2009-07-19

خوش دورة :


السلام عليكم ورحمة الله ويركاته :)
أسعدني وشرفني المشاركة في دورة الرسم الكركتيري التي بدأت اليوم في مظلة العمل الكويتي
والتقيت بأصدقاء هناك وبصراحة استفدت منها مع اول يوم ومتشجعة لباجر صراحة :)
لذا أنصحكم بالانضمام للدورة لمحبي الرسم الكركتيري :)
المكان : مظلة العمل الكويتي في منطقة جنوب السرة ، الشهداء قطعة 2 شارع 201 ، منزل 71
الدورة لمدة اسبوعين بدأ من اليوم لغاية الاسبوع الياي ، من الساعة 5:30 مساء لغاية الساعة 6:30
اليوم درسنا الأساسيات :) وفدا راح نكمل
يشرفني حضوركم والمشاركة وبالنهاية انتم المستفيدين ومعاها شهادة اتمام دورة
رسوم الاشتراك 15 دينار :)
ويعطيك العافية اخوي بدر بن غيث :)

32 comments:

thespanian يقول...

wely ma e3aref yarsem bs weda yet3alam shloon?! .. yegdar esagel?!

طموحة مملوحة يقول...

اي التسجيل مفتوح للجميع

انا مدخلة بنت اختي معاي ترسم بس مو كركتير بس حبيت انها تستفيد يمكن يعجبها المجال :)

Hashimoto يقول...

لول .. اي اي خوش دورة

بس للاسف ماراح اقدر احضرها كلها

خلاص صار الدور عليج تعلميني شنو اخذتي بعد ما تخلص الدورة
P=

طموحة مملوحة يقول...

هاشم

والله بغيت اتليقف واقول لك ليش ماراح تيي ؟؟ لوووول بس قلت انا شكو ؟ لووول

كاريكاتير يقول...

شكرا لحضورج وتفاعلج وان شاء الله تكون الدورة جيدة..

وترا قلمج الاسود موجود عندي!!

Q8EL5AIR يقول...

أوووووه شغل عدل ..

عاد نبي نشوف اثر الدورة الأيام أليايه ..

بالتوفيق ان شاءالله :)



وتحياتي ...
ويسلمواإاإاإ :)

طموحة مملوحة يقول...

أخوي بدر :)

اشكرك وايد لأن مليت فراغي بشي يفيدني :)

اي عادي القلم خشه عندك لي باجر لوول

طموحة مملوحة يقول...

كويت الخير


ان شاء الله يارب الله يسمع منك

متشكرة اوي اوي اوي

elsha3er يقول...

ربنا يكرمك فيها وتقدرى تستفيدى على قد ما تقدرى


تحياتى اختى الغالية


احمد الشاعر

ابو عبدالملك يقول...

السلام عليكم ورحمة الله وبركاته
الله يوفقج بالكاركتير

بس عندي تعليق على الكاركتير الا اهو صورة عبدالله السالم رحمة الله عليه
عندي احساس انج قاعده تفتخرين بشخص قدم القانون على شريعة الله سبحانه وتعالى

طموحة مملوحة يقول...

ابن خالتي

ربنا يوفق الجميع يارب :)

طموحة مملوحة يقول...

عبدالملك

أولا الرسمة ليست لي بل للرسام بدر بن غيث


ثانيا لا اعتقد ان سيرة الشيخ عبدالله السالم رحمه الله فيها اي خدش للدين الاسلامي حتى وان قدم القانون لا يعني ان يهمش الشريعة واعتقد ان بوقت عبدالسالم كان الجميع يثني على طيبه وكرمه ... :)

شكرا لك

ابو عبدالملك يقول...

طموحه
اي صح اهو كان طيب وكريم ومحد ينكر الشي هذا
وحتى في يهود وكفار ومشركين طيبين وكريمين لكن هذا ياخذ اجره فقط بالدنيا
لكن عبدالله السالم خدش الدين خدش قوي لانه حكم بغير ماانزل الله وللعلم يوجد حديث للرسول صلى الله عليه وسلم يقول فيه ((ما حكم قوم بغير ما أنزل الله إلا وقع بأسهم بينهم))وانظري الى حال الكويت هواش بين السنه والشيعه وبين العلمانيين والليبراليين ضد الاسلاميين والنتيجه الى مانحن اليه
طبعا هذا من احاديث الرسول الكريم


اما من القران الكريم فقد قال الله عن الذي يحكم بغير حكمه وصنفهم الى ثلاث تصنيفات قال تعالى {وَمَنْ لَمْ يَحْكُمْ بِمَا أَنزلَ اللَّهُ فَأُولَئِكَ هُمُ الْكَافِرُونَ} وقال تعالى{وَمَنْ لَمْ يَحْكُمْ بِمَا أَنزلَ اللَّهُ فَأُولَئِكَ هُمُ الظَّالِمُونَ} وقال تعالى{وَمَنْ لَمْ يَحْكُمْ بِمَا أَنزلَ اللَّهُ فَأُولَئِكَ هُمُ الْفَاسِقُونَ} وتم تفسير هذه الايات الى ثلاث اصناف 1 من قال ان القانون الوضعي افضل من شرع الله فهذا كافر مرتد بدليل قول الله تعالى {وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ}
2 من قال حكم القانون الوضعي مثل حكم الله فهذا كافر مرتد
3ومن حلل السبع المبيقات بالحكم الوضعي فهذا كافر مرتد


المرجع القول المفيد على كتاب التوحيد لمحمد بن صالح بن عثيمين - 2/223
واثابني واثابج الله

{~المباركية~} يقول...

من سمعت انه هاشم و انتي مشتركين فيه حاز بخاطري اني اشترك
بس ظروف السفر ماتسمح
موفقين

فريج سعود يقول...

فديت خشمج على الخمس بوستات الي طافوا

قريتهم سنة وحدة

بس حمدي ربج بوست الجنوس طاف على خير وماعلقت عليه

ولا جان قعدت لج قعدة

seven يقول...

زين الشهاده معترف فيها أو لأ

:)

bo_sale7 يقول...

صباح الخير
الحين مظلة العمل الكويتي " معك " مو تنظيم سياسي !!
شكو قالبين الشغل لدورات رسم وكاريكاتير ؟؟؟
ماكو فلوس ولا السياسة ما توكل خبز ؟

على فكرة ترى بعض الناس اللي دايرين يفتون من مكان لمكان وعايشين دور امير المؤمنين اذونا ...يبون دولة اسلامية خل يروحون عند طالبان ويفكونا
تحياتي

اجتماعي يقول...

الله يوفقكم بدورتكم ..

وإن شاء الله تستفيدين منها ونشوف تطور برسوماتج :)

"لو أعرف أرسم جان شاركت"

بانوراما يقول...

بالتوفيج يا رب

ومنها للأعلى

أتيت متاخرة يقول...

زين سويتي

لوما الخمس ساعات من البحرين للكويت جان ضميت فيها

طموحة مملوحة يقول...

ابو عبدالملك


والله مادري شقول لك بس على ايامه ماكان فيه هواش بين الشيعة والسنة وغيرهم وغيرهم ، بالنسبة لحقوق وواجبات المواطن فهو امر ملزوم من وضع دستور الكويت أما الحقوق والواجبات الدينية ما حرمها ولا منعها للناس ، وهالشي بصراحة بالنسبة لي اشوف ان ماقدر احاسبه على اعماله الي انت تفضلت فيها ..
كل الناس تذكره بالخير واعتقد محد يعرفه زين الا الي عاصر ايامه اما احنا يالصغار مانعرف عنه شي بل بالعكس اتمنى اييي واحد مثل عبدالله السالم على الاقل ماتكون في مشاكل مثل الحين :)

طموحة مملوحة يقول...

{~المباركية~}


حسافة والله :(

الا اقول سلم على زميلنا المدون عبدالله بوفتين من زمان ماكتب شي ولا شفناه اذا شفته بلغ له تحياتي

طموحة مملوحة يقول...

فريج سعود


تكفة تكفة رد على بوست الجنوس والله في وايد يعلقون على مواضيع قديمة وارد عليهم لوووول بشوف رايك يابعد خشمي :p

طموحة مملوحة يقول...

seven


بالنسبة لي ماهمني المهم استفيد يليت يرد عليك الاخ بدر

طموحة مملوحة يقول...

bo_sale7


والله امس سألته بوخالد عن عمل المظلة واذا كان في مجال اشارك معاهم بأعمالهم وخاصة مو ماخذة شي بالصيف فقال لي انهم قاعدين يسوون دورات تفيد الشباب وهذي وحدة من الدورات ، تعليم الكركتير :)

كل شي صغير بالديرة ممكن يكبر مع الايام وتعليم الكركتير شي حلو وجهة مثل مظلة العمل الكويتي لو انا مكانها بسوي دورات بكل شي مو بس الرسم الكركتيري :)



بالنسبة للي قلت عنهم

لا تعليق لوول

طموحة مملوحة يقول...

اجتماعي


مو شرط الرساميين بس الي يشاركون لأن امس تعلمنا اساسيات الرسم شلون تبدي ترسم وشنو الاساسيات الي لازم تحطها في الحسبان قبل ما ترسم :)

طموحة مملوحة يقول...

بانوراما


اجمعين يارب :)

يعطيج العافية

طموحة مملوحة يقول...

أتيت متاخرة


اي والله انا بصراحة حطيت الدعوة حق بيتها كله لووول وكلهم مشغولين والي من زمان ماقام يرسم فمحد عطاني ويه الا مريوم لووول

لا واليهال الثانيين يسألوني في اليوم بعد قاعدين يفكرون يمكن يدشون معانا ان شاء الله :)

جده غير يقول...

بالتوفيق طموحه بالدوره وشدى حيلج فيها عشان تصقلين موهبتج :)


والله يرحم الشيخ عبدالله السالم

ويسلم عمر طموحه مملوحه :)

ابو عبدالملك يقول...

طموحه
على طيبة الشيخ وكرمه هذا مااختلف وياج فيه
اما انا اكلمج على كيف حكم الكويت حكمها بغير مانزل الله به
كان مافي هواش بين الشيعه والسنه لان كان عدد الشيعه ينعدون بالاصابع
ومافي شي كان اسمه الصحوه الدينيه
وفي ناس واجد ترى معروفين بس ماذا يحملون من افكار مثال عندج ابتهال الخطيب وعندج هلال المطيري وعندج محمد الصقر هذيل كلهم علمانيين ضد الاسلام

اذا تبين تتمنين ان يحكمج شخص فتمني الرسول او احد الخلفاء الراشدين او صحابة الرسول

والله اعلم

جده غير يقول...

هلاااا

جده غير يقول...

يا ابو عبدالملك

خف على طموحه مملوحه شوي

البنت ملتزمه بقانون بلدها
وجملة الحكم بغير مانزل الله به شرحها يطول واعذار لاناس هم ابعد عن الشريعه الاسلامية والامثله كثيره فى الوطن العربى والعالم الاسلامى

ومملوحه مسلمه وحياويه وجريئه وبنغس الوقت خجوله


وجده غير :)