2009-09-11

ملاحظات رمضانية (( 2))


ملاحظاتي جدا بسيطة بما اني لست خبيرة بالبرامج التلفزيونية بس حبيت احط هالملاحظات البسيطة جدا جدا :)




.




.









ماتابع مسلسل ام البنات بس عجبتني شغلة وحدة ، حسيتهم فعلا عايشين الدور صح ، شلون ؟


الممثلات مو حاطين ماكياج @@


شي حلو يعني فعلا ضابطين الدور لا ماكياج مبالغ ولاهم يحزنون هالشغلة جدا حلوة بصراحة :)





ـــــــــــــــــــــــــــــــــــــــــــــــــــــــــــــــــــــــــــــــ






في مرة من المرات رصل لي مسج (( سارة حطي على ام بي سي الحين بسرعة )) حطيت ولا مسلسل طاش وكانت الحلقة جدا حلوة عن المثيليين جنسيا ونظرة المجتمع لهم بصراحة كانت روعة التحدث عن واقع بطريقة مضحكة قليلا ولكن المهم هو تبيان نظرة المجتمع لهؤلاء والفرق بينهم وبين من يتعمد ان يكون كالفتاة ومن تتعمد ان تكون كالرجل .



ورأيت جزء من الحلقة التي تتحدث عن تحرشات زوج الام بابنتها ماشفت الاخير بس فعلا كثير من القصص كهذه القصة ومو شرط فقط بمجتمعنا بل بكل المجتمعات العربية والشرقية وحتى الغربية .




ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ








حليمة ياحليمة أنا أحط على برنامج حليمة علشان اشوف شنو لابسة واشوف ماكياجها بس الي انتبهت له ببرنامجها لمن تقلد الممثلات استغربت الماكياج المفرط ، يعني تقلد خالتي قماشة وماخذة دور حياة الفهد وحاطة ماكياج وايد مع ان حياة الفهد بالمسلسل ماكانت حاطة ماكياج او تقلد ممثلة حاطة ماكياج خفيف بس حليمة تارسة ويهها ، التقليد مو بس بالتصرفات واللبس ياحليمة :) .





ـــــــــــــــــــــــــــــــــــــــــــــــــــــــــــــــــــــــــــــــــــــ





مسلسلات تعتمد على الضحك المفرط يبط جبدي وتصوير البنات الي يبون يشتغلون بشركة او تتوظف بس علشان تلتقي بشاب حلو وتبحث عن الزواج عن طريق الوظيفة شدعوة عليهم !!!! ماكو خطابات يا موزة ولوزة ؟؟؟ :)



وشي ثاني استغربت من ممثلة ويهها ابيض ورقبتها سمرا :) شدعوة ماتحط كريم اساس لايق على لون بشرتها :)




كل هذا ملاحظات بسيطة لوووول








ــــــــــــــــــــــــــــــــــــــــــــــــــــــــــــــــــــــــــــــــــــــــ





مبروك :)




صارت الكويت من الدول المتقدمة جدا في فن التلوث وانفلونزا الخنازير




أنا أقول لا تتفلسفون على راس الشعب واستهلاك كهرباء حالتكم حالة واحنا دولة فيها اقل سكان من الدول الي صوبنا


شوفوا مشاكلنا وحلوها تعبنا واحنا نحجي .

ـــــــــــــــــــــــــــــــــــــــــــــــــــــــــــــــــــــــــــــــــ

باجر العيد :q















12 comments:

mo3ath يقول...

ما تابعت ولا شي من مسلسلات رمضان ، من عمر وانا ما اشوفهم D:

Jako يقول...

بالنسبة لحليمة أنا أحرص إني أشوفها @@ وأحرص بنفس الوقت أني أحط mute

وجه جميل لكن صوت مزعج!

Miss-Q8 يقول...

لووول سارونه يعطيج العافية
حبيت الكركتير = )

و جاكو .. صج صج ضحكتني لوووول
يبتها عالجرح !

{~المباركية~} يقول...

خليها على الله

Heart To Heart يقول...

آآآخخخخخخخ من حليمة

الويه ويه قماري .. والزول زول غزال يتغنج بمشيته :))

يا بخت زوجها فيها :((

اقصوصه يقول...

طاش حلو فعلا

انا من متابعيه

ومسلسل سعاد عبدالله

لاقى اقبال كريم من الجمهور

عن نفسي ما اتابعه

حليمه ترفع ضغطي

وما عندي القدر على احتمال

مشاهدة حلقه كامله من حلقاتها :)

مبارك عليج الشهر

aya Z يقول...

أحلى شي من غير مكياج :) كل المسلسلات اشوفهم ينامو و يصحو والمكياج بوجوههم :|

ابوالوليد يقول...

مافي مثل مسلسل اسماعيل يـس
على روتانا خليجية

إبداع عجزوا عنه ربعنا

اجتماعي يقول...

مع إن أحداث "أم البنات" مبالغ فيها وايد ..

بس كان في إجادة من سعاد عبدالله وبناتها ..

=====

طاش ما طاش ..
سخيف هالسنة ..

كل ما اشوف حلقة ..
تطلع حزن بـ حزن ..

مو نفس قبل كله ضحك ..

=====

حليمة ..
أكرهها .. وما أتحملها كلش

=====

إلهام الفضالة .. وهيا الشعيبي

من الناس اللي دمهم خاثر ..
"كناية عن ثقل الدم" :d

=====

النقطة الأخيرة ..

تعبنا نتحلطم ..

بس الله كريم :)

=====

وايد سولفتي :)

أبو الدســتور يقول...

كل هذا وبسيطة

:))

طاش ماطاش مسلسلي المفضل

SHOOSH يقول...

Nothing beats 6ash ma 6ash

:)

ابو عبدالملك يقول...

مشكله اذا تضنين ان المسلسلات تحل قضايا الامه

ومشكله اذا كنتي تتابعين ماذا يلبسون الممثلين

ومشكله اذا انا نصحت طموحه