2010-01-28

تخاريف مريضة !!!

السلام عليكم ورحمة الله وبركاته



اخيرا انتهيت من اختبارات الفصل الدراسي الأول في جامعة الكويت لم تكن الدرجات عالية ولكني راضية بها فالتقصير أتى مني كما ذكرت سابقا .



كذلك فقد ألغيت السفر مع عائلتي الرائعة لأسباب صحية سيئة ولله الحمد


أنوي في اجازتي هذه ان شاء الله ان اقضيها في الرسم وقراءة الكتب ... وتنفيذ بعض المشاريع الصغيرة .



هنالك بعض التخاريف التي تأتيني في مرحلة المرض كالعادة ، فدائما ماتأتيني احلام مزعجة وأصدقها كثيرا وللأسف أصبحت أنام في اليوم 16 ساعة متواصلة من الاحلام والخيالات أعترف بأني استمتع بها لوجود الاكشنات التي افقدتها عندما نضجت وكبرت .


من يريد ان يشعر بلذة احتفالات العيد الوطني فليذهب الى الاحمدي :) شغل الشركات الخاصة والاجانب تختلف عن شغلنا ( فوم واغاني ورقص بالشوارع وأذية الناس ) فالي يبي يحتفل بذرابة وتكانة يروح الاحمدي .



قال لي واحد مرة أن جامعة الكويت متعمدة تسقط الطلبة وتقعدهم اكثر علشان لا يتوهقون بعدين وين يوظفونهم !!! شي غريب بصراحة



أول مرة تعجبني قناة سكوب :) تدرون ليش؟ لأن وقت الصلاة يعرضون الأذان مو مثل قناة الوطن حاطيين اغاني زين كلها 5 دقايق اذان وبعدين ردي الاغاني بتموتون يعني ؟؟ القنوات الخاصة ماتعرض الأذان بس مشكورة ياقناة سكوب صج اكرهج ومواضيعج تافهة بس على الاقل طلعتي بشغلة وحدة زينة :) .




تغيير القناعات



مو عيب ان الواحد يعترف بأن تفكيره بالشغلة الفلانية كانت غلط ويذكر للناس انه غير وجهة نظره بالموضوع الفلاني مثلا . شلون ؟

على سبيل المثال اتخاذي قرار ولو انه على آخر سنة لي بالجامعة بس قررت السنة الياية يكون صوتي بالاتحاد والجمعية هو للقائمة المستقلة .

وعلشان الوسط الديمقراطي راح اصوت للمستقلة لعدة اسباب راح اذكرها في بداية السنة الياية اذا الله أراد :) .




كنت أردد وايد اني احب الوحدة واتمناها ، بس الحين صرت فعل مو قول وقمت اطبقها وموخرة عن عوار الراس والاذية ، احتفظت بصديقتين فقط معاي بالجامعة واعتزلت الحياة الاجتماعية فسامحوني ماقدر اساعد احد الحين بصراحة لحاجتي الكبيرة اني اكون مع نفسي ولفترة طويلة ، يمكن وايد قالوا لي لا ويتهيأ لج ومافيج شي بس محد يحس بنفسك الا نفسك علشان جذي واشكر كل الي واقفين معاي الحين ويساعدوني ، مو عيب الواحد يروح لدكتور نفسي وهالشغلة من أفضل الاشياء الي سويتها والي قاعد تساعدني الحين على اني اتخطى المراحل السلبية الي كانت موجودة والي كانت تعيييق دراستي كذلك ... فاتمنى تسامحوني .



اخضع الآن لاختبارات في الصبر .. الصبر جميل ولكني فشلت في اغلب الاختبارات واحاول حتى اليوم ان انجح واحافظ على صبري فلست صبورة أبدا والصبر مفتاح الفرج كما يقولون .



الأجواء جدا رائعة فاستمتعوا باوقاتكم :)
ـــــــــــــــــــــــــــــــــــــــــــــــــ
حش cycle





ــــــــــــــــــــــــــــــــــــــــــــــــــــــــــــــــــــــــــ



مقولـــــــــة اليوم :




ينتحر العلم اذا اعتنق عقيدة ..... :s


عالم بيولوجي انجليزي .


اخالفه الرأي فالعقائد بنيت على علم يرتبط كلاهما بالآخر








33 comments:

Q8-HANDICAP يقول...

اول شي مبروك انج خلصتي امتاحانات والله يعينج على نطرة النتيجه لأن هالشعور انا الحين فيه

ثلني شي الله يشافيج يارب وياجرج على المرض وماشوفين شر يارب

ثالث شي حسافه ليش ماتبين اتسافرين ترا والله تغيير جو وبالعكس لمن تسافرين يخف المرض سبحان الله لأن النفسيه تتغير

Goalzalez يقول...

سلامات و ما تشوفين شر و بخصوص السفره معوضه.

بعلق على بعض التخاريف:

بخصوص الزميل الي قالج ان الجامعه تسقط الطلبة عشان مشكلة التوظيف سمحيلي بس هذا يدوره سبب عشان ريفع من معنوياته و يبرر اخفاقه.

اختلف معاج بخصوص مسألة الاذان و القنوات - انا اشوف لو ثنينهم ما يحطون يكون احسن , يعني سكوب تحط الاذان و قعب الاذان اللهم لعتراض على الاشياء و البرامج و لا الاشكال الي تطلع , و الوطن كذلك يعني تخيلي لو الاذان يحطونه عقب العماري الناس شراح تقول ماكو احترام حق الاذان !!!

و لنا بروتانا خير مثال تنقل الاذان مباشر من الحرم و بعده دئي يمزيكه !!!

جده غير يقول...

عليكم السلام ورحمة الله وبركاته


اولا

الف مبروك على انهاء الاختبارات والاجواء المشدوده فيها والقناعه شئ طيب والاعتراف بالحق فضيله

سلامات طموجه وان شاء الله ما تشوفين شر باذن من لا يحمد على مكروه سواه

وبالتوفيق ان شاء الله لمشاريعج الخاصه والكتاب جليس طيب اغلب الاوقات

ولا تعليق على التخاريف اللى تجيج :)

والاكشن اذا بدون اصابات شئ طيب ;)


اضم صوتى لساره واشهد ان الاحتفالات بالاحمدى مترتبه حضرتها وعمرى 15 تقريبا وحضرتها وعمرى فوق هالعمر حضرتها يمكن 3 او 4 مرات

(( جيت لها غريب وطلعت منها غريب ))

وبالنسبة لموضوع الجامعه والطلبة كل شئ جايز بهالدنيا

جزاها الله خير قناة سكوب على هالشغله(( عرض الآذان )) وانتى بعد جزاج الله خير على الانصاف وقول الحق


وتغيير القناعات فى أمور الدنيا تجى على حسب المستجدات

انت حر نفسك ولا احدن يمنعك %%% يا سيد العذارى عهد الجهل زال


رضا الناس غاية لا تدرك والوحده تعطى الواحد مجال يراجع نفسه ويشوف شنو اللى يناسبه اكثر

ابعد اليا أذاك الرفيق بنفاقه %%% وشلون لو ما الله خلق بعد وفراق


حاولى تعودى نفسج على الصبر فى انجاز شئ معين وبنفس الوقت حاولى تعبرى عن نفسج بحدود المعقول يعنى لا تصيرى اقصى اليسار او اقصى اليمين خير الامور اوسطها


الحش صفه مذمومه بس ساعات الواحد يزف :)


بالنسبة لمقولة اليوم

لو ما علقتى عليها وخالفتيها صرت ويا ابو عبدالملك ضدج :)

هذا انجليزى خبلوا فيه القساوسه ويا تعاليمهم فكر بالعقيدة وكنائسها


تمنياتى لج باجازه طيبه ويا حلو جو الكويت هالايام وطلعات البر والقنص لكن بينى وبين اريش العين سبع ساعات على قولة الشاعر :)؟

طموحة مملوحة يقول...

Q8-HANDICAP


والله العايلة منقسمة كلن يبي يروح ديرة وبقعد مع الوالد خيرة ان شاء الله المرة الياية اروح ان شاء الله :)

طموحة مملوحة يقول...

Goalzalez

مومشكلة خل يحطون اغاني بس ما يحطون مواضيع دينية وحالتهم حالة وعلى اذان 5 دقايق ماكو شدعوة الاذان بخلص وقت القناة مثلا ؟؟

وروتانا متخصصة بهالسوالف مو مثل الوطن والراي .. لوول الراي تحط الاذان بس برمضان ماشاء الله مايستوعبون انهم مسلمين الا برمضان :q

وروتانا فيها من كل الجناسي اغلب الي يشتغلون فيها مسيحيين وزين والله يعرضون الاذان من الحرم بلاك من قنوات كويتية كلها مسلمين ومايعرضونه ويتكلمون بالدين ببرامجهم :)

طموحة مملوحة يقول...

جده غير


يزاك الله خير ياولد عمي :)

مشكور وايد على تعليقك ولا تحاتي مو كل مقولة اكون مأيدتها :)

ثلجيّة القلب والأقراط .، يقول...

مبروك و عؤبال الفصل الثاني يارب p=
و ما تشوفين شر إنشالله ،
حلو انج تقضين العطله ما بين الكتب و الرسم و القراءه ، بس عاد لا تحرمينا من نشاطج التدويني ، p=

عطله سعيده .،

Alikingkw يقول...

مبروك على النجاح
ونتمنى لك الشفاء العاجل سواء كنتي تعانين من داء أو لا

الله يعطيج العافية

طموحة مملوحة يقول...

ثلجيّة القلب والأقراط

فديتج يابعد عمري تصدقين عاد مالي خلق حق المدونة لووول احس ان مخي صار فاضي مابه شي لوول

طموحة مملوحة يقول...

Alikingkw


مشكور وايد والله يعافيك فيني سخونة واحتقان حاد وحساسية لووول عادي ختامية كل كورس

ٵنثے ملآئكيـﮧ ~ يقول...

تحتآجين أنج تكونين وحيده بـ عآلم آخر بعيده عن الحنه و الرنه و الونه ،،
خصوصاً بعد الإمتحآنآت و اللويه ،،
حتى لو مآ سآفرتي يكفي أنج بتكونين بروحج وتقضين وقتج بـ إلي يونسج
،،
موفقه خيتو و أزمه و تعدي

عاضـه يقول...

هلا طموحه
اول شي ، ما تشوفين شر و لامتج
و السفره خيرها بغيرها و عساها خيره لج.

بعدين زين سويتي رتبتي المدونه ، صارت سنعه
و مملوحه :)

عين بغزي يقول...

مبروك النيو لووك مدونتج

عاضـه يقول...

لامتج=لايهمج :)

شاي الضحى يقول...

سلامات وما تشوفين شر حبيبتي

لا ما اتوقع الجامعه تسقط بروحهم يبون الفكه لان عدد الطلبه والطالبات وايد

وبالنسبه للوظيفه خليني ساكته احسن زهقت منهم لوووول


يقولون الاحمدي تونس خاصه الزينه بس ولا مره فكرت اروح لان ماعندي احد يساعد .. ماكو الا امرج واروح هههههه

يعطيج العافيه :)

Engineer A يقول...

مبروك انتهاء الامتحانات ولويتها ..

وصاجة والله بالنسبة للاحتفال بالعيد الوطني في الاحمدي .. انا شخصياً مجبورة كل سنه احتفل في هالمناسبة في المخيم :(

وعلى طاري قناة سكوب وانا ما اواطنها بس على الاقل اول مرة اسمع احد يمدحها بشي:)


وزين تسوين تقضين وقتج بالرسم والقراءة متعة بصراحة ..


وأجر وعافية يارب والله يقومج بالسلامة ..

Fishah يقول...

سلامات ماتشوفين شر ان شاءالله

طمنينا عليج :*

لايضيق خلقج على السفره .. اليايات اكثر ان شاءالله :)

ومبرووك افتكيتي من الامتحانات .. استانسي بالعطله :>

militco يقول...

ماتشوفين شر اختي وسليمة ان شاء الله

الامتحانات اكره شي بهالحياة :(

لكن مانحس بفقدها لين نجرب الحياة بمصاعبها:).

موضوع جميل اختي

مع تحيات ميليتكو مدون جديد.

حَافِـيَةُ الَقَدمَيّـنْ ولِبَاسِي المَطـرْ يقول...

حتى انا فكرت اروح حق طبيب نفسي
وزييين تسوين , خطوة حلوه
والفال لنا , لعل وعسى
نقدر نغير اشياء فينا

well_serviceman يقول...

ماتشوفين شر يالغاليه وتقومين بالسلامه..وأتمنى لك أحلاما سعيده وجميلة دوما ، بس بدون ال16 ساعه نوم :)

بالنسبة لتغير القناعات والتوجه، مافيه أي مشكلة إذا كان نابع من قناعات للشخص وضميره مرتاح ، ولكن عتبي كل العتب عليك للتصريح بهذا التغير ، نعم لا عيب في القول بأني ذهبت إلى القائمه الفلانيه عوضا عن القائمه القديمه ، ولكن لا يجب التصريح بإعطاء الصوت للقائمه الفلانيه لنه القائمه الأخرى "القديمه" غيرتها... هذا مجرد رأيي بتواضع..

بالنسبة للمقوله الاخيره ، أختلف معك تماما ، لو كانت العقيدة مبنيه على علم كما تقولين ، والعلم من المعروف جدا بأنه قابل للتغيير والنقد ..بل وحتى الخطأ المطلق في بعض النظريات، لكنا اليوم نقف امام دين غير الدين الذي نحمل، نعم هناك بعض العلوم بالدين ، ولكن لا يمكن إثباتها ولا يمكن التيقن منها حتى ، ولاحظي كيف بأن كل اختراع علمي في العالم يتم ربطه بديانة معينه وبنصوص إلهيه ، نعم الله يعلم ويفعل ما يشاء سبحانه، ولكن هل يحق لذاك العبد بأن يقول بكل إرتياح بأن هذه النظرية "البشريه" تطابق قول الإله؟ لا أعتقد ذلك نهائيا ، بل حتى أننا لا يحق لنا ان ننتقد "إكتشاف علمي ديني" نهائيا ، وإن فعلنا ذلك...أصبحنا زنادقة وضالين!

تحياتي لك وقومي بسرعه من المرض لا تحرمينا من الكتابه :)

دمت بود.

طموحة مملوحة يقول...

ٵنثے ملآئكيـﮧ ~


من صجج ؟ راسي حدها قالبة علي حتى لمن اصلي اسجد احس بثقل غريب اقول للدكتورة تقول لي من التفكير وايد خلصتي امتحانات خلاص ريحي راسج مادري من الشطارة الزايدة مثلا ؟لووول

طموحة مملوحة يقول...

عاضـه

مايجييك يارب ومشكور وايد لأنها عجبتك اشوة :)

طموحة مملوحة يقول...

عين بغزي


الله يبارك فيك يارب

طموحة مملوحة يقول...

شاي الضحى


انا قلت بعد معقولة يعني بيصرفون علينا الاعانة كل هالفترة ؟ لووول

طموحة مملوحة يقول...

Engineer A

حتى ممشى الاحمدي يهبل انا علطول اروح هناك احتفالاتها حلوة عائلية ماكو مسخرة ماكو حوادث الحمدلله

طموحة مملوحة يقول...

Fishah

حبيبتي انتي عادي سهالات قاعدة معاكم انا :)

طموحة مملوحة يقول...

militco


صح كلامك :)

مشكور اخوي

طموحة مملوحة يقول...

حَافِـيَةُ الَقَدمَيّـنْ ولِبَاسِي المَطـرْ

والله اريح من انج تشكين لناس مو فاهمة وتالي يضحكون عليج ويستهزئون بكلامج :)

طموحة مملوحة يقول...

well_serviceman


غيرت قناعاتي بس ماغيرت توجهي :)

والاختلاف بالرأي لا يفسد بالود قضية : )

Ahmed Al-salami يقول...

السلام عليكم ورحمة الله وبركاته
أولاً خطاج السو.. أجر وعافية..(لاباس طهور إن شاء الله)..
ثاني شي مبروك على الديزاين الجديد للمدونة والتغيير الجذري لها..
ثالث شي سبحان من يغير ولا يتغير :)
رابع شي.. مو عيب ان الانسان يراجع طبيب نفسي .. لكن العيب فينا :) مجتمعات متخلفة ومو مترقعة :)
خامس شي عشان تتعلمين جربي انج تحدقين.. سنارة بـ عشرين دينار وقعدي على البحر والرزاق موجود .. تتعلمين الصبر.. وتقتنعين بنهاية الرحلة في رزقج اللي قسمه لج رب العالمين..

موفقة يا رب..

قراءة في كف العشرين يقول...

" لحاجتي الكبيرة اني اكون مع نفسي "
صااااااااااااااااااااااادقة مليون في المية بس ما اظن ابغاها تطول
و مدونتك ممتعه و جميلة

طموحة مملوحة يقول...

Ahmed Al-salami

سالفة السنارة والله سويتها مرة واحنا رايحين على البحر شفت ابو وعياله يصيدون قعدت معاهم ابي اصيد بس امي زفتني ريال شايب يعني بتحرش فيه ؟ لوووول يحليلي بس كان وناسة وشفت انهم فعلا عليهم صبر انا اشوف السمكة ودي انقز بالبحر واكفخها من كثر ماتحوم على الصنارة وتروح لوعت جبدي

طموحة مملوحة يقول...

قراءة في كف العشرين

حلو الواحد يكون اجتماعي بس انا كنت مبالغة وايد بصراحة :)