2009-08-25

حلم مضحك وعين حزينة !!

انعكاس وجهي في المرآة
يملؤه الحزن واليأس
قد ظللت أنادي للنجاة
من غرقي وسط بحيرة دموعي
.
.
.
.
سندت ظهري للحائط
وضوء الليل عبر النافذة يبين نصفي
نصفي المضيء
والنصف الآخر المظلم
أحرك رأسي يمنة ويسرة
وأغني أغنيتي المفضلة
( مكانه الخالي )
عندما انتهيت من احدى الجمل
( حزين على حالي ياحالي أنا )
بكيت بشدة وكأني فقدت نفسي
بدأ ضوء الليل يتلاشى
حتى اصبحت لا أرى يدي أبدا
فنمت في الارض وبكائي لا يتوقف
وأصبحت أرى الظلام فوقي وعيناي جاحظتان
العب بخصلات شعري
حتى نمت نوما عميقا
.
.
.
.
متى أنتهي من هذا ؟
وأنام نوما عميقا وسط احلام ملؤها السواد
تلاحقيني الصراصير كثيرا
فاستيقظ فجأة مذهولة
ماذا كانت تريد بي هذه الصرصير؟
5 أيام متتالية أراها تلاحقني !!
فماذا تريد ؟
.
.
.
عيناي مرهقتان من البكاء
وقلبي يضرب بشدة ..
لماذا أنا هنا وحدي ؟
ومتى سأظل على انتظار ؟
هل أستحق ما يحدث لي ؟
هل حقا سأظل وحيدة مع نفسي ؟
.
.
.
.
أتجه للنافذة وأرى الشمس كيف انارت كوكبنا كاملا
لتؤكد لي ...
أنه مهما ظلمت أيامنا وأصبحنا حزينيين على حالنا
سيأتي اليوم الذي تضيء فيه أنفسنا
ونرى الجانب المشرق من حياتنا
أعلم بهذا
وأعلم بأني وُلدت سعيدة
وسأفارق الحياة وأنا سعيدة
طموحة مملوحة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بصير أحسن من مسابقات الرمضانية وياخذون من الناس فلوس على الرسايل سؤالي اهو منو هالشخصية الي بالصورة ؟؟ لووول والهدية اهي الابتسامة وخاصة برمضان :)



تقول الفنانة احلام رحمها الله دنيا وآخرة : يقولون الثقل صنعة !!

أهدي هالاغنية حق حليمة وحق برنامجها

22 comments:

طموحة مملوحة يقول...

على فكرة ترا صج احلم كل يوم بالصراصير تلحقني ولا صراصير راهية شكبرها مادري شسالفتها لوول

5ayrhaa يقول...

رغيف العجيب لول

غير معرف يقول...

احلام سعيده ياطموحة .. وهذا صورة رغيف :p

حَافِـيَةُ الَقَدمَيّـنْ ولِبَاسِي المَطـرْ يقول...

فسري الحلم ياوخيتي
انا سامعه ان الصراصير " أعداء "
والله اعلم p;

...
حليييمه !
جبدي قامت تقلب يوم شفتها تقلد ام عصام
ياخي انتي وين و التقليد وين ؟ :/
طينتها ثجيله استغفرالله

طموحة مملوحة يقول...

5ayrhaa


صح وهاك الهدية (( :) ))


ألف ألف ألف مبروك لوووووووول

طموحة مملوحة يقول...

غير معرف

شكرا جزيلا

وهذي الهدية الثاني (( :) )) ألف مبروك

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ


يالهوي الله يستر لووول عاد اعداء صراصير ؟؟ أقول حق اعدائي شفتوا شلون طلعتوا لي بالحلم كفوكم تصيرون صراصير لووول



لا والله طول البرنامج تضحك احسها مو صاحية لووول

well_serviceman يقول...

انشاءالله تنقلب أحلامج احلام سعيده ، وعلى فكرة الصراصير زينه بالحلم هههههه

رغيف العجيب ، ياريت كلنا نفسه ، ياكلون اخدودنا وانرد نخبز خد يديد!!

:)

العجمي يقول...

بعد هذه الأحلام الخطيره

والتغييرات المرعبه في المنام

السؤال الذي يطرح نفسه !!؟؟

شنو كان سحورج قبل لا تحلمين :::)؟؟

حياتي هدف مو عبث يقول...

عادي يمكن اتفكرين بالصراصير وايد
عشان جذي ظل في بالج .. او دقي على النهام P:

ما أعرف اسمه لكن شفت الكومنت
كنت بقول طمطوم ههههههه

صبا يقول...

حليمه ماصخه بس حلوه
احب اشوف طلتها

الله يهديها مبدعه بدنيتها والقاضي راضي

والصراصيييير ويييع والدليل حتى تفسيرهم بالحلم عدو وشي مو زين

just a bunch of thoughts يقول...

لووووووووول رغيف!!! ههههههه شخباري!

يمة بسم الله عليج! شوفي تفسير الاحلام شنو معنى الصراصير .. الله يستر ... ان شاء خير

يللا ابي ابتسامتي :d

انور عبدالله - القصر الأحمر يقول...

هذا مو حلم هاذي دعاية بف بف

بالنسبةللمسابقة

الي افكر بالهدية ينسى الجواب !

طموحة مملوحة يقول...

well_serviceman


اهي زين موزين عادي بس بطوا جبدي بالحلم موقفة اشغالي بسبتهم كله يلحقوني لووووووووول


اول كانوا يشبهوني برغيف العجيب لوووووول

طموحة مملوحة يقول...

العجمي


سحوري كل خير ان شاء الله لوووول



بس انا اتسحر وايد واتفطرر شوي

طموحة مملوحة يقول...

حياتي هدف مو عبث


مايخالف هم راح نعطيج ابتسامة :) :)

بعد شتبين ؟؟

طموحة مملوحة يقول...

صبا


اي لووول الصراصير اخاف تدش بحلجي بالغلط مثل ما دشت بمرة من المرات وكرهت عيشتي لوووول


اي حليمة والله الزين مايكمل شوفي شكلها بس لا تسمعين صوتها وايد يصير فيج صداع وكركرتها زايدة عن اللزوم تضحك على اسخف الاشياء

طموحة مملوحة يقول...

just a bunch of thoughts


افا عليج ماطلبتي شي وهاج الابتسامة (( :) ))

افا عليج بس لووووول


تصدقين عاد كل الحشرات ماتطلع لي بالاحلام بس الصرصور الي اكرهه كله يطلع لي ومسخها 5 ايام ورا بعض

طموحة مملوحة يقول...

انور عبدالله - القصر الأحمر


لوووووووووووول امبي ضحكني بف باف لووووول

امبي ماتبي الابتسامة ؟؟ شوي مو ؟

انور عبدالله - القصر الأحمر يقول...

عزالله من كثر ما هي حلوه اتسويلك فقدان بالذاكرة

طموحة مملوحة يقول...

:) ثانكس

أسيرة اللوحة يقول...

اضغاث احلام ,,
إن شاء الله خير ,,

غاليتي إياك ان تستسلمي للنصف المظلم ,,
بداخلك اشراقه كفيله بتطهيرك من تلك الظلمات ,,

أعيدي مسح سطح تلك المرآة فأنا أكيده أن أنعكاسك أفضل بكثير مما تصفين ,,

اشكرك ان اعدتي لي ذاكرتي مع رغيف ,,
دمتي كما تحبين ^^