2009-12-24

ترشيد مو للشعب !!!

السلام عليكم ورحمة الله
تمر علي لحظات أود فيها كتابة موضوع في مدونتي ولكن فترة بسيط ة وأقول سأكتب فيما بعد .
في البداية يسعدني أن تكون بدايتي الجدية في الكركتير في مجلة سوالف واول مشاركة لي في العدد الجديد أتمنى ان تعجبكم الرسمة :)
في العدد نفسه احببت أن أنتقد الأخ مصعب الفيلكاوي بجملة واحدة فقط ( عيب على الرجل انه يتكلم عن حياته الزوجية الخاصة جدام الناس شبقى اسرار ؟؟ خاصة اذا كان قايل هالحجي هذا كله ( ذكر ) شخليك حق حكي النسوان ؟ )
أعتقد بأنه ليس من الضروري ان نذكر للصحافة تفاصيل حياتنا الشخصية .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أحيانا أجلس في الحديقة التي بجانب كلية العلوم ، اليوم كنت جالسة أتحدث مع صديقتي فوقعت عيناي على الماء الذي وضع في مكان لا فائدة منه .
حديقة الخالدية المجاورة للجمعية الثقافية النسائية
تجد النباتات والاشجار في كل ناحية ولكن يوضع الماء في مكان لا يوجد به نبات ليكون بحيرة من الماء لا فائدة منها .
اذا وضعت الملصقات والدعايات التي تحذرنا من الاسراف في الماء واستخدامه بشكل صحيح فأتمنى ان تركزوا على توعية الجهات المسؤولة وليس للشعب فقط .


في النهاية قمت باغلاق صنبور الماء حفاظا على ثروات بلدي العزيز . :)

ــــــــــــــــــــــــــــــــــــــــــــــــــــــــــــــــــــــــ


22 comments:

Engineer A يقول...

أهنيج في البداية على صدور رسوماتج في مجلة سوالف وان شاءالله بداية الخير عليج .. وكل التوفيق يارب


ولا تعليق عندي على من حبنا لها نوفر لها!!!

خربشتينو يقول...

صباح الخير ..
اعتقد أن تخاريف وزارة الكهرباء لم تصل الى ساقي الحديقة !

و جزاج الله خير على اغلاق " الصنبور " :)

الشجرة الأم يقول...

الماء سر الحياة .. بارك الله فيك ونفع الله بك الأمة الإسلامية العربية .. والله لا يضيع أجر أحداً.

الـبـيـرق يقول...

حـيـاج بـمـجـمـع الـوزارات فـي اللـيـل و اسـتـمـتـعـي بـالأنـوار !

حـكـومـة تـمـنـع مـفـكـر مـن دخـول الـكـويـت بـحـجـة حـكـم ردتـه ، و هـي مـن خـلال مـجـلـة الـعـربـي تـنـشـر كـتـابـاتـه ..
حـكـومـة تـدعـي الـحـفـاظ عـلـى الـوحـدة الـوطـنـيـة و هـي أول يـشـرخـهـا ..

بـأخـتـصـار حـكـومـة مـضـيـعـة مـشـيـتـهـا :)

sweetya يقول...

السلام عليكم


يعطيج الف عافيه عاللي سويتيه باغلاق الصنبور لان الرسول صلى الله عليه وسلم حثنا مانسرف

والمفروض يكون فيه توجيه للساقين



وسلامتج :)

عالم غريب يقول...

خصوص مشاركتج بالكاريكاتير نتمى لكي التوفيق

ولكن الرجاء الإهتمام بإختيار المواضيع وطريقة الرسم يجب أن تكون ملائمة للذوق العام وليس كما كاريكاتيرج بخصوص محطة مشرف وتصويرج للمؤخرة ، هذا أمر

الأمر الأخر بخصوص الحياة الشخصية ، فأنتي آخر من يتكلم عن الحياة الشخصية فالكل يعلم من أنتي وماذا تعملين و و و بسبب نشر بيانات الشخصية الخاصة بك على الإنترنت مرفقة مع الصور طبعا وما سبب لكي هذا الأمر من مشاكل

إلى المزيد من التناقضات

مع تحياتي

صج عالم غريب

عالم غريب يقول...

وعلى فكرة أعتقد بأنكي لن تعرضين تعليقي لأنكي حريصة على الخصوصية وعدم تقبل النقد

تحياتي مرةأخرى

طموحة مملوحة يقول...

عالم غريب


خل الكل علم عادي اعتقد اني ماتكلمت بأحد اتكلم عن نفسي ما اتكلم عن اسامي معينة ولا اقول فلان سو وعمل ونشرت تعليقك وخل الكل يقرا واتمنى انك تفرق بين لمن الواحد يتكلم عن حياته الشخصية وبين لمن يتكلم عن حياة شخص كان موجود ماشوف فيها شي لمن الواحد يكتب عن سيرته الذاتية الي افتخر فيها ليش شايفني رقاصة وكاتبة عن سيرتي الذاتية ؟؟

واذا انت شايف انه عيب رسوماتي لا تتابعها وايد رساميين يرسمون اكثر من جذي ولا علشان بنت يعني تقول هالشي :)

تحياتي

طموحة مملوحة يقول...

للعلم في فرق لمن اقول درست بالمكان الفلاني وخذيت شهادة من المكان الفلاني وذكرت احداث صارت بحياتي لأن الكل يتكلم بهالشي أما لمن اتكلم مثلا عن حياتي الزوجية واقول ريلي يكفخني كل يوم واهو يرد بالصحافة ويقول رفعت علي السكين وسوت وسوت اعتقد هالشغلتييين فرق شاسع بينهم وما يسمونه تناقض :)

علشان تصحح معلوماتك اخوي الغريب

طموحة مملوحة يقول...

بوعبدالملك

تكفة انت اسكت بس

روح روح الرفاعي قاعد يتعرض لمشكلة روح اوقف معاه اذا كان يهمك الدين فعلا اكتب بوست بمدونتك الموقرة عنه ودافع عنه وروح صل ترا اذن العشا

ابو عبدالملك يقول...

انا كتبت بوست عن الرفاعي
وحضرت ندوة الرفاعي
وصليت العشاء بعد

لكن انتي مسلمه شسويتي مع الرفاعي؟؟

طموحة مملوحة يقول...

الاشياء الي اسويها لله فماحب اذكرها ولا احب اقول شسويت لأني ادور الاجر واذا قلتها جني قاعدة امدح نفسي


يزاك الله خير يابوعبدالملك ولا توقف وترا انا وقفت معاه بعد لأن ادري شنو كانت بنيته عكس الي يتحرشون بالمذاهب الاخرى ويسببون مشاكل مذهبية الرفاعي

تقديري وشكري لك

ابو عبدالملك يقول...

طموحه مملوحه
الله يجزاج خير




بنبهج على شغله الناس تسويها واجد وتتساهل فيها

اللي اهو الشرك الخفي

يعني انتي قلتي (الاشياء الي اسويها لله فماحب اذكرها ولا احب اقول شسويت لأني ادور الاجر واذا قلتها جني قاعدة امدح نفسي )


اي يعني
مثال انا طلبت منج تقولين لي شنو سويتي للرفاعي
انتي قلتي انا الخير اللي اسويه مااقول عنه احد

لازم تعرفين شغله
هي اذا كنتي خايفه تقولين لي علشان ماتصير رياء بالحاله هذي فعل الخير اللي سويتيه يصير رياء لانج خفتي من الرياء

اي يعني خوفج من الرياء هو رياء


اما اذا ماتبين تقولين افعال الخير اللي سويتيها لان الله امرج بالشغله هذي ف بالحاله مايكون رياء

وعليكم السلام ورحمة الله وبركاته

EXzombie يقول...

انا ياني وحي اني ما اصير معاه

شلون يعني؟

Hashimoto يقول...

لا للاسراف !
لا للرمي الاوساخ من السيارة بنص الطريج !

================

بارك الله فيج
^__^

طموحة مملوحة يقول...

غير معرف

ذبحتنا كل شوي لك نك غير

تغار مني صح :)

انا متناقضة اوكي :)

يالله تت والرفاعي تاج راسك اذا موعاجبك

طموحة مملوحة يقول...

EXzombie

خلك مثل ما انت لا تصير مع احد :)

طموحة مملوحة يقول...

بوعبدالملك مافهمت والله بس لو تبي اقول لك بس مو هني :)

ابو عبدالملك يقول...

لالا المقصد مو انج تقولين لي شنو سويتي
المقصد

اشرح مره ثانيه

تعريف الرياء:هو فعل الخير لاجل البشر ليس لاجل الله


يعني وانتي تصلين مرة اختج انتي حسيتي فيها فطولتي بالصلاه علشان تقول عنج انج خاشعه وتقعد تمدحج هذا الرياء


تبين تسوين فعل خير لكن قلتي بقلبج اخاف اسوي جدام الناس والناس يقولون تسوي خير علشان تورينها انها بنت تحب الخير اذا ماسويتي الخير اللي كنتي تبين تسوينه بالحاله هذي كسبت اثم
ليش انا اقولج

لانج ماسويتي الخير خوف من الرياء
والخوف من الرياء هو رياء


لازم تعرفين ان الاعمال بالنيه والنيه لازم لله فقط غير الله باطله يدخل معها احد غير الله شرك

ف اتمنى تقرين عن الرياء ضروري

وعليكم السلام

طموحة مملوحة يقول...

بوعبدالملك


انا ماقلت شي غير عن الي انت قلته ودايم اسوي الشي لله ولا احب الناس تعرف شنو هالشي ولا اني اذكره واقول انا سويت وسويت دام ماهمني كلام الناس كثر همي اني افيد بدون ما ابين

ماحب الرياء ولا اعتقد اني امارسه ولله الحمد :)

طموحة مملوحة يقول...

غير معرف

الحمدلله والشكر في مقولة تقول (( اذا أتتك مذمةٌ من ناقص فهذه شهادة بأنك كامل ))

اشكرك اشكرك على الشهادة :)

طموحة مملوحة يقول...

غير مشرف


تدري شنو مشكلتي ؟؟؟

اني حيييييييييييل واثقة من نفسي بشكل ما تتصوره يعني لا كلامك يهمني واقراه تسلية بس لا اكثر :)

واذا النسبة تشوف مدونتي مليقة يشرفني اصلا انهم دشوا الصفحة :)

عادي سهالات افا عليك بس :)