2009-07-30

الحفل الختامي مع كلمة شكر ...!!!


السلام عليكم ورحمة الله
تأخرت على ماكتبت البوست سوري
أمس كان الحفل الختامي للدورة الي استمتعنا فيها كثيرا ، بداية كنا موجودين الساعة 5:30 علشان نرسم رسمات سريعة ونلونهم طبعا اخونا بدر ماخلى نصيحة ماقالها لنا الله يعطيه الف عافية ، واشكر زوجته الي حضرت وشاركتنا .
بدأت الحفلة الساعة السابعة وتم توزيع الشهادات ، وتالي تم توزيع الجوائز للرسمات الفائزة
ولله الحمد رسمتي كانت من بين الرسمات الفائزة وأبارك لأخوي هاشم لأنه فاز كانت رسمته جدا مضحكة ومعبرة وتعبر عن التوهق الي اهو فيه مع مادة اللينير لووول
راح اقول لكم شنو الهدية ، الهدية عبارة عن كتاب تعليم الكركتير ، وله معنى كبير ان تكون الهدية كتاب بالنسبة لي .
راح انشر الرسمة الي رسمتها فينا بعد ان شاء الله :)
أشكر كل من :
خالد العتيبي ، احمد الكندري ، أنور عبدالله على تلبية الدعوة والحضور .
شكرا انتر على النصايح واوعدك كل رسمة ماراح تخلا من المكورشين لووول .




اشكر أخوي بدر على الدورة الي استفدت منها وايد وتطورت رسماتي بشكل ملحوظ ولله الحمد .
شكرا للحضور
شكرا لمظلة العمل الكويتي ( معك ) على هذه الدورة
ودعوة الاسبوع المقبل يوم الثلاثاء لدورة (( اساسيات الفوتوشوب )) في مظلة العمل الكويتي .


22 comments:

عنيف يقول...

العفو العفو ما سوينا شي حضورنا واجب رغم الوهقه الي كنت فيها انا وارتفاع السكري وهبوطه بنفس الوقت عندي

غير معرف يقول...

ممكن مواعيد الدورة القادمه للفوتوشوب ؟ الرسوم والوقت

Hashimoto يقول...

عالبركة عالبركة فنانتنا
=)

والله ناطر دورة رسم الوجوه
لول

ثلجيّة القلبْ والأقراطْ .، يقول...

وااااااو !

أول مره اشوف رسماتج و من أول رسمه اتضحلي إنج مبدعه بهالمجال ، مبروك و تستاهلين كل خير و إن شاء الله الكتاب يفيدج أكثر و يساعدج في تنمية موهبتج و بالتالي تنميةالإبداع معاها ،

و أعتذر جداً جداً إني ما حضرت معنه كان ودي أحضر من الساعه 5 ونص حتى قبل تسليم الشهادات بس للأسف أمي و أبوي خوّني فيني هالمره و طبعاً الغلط مني لأني ما قلتلهم من قبل P:
يالله ما عليه اليايات أكثر بس قوليلنا قبلها و إن شاء الله نلتقي .،

شكراً عزيزتي :*

طموحة مملوحة يقول...

عنيف


واضحة

سيماهم في وجوههم لووول

طموحة مملوحة يقول...

غير معرف

ان شاء الله بس اسأل اخوي بدر وان شاء الله راح اكتب بوست كامل عن المووضوع مبدئيا اهو بنفس المكان مظلة العمل الكويتي الشهداء قطعة 2 شارع 201 منزل 71 واعتقد من الساعة 4 او 5

راح ااكد لك قريبا ان شاء الله

طموحة مملوحة يقول...

Hashimoto

وانت بعد مبروك لك لوووول شسويت بامتحانك اليوم بشر؟

طموحة مملوحة يقول...

ثلجيّة القلبْ والأقراطْ

عاد والله امس دورتج قلت وينها ؟


ياعمري انتي

الرسمات هذول اخوي بدر اهو الي راسمها راسمني وراسم هاشم ووحدة كانت معانا ..

اذا تبين تشوفين رسوماتي بمدونتي الثانية



http://6amoo7a2.blogspot.com/

Ducati يقول...

عالبركه وانشالله منها للأعلى

انزين خو يعني انا ما اعرف ارسم ولا اعرف اكتب شي مفيد بس اعرف اكل واتذوق ماكو احسن مني

ما عندكم شي حقي

:)

اتغشمر لووول

كاريكاتير يقول...

مبروك وانا اللي تشرفت بالتواجد بين مجموعة مواهب الحقيقة تفاجئت بأن الكل "ان شاء الله" وده بدورة ثانية وثالثة واللي كان يبيها شهر!!

ومبروك لسارة وفهد وهاشم والحقيقة انا ابارك لنفسي لوجود عدد كبير من اصحاب المواهب، حتى الصغار عندهم قدرة على التعبير في الكاريكاتير.

اوعدكم بدورات أخرى لكن مع بداية العام الدراسي.

هالحـــــزة يقول...

مبروووووووووووووووك يا سمسم وانا شفت رسماتج بالمقر وكاتوا وايد حلوووووين وخصوصا هذي

http://www.F5ry.com/uploads/images/www.f5ry.com-f526ed4bfe.jpg

صايرة فيها ام علوووووي :)

تمنياتي لج بمزيد من الاستمرار

ملاحظة : الصورة تصويري الشخصي .

طموحة مملوحة يقول...

Ducati



بصراحة هالدورة علمتنا اساسيات الرسم الكركتيري يمكن ماكنت دارستها بس علمتني شلون اصلح اخطائي بالرسمات من هالاساسيات :)

المرة الياية لازم تشاركنا :)

طموحة مملوحة يقول...

كركتير


لأن نيتك طيبة وحبيت تنفع الناس لقيت ثمرة جهدك وايد ناجحة ولله الحمد

انا ناطرة الدورة الثانية بشغف والله وخاصة تعليم رسم اشخاص مثل ما رسمتنا :p

طموحة مملوحة يقول...

هالحزة


لوووول انت وين كنت ييت آخر شي؟ ؟

لوووول هذي رسمة ام عليوي بخاطري اسوي شخصية تجسد شخصيتي بس تكون ام عليوي ان شاء الله راح احطها بالمستقبل انا رسمتها وهذي سريع سريع لووول

بس شرايك برسماتي الثانييين ؟؟

هالحـــــزة يقول...

الرسم فن وذوق وخصوصا فن الكاركتير واعتقد انج فنانة ورسماتج فيها فن ولكن انتي تحتاجين الوقت علشان تبدعين انا اتمني لج كل التوفيق و اتمني اقدر اتواصل معاج بشكل مباشر .

دمتي بسعادة

غير معرف يقول...

ساره اعرف انتي تحبين الحشرات , تعرفين السميسمي ؟ عندج صور حقه ؟

طموحة مملوحة يقول...

هالحزة


كلامك وايد شجعني ماتدري هالورة بروحها بس شنو استفدت فيها اشياء وايد ماكنت حاطتها ببالي والله ، في مفاجأة مستقبلا راح اعلنها بمدونتي وان شاء الله تسعدكم :)

ايميلي موجود ان شاء الله اذا حبيت نتواصل انا موجودة وحاضرة وكذلك بالبوست اليديد راح احط دعوة بامكانك المجيء لأني راح اعرض رسوماتي بعد :D

طموحة مملوحة يقول...

غير معرف


@@

مالها اسم ثاني ؟؟ دورت عليها وايد بصراحة ومالقيتها اول مرة يمر على هالاسم لازم اسأل وحدة من رفيجاتي مساندها علم حشرات واهي تييب لي معلومات وايد :) ماراح انسى ان شاء الله

مـغـاتيــــــــــــر يقول...

الف مبروك ..

ننتظر الكثير بعد هذا الفوز ،

شخصيا اطالبج بكاريكاتير

مع كل بوست

P:

fatto يقول...

مبرووك عالفوز :) الى الامام ياطموحه :)

طموحة مملوحة يقول...

مغاتييير


لا واللي يسلمج حد ام التعب لووول

طموحة مملوحة يقول...

fatto


خليج معاي للأمام