2009-11-09

ماكو شغل

بريك بسيط لين اخلص امتحاناتي ومارديت على مسجات ولا تلفونات فبلييز لحد يدز لي مسج يقول لي انتي مزاجية ومن هالحجي لأن بتابع امتحاناتي وماراح اكون فاضية 24 ساعة .... نفسيتي صارت صفر الحين أعتذر على اسلوبي هذا بس جد جد تضايقت من الي يتهموني بالغرور علشان ما ارد يبيله اسوي استنساخ حقي علشان اعرف اخلص وافك الي حولي واخلص لهم اشغالهم.
شكلي بسوي مثل الحبيب الي بالفيديو
ادعوا لي بامتحان باجر
اشوفكم على خير يارب



10 comments:

نمووول يقول...

شنو الرعب هذا ..!
هدي اعصابج الناس تحب الهذرة
والكلام ببلاش خل يقولون الي يبونه
اهم شي مستقبلج شدي حيلج وبالتوفيق ان شاء الله
عجبتني فكره الاستنساخ تهقين يستنسخون النمل ؟

شكراً

طموحة مملوحة يقول...

نموووول


لووول النمل فديتهم والله لو كل واحد يدري قيمة النمل جان سوا له ملحق ببيته علشان يسكنهم فيه لووول

لا جد والله يعني اطلع من الجامعة الساعة 5 بالياللة احصل وقت حق الجريدة وماخلصت بحوثي حق كل مادة وارد البيت يالله اشوف اهلي غداي وعشاء مو بالبيت وبالغصب اشوف اهلي والله وتييلي اتصالات الدنيا واذا مارديت يظلون يدقون بعدين اييني مسج انتي مزاجية وطريقتج هذي مو حلوة وانتي شايفة حالج .

مع العلم اني دزيت مسجات اعتذار اني مشغولة وماقدر اخلص اشغال احد بسبب تراكم المواد الدراسية علي بس ماكو فايدة :) غصب يطلعوني بالشينة

نمووول يقول...

الله يعينج ان شاء الله

زين يعني مادحة النمل الحين ؟
شنو ملحق ؟ بدال ما تقولين يرفع لهم دور دورين ثلاث << تقولين ملحق

عيل لو الناس تعرف قيمة ام علي جان حرقتها ..

اريقاتوو

Heart To Heart يقول...

ووووووع

حرام عليج لاعت جبدي من الفيديو وخاصه من قطعه اللحم المتدلية من حنجه :((

سديتي نفسي من العشا :((

أبوغرايم يقول...

طنش تعش تنتعش (:

الله يوفقج إنشالله

حولي جهازج مغلق و ريحي نفسج !

اجتماعي يقول...

هدي يبا هدي !!

ألزم ما عليج دراستج ;)
بس شدي حيلج ..

بالتوفيج بامتحاناتج ..
وبكل الكورس بعد شتبين : )

طموحة مملوحة يقول...

نمووول


@@


افا حرقتها بعد ؟؟

شوف انا لو ما احب الحشرات جان قمت على النملة وطبيت فيها دفاعا عن ام عليويات بس احتراما لمعشر النمل بطوفها لك لوول

طموحة مملوحة يقول...

Heart To Heart


@@ أفا


عاد مادري العادة اذا شفت اشياء مقرفة اصير (( جوعانة )) ناس غريبة والله لازم تتعود ماتلوع جبدك :)

طموحة مملوحة يقول...

أبوغرايم


ماقدر والله لأن تييني اتصالات ضرورية لازم ارد عليها يعني انا منظمة وقتي ومعتذرة حق الي ماقدر اقدم لهم شي لفترة بسيطة ماقلت لا تدقون كلش ..

طموحة مملوحة يقول...

اجتماعي


بعد خشمي والله ، شوف في وايد يبطون جبدي على سالفة يبوني اخلص لهم اشغالهم يعني اهو يقدر يسوي هالشغلة بحكم انه فاضي بس يبيني اهد دراستي واشغالي ويقول شدعوة ماعندج بريك لو ساعة هالبريك الساعة الي عندي اروح اخلص لي فيهم العينات الي ماخلصتها وايد ابرك ، يعني اوكي نخدمكم على العين والراس بس انا مو آله علشان وقت ما اهو فاضي لازم انا اصير فاضية .. وايد زملاء مايقدرون ولمن يقصر معاه ينسى كل شي زين بالشخص وينزل فيه انتقادات ... شدعوة بيهمني بس لوول