2009-08-11

طـــــــــــــــــلب من طموحة !!!

السلام عليكم ورحمة الله وبركاته :)
ماراح احجي وايد بس بكتب تقريري عن امس بس ماراح اكتبه اليوم لأني ناطرة الصور من ولد عمي علشان احطها هون :)
المهم لا تنسون باجر وراح اعيد واكرر الدعوة
غدا ندوة بيئية بعنوان (( البيئة الكويتية أمانتنا ))
يحاضرها الدكتور : جاسم العوضي من جامعة الكويت
والأستاذ الدكتور : محمد الصرعاوي
ومحاضر ثالث المهندس : أحمد الشريع
وعريف الندوة : سارة النومس
ستكون الندوة غدا في مظلة العمل الكويتي ( معك ) الساعة السابعة مساء ، في منطقة الشهداء ، قطعة 2 شارع 201 منزل 71 .
حياكم الله وتعالوا مو تطنشوني زي كل مرة :)
.
.
.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
.
.
.
الطــــــــــــــــــــــــــلب
كنت ادور في اليوتيوب على اغنية الفنان الكبير بوخالد عبدالكريم عبدالقادر على اغنيتي المفضلة ( مكانه الخالي ) فمالقيتها أتمنى اذا احد يعرف لليوتيوب ويحط فيديوز أتمنى أتمنى يحط اغنية مكانه الخالي وراح اعتبرها هدية ثمينة جدا لأن هالاغنية قريبة حييل من قلبي
تكفون :(





13 comments:

غير معرف يقول...

مكانه الخالي...محدن ملاه...أشوفه بعيني ...وأسرح معاه....جالس أناظر هالمكان...

ويمكن يرجعني الحنااان.......!!

كل يوم في نفس المكان....كل يوم في نفس الزمان...

انا..انا...انتظر....لحظة لقااا .....

يازينها لحظات...يازينها...لو كانت قليلة.....

ياحلوها نظرات..ياحلوها...بين خل وخليله....

كانت الدنيا...مسافه...وكنت لي انت الطريق...

وصارت اللحظة كلافه....والأمل دربه يضيق.....

منهو غيرك...؟؟ يعطي لجروحي الأمان؟؟

منهو غيرك يقدر يعيد اللي كان؟؟؟

كل يوم في نفس المكان...في نفس الزمان...انا..انا...انتظر...لحظة لقااا.....!!!!

حاولت...أصدق فرحتي...وأعيش هالفرحه برجاه...لقيت نهاية قصتي.....تبدأ بنظرة معاه....

أسمع انا بعشق النظر...واحسب أنا العاشق مزوح....أحسب!!!!

مدري واقف لي القدر؟! ولاّ كذا طبع الجروح؟!

حزين على حالي...يا حالي أنا....مشتني هالدنيا....بدروب العنا....

كل يوم في نفس المكان...كل يوم في نفس الزمان.....

أنا ...أنا ...أنتظر....لحظة لقاء.....

فهد;)

طموحة مملوحة يقول...

فهد







:)

اجتماعي يقول...

إن شاء الله ..

بنشوف آخرة هالندوات ..
بتطلع بنتيجة ولا كالعادة ..

نسمع من هني ونطلع من هناك :)

beezo يقول...

تم

ماطلبتي شي

جده غير يقول...

مش موجود يو توب

مكانه الخالي...محدن ملاه...أشوفه بعيني ...وأسرح معاه....جالس أناظر هالمكان

فعلا محدن ملاه

أحمد الحيدر يقول...

الندوة انشالله يوم الخميس ؟

راح نغطيها انشالله اذا تحبون :)

بس بشرط نعرف رايكم بصفحة البيئة اللي نازلة اليوم ;p

والاغنية مادلها على اليوتيوب .. نزليها من مواقع الاغاني اريحلج ..

تحياتي ..

طموحة مملوحة يقول...

اجتماعي

لوول حسسني انك راح تفجر المكان اذا ماعجبتك لوول

طموحة مملوحة يقول...

beezo


بعد خشمي والله ماقصرت

راح اكون بانتظارها

طموحة مملوحة يقول...

جده غير


اي للأسف واغلب اغاني بوخالد بعد مو كاملة باليوتيوب للأسف انا وايد امزج على اغانيه والله

طموحة مملوحة يقول...

أحمد الحيدر


لا الندوة اليوم @@


لووول اي جريدة قول لي احب سوالف البيئة وخاصة بالكويت ، ويليت تحضر والله


الغنية موجودة عندي بس ابيها باليوتيوب الفيديو كليب مالها حده دمار وعوار خشم والله :p

حياك الله اخوي احمد بس اليوم الندوة مو باجر

beezo يقول...

فديت خشمج

لقيتها 13 مره بتسجيل غير واضح

:S

خليتيها تدش راسي

صبر شوي مو ناسيج

طموحة مملوحة يقول...

beezo



صدقني والله مقدرة الي تسويه والله وايد مقدرته


ناطرته بشوق والله هالغنية اوووووف عذاب لوول

أحمد الحيدر يقول...

احم احم ..

الندوة اليوم كانت ؟

شلون قريتها انا باجر ؟

طافني سوري :(

عموما اذا حابة هم ننشر تغطيتها ..

والجريدة القبس طبعا :)

تحياتي وبالتوفيق