2009-08-08

دعوتين في آن واحد


تحت رعاية الشيخة فريحة الأحمد الجابر الصباح
تقيم الجمعية الأمريكية لجيولوجيا البترولAAPG _ فرع الكويت الأمسية الشعرية
تحت عنوان (( كويت الذكرى ))
تخليدا لذكرى الاحتلال ( العراقي ) على دولة الكويت الحبيبة .
وذلك في الساعة الساعة السابعة من مساء يوم الاثنين الموافق 10 من اغسطس 2009 م . في جمعية المحاميين الكويتية ( موقع الجمعية في الخريطة المرفقة )
يشرفنا جدا حضوركم ، كان ودي أحط اسماء الشخصيات الي راح تيي بس يفضل تلتقون فيهم هناك أحسن :)








ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



تدعوكم مظلة العمل الكويتي ( معك ) لحضور ندوة (( البيئة الكويتية أمانتنا )) .

يحاضر فيها رئيس قسم علوم الأرض والبيئة في جامعة الكويت ، الدكتور جاسم العوضي .

والدكتور : محمد الصرعاوي .

عريفة الندوة : سارة النومس

سيكون محور الندوة عن البيئة الكويتية والاضرار التي تتعرض لها ، والحلول المقترحة لتقليل الاضرار عليها .

أعتقد بأن الندوة ستكون مليئة بالمعلومات التي يجب ان تكون في بال كل مواطن كويتي ، لذا ادعوكم للحضور للاستفادة وللاستفسار فمجال النقاش مفتوح للجميع .

ستكون الندوة في مقر مظلة العمل الكويتي ـ ضاحية الشهداء ـ قطعة 2 ـ شارع 201 ـ منزل 71

الساعة السابعة يوم الأربعاء القادم الموافق 12-اغسطس 2009 م .

ـــــــــــــــــــــــــــــــــــــــــــــــــــــــــــــــــــ

برب جم يوم بزي بزي بزي :)






25 comments:

Dakhtar Blue يقول...

إختي العزيزة

إسمحيلي أسجل إعتراضي على نفس أسس إعتراضات الأخ العزيز زيدون بهالمواضيع!

الجمعية الامريكية لجيولوجيا البترول وينهم كل هالمدة اللي يايين يتذكرون الغزو العراقي عقب 8 ايام من المناسبة! يعني حتى الدعوة عقب 6 ايام من المناسبة!

ماعندهم رزنامة؟

طموحة مملوحة يقول...

عفوا اخوي الدكتور لك حق للاعتراض بس احنا من زمان مسجلين الطلب على هالامسية ماردوا علينا الا متأخر ماعتقد احنا نتحمل الذنب :)

وبعدين وكما قلت وسأقول احنا نتذكر هاليوم طوال العام مو شرط بيومه عدل؟؟



اهو مو عيد علشان نذكره يومه عدل ؟

Dakhtar Blue يقول...

بس خلاص عيل...
عفونا عنكم! :o)

وكلامج سليم

غير معرف يقول...

يعني لازم تخلون البعض اللي يحبون يترززون على اكتاف غيرهم يركبون فوقكم ؟ ماهي الهقوه يا فعدة الصباحيه

غير معرف يقول...

لوسمحتي عريفة الندوه لا تخربون علينا احنا داشين جو مع حاكي عقالي على الفوتوشوب حطيلكم خيمه برى :>

طموحة مملوحة يقول...

Dakhtar Blue

اشوة كله ولا زعلك عاد :D

طموحة مملوحة يقول...

غير معرف


لو تعرف شلون نظام شغلنا ماراح تقول هالكلام لأن كلنا متعاونين مع بعض وكلنا بنكون بالصورة محد يرتفع على ظهر الثاني :)

يبيله قعدة نقاش واقول لك آلية العمل الي نشتغل عليها ولو تشوف شلون اهم قاعدين يعطونا امكانيات علشان احنا نطلع مو اهم ماتقول هالحجي :)

طموحة مملوحة يقول...

غير معرف 2



اي حرني اكثر تكفة :D


جد والله كان ودي اشارك بهالدورة مع شديد الاسف انشغلت وايد وايد جدولي متزاحم لووول افا عليك بحط خيمة وياويلك ان يييت هناك بطردك لووووول

حياك الله اخوي والحمدلله ان استفدتوا من الدورة

غير معرف يقول...

I can't stop laughing. I do not see the connection between petroleum, poetry, and Fareeha. The situation is so miserable that I can't stop laughing. 

كاريكاتير يقول...

بالنسبة بدعوة الاثنين ان شاء الله اقدر احضر اما دعوة الاربعاء

فانا "معك" لكن للأسف راح اكون مسافر وبحاول اتابع الندوة من هناك او حتى لما ارجع وواثق من ان الندوة مميزة.

لا تنسين تبلغين الصحف والمجلات.

والاهم تعزمين المهتمين بالبيئة سواء النواب او الاكاديميين او نشطاء البيئة اللي عندنا.

موفقة

غير معرف يقول...

انا غير معرف الأول, بصراحه انا اشتغلت مع فلانه الفلاني وشفت ان الموضوع كله حضورهم التشريفي لا وبعد نعطيهم درع , وآخر شي حتى مخصصاتنا ما عطونا

بوخالد يقول...

اشوف شلتي صور طلتج البهيه من بوست المعرض ... شكله بعض الناس كانوا يغنون جرب نار الغيره لووول

طموحة مملوحة يقول...

غير معرف


شي حلو ان رسمنا الضحكة على ويهك :)

لا في علاقة قوية جدا بعد :)

الجمعية في أمريكا تستلم منا تقارير كل فترة والنشاطات الي طلبتها منا في جميع المجالات مو شرط يكون فقط في البترول :) ولو تشوف اهتمامهم هناك فينا احنا ككويتيين تقول زين في احد يعطينا ويه هني وانا اقدر الشيخة فريحة انها ماردتنا بهالشغلة :) بس أأكد لك ان الي برا يدعمونا بشكل ماتتصوره اكثر من دعم ديرتنا لنا :)

طموحة مملوحة يقول...

كاريكاتير

تروح وترد بالسلامة يارب


انا والله قاعدة احاول اشوف زملائي القدم في معهد الابحاث والدكاترة الي اعرفهم ان شاء الله احصلهم واعزمهم ولا تشيل هم يابدر ان شاء الله نكون قد المسؤولية يارب

طموحة مملوحة يقول...

غير معرف


يمكن انت اشتغلت معاها تنطر شي من ورا هالشغل بس لا تنسى ان في ناس تشتغل علشان تقوي سيرتها الذاتية :) انا ما انطر من احد انه يساعدني مستقبلا هالاعمال راح تتسجل بسيرتي الذاتية والفرع الرئيسي للجمعية على اتم استعداد انها تساعدنا مستقبلا اذا شافت ان احنا نقدر وعندنا خبرة مسبقة وانا كلي تفائل بهالشي :)

وقبل كل هذا لا تنسى انك تسوي هالشغل علشان اسم ديرتك لا علشان فلانة ولا غيرها

طموحة مملوحة يقول...

بوخالد


والله أسباب ثانية في ناس وايد طلبت هالشي وانا ماقدر ارد قرائي صراحة :)

اشكرك

غير معرف يقول...

http://www.youtube.com/watch?v=ogBp8IAtSWc&feature=related

الجمعية الأمريكية لجيولوجيين الترول - جامعه الكويت يقول...

السلام عليكم

لكل الأخوةالمعترضين على عمل تلك الأمسية الوطنية و بعض من لايعلم الغرض من تلك الأمسية أرجوا الإطلاع على الموقع الرسمي للجمعية وقراءة كل تفاصيل الأمسية قبل الشروع بالحديث والتعليق بكلمات بغير حق في الجمعية أو بأعضائها.

www.geokwt.blogspot.com

وعموما إن كان هذا النشاط بعد شهر او حتى شهرين فهذا لا يؤثر أبداً فالكويت ليست فقط يوم أو يومين ليتم تذكرها ! بل بإستطاعه أيا كان ان يقيم أي شيء ذو منفعه وطنة وعلمية في آن واحد كما فعلت الجمعية في أي يو يريد. !

والعبرة بأخذ الدروس من تلك المحنه وليست مجرد (تاريخ و رزنامة) كما تتصور يا أخ Dakhtar Blue

وبالنهاية حضوركم شرف للكويت،
وشكراً للجميع :)

غير معرف يقول...

اي بس للأسف الشكل العام ان فلانه وفلانه الفلاني اهم اللي قاعد يسون شي حق الديره والواقع في شباب وشابات مثلج اهم اللي يتعبون وآخر شي جنه الفلاني اهم اللي مسوين كلشي هذا قصدي

mantovani يقول...

طموحة ...

اتمنى ان الله يوفقج في كل خطوة في حياتج

===

بكل حسن نية ...

بغيت اسألج , شنو علاقة جمعية امريكية
معنية بجيلوجيا البترول بالشعر و الغزو؟؟

===

من القلب اتمنى لك التوفيق في حياتك
انتي مثال البنت النشيطة الطمةحة من
ايام ما كان اسمج alsarona

تحياتي

مانتوفاني

طموحة مملوحة يقول...

غير معرف 1


البعض من المقاطع ما اقتنع فيها وما اصدقها

والبعض الآخر اي ، انا أؤمن بوجود هذه الاشباح :)

طموحة مملوحة يقول...

الجمعية الأمريكية لجيولوجيين الترول - جامعه الكويت


معلش لأن الجمعية توها يديدة شوي فماعليه مع الايام بيعرفون شنو أهدافها :)

طموحة مملوحة يقول...

غير معرف 2


صدقني وايد شاركت بمواضيع وشفت ناس تحب تبين نفسها وايد بس دام حطيت ببالي شغلة اني اسوي هالشي لله بدون مقابل وعلشان ديرتي والله انام الليل مرتاحة الحمدلله والله مايضيع تعبي الحمدلله :)

شوف عندي ان الواحد يبدي من الصفر وياخذ منصبه بالاخير بتعب افضل من الي مايدري شالطبخة وياخذها باردة مبردة :) الناس راح تفرق الفرق بالتعامل بالخبرة :) .


يليت تيي باجر عاد وتقول لي ان انت الي علقت على هالكلام علشان اناقشك اكثر :)

طموحة مملوحة يقول...

mantovani

في البداية اشكرك جزيل الشكر على كلامك الي احرجني بصراحة ما استاهل كل هالكلام والله :)

ثانيا ادري ان السؤال بحسن نية بدون ما تكتبه لأن وايد سألوني هالسؤال .

شوف الجمعية موجودة من زمان حيييل ولها افرع كثيرة بالدول العربية وعندي زملاء كثيرين من المملكة ويعطوني تقارير مستمرة عن الجمعية عندهم ، الجمعية تشجع جميع الانشطة مو بس البترول والنفط ، لأن لو تكرر كل نشاط عن نفس الموضوع راح يملون الموجودين ، وللجمعية ولو انها توها اول سنة بالكويت الا ان الحمدلله قمنا بعدة انشطة ولنا مخططات مستقبلية لأنشطة اخرى شركات النفط متعاونة وبشدة معانا ، مو لازم يكون في علاقة بين هالاشياء المهم شنو قدمت الجمعية؟

ومو علشان اسمها متعلق بالبترول فخلاص تحتكر مهامها كله في البترول.
والامسية مو بس فيها قصيدة فيها كذلك مقطع فيديو يتحدث عن الاحتلال العراقي الدكتور محمد الصرعاوي الي اهو بقسم علوم الارض والبيئة راح يتكلم عن اضرار الاحتلال بالبيئة الكويتية كل هذا راح يكون بالامسية مو بس قصائد وبس :)

أتمنى تحضرها أتمنى من كل قلبي واتعرف عليك زميلي الوسطي ;)

غير معرف يقول...

Came in here to tell you how appreciative I am for all the invites you have on here, for various events. Thank you