2009-08-29

دعوة لزيارة بواليع الكويت !!!





لا تخافون ماكو الا العافية بواليعنا مافيها شي لا غازات ولا امراض ولا انفلونزا الخنازير ولاشي ترا المدونين يخرعونكم ماكو الا العافية .
أناشد كل وزارات الدولة بالتدخل وبسهم دلع زايد الوضع مايحتمل اي تأخير .
استغفر الله كل هالبلاوي تصير وكلش عمك اصمخ ولا احد يسمع ولا يفكرون يسوون مناطق سكنية يديدة .
أنا أقول ياشعب الكويت لا تاكل وايد علشان لا تخرج وايد وانتو بكرامة .
ونحن بحاجة لأمساك حاليا لحد ياكل حبوب ملينة لين نلقى حل .
مدونات مهمة تكلمت بالموضوع احسن مني :
.
.
.
.
.
.
.
.
.
.
.
.
.
.
.
ماقول الا الله يستر بس :(
ــــــــــــــــــــــــــــــــــــــــــــــــــــــــــــــــــــــــــــ

22 comments:

قانونى كويتي يقول...

مساء الخير

وشكرا على الموضوع الممتاز بالطرح

وصج الله يستر علينا

والله الحافظ

أسيرة اللوحة يقول...

لا حوول ,,
و الله دولنا كل مالها تدق ريووووس ,,


ربك يعين ^^

well_serviceman يقول...

اهم شي بالموضوع كله أخيتي انه مدير المحطه يقول أنه المهندس ماقال انه المضخات يبيلها صيانه ، ياااا سلااااام عالأعذار!!! ناااااار العذر!

ماكو إلا حمله وطنيه فعلا لوقف هذه المهزله ، المسؤولين دايخين وكل واحد يرقع للثاني ، واخرتها بقولهم انه الموضوع عادي والمجاري من زمان تصب بالبحر! لكن الاخت نست انه المجاري تصب بالبحر بعد المعالجه ، مو دايركت يا "امنا" العزيزه!

بوست جميل حتى وان كان قصير ، ومتابعه جميله من الأخوه والأخوات المدونين

تحياتي

كاريكاتير يقول...

اول ماصارت المشكلة اتصل فيني واحد من رفقاء الدرب الجامعي يشتغل في الاشغال وقالي..

انت للحين ساكن بمشرف

ايي

عيل جان زين توصي الاهل لا يغسلون ملابسهم اليوم وباجر علشان المجاري طافحه ونخاف تطلع عليكم الغازات السامة!!

بعد يومين

انا هالمرة اتصلت عليه

فلان انا لقيت حل

شرايك تحطون اعلان مثل مال الداخلية بس مو ب5 ملايين تكتبون فيه

استخدامك لحمامك اسرع طريق لتسمم الآخرين!!

جان يقولي

شركة معروفة صار لها اسبوع مداومه بمواقع التسريب وماجبله الشغل وما عليه اعذروهم ريحة بس هانت

just a bunch of thoughts يقول...

waaay wallah i cant hide my feelings! im really anxious!!

ga3da a7awel at5ayel shino ra7 nsawey law 9ij 6fa7at elbwalee3 (la sama7 Allah)! bas many gadra at5ayel shlon ra7 nit9arraf!!

i dont wanna think too much of it so that i dont get all obsessed & then lose focus! >.<

Allah yesterha!!!

still, i wanna write about it!!
ive never been really PISSED OFF with the government till now!!!

العجمي-لندن يقول...

مسكينه الكويت
وصدق أن الحكومه ضعيفه
ماكو قرار مسؤول
وكل حرامي يخرب ويغرب
ويطلع من المشكله بدون محاسبه
هنيئا لكم يالصوص الكويت

نمووول يقول...

العنوان .... لا تعليق
صراحة يا طموحة بديتي تخرعيني من كثر
هالمواضيع كل يوم احس ان المشاكل البيئية قاعدة تكبر الله يحفظنا من كل مكروه

شكراً..

Blog 3amty يقول...

تتوقعين شنو الكارثة القادمة ؟

حَافِـيَةُ الَقَدمَيّـنْ ولِبَاسِي المَطـرْ يقول...

مشكلتنا إن مافي توعيه
مافي دعايه ولا إعلان تدعم إن البيئه بحاجه حق دعم منا
مساعده أي شي
الواحد وين يدري إن بيئته تعبانه ؟
غير عن طريق الإعلام , الدعايه , النشر , الجرايد , بطييخ :/
الله يكون بالعون
ويعطيج العافيه :*

إيثار يقول...

الله يعيننا .. !

elsha3er يقول...

السلام عليكم

كل سنة وانتى طيبة

وربنا يجازى وطنكم بيكم خير كويس اوى ان لسة فى حد بيكلم على الفساد

لو لم اكن مصريا لوددت ان اكون كويتيا



تحياتى


احمد الشاعر

طموحة مملوحة يقول...

قانوني كويتي

الشكر لله :)


شكرا على المرور :)

طموحة مملوحة يقول...

أسيرة اللوحة


هي وإفت على المجاري بس؟؟ خلييها على ربج

طموحة مملوحة يقول...

well_serviceman


حملات مو حملة وحدة الي راح تصير وعلشان يعرفون يحطون مدير عدل نفس الناس .. ويحطون ناس بالمكان المناسب مو اي واحد وحيالله

طموحة مملوحة يقول...

كاريكاتير



اهم شي .. ياحبهم للترقيع ..

بدر أتوقع راح يرد نظام البيارات لووول

طموحة مملوحة يقول...

just a bunch of thoughts


أتمنى ان تكتبين فعلا بمدونتج علشان يعرفون ان هالسالفة مو لعبة ومو كل شي يصير بالديرة يقولون under the control

بطوا جبدي والله

طموحة مملوحة يقول...

العجمي-لندن


والله كل دولة فيها لصوص بس فرق بين دولة فيها لصوص ومسنعين ديرتهم وبين دولة فيها لصوص وبواليعهم طافحة

ياذا الفشيلة

طموحة مملوحة يقول...

نمووول


نمول لأن الموضوع جدي بصراحة لازم نوقفهم عن حدهم شخلوا شي بالديرة صاحي ؟

طموحة مملوحة يقول...

Blog 3amty


لوووول في كارثة بالعالم ماصارت اتوقع كل شي بيصير بالديرة دام الجهات المسؤولة والحكومة راكدة باجر بيييبون خبراء أجانب يسنعون لنا بواليعنا ويضحكون علينا حتى البواليع الكويتيين موقادرين لها ..

استغفر الله اللهم لا شماتة بس جد حدي معصبة

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ


وان حطوا دعايات فاشلة نفس ويههم ..

ماكو فايدة الشعب لازم يفهمون خلاص تكفون قطوا فلوسنا حق مصلحتنا مو مصلصحة ناس وناس

طموحة مملوحة يقول...

إيثار


اي والله

طموحة مملوحة يقول...

elsha3er

أول حاجة كل عام وانت بخير ورمضان كريم


الوضع البيئي في الكويت جدا سيء ويحتاج لتوعية كبيرة جدا .

اشكرك على كلامك الطيب واشكرك كذلك لمتابعتك دائما لأوضاعنا .

ربنا يخليك يابن خالتي :)