2009-09-12

ملاحظة مهمة لممثلاتنا

كل يوم بالتلفزيون وبالجرايد والمجلات وحتى بنوتات الي يوزعونها القوائم الطلابية بالجامعة نلقى دعايات عيادات الاسنان :)






الاسنان البيضاء والنظيفة واجهة حضارية لووول




ومن علامات الجمال لدى المرأة والرجل






بالنسبة لي أول شي اركز عليه في وجه الي جدامي أسنانه حتى وان كانت مو بيضاء المهم تكون نظيفة مبين يعتني فيها أم لا












على فكرة اللزقات هذي مالت التبييض جربتها وشريتها من مركز سلطان سوق شرق اهي ماتبيض وايد بس كان الأثر واضح بصراحة واحب اروح ادور على سوالف تبييض الاسنان ، يمدحون الملح حق تبييض الأسنان بعد على فكرة ، والجزر شي طبيعي :)
وشي ثاني السواك ترا مو طبيعي حق التبييض جربوه جربته وقعدت كل يوم على السواك يبيض بشكل رهيب .
ملاحظة : ارجو لمن يرغب في استخدام هذي اللزقات قراءة التعليمات مع العلبة لتجنب مضارها . شكرا على النصيحة ابو الوليد



ــــــــــــــــــــــــــــــــــــــــــــــــــــــــــــــــــ


شلونكم فنانيينا ؟؟؟



أنا بعرف عندكم فلوس تتفخون خدودكم وشفايفكم وصدوركم ومؤخراتكم وماعندكم فلوس تبيضون أسنانكم ؟؟ أستغرب من بعض الممثلات تلوع جبدي اذا ضحكت ولا تحجت اسنانها تخرع وتلقون ويهها كله عمليات تجميل ، تدخنون ماعيه وايد ناس تدخن وبنفس الوقت تحافظ على اسنانها .. استغرب الاهتمام باللبس والجسم والويه وعدم اهتمامهم بأسنانهم !!!!











katherine heigl






الممثلة المفضلة عندي ، شفت معاها مقابلة مرة مع اوبرا فتقول لها اوبرا بما معناه ان واااااو آخر مرة شفتج كانت اسنانج صفرا الحين بيضا شحلاتهم ، فتقول لأوبرا شي اكيد اني لازم اخلي ابتسامتي حلوة وتجذب فرحت بيضتهم .



احب الاعترافات احنا الي عندنا اول ايامهم ويههم تواير ويقولون لا شدعوة ماسوينا عمليات تجميل @@ ...






















































ـــــــــــــــــــــــــــــــــــــــــــــــــــــــــــــــــــــــــــــــــــــــ






















أكثر وحدة صدمتني أسنانها والعلم عند الله يقولون انها دكتورة أسنان ، زين دكتورة أسنان واسنانج جذي ؟؟؟ وآل ممثلة اغراء اغراء مو بس بالجسم والحركات ، اغرائج ناقص اختي ;q






قعدت ادور على صور ممثلات ومطربات خليجيات يضحكون واسنانهم بيضا بس جاكيين الحركة مصيبة كلهم مصكرين حلوجهم ولا معدلينها لهم بالفوتوشوب ، ونادر الي اسنانهم صج حلوة وبيضا ... زين دام تقطون فلوس بالهبل على عمليات التجميل قطوها على اسنانكم انتو الربحانين بس وللي يرحم والديكم لا تصدموني لمن تبتسمون مش كويس واللهِ :)


















ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سؤال الحلقة :)

يأكل الحديد ويخاف من الابر :p

منو هذا ؟؟












51 comments:

نمووول يقول...

اسنانك دليل جمالك
انتي قاعده تسوين دعاية حق عيادة ؟
ربعنا ما يشوفون النظافة والاسنان
جيس الرمل يكفي ..

طموحة مملوحة يقول...

نموووول


عادي مو مشكلة نسوي دعايات بس المهم يفهمون استغفر الله

غير معرف يقول...

اكثر واحد اتبط جبدي اسنانه اهو ممثل مو ممثله حسن البلام يعني معقوله
بينه وبين نفسه مو مفكر يشوفلها حل

well_serviceman يقول...

الأسنان النظيفه شي ضروري ، بس ويين اللي يسمعون الكلام ،

بالنسبه للممثلين والممثلات ، عندي انا برأيي الشخصي ، لو هو بطيعته اسنانه جذي ويطلع بالتلفزيون أحسن من ما يبيض أسنان للجمهور فقط وليس من قناعه :)

شاكرلج

غير معرف يقول...

http://roo7najd.com/up//uploads/images/roo7najd98c9954d61.jpg

رورو الشخبوطه يقول...

السلام..

المشكله مو بالوسائل ..

المشكله بالاطباء لا خاص يمدحون ولا حكومه ..

اختي طقت ابره يومين خدها وارم..

تعرفين دكاتره زينين؟؟

ومرسي خيتو..

طموحة مملوحة يقول...

غير معرف


اي والله مادري ليش احس ريحة حلجة خايسة من شكل اسنانه لووول

طموحة مملوحة يقول...

well_serviceman


مشكور على رايك :)

والله الاجانب بس يسوون اسنانهم وماكياج خفيف شحلوهم والله

راعي تنكر يقول...

يا معوده مو مشكله
اسنان صفر..خضر ..مبكرين..مقلمين

بس كل شي ولا الريحه

يعني في اختراع اسمه فرشة اسنان
علك اكسترا الاخضر بالنعناع

شوفولكم صرفه الله يلوع جبودكم
والمشكله هالنوعية تحب تقرب من الوجه اكثر من غيرها

طموحة مملوحة يقول...

رورو


بالكويت ماكو شي سنع لووول ودام هالممثلين طايحين له برا 24 ساعة يقدرون يدبرونها بس انصح اختج لا تسوي عمليات هذي اختي بعد تبي تسوي غمازات وويهها قب لووول مسكينة

لا تلعبون بخلقتكم والله انا اشجع عمليات التجميل بعد سن الاربعين لأن المرأة تكون فيها كبرت شوي وتظهر التجاعيد اهني اوكي

ابو عبدالملك يقول...

تبييض الاسنان سهل يا بمعجون او بمسواك او باللزقه او بعملية تجميل

لكن السؤال اللي كنت اتمنى تطرحين اخر الموضوع الا وهو : كيف نبيض القلب ؟؟
الذي لاتقدر ان تبيضه لا بمعجون ولا بفرشه


الممثلات الاجنبيات اسنانهم بيضاء بياض طوفة قصر السيف
لكن القلوب

هل هي بيضاء الله اعلم

Jako يقول...

كنت مستمتع بالبوست لين شفت صورة مونيا...الله يسامحج بس ما كان في داعي تلوعين جبدي.

طموحة مملوحة يقول...

راعي تنكر


لووووووووووووووول اي والله

طموحة مملوحة يقول...

ابوعبدالملك



شدعوة الي عندنا قلبهم ابيض ؟؟؟

طموحة مملوحة يقول...

Jako



لووووووووووووول لازم نلوع جبد المشاهدين شوي

ENG.Sara يقول...

لوووووول
صاجة صاجة
قعدت افكر بوحدة اسنانها نظيفة منهم
ولقيت وحدة فقط :P
عبير احمد :D
خوش لزقات شكلي بجربها بس مو الحين
بعد ما اشيل التقويم
يعني بعد جم سنة
يعني لما اصير عيوز
يعني لي حجة البقر على قرونها
يعني ان شا الله ما اكثر قرقة :P

malak يقول...

لووووول



واي مونيا شنو تبط الجبد

رورو الشخبوطه يقول...

هلا طموحه..

الابره طقتها تخدير عساس تعدل شغلات بضروسها مو ابرة تفخ خدود ..

خخ اهي تبي عاد انا قلت لها حلات التفخ طبيعي جم طراق بيرمون خخ..

طموحة مملوحة يقول...

ENG.Sara


لووول الله يعيينج صج والله لا دوري بمركز سلطان سوالف اسنان تحصلين وايد وناسة صج بعضهم غاليييين بس عاد اهم شي الاسنان

طموحة مملوحة يقول...

malak



ويييع اليوم شفت برنامجهم السخيف ولا كلمة كل مافازوا تليقفت وقامت تستعرض ناقصها بس خرجة نحطها بخصرها ودق ورقص خلاص

طموحة مملوحة يقول...

رورو


لووول على قولتج ، يقول لج في وحدة اختها دزتها انشقت براطمها ومع الخياط والزمن تفخها لووول احم احم

hsber يقول...

لووووووول

خو الممثلات برمضان شي مو طبيعي

هدفهم نبيل يلوعون جبدنا عشان نصبر وما ناكل هههههه

وخاصتن الممثله مادري شسمها بس مثلت جور حكيمه بالحياله ابتسامتها تسحرني

وترا ممثلات هوليوود ما يبيضون اسنانهم

يركبون طبقه على الاسنان مادري شسمها

ابوالوليد يقول...

المشكلة مو بالشكل
المشكلة شلون الواحد يقدر يبلع ريقة واسنانه قذرة
الواحد حتى لو اسنانه نظيفة لما يقوم من النوع تلوع جيده من ريقة لين يغسل اسنانه
----
ملاحظة :
سويتي دعاية من غير قصد لنوع من انواع التبييض واكيد كذا شخص بيجرب هالشي خصوصا ان مدونتج لها رواد كثر ماشاء الله
ومنتج التبييض له مدة معينة للاستخدام وبعض الناس يحسبون اذا زادوا الوقت بتصير ابيض أكثر وهذا اكبر خطأ
لأن أحد أطباء الاسنان استخدم أحد منتجات التبييض بشكل خاطئ فاضطر لعمل علاج عصب لكل أسنان المريض
أرجو منك أختي طموحة بتنبيه رواد مدونتك بالتقيد بتعليمات الشركة المنتجتة لمبيض الاسنان وقراءة التعليمات قبل الاستخدام

حَافِـيَةُ الَقَدمَيّـنْ ولِبَاسِي المَطـرْ يقول...

ساره
انا مسويه تبيض اسنان
بس مو تبيض بالليزر لأن اللي بالليزر لازم فوق الـ 18
يتلي فتره كنت كل يوم طبيب اسنان اعالج اسناني فقلت اسوي تبيض
الدكتور نصحني بتبيض منزلي ما كنت مأيده الفكره واقول ان ماراح اييب مفعول
أول استخدام لي كان لمدة اسبوع
اسناني صارو بييييييييييييييييض
والحين كل ما احس إن لونهم باهت
احط القالب قبل النوم ولما اقوم اشيله
ولا اسناني لولو مو اسنان p;

غير معرف يقول...

الجواب جازورا هههههه

صبااااح الخيرات ..

تكفين مع الاسنان
عطيهم كوبون تفشش شفايف
الشاشات ماعادت تكفي..

قوواج الله

طموحة مملوحة يقول...

hsber


يركبون يبيضون المهم انهم بابتسامتهم يهبلون :) لووول


اي حكيمة اسنانها مو شي والله اعرف حريم كبار ماشاء الله عليهم اسنانهم تهبل :)

طموحة مملوحة يقول...

ابوالوليد


مشكور وحطيت ملاحظة :)


اي والله صاج ساعات اشوف الهنود والسيلانيين اسنانهم بيضا حييل لأنهم يهتمون فيهم :)

اسوي لعيادتك دعاية وتعطيني علاج مجاني لوووول

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ


فديتج يالغالية زين ممكن تدزين لي ايميل تقولين لي التبييض المنزلي ؟؟ اذا ممكن ؟


يعطيج العافية

طموحة مملوحة يقول...

غير معرف


اول واحد يجاوب على السؤال الهدية لك انت لوول


يالله يبيله حملة تبيييض اسنان :)

she is me يقول...

لمن أطالع انسان
اتجنب اطالع اسنانه
لأن
ممكن أحبه وومكن أكرها بسبب اسنانه

ولا لمن أشوف فرشة أسنان ولا واحد يفرش
احس جبدي تقلب

أما أجمل شخص بالدنيا .. طبيب الأسنان .. لأني ما أشوف أسنانه ^^

طموحة مملوحة يقول...

she is me


لووووووول خوش كلام :)

حياتي هدف مو عبث يقول...

مذيعة تطلع بقناة فنون
أسنانها شي مش طبيعي
صفررر
أنا لاعت جبدي .. الله يعين من يشوفها وجةً لوجه..
وترى في وايد يدخنون وأسنانهم ما فيها شي
الرك كله على الاهتمام

طموحة مملوحة يقول...

اي المذيعة عبير

ويييييييييييييع مادري منو قاص عليها وقال لها قدمي برنامج وقح يسبون الناس فيه وتقديمها زبالة حده وماعندها اسلوب كلش ...و اسنانها صج صج تلوع الجبد مادري ليش عيني كله على اسنانها اقول كل هالماكياج والكشخة وبالاخير اسنانها جذي؟؟؟ ويع من قلب

جنون الكويت يقول...

اي والله صدقتي )))في مذيعة برنامج على فنون مالت برنامج جد ولعب توزع جوائز تبيض اسنان واسنانها فلم هههههههههه مو زين تضحك

جده غير يقول...

وشي ثاني السواك ترا مو طبيعي حق التبييض جربوه جربته وقعدت كل يوم على السواك يبيض بشكل رهيب . --

برافو ساااره على هالكلام الحلو

قلتى الاهم والمفيد واللى فى متناول اليد 24 ساعه وباى وقت واى لحظه واى مكان وسعره مو غالى ونسخه اصلية بعد :)

فعلا السواك هو الاكثر فائده فى تبييض الاسنان واللثه والفم وغيرها من فوائد وفيه اجر بعد

وهذى روابط عنه

http://www.saaid.net/mohamed/24.htm

http://majdah.maktoob.com/vb/majdah11813/

http://www.aawsat.com/details.asp?section=65&article=487787&issueno=10883

http://www.google.com/search?hl=ar&source=hp&q=%D8%A7%D9%84%D8%B3%D9%88%D8%A7%D9%83&lr=&aq=f&oq=

وعساج على القوه دوم ان شاء الله وتكتبين ما هو مفيد وباسلوب حلو وشيق

ودمتى ودمتم بالف خير

..pen seldom يقول...

ههههه ..

بصراحه رأيك صحيح ميه الميه ..

:)

وتفكيرك سليم ..

بياض الأسنان مهم جداً ..

بس تصدقين مامره فكرت أطالع في اسنان الممثلات ..

شكلي اليوم بقضيه أتابع مسلسلات

وأركز على أسنان الممثلات ..


:)

أسعدني مروري هنا ..

ولي عوده بأذن الله ..

ابو عبدالملك يقول...

طموحه
اللي عندج قلوبهم نفس قلوب الممثلين الكفار
يعني الفرق ان ممثلين مسلمين وممثلينهم كفار والعياذ بالله
من الكفار ومن ولاهم

طموحة مملوحة يقول...

جنون الكويت


لووول شوفي تعليقي الي فوق حشيت فيها شوي

طموحة مملوحة يقول...

جنون الكويت


لووول شوفي تعليقي الي فوق حشيت فيها شوي

طموحة مملوحة يقول...

جده غير


يعطيك العافية ياولد عمي على المعلومات والله ماقصرت :)

طموحة مملوحة يقول...

..pen seldom

ماكو شغل الحين نقعد نتابع ونعد جم ممثل ومثثله اسنانهم مقرفة ؟ لووول

غير معرف يقول...

رحت سلطان السالمية ما حصلتهم

شنو اسمه

طموحة مملوحة يقول...

غير معرف



ماراح تخصله الا بمركز سلطان شرق نسيت اسمه شي كرست جذي :)

Alikingkw يقول...

جازورا حبيب وأسنانه لولو

t.q8 يقول...

جازور جازور جازور جججججازورا




اسنان جازوره حلوه

طموحة مملوحة يقول...

اي والله حلات جازورا يهبل والله لوول

اليوم شفت انغام والله قلت الله يرحم لمن كانوا يضحكون عليها وقالوا تغيرت على الاقل سوت اسنانها بس وشحلاتها صارت مو غيرت خلقتها :)

غير معرف يقول...

جازورا جازورا جا جاجا جازووورا
أموت في جازورا لأنه وايد يشبهني أنا آكل كل شي:)

طموحة مملوحة يقول...

غير معرف



لووووووووووووووول عيل انت مشهور وايد الحين

violeta يقول...

اسنان امل عباس << مادري اذا صح اسمها
بس اسناانها تقتل الصرااااحه !!!!


وعندج اسنان حصه اللوغاني مشالله مادري وين مسويتهم بس حلويــــــــــن صح

طموحة مملوحة يقول...

حصة اللوغاني وحليمة مهتميين هذول البنات السنع الي يحبون الناس تشوفهم بمظهر حلو بكل شي مو يتفخون ويحطون ويهببون وناسييين اسنانهم .. تحسين مو شايفين خير لووول

ابو عبدالملك يقول...

انا اجك ان حليمه بولند مدعومه من الماسونيه