2009-07-25

طموحات كويتية ...!!!!!!



الراعي الرسمي لمواضيع مدونة تخاريق طموحة































ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ











أنا فتاة كويتية لي طموحاتي الخاصة في الحياة ، ولي شبيهات كثيرات يشاركنني نفس الطموح فشخصيتي متكررة جدا في الكويت .






















أطمح أن أفتح مشغل خاص بي لبيع الدراريع التي اصممها والاكسسوارات التي تملؤها (( الشوارفسكي )) وابيعها بأسعار خيالية جدا .






أطمح بان أتزوج من رجل وسيم يشبه (( مهند )) قلبه طيب جدا وحساس جدا ورومانسي جدا جدا جدا .








أطمح أن اقلد شخصيات معروفات عالميا ولا اكون لنفسي شخصية غير تقليدية .







أطمح أن تكون ليلة زفافي أفضل من ليلة زفاف صديقتي منور ، وأن يكون فخم جدا والكل يتحدث عنه .












أطمح أن تكون جميع ملابسي ماركات وغير مقلدة ، وغالية الثمن ، وأن يكون لي (( ستايل )) خاص كوووول
















أطمح أن أكون نعومة جدا ورقيقة قدر المستطاع وأن أحاول أن ( أصك ) على نعومة حليمة بولند .















أطمح ان أتدلع كثيرا أخبر زوج المستقبل اني لم اطبخ ولا مرة في بيت اهلي ولا اعرف شيئا بالطبخ ، فأنا لا اعرف ولكني أعرف كيفية الأكل .











أطمح ان لا أترك مطعم في الكويت الا وتذوقت مأكولاته .






ترددت وايد قبل ما احط الموضوع قلت اخاف يقلبون علي بنات ديرتي بس انا وايد انتقدت الشباب ومافيها شي اذا كتبت عن البنات :)



طبعا مو كلهم ولكن الاغلبية منهم .

ـــــــــــــــــــــــــــــــــــــــــــــــــــ

غدا بعد الظهر ستكون هناك مناظرة بين مجموعة من المدونين ومع احد الدكاترة اعلام في جامعة الكويت وان شاء الله سوف اشارك بها :)

شكرا ducati

:) تمنوا لنا التوفيق


53 comments:

Enter-Q8 يقول...

اتعب على الطموح

Yang يقول...

حصل خير انشاء الله

:)))))))))



تحياتي

طموحة مملوحة يقول...

Enter-Q8


طموح بلا حدود

طموحة مملوحة يقول...

Yang

شكله ماعجبك هالطموح لوووول

ثلجيّة القلبْ والأقراطْ .، يقول...

هههههههههههههههه ،
يبتيها رايت يبا P:
ما تطلع البنت كويتيه اذا ما عندها على الأقل ربع هالطموحات P:

شكراً حبيبتي :*

Blog 3amty يقول...

@@

شوف القناعة يا أخي !!

fatto يقول...

موفقه انشاءالله .. واسعي حق كل طموحاتج :)

alfaisalm يقول...

كل طموحاتج سهل تحقيقها متى ما توفرت الارادة إلا شيء واحد من وين نجيبلج مثل مهند وعيال الديره جلحان ملحان
تقبلي تحياتي

خااالف تعرف يقول...

بالتوفيق وان شاء الله
تبيضينها

وتمثلين المدونين خير تمثيل

وانتي قدها واقدود

طموحة مملوحة يقول...

Blog 3amty


لوووول افا عليك بس :)

طموحة مملوحة يقول...

fatto


هذي مو طموحاتي ههههههههههه

طموحة مملوحة يقول...

alfaisalm


لوووول انا مابي مهند ابي زلم ابي حمش ههههه مهند ترف

هذي مو طموحاتي هذا موضوع ساخر

طموحة مملوحة يقول...

خااالف تعرف


ان شاء الله يارب :)

كاريكاتير يقول...

بصراحه

لو 10% من بنات الكويت يتحقق لهن هذا الطموح

تأكدي راح تنطلق الازمة العالمية الاقتصادية من الكويت

وتصير الكويت مصدرة الكساد الكبير الجديد!!

حَافِـيَةُ الَقَدمَيّـنْ ولِبَاسِي المَطـرْ يقول...

في بنات دلع خلقه من الله
وعسسسسل
...
وفي شينة الحلايا لي بغت تتدلع
الله اكبر تكرهين شي اسمه دلع s;
...
بإنتظار اخبار المناظره
احيييج على شجاعتج ما اوصيج
هالله هالله فيهم p;
:*

اجتماعي يقول...

إنتقاد بطريقة حلوة ..
بس يبتيها Right على "بعض" البنات

موفقة بمناظرتج ..

t.q8 يقول...

ههههههه وحتى بالطموح يقلدون بعض

مـغـاتيــــــــــــر يقول...

ما قلتي إلا الصج :-)

طموحة مملوحة يقول...

يقولون القافلة تسير والكلاب تنبحووووووو :D

طموحة مملوحة يقول...

كاريكاتير

ماعتقد لأن هالطموحات شكلية فقط :) غير جوهرية

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ


لوووول افا عليج اهم طيبيين ويتقبلون النقد عادي لووول

فديتج والله :)

طموحة مملوحة يقول...

اجتماعي

اشوة فهمتها الحمدلله لأن في ناس اغبياء ماتفهمها عدل ويفهمونها بطريقة ثانية طبعا انت تعرف النظيف يفهم المواضيع بطريقة نظيفة وال ... يفهم المواضيع بمحدودية مخه المعفن فدائما ينظر لنفسه اهو الصح والبقية غلط ، اكيد عرفت اتحجى عن منو ؟ لوووول

طموحة مملوحة يقول...

t.q8


والله صج بالاسبوع تيييني 10 مسجات كلها مشاغل وعناوييين تكفة ماكو احلا من القعدة على البحر لا فلوس ولاهم يحزنون ولا تجارة نقعد نطالع المد والحزر ماكو احلا من هيك لوول

طموحة مملوحة يقول...

مـغـاتيــــــــــــر

بعد راسي والله :)

هذي الناس الي تفهم وهي طايرة مو الاغبياء الي لي قروا من اليوم لي باجر مايفتهمون !!

العقل نعمة والله


مغاتييير فديتنج والله

رزنامـــــة يقول...

هذي الطموحات والا بلاش لوووول

بالتوفيق بالمناظرة
ويرجى افحام الدكتور واللي سمعت عنه انه متفلسف

نون النساء يقول...

ما أنصحج بالرومانسية والريّال الرومنسي

لووعة جبد ،،

هههههههههههههههههههههههههههههه

تخيلي ريال بو دميعه ..

طراقات والله


.
.


:P~

ضحكت على المشغل بو دراعه
إي والله صاجة
خلاجين تنباع بثلاث إميه وانتي ماشية
صارت اعيوني دولارات بما ان كل وحده تقدر اتسوي خلاجين إبداعيه ..

Fishah يقول...

هالطموح فيها نوع من التناقض

اللي تبي نعومة واناقة لاتاكل بكل المطاعم بعدين تنبط وتصير درام وتتوهق في عرسها اللي تبيه احلى من عرس منور :P

بس احلى شي دلع اللي الوحده عمرها ماطبخت :>

بس حراااام عليج .. جان اخترتي نماين من بنات صج عندهم طموح فيه القيمه :)

عنيف يقول...

وانا اقرا الكومنتات على الموضوع استغربت انه صاحب النصح المجيد مو موجود


ثانيا الطموح انه تصير مصممه ما اعتقد انه شي مو زين بالعكس بس لا يصير طموح يقتل طموح

اما عن مهند ورومانسيته هذا ن سابع المستحيلات تلقينه بين الكويتيين لانهم كلهم يدورون النحشه بعد الاشهر الخمسه الاوائل من الزواج

ونسيتي تقولين عن البورش كل سنتين يشتريها ريلها حقها

والله يوفقج بالمحاضره مع الشباب الطيبين

غير معرف يقول...

أين ومتى راح تكون المناظره ؟ ليش ماكو إعلان ؟ ماتبين نسويلج شربكه ؟

Q8 TeaCHeR يقول...

ماشااااااااااءالله!شي جميل شي جميل ، هذا طموح بالله عليج عيل كل بنات الكويت طموحات ;)

شريم وهذا برطمي يقول...

السلام عليكم

تحية لكل طموح واقوله شد حيلك ولا ينقص عليك

اول زيارة بس ان شاء الله مو آخر زيارة

تقبلي مروري :))

د. محمود الموسوي يقول...

شكرا لك على تلبية الدعوة . أثريت اللقاء بتجربتك مع المدونات . مع إن الوقت كان قصيرا ولكن النقاش كان مثريا.
أتمنى لك التوفيق في كل طموحاتك وأن تكون كلها واقعية.

د. محمود الموسوي
قسم الإعلام - جامعة الكويت

طموحة مملوحة يقول...

رزنامـــــة

والله أنا بعد سمعت انه يتفلسف بس يقول لج الي مايعرفك ما يثمنك وانا شفت العكس ماشاء الله ، قوة كلامه وعقلانيته جدا خلتنا نتكلم براحة وبعفوية وطلبة الدكتور كانوا بقوة التعاون راح اكتب موضوع كامل عنه :)

طموحة مملوحة يقول...

نون النساء


لوووول شوفي بالنسبة للحريم هني فاقدين شي اسمه رومانسية فتلقينهم يتجهون لشخصيات مهند والاتراك لووول انا اتوقع ان عندهم لاعت جبدهم من ريايييلهم مثل مابعض اللبنانيات يملون من دلع الريايييل الزايد لهم فيتجهون للخليجي الحمش لوول

طموحة مملوحة يقول...

نون النساء



على موضوع البيع والله ما ابالغ وحدة حاطة دراعة معفسة وشكلها ملبوس وانصدمت تبيعها ب300 دينار مادري على بالها عميان مانشوف ولا من حلاة الدراعة .. المبالغة الزايدة تفقد قيمة المشغل بكبره

طموحة مملوحة يقول...

Fishah

والله ياستي اغلب البنات جذي ان ييت اسولف لهم بالسياسة يملون بطلي موضوع صالون ولا تجميل ولا مشاغل عند ويهج يسوون لج دوانية كاملة لووول لا اهم ياكلون من المطاعم علشان كشخة مو حلو اكل البيت شخباري بيت لووول هم اقول مو كلهم بس اكثرهم، شرايج نروح المباركية عليهم خوش كباب ؟ لووول

طموحة مملوحة يقول...

عنيف


لا رد صاحب الفلسفة الغبية لوول وتحجيت عنه اليوم :)


اهي مو غلط ان الوحدة تفتح مشغل بس موكلهم نفس الشي وكلهم يبالغون بالاسعار :) مثل البلاك بيري شلون هبوا فيه هم المشتغا جذي :)

طموحة مملوحة يقول...

غير معرف


لا كانت محاضرة عادية بس كنا ضيوف نتكلم عن التدوينات و كان النقاش وايد حلو


يعطيك العافية:)

طموحة مملوحة يقول...

Q8 TeaCHeR


لافي طموحات احلا من جذي وكويتيات وايد يطمحون له:)

طموحة مملوحة يقول...

شريم وهذا برطمي


ههههههههههه ان شاء الله محد يقص علينا

يعطيك العافية:)

طموحة مملوحة يقول...

د. محمود الموسوي

أشكرك اولا على هذه المحاضرة القيمة وتمنيت بصراحة اكون في كلاسك اذا كانت كل المواضيع رائعة جذي :)بحكم اني علوم ومانتكلم عن هالامور ففينا فقر شوي :)

راح اكتب موضوع يديد عن تجربة اليوم واتكلم فيها للقراء شنو كان سبب الدعوة لهذه المحاضرة وانا فهمت من ديكاتي انها مناظرة بصراحة هههه بس ان شاء الله راح اكتب كتقرير عن اليوم وان شاء الله يعجبك الموضوع واتمنى ان نكون على تواصل وأشكرك جزيل الشكر على الاهتمام الرائع بمواضيع الشباب وتشجيعهم على البحث والاطلاع وعدم الاكتفاء بالاقاويل . شكرا لك

رورو الشخبوطه يقول...

السلام..

خخ اشكره مبين انه تنكيت مو طموحج هذي تخاريفج ..

ماشاءالله احب البنت اللي تحاول تثبت نفسها اتحجى عن انجازاتج وطموحج الصجيه واللي بالبوست..

وموفقه يارب خيتو..

وناسه مع الموسوي عجيب هالدكتور ماشاءالله..

Eve's Heart يقول...

وأنا أيضا ً أطمح p;

Jako يقول...

"أطمح أن اقلد شخصيات معروفات عالميا ولا اكون لنفسي شخصية غير تقليدية "


بالصميم طموحة!

وبالتوفيق بالمناظرة للأسف ما أقدر أحضر

د. محمود الموسوي يقول...

طموحة

شكرا لك مرة ثانية وبإنتظار قراءة التقرير.


روزنامة

أماأنت فحياك بالمكتب وإن شاء راح تغير رايك بعد ما تشرب قهوة ونتناقش بعيد عن الفلسفة ، والفلسفة مو إختصاصي ، أستخدمه فقط في البحوث العلمية.

جده غير يقول...

شكرا طموحه
على الموضوع الحلو

ولا تلومين البنات كل وحده تبى الشئ الحلو وخليهم يحلمون ممكن الحلم يصير واقع

لكن الواقع مستحيل يكون حلم

لكن المشكله من تصدق ان الحلم حقيقه

وفيه اشياء ثانية احلا من هالشكليات مليون الف مره بس وين اللى يفهم

وسورى طموحه كنت بكمل بس ازعجنى واحد ؟

وشكرا

طموحة مملوحة يقول...

رورو الشخبوطه


لووول اي هذي تخاريفي

وبصراحة حظ الي يدرس اعلام دام عندهم دكاترة جذي احنا فقر معقدين لوول

طموحة مملوحة يقول...

Eve's Heart


للطموح جاهزون :)

طموحة مملوحة يقول...

Jako


اي والله حلات كل واحد وشخصيته ( غير تقليدية ) هذا الافضل شوف جم واحد ووحدة يشابهون نانسي لوول

طموحة مملوحة يقول...

د. محمود الموسوي


والتقرير خلص :)

طموحة مملوحة يقول...

جده غير

عدل كلامك عدل عدل :)


بس وايد متكرر هالشي بين البنات

د. محمود الموسوي يقول...

طموحة

قرأت التقرير وهو لطيف وشكرا على الإطراء :)

ومحاضراتي على فكرة مفتوحة لبقية الطلبة بشرط أن لا يتعدى عدد الطلبة عن عدد المقاعد في الفصل :)

إن شاء الله نتواصل في محاضرات أو في ندوات مستقبلية تكونين ضيفة مرة أخرى مع طلبة جدد ...

تنويه:

سقط سهوا في تقريرك عن المحاضرة بخصوص اسمي (محمود) وليس (محمد) :)

طموحة مملوحة يقول...

نعتذر عن الخطأ الفني دكتور

بصراحة يشرفني ذلك واتمنى ومن دواعي سروري ان اشارك :)

تأكد يا دكتور مادمت تسير على منهج تشجيع الطالب على الجرأة والبحث عن قوة الطرح ستخلف خريجي اعلام اقوياء وسأكون حاضرة في معظم محاضراتكم لأني استمتع بالاعلام بكل صراحة شكرا لك وشكرا لحرصك وهذا مانريده الحرص على الطلبة وبالتالي حرص الطالب على ارضاء نفسه وارضاء دكتوره ولا يخيب ظنه وتعبه شكرا لك وأعتذر عن الخطأ :) .