلاج أو الحل المناسب لكل حالة حتى تعيش مرتاحة في النهاية

بالنسبة لحالات الترانسجندر أو الترانسكشوال

بشرحلج كيف يتم العلاج في الدول المتقدمة و التي للأسف غير متوفرة لدينا


في البداية يذهب صاحب الحالة لعيادة نفسية أو عيادة مختصة بالجندر
gender clinic

يمكن تشخيص صاحب الحالة بأنه يعاني اضطراب الهوية الجنسية بعد جلستين أو ثلاث و
للتأكد بأن هذا الشخص لا يعاني من أي مشاكل أخرى تسبب بما يعاني منه الآن
مثل لا يعاني من انفصام الشخصية

بعد عدة جلسات يدخل صاحب الحالة في التجربة الواقعية و هو ان يعيش حياة الجنس الذي يعرف نفسه به لمدة لا تقل عن سنة و تكون تحت اشراف طبي و قد يتخلل التجربة العلاج الهرموني الاستبدالي و تعديل الاسم ليتأكد صاحب الحالة و الطبيب المشرف بأن خطوة التصحيح الجنسي هي العلاج المناسب
و أغلب العيادات الجراحية تشترط أن يعيش صاحب التجربة الواقعية لمدة سنة إلى سنتين

يعني العلاج وقرار التصحيح في الدول المتقدمة لا يأتي بشكل اعتباطي و لكن تحت اشراف طبي و دراسة متفحصة للحالة و لأن هدفهم في الآخر هذا الإنسان يعيش مرتاح

هنا في دولنا كل الترانسكس لا يمكنهم خوض التجربة الواقعية تحت اشراف طبي لان الأطباء هنا يخافون من إعطاءهم التقرير الطبي للبدء في هذه المرحلة من العلاج ، لذلك يلجأ الكثير منهم للخارج إما لطلب العلاج و العودة للبلد و لكن ظهورهم يكون شاذ من ناحية المظهر أو يهاجرون و يطلبون اللجوء الإنساني في الخارج
حتى يتمكنوا من خوض كل مراحل العلاج اللازمة لحالتهم

في الأخير ألخص لكم الأعراض التي يعاني منها الترانس في حياته قبل البدء في العلاج:

في البداية تعريف اضطراب الهوية الجنسية :

اضطراب نادر يصيب الأطفال و الكبار، و في الواقع أغلب الحالات يذكرون بأنهم يعانون من هذا الإضطراب منذ الطفولة و قبل البلوغ


أعراض اضطراب الهوية الجنسية:

اصرار على تعريف أنفسهم أنهم من الجنس الآخر و رغبة قوية في أن يكونوا من الجنس الذي يعرفون نفسهم به

رفض شكل أعضاهم التناسلية و قد تصل لمرحلة بتر الشخص لهذا العضو إذا لم يتم العلاج
كما يرفض كل المظاهر الجنسية الثانوية المخالفة للجنس الذي يعرفون نفسهم به

ارتداء ملابس الجنس الذي يعرفون نفسهم به وممارسة حياتهم و اللعب بألعابهم في مرحلة الطفولة

الانطواء و الانعزال و الانسحاب من التجمعات الاجتماعية في مرحلة متقدمة من العمر

الاكتئاب و القلق الحاد المؤدي للإنتحار في أغلب الأحيان


و في الأخير هذا الإضطراب ليس اختيار أو تمرد على الواقع الاجتماعي ، و لكن هو شيء نولد به بسبب خلل هرموني حصل في مرحلة الحمل جعل المخ مختلف عن تشكل الجسد

elsha3er يقول...

بس انا ممكن اكون بشكك الاشكال دى او على الاقل انها ظاهرة طفيفة زى برده مكبره عملية الشواز فى مصر بصورة كبيرة وكان العدد ما يستهلش الضجة اة هو فيه بس مش بكثرة وممكن تكون الناس دى اتصورو عن طريق الهزار والعبث ودة وارد مع انه برده عيب بس انا اشك ان العدد كبير

مهما كان الرجل العربى له مبدأ الرجولة فى المقام الاول مهما كانت الظروف

لا اظن ان وجد سيكون قلة جدا وسيكونو مهمشين جدا جدا

تحياتى

احمد الشاعر

في طريقي لأكون رجلاً مرئياً يقول...

تعقيب على رد الأخ جرفاس

إذا كنا نقدر ناخذ أبسط حقوقنا و هي العلاج ما كنا عملنا مواقع بسيطة نقدر نفهم الناس حالتنا

الأطباء هنا يقرون بحالتنا لكنهم رافضين يعطونا تقارير
لأنهم خافين من نقد المجتمع لهم، أنا قالولي اياها صراحة
المجتمع رافض لمثل حالتك و صعب علينا نساعدك
و قالوا لي هاجر

و ياليت تزور مدونتي وضعت بعض المراسلات بين الأطباء عن حالتي في هذه الوصلة

و في الأخير أنا ما أقدر أغير وجهة نظر أي شخص إلا إذا هو بعد البحث و التقص غير بعض من قناعاته من نفسه
حتى لو وضعت للكل كل الأدلة و البراهين على حقيقة معاناتي ، يبقى هناك من لا يتفق معي

إذا رب العالمين خلق هذا الكون و بكل العلامات الموجودة على وجوده ،في هناك من الناس من يشرك به أو يكفر و ينكر وجوده
فما بالنا نحن البشر الذين لا حول لنا و لا قوة، حتى لو صارخنا بأعلى صوتنا من لا يريد أن يسمعنا أو يصدقنا لن يسمعنا أو يصدقنا

و لكن هي كلمة أخيرة و أنهي نقاشي في هذا الموضوع
ما لا تدركه أو تستوعبه أو تقتنع به لا يعني أنه غير موجود و غير حقيقي

انتهي كلامي

مَـــــعْــــمَــــعَـــــه يقول...

من الصبح الواحد يشوف هالاشكال الله يستر على باجي يومه بس في جنوس احلى جان حطيتيهم بدال هالشيف الله يقطعهم

الوشيحي قبل شهر تقريبا كاتب مقاله عن الجنوس لا تطوفج اختي .

عنيف يقول...

خطيبي لي وحده من هالصخول الي فوق عفوا التيوس


استغفر الله العظيم مادري شلون يعيشون هالاشكال يعني لو حلو يمكن ينبلع عند البعض بس ويهه ويه تيس شامي ما يطل بويهه حتى عزج الله الحمار الي عندنا بالمزرعه

seven يقول...

النقطه الأولى

قوه

النقطه الثــانيه

الله المســتعان و الله ما دري شنو الحل بهالمشكله

مشكلة " عويـــصه "

و على النقيض تماماً

رحت لزوجتي بالكليه , و أنا داخـل المصافط و إلا أشوف ذاك الولد الزقرت

كشــخه و لابس برموداا و تارس راسه جل

قلت في نفسي هالأمن شقني شق على ما دخلت و هذا مخليـنه يتمشى على راحته

شوي و إلا اشوف معاه كتب

أنا هني طقييت بررييك من الخرعه

لأني عمري ما شفت هالنوع

يقولون عنه بس ما شفته

أو يمكن شفته بس ما عرفت إنها بويه

على مووود إن الشكل " صبي "

المهم قلت حق المدام أنا كأني شفت صبي مر منيه

ضحكت و قالت لي تصدق عاد

إنها محترمه و الناس تمدحها

بس أهي جذي عاااد

شتسوي

,,

مشكلة عويــصه و الله


بالنسبه للفيديوو شيء طيب و الله

و مشكلة السرقات عندهم هم عويــصه

شفيني على عويصه أنا

شكراً

shosho يقول...

استغفر الله

ما أدري هذول شيبون بالضبط يوصلون له!!!!

ما أدري اعتقد عندهم مسج ..يبون يوصلونة للعالم .. that we here

عقدة النقص

موفقة حبيبتي

وحياج بمدونتنا الجديدة :)

أسيرة اللوحة يقول...

استغفر الله العظيم وش هالعاهات ,,
الحمد لله الذي عافانا مما ابتلاهم به ,,

اللهم اهدي شباب المسلمين ,,

اعجبني الفيديو ,,

دمتي بخير و رياضيه ^^

ثلجيّة القلبْ والأقراطْ .، يقول...

والله عاد إحترت أرد على شنو بالضبط :×
بس شسوي ما اقدر أقرالج بوست و ما أرد عليه لـول ،
بالنسبه حق الجنوس توقعت ان الناس قاعده تنفر منهم بس الظاهر العكس صحيح و صار الإقبال عليهم كبير P:
الله يهديهم ،

يعطيج العافيه عزيزتي :*

BoGhaith يقول...

اممممم

شوفي أختي في ناس تقول مرض نفسي خلقي وغيره
وفي ناس يقولون هذول مافيهم شي ويبيلهم تأديب وحلق شعور وسجن وغيره

أصحاب أول رأي هم من الأطباء المتخصصين في هذه الحالات ومعالجتها

وأصحاب ثاني رأي هم من مشايخ الدين وطبعا عارفين رايهم شنو بدون تفصيل

وأنا بالنسبة لي هذا بين الأثنين مرض نفسي وخلقي ومتعمدين يطلعون بالشكل هذا

يعني مستحيل يكون مريض وبس خلاص
هذا بالنسبة لرأيي فيهم

وبوست حلو بس ينقصه التفصيل بالموضوع لأنه موضوع كبير مو شي يضحك بدون زعل أختي

والله يعطيج العافية

والسلام عليكم

طموحة مملوحة يقول...

في طريقي لأكون رجلاً مرئياً

في المستقبل اذا الله اراد راح اتكلم عن موضوعكم وبحط مدونتك ولايصير خاطرك الا طيب :)

طموحة مملوحة يقول...

ابن خالتي


الحالات دي موجدة من زمان بس دلوقتي بدو يبانو اكتر من الدعايات الي بيعملوها لنفسيهم مش بيدوروا على علاج ليهم بس دول بينافسوا النسوان

طموحة مملوحة يقول...

مَـــــعْــــمَــــعَـــــه

ابي اقرا المقالة وين ؟

طموحة مملوحة يقول...

عنيف

صنع كويتي ولا مخلط؟

طموحة مملوحة يقول...

seven

والله صارت لي مواقف وياهم يفزعون لي والله

طموحة مملوحة يقول...

shosho

حطوا تعليقات خل نعلق خو ...

طموحة مملوحة يقول...

أسيرة اللوحة



بعد راسي والله


الله كريم

طموحة مملوحة يقول...

ثلجيّة القلبْ والأقراطْ


الله يعافيج يالغالية

ردي على كل نقطة تكفين

طموحة مملوحة يقول...

BoGhaith



ان شاء الله راح احط موضوع ثاني وذكرت سبب استهزائي في ردي للاخ سالم

Enter-Q8 يقول...

بس بغيت أول شي أمسي عليك يا ست الحجة
و النبي ما شوفتيش الحاج هايف

غير معرف يقول...

Where the hell did you grow up, girl? LoL that was quite a despicable set of pictures, glad I could keep my lunch down

Homosexuals should get help; all the help they need matter of fact

مَـــــعْــــمَــــعَـــــه يقول...

جريدة الجريده

حياتي هدف مو عبث يقول...

انا قاعدة بالبيت
مجابلة نفسي وبس
حتى مالي خلق أفكر
واسوي غسيل كامل للعقل والجسم
هالفترة دام ماكو دوام ولا غيره
وانرد نتعب بعد جم شهر
هههههههههههههه
عشان جذي استمتعي وعبي طاقة وراحة
للمراحل القادمة
:******

أستاذ حمام يقول...

هذه هي حقيقة الدعوة الى الله.. موقف مؤثر ورائع من صاحب البقالة.. كان متجردا ويرجو وجه الله.. وسيقابل الله باذن الله عل هداية شخص للاسلام.. مصداقا لحديث المصطفى صلى الله عليه وسلم: " لأن يهدي الله بك رجلا للاسلام.. خير لك مما طلعت عليه الشمس" صدق المصطفى او كما قال صلى الله عليه وسلم.

شكرا جزيلا على هذه الوقفة والموعظة..

طموحة مملوحة يقول...

Enter-Q8


ازيك ياخالد ؟؟ وازي العيال ؟؟ هما بخير..

ربنا يديم الصحة والمعروف ليكو يارب

طموحة مملوحة يقول...

غير معرف


لووووول


افا عليك انت بس


اي والله بس الآراء الي كاتبينها فوق وايد زينة

انا ماكان قصدي اناقش المووضوع كثر نقاشي على الصور ..

بس يبيله بيوم اكتب موضوع متكامل والكل يعلق عليه

طموحة مملوحة يقول...

مَـــــعْــــمَــــعَـــــه


ان شاء الله راح اقراه


يعطيك العافية

طموحة مملوحة يقول...

حياتي هدف مو عبث


بس زهقة وملل والله العظيم :(

طموحة مملوحة يقول...

أستاذ حمام


أشكرك جزيل الشكر على كلامك اللبق :)

محمد سعد القويري يقول...

الأخت الفاضلة :: طموة مملوحة ::
تحية طيبة وبعد

بوست مميز .. لا يخلو من سخرية كانت في مكانها ..

أزعجتني فعلاً إيميلات حاملة صور لما يسمى بالجنس الثالث .. ولا أرى بعد هذا انحطاط ..

والمقطع الفيديو مؤثر ..
وهكذا تكون خلاق المسلم

تسلمين على هاي موضوع
دمتِ طموحة

طموحة مملوحة يقول...

محمد سعد القويري


لهم هدف من نشر صورهم بهذه الطريقة وجميعنا نعرف ماهدفهم ... فهم يحاولون استدراج الرجال لهم والجميع يعلم بذلك ...



والفيديو اعجبني ولكن اتمنى ان يكون صادق ذاك الرجل .. وموقف الباكستاني جدا راقي ورائع واتمنى ان يحمل كل مسلم قلب رحوم كقلب هذا الرجل


اشكرك اخي سعد على تعليقك

يشرفني كثيرا وجود تعليقاتك

ابو عبدالملك يقول...

السلام عليكم ورحمة الله وبركاته
على طاري الجنوس ماالومهم يصيرون جنوس لانهم ماشافوا حد السيف ولقوا من اللي يدافع عنهم ويقول ان حريه شخصيه


وعلى طاري دي جي اسلامي ولا دي جي غير اسلامي والطار
انا اخالفج الراي لان الرسول صلى الله عليه وسلم عندما هاجر الى المدينه المنوره استقبلوه اهل المدينه بنشيده مصحوبه بطار اللي اهي ( طلع الفجر علينا ) وتاكدي من الموضوع


اما سالفة المقاطع وشنو يسوون فيهم ببلاد المسلمين فانا اقولج السارق تقطع يده
كلام ربي هذا
ولاتنفتحين على الغرب اكثر من اللازم
لاتنسين سب الرسول والكاريكاتير المسيئه للرسول
وشغلات واجد وجا المطعم

طموحة مملوحة يقول...

ابو عبدالملك

ترا وايد جنوس على فكرة ويكثرون بالخليج اذا بتحد السيف ماراح تخلص :)


الطار ايام الرسول غير عن الطار الحين الي يحطون عليه دناديش الحين وأجراس مع طبل وغيره وغيره بس يشيلون الموسيقى ويقولون طق اسلامي .



ووايد مسلمين عايشين بدول الغرب والي حطوا الرسمات الدنمارك مو امريكا فاذا واحد غلط على الرسول يتحمل الكل غلطته يعني ؟ وبعدين راعي المحل ارحمه وسمح له انه ياخذ يليت تكمل الفيديو :) نقطع ايده وصاحب المحل سامح له ياخذ مثلا ؟؟
اعتقد بزمن الرسول كان في رحمة اكثر شلون راح تنشر رسالة الاسلام ؟؟

ابو عبدالملك يقول...

طموحه
لالا شفتي الجنوس اللي بالخليج لو يسمعون بس ان في جنس مات بحد السيف ابصم لج بالعشره راح يصيرون مجاهدين مو بس رجال بس خليهم يسمعون مو شرط يشوفون




اما سالفة الطار بو دناديش هذي اسالي فيها مفتي مااقدر افتي فيها




اي صح اللي غلط على الرسول جم شخص من الدنمارك ومعاهم رئيس الوزراء وحاكمة الدنمارك سووت اجمل كاريكتير للرسول وقالوا ان هذي حريه الراي



واذا تبينها على امريكا ف اكبر داعم لاسرائيل امريكا ولاتنسين ان امريكا ترفع حق الفيتو بمجلس الامن عندما يتم التصويت بسحب اسرائيل من فلسطين ولاتنسين شنو سوو بالعراق وافغانستان ووووو الخ



اذا صاحب المحل سامحه هذا شي ثاني اما اللي يسرق بدون لايسامحه فهذا تقطع يده كما قال الله تعالى ( والسارق والسارقة فاقطعوا أيديهما جزآء بما كسبا نكالا من الله والله عزيز حكيم )
اي صح بزمن الرسول صلى الله عليه وسلم كان في رحمه بس مو رحمه بتطبيق لان الرحمه بتطبيق شرع الله هذا يعتبر ظلم وتهاون بالدين ممكن تاخذنا الرحمه بشغلات ثانيه بس الا حدود الله



اما سالفة نشر الدين الاسلامي فقطع اليد لا يؤثر على الدعوه والدليل زيادة عدد المسلمين باوروبا وامريكا حتى وصل عدد المسلمين مليار ونص


شوفي جرايدنا كل يوم سرقات واذا مسكوه سجن جم شهر واطلع ويرد يسرق بس لو تقطعين ايده جدام الناس راح يصير عبره لغيره
وهذي حكمة ربج بحد السرقه


واثابني واثابج الله

سالم يقول...

مرحبا يعطيج العافية اختي طموحة
مشكوره على كلامج ولو انا ماقلت الا الي لازم ينقال
بخصوص موضوعك انا عارف عدل انه اي شي بتطرحينه مابكون مجرد صوره وتعليق اكيد بتتكلمين عن موضوع ما بوجهة نظر وتعطينه حقه والخ..انا بس كنت شايف من رايي انج ماعطيتي هالموضوع حقه سواء كحالتنا الترانس جندر ..او سواء ك حالة هالشذوذ استغفر الله ..يعني مثل ماذكرت من قبل حسيت انج ملتي الى السخريه اكثر مما ملتي حق طرح المشكله والبحث عن اسبابها وحلولها

يشرفني مرورج الكريم للمدونة ووايد بانه العادات والتقاليد او حتا بعذر الدين اهيا الي تخلي ناس وايد من دكاترة وشيوخ دين يخافون ويستحون يتكلمون بهالموضوع ولكن لا حياء بالدين

يمكن يكون كلامج صحيح وهو انه الصوره اهم الجنوس نفسهما ناشرينها او يمكن حتا احد فاضحهم حلو..او اهم ناشرينها وفاضحين روحهمما اختلفنا ولكن مايي اختي العزيزة انا بعد واشارك بمثل هالامور صح ولا لا!!
هذا كان القصد كله من كلامي
سواء كانوا جنوس بويات بنات عاديين او شباب عاييين حاطين صورهم وفاضحين روحهم اروح انا بعد افضحهم زياده ليش!!
سواء من احية اخلاق مو حلوه هالسوالف اني اشارك بفضايح ولا حوله من ناحية الدين يعني الواحد مايصير يشارك بجذي سوالف ويكفي اصلا انه السالفه تفشل وسواد ويييه استغفر الله روح انا انشرها بعد وافضح !!لا يبا الي بيفضح روحه خل يفضح جهنم ولكن انا ما اشارك بشيي جذيي ولا اظن الناس السنعه تشارك بمثل هالامور واذا في واحد ضل طريجه ونسا لازم نذكره وجل من لايسهو
وانا بس حبيت اذكرج بانه حرام تشيل ذنوب بسبة انج شاركتي بفضيحة شخص
واعتقد انتي عافه بالاحاديث الي تتكلم عن الستر والي تتكلم عن الفضيحة وشلون الواحد لازم يستر اي شخص حتا لو هو فاضح نفسه انا ماقوم اتكلم عن الناس
ووالله يا اختي العزيزة لو انتي موهامتني جان قلت وانا شكو ولاهو موضوع درس اخلاق ولا شيي ولكن مادريي يحز بالخاطر انيي اشوفج مشاركه بموضوع جذي لا اقل ولا اكثر


مافهما كلمت لما تقولين يمكن هالشخص موشاذ بس يكابر عان الناس لاتقول انه ضعيف!!مافهمت هل تقصدين انه اذا راح يتعالج بقولون عنه ضعيف!!وهل اذا تم جذي متشي بطريج الغلط بكون قويي مافهمت ياريت توضحين

مازعلت.وليش ازعل على ناس جذي اهيا مازعلت على نفسها
مادفعت :) واعتقد كلامي واضح وماعتقد وحده مثلج وبعقلج ماراح تفهم القصد من كلامي وتعقتد اني قاعد ادافع

ليش ادافع عن فئة شاذه :) وانا كل موقعي يهاجم الشذوذ مادافاعت ولاعمري بدافع عن فئة جذي
اكثر مني ماتلاقين احد ضد الشذوذ والكلام الي بموقعي كله يثبت ويقول هالشيي


لكن عمري ماحطيت صور ناس اهيا بنفسها فاضحها نفسها واروح افضحهم انا بعد زيادهماسويتها وانشالله عمري مابسويها

طبعا انا مومثلهم وانا عارف هالشي مثل ما انتي عارفه نفسج ،، لكن مثل ماقلت مايصير الواحد يشارك بسوالف الفضايح لا من ناحيه مبدا ولا من ناحيه اخلاق


اايدج بكلامج يمكن الحب والاهتمام يسنع وايد بويات وجنوس وشواذ بالاضافه الى العلاج لانفسي والرغبه الفعليه بالعلاج اذا كانوا عارفين انهم شواذ.الاهتمام بالمراكز اهو اصلا مافيي مراكز مع الاسف عندنا لحلات الشواذ ولازم يكون في مركز ومادري متا ناوين يسوووونه
بس فالحين يطلعون بالجريد ويفتون من عندهم واحنا ضد البويات واحنا ضد الجنوس!!
وولا واحد في خير قام وسوا مركز للعلاج لهالشواذ
وولا واحد فاهم وفيه خير قال في ناس فيهم اضطراب بالهوية الجنسية ومشكلتهم ترانسجندر ولازم لهم عملية تحويل جنسي ولازم الحكومة تشوف لهم حل



وهم ارد واقول عي قتولين عني دافعت وانا مادافعت :)
ترا بزعل صج الحين

ومايفرق مرا او ريال حتا لو ريال مفضخ وبالشارع ونشر صوره ماروح افضحه :)

وجة نظر..رغم اني اعتقد انها اكبر من وجهة نظر لانه 3 ارباع اي واحد عاقل وعنده وفاهم دينه بايدني بكلامي
ويبقا بالاخير محد يقدر يجبر احد عى شي
وهذي مدونتج وانتي حرة اختي طموحة

وانا اسف اذا ثقلت علييج

سالم يقول...

الاخ جرباس
صحيح كلامك كما ذكرت المتشبهين ملعونين من رحة الله

وتحويل الجنس قالوا في دكاترة النفس حلال تحت شروط معينه من بينها
اما يكون عيب خلقي
او عيب هرمونات او عيب نفسي ولايمكن علاجه بالهرمونات او لايمكن علاجه علاج نفسي بحيث انه في مشكلة في مخ وعقل المريض بحيث انه عقله يصنف نفسه على انه من الجنس الاخر ويكون هذا الاحساس خارج عن ارادته ولادخل له فيه ويحاوب وبذل مجهود في ان يتقبل الجنس الي هو عليه وماقدر

اما الشواذ من البويات والجنوس والترفين الي يسون روحهم بويات فهذول مشكلتهم نفسيه ولكن لها علاج نفسي بعكس حالة الترانجندر والانترسشكوال او الترانسشكوال هذول اغلبهم و 99 بالمسة منهم مالهم علاج الا تحويل الجنس
اشكرك اخي الغالي على الدعاء والله يحل مشكلتي ومشكلة كل واحد مثلييي انشاللله يارب ومشكلة كل شص يعاني على هالدنيا
بخصوص اني اطلب بجنة طبيه فلاااااااا تعلييييييييييق
يا اخي الكريم اقولك وايد ناس ومسؤولين هنا عارفين بحقيقة مرض الانترسشكوال الي اهو اضطراب الهوية الجنسية على شكل تحول جنسي وعارفين انه العملية اهيا الحل هالمريض ولكن ماييبون يساعدون خايفين من كلام الناس على حسابنا احنا
شقول بس حسبي الله ونعم الوكيل
وان كان لي حق انشاله اخذه بالدنيا واذا مو بالدنيا الي انظلمت فيها وايد انشاللله اخذ حقي بالاخره ولا محلل اي شخص كان بيده يساعدنا لو حتا بكلمة وما ساعدنا

وعلى فكرة انا ماسويت حملة ولا شييي :)
انا كل الي سويته بلوق عباره عن مجهود شخصي عشان اربط بينا احنا الناس الي عندنا هالمشكله ونناقش امور نعاني منها ونبحث لها عن حل
وعشان انشر الوعي بين الناس عن هالمشكله
واذا انت تحترم وعارف ماشاللع عليك وعندك عقل واعي الحمدالله ففي ناس ماعندها الي عندك وموعارفه هالاشياء كلها مع الاسف
ووايد تعليقات تيني من ناس وايد تايدني بعمل الموقعوتقول انها ماكانت عارفه انه الموضوع جذي وانها الحين فهمت
والحمدالله هذا اليي ابيه نشر الوعيي عن هالمشكله

فوين الغلط بهالموضوع :) ؟؟!!!عشان تقوليي ماله داعيييي


اعتذر لاطاله

وشكرا لك على تعليقك وشكرا لكل من علق بهالموضوع الي يهم مشكلتنا وشكر خاص لاختي طمحة وناطر موضوعا الي بكون شامل عن هالمشكله ولكم مني احلى تحيه



سلام

سالم يقول...

اخي الغالي في طريقي لاكون رجلا مرئيا

اهنيك على افتتاح مدونتك وانا اتابعها باستمرار

اهنيك على التعيق الرائع وكفيت ووفيت الصراحه
واحب اقتبس من كلامك
"إذا كنا نقدر ناخذ أبسط حقوقنا و هي العلاج ما كنا عملنا مواقع بسيطة نقدر نفهم الناس حالتنا

الأطباء هنا يقرون بحالتنا لكنهم رافضين يعطونا تقارير
لأنهم خافين من نقد المجتمع لهم"


بالظبط هذا الواقع الي صاير

وكما ذكرت مانقدر نجبر اي شخص يفهم غصب اذا هو مايبي يتقنع لو شنو سوينا خلاص ماراح يقتنع اذا ماحس بمعاناتنا وشاف الادله على كلامنا

ومثل ماقلت بعد
"إذا رب العالمين خلق هذا الكون و بكل العلامات الموجودة على وجوده ،في هناك من الناس من يشرك به أو يكفر و ينكر وجوده
فما بالنا نحن البشر الذين لا حول لنا و لا قوة، حتى لو صارخنا بأعلى صوتنا من لا يريد أن يسمعنا أو يصدقنا لن يسمعنا أو يصدقنا"


كفيت ووفيت ومشكور على التعيلق الروعه الصراحه

سالم يقول...

القوانين الغير دستورية بالكويت

في شي مهم بعد احب اتكلم عنه وهو قانون التشبه الي صدر من سنة سنتين قانون التشبه بالجنس الاخر

ياريت تدخلون على هاللنك وتقرون اكثر عن انه قانون التشبه قانون غير دستوري ووضع بدون اي دراسه وهالرابط في كلام من موق صوت الكويت بعد وحاط لكم الورابط فيه

فعلا طرح رائع لهالمشكله من جانب سياسي وفعلا كيف يتم اضافه قانون في الدستور بدون اي دراسه تذكر وهل صار دستورنا قص وصق ولا شنو!!فعلا حرام ويجب المحافظة على دستورنا الي انظلم بهالقانون حاله حال القوانين ال 7 الباجي

http://transshelp.blogspot.com/2009/06/blog-post_8865.html

موضوع اخر يتكلم عن ظلم الترانسكشوال..وقانون التشبه
http://transshelp.blogspot.com/2009/06/blog-post_29.html


لتحميل القوانين الغير دستورية 8
http://www.soutalkuwait.com/

سالم يقول...

من اسباب انتشار الشذوذ وزيادته
قلة الوازع الدين مافي خوف من الله
عدم ثة بالنفس وطمع في مميزات الجنس الاخر !!
بسبب التربية الخاظئة
الدلع الزائد او الكبت الزاائد

________________________________


اسباب مرض اضطراب الهوية الجنسية والترانسجندر والترانسشكوال
حالتنا يعنييي

عوامل نفسية وعقليه بيولوجيه
عثل الشخص سصنف نفسه على انه من الجنس الاخر منذ ان يكون طفلا دون ان يتعمد هو ذلك وتبقا هذه المشكله لدى المريض ويكون عايش في صراع بين الروح والجسد لانه مو مرتاح وحاس بعدم توافق مابين روحه وعقله ومابين جسده لذلك تجد فكرة التحويل الجنسي تلازمه طوال حياته رغبه منه في تصحيح وضعه وحتاي يتوافق احاسه مع الجسد الذي يحمله
ويكون غير سعيد وراضي بوضعه الا ان يعمل عمليه تحويل الجنس التي ينصح ها دكاترة النفس ووشيوخ الدين في حالة هذا المريض ومن بينهم شيوخ الدين الخميني والازهر الشريف وفصيل المولوي يعني من جميع المذاهب شيعة وسنة
وسبب تحليل تحويل الجنس في هذه الحالة بسبب انه الضرورات تبيح المحطورات وهنا يكون المريض في حالة ضوروره لانه هالك ولاحياة له ان لم يعمل العملية

سالم يقول...

لفتت انتباهي هالجمله الي قلتيها تحت

لهم هدف من نشر صورهم بهذه الطريقة وجميعنا نعرف ماهدفهم ... فهم يحاولون استدراج الرجال لهم والجميع يعلم بذلك ...


!!!!!!!!!!!!!
ان كنتي تعرفين مرادهم من نشر الصور فلماذا تساهمين اذن بذلك !!

هذا سبب اخر ايضا لعدم نشر الصور
:)
وراج وراج هااااا
لازم تحذين الموضوع واللله :)
وطبيييييييي فيهم ولعنيي خير خيرهم وعندج اياهم بدون فضايييييح
يبا كلش كلش ضللي ويوهم بالفوتوشوب وحطيييهم خلااااص :)
وخليي اشنب ولا زيييديي بعد عندهم لووووول ها شقتليي

سلام

ابو عبدالملك يقول...

سالم
محمد هايف بالمجلس اللي طاف اقترح بقانون انشاء مستشفى للجنوس والبويات
حتى مره سووا مقابله مه جنووس
وشكرا

ابو عبدالملك يقول...

سالم
اذا هذي ردودك ف انا احط ايدي بايدك
بس السؤال لماذا لاتذهب للعلاج بما انه يوجد لك علاج؟؟

طموحة مملوحة يقول...

سالم


موضوعك غير وموضوع الصور غير انت تحاول توعي الناس وتتكلم باسلوب لبق اهم العكس يعني اوكي يبي يحط ماكياج يحط كيفه بس مايفضح نفسه ..

سمعت قصة واحد كان يخفي هالشي لمرته علشان لا ينصدمون فيه اوكي اهو مريض او له ميول بس ما سوا مثلهم دش اليوتيوب شوف حفلات الرقص مالتهم

واهم يستقصدون ينشرون صورهم .


اخذ راحتك بالرد انا زرت مدونتك وقاعدة اتابع مواضيعك والله :)

اخذ راحتك

سالم يقول...

اخي العزرير ابو عبدالملك
بخصوص الي قاااااااالوا بسون مستشفيات حق مشكلة البويات والجنوس فماشفنا شييي على ارض الواقع
ويااا كثر الي يقولون والي يقولون واعتقد ماينعدون الي قالوا عن هالموضوع وبس القصد يدرون شهره وبس ولامو هامهم لامصلحه هالناس ولامصلحه هالبلد حال هالموضوع حال مواضيع وايد ماله له دخل باحد ومحد يعرف احد الااا اذا بالموضوع مصاااالح شخصية مثل ما احنا عارفين

وبخصوص الي محتاجينه فمحتاجيم مستشفا تمسك الحالات الي جذي وتححد منو اليي بيوة او جنس وترف ويبيله علاج نفسيي وغيره واذا مافاد معاه وثبتت التقارير انه شاذ بس مايبي يتعالج هنيي ممكن والله اذا جاهو بشذوذه يحطون له عقاب او شي رادع عشان موضوع الاخلاق والدين

ومجتاجين دكاتره واطباء من الناس الي فاهمه بمرض الترانسشكوال عشان تعرف تشخص حالة المريض اذا كان ترانسكشوال واذا ثبت انه يعاني من مشكلة اضطراب الهوية الجنسية الترانسشكوال وانه عقله مصنف نفسه من الجنس الاخر وانه ماله دخل بهالشي وهالاحساس خارج عن ارادته فهنيي لازم ينكتب هالكلام كله بالتقارير وينكتب سنصح بتحويل الجنس في حالة هالمريض ومجبوره الحكومة تتكفل بعلاجه لانه مريض ومرضه نادر ولازم له علاج


وشكرا لتعليقك وتايدك
ولكن هل تعتقد من هو في مثل حالتي لم يطرق باب العلاج؟
مافي باي الا وطرقته ولكن لافائدة من علاج حالة الترانسشكوال لانه المريض في هذه الحالة يكون جسمه من جنس معين وعقله من الجنس الاخر ولاحل له الا عمليه تحويل الجنس ليتوافق احساسه مع جسده وينتهي الصراه الي يحس فيه مابين الروح والجسد

وعلاجي الان هو تحويل الجنس ولكن الموضوع محتاج فلوس ووقت
عني العمليه مكلفه وخطيره ولكن انشالله تنجح يارب بالاضافه الى اوراق ومحاكم وغيره بس ربك كريم بوالله نستعين

بعض الناي عبالها هالشي بيدنا..ليش منو له خلق دكاتره ولويه وحووووسه من مكان ليه مكان وعمليات والخ!!

في انسان مرتاح يسوي كل هذا بنفسه ؟!
اكيد لا
اكيد بكون عنده معاناة ومبيره عشان يسوي كل هذا ويدور لها حل

الله كريم وانشالله تنحل مشكلتنا ونرتاح يارب


شكرا لتعليقك وتايدك

سالم يقول...

مرحبا اختي طموحة مشكوره على كلامج وعلى زيارتج وحياج الله باي وقت زيارتج للموقع تشرفني
واررررررجع واقول :)
ادري والله ادري بسوالفهم كلها سواء البويات او الجنوس الله يفشلهم وفاضحين روحهم بكل مكان وصور غيره بس انا مافضح اي شخص حتا لو كان فاضح نفسه
ولا احب اشوف انسان يهمني وانسان زين يسوي شي غلط ويشيل ذنوب وما نصحه
مثل ماقلت لج تحسفت وحده مثلج تشبل ذنوب عشان ناس ماتسوا واهم ياخذون حسناتج ليش حرام واللله
بس لا اقل ولا اكثر
وياريت بس الله يهديج وتقلبين النصيحة وتسوينها :)

وحياج الله بالبلوق باي وقت
وانا بعد متابع اول باول وناطرين اليديد منج

سلام

ابو عبدالملك يقول...

سالم
كلامك مقنع
بس ياخووك قبل لاتحول لازم تسال عالم دين معروف لان يمكن مايجوز تحول ف تصبح ملعون من الله اي يعني مطرود من الرحمه
ف انا خلني اقدم لك رقم مفتي المملكه العربيه السعوديه عبد العزيز ال شيخ حفظه الله دق عليه واعرض ماعندك واهو يعطيك فتوى باسمه
هذا الرقم 00966505410205
و للتاكد من الرقم http://www.youtube.com/watch?v=5fqeQwIM3uQ
واتمنى تعرض الرد طموحه

هذا اللي اقدر عليه
واعذرني

SiLENT HiLL يقول...

اخوي بو عبدالملك في علماء دين وايد حللو عملية التصحيح الجنسي لفئة مرضى اضظراب الهوية الجنسية الترانسس اللي اهوا عقل رجل بجسد انثى والعكس ومنها هالفتاوي فتوى شخصية اعطيت لحالة ترانسس سعودية من الشيخ العلامة عبدالله بن جبرين رحمه الله والشيخ فيصل المولوي والازهر هذا للسنه وفتاوي الشيعه وااايده تحلل هالشي بش انا عارف ان مو كل المشايخ محللين التصحيح ولربما جهل والمعروف ان أختلاف آراء العلماء رحمة من الله سبحانه ليختار الواحد الأنسب له وتقدر تشوغ كلام الشيخ راشد العليمي وتفهم انه موافق على هالشي بس مايبي يصدر فتوى خوف من الناس وانا ماألومه اهم شي ان سوى اللي عليه وقف معانا وهم حق الموضوع اقول في أنواع من البويات والتروف لاتحكمون على الكل من تجربة واحد من الأنواع المتشعبه موضوع طويل اأتوقع ان في احد بيتعب عمره عشان يفهمه كله نفسنا لأن احنا اللي هامنا واحنا اللي نحس
محدن يحس بجمرتن ماوطاها
وتقبلي مروري

طموحة مملوحة يقول...

SiLENT HiLL


يعطيك العافية اخوي بس لو تلاحظ كلامي بالموضوع مو عن الجنوس كان موضوعي كله عن الي موجودين بالصور :)

SiLENT HiLL يقول...

عارف انا بس كنت أشوف الردود وارد بس ولو انتي متحجيه عن الجنوس غلط جان قحصت بالمدونه مالتج وصارت كلها ردودي مني انا اي بعد مانرضا خواتنا الجنووس :) كااااااك
الله يسهل عليناا وحدا اكره اسم بويات وجنوس عشان جذي الله يسهل علينا بنات وشباب كلملين انشالله
مدونه حلوه منها للأمام اختي وانا متابع جديدج موفقه

طموحة مملوحة يقول...

لوووووووووووووووووووووول

تشكرات افندم :)