2010-02-27

شنو راح يكون؟؟؟

فلــــوس






تفصخ وتكشخ






بجــــي





واحد يموت






عزاء





صياح ونياح





كيلو ونص ماكياج





فضيحة





اغتصاب





طـــراقات





أزياء




سيارات آخر موديل






هــــــم فلوس





فلان الهيبـــــة





ولد الفقارة






مرت الأب الدلالة






الزوج خروف زوجته





الأم المسكينة





الولد الصغير عنده بلاك بيري





مخدرات





شرب ودق ورقص






سكران وريحته واصلة لآخر الفريج





خذا حلال اخوه





حادث





مستشفى الكل واقف برا يبجي





عزاء ثاني






وبجي مرة ثانية





بالنهاية الكل يموت











=












(( مسلسل خليجي ))











لهالدرجة في بنات مساكين بمجتمعنا مثل هالجمانة ؟؟ يعني تكفة عرضوا شي واقعي حسسوني اشوف مسلسل سندريلا الخليج








ـ ــ ــ ــ ــ ــ



مقولة اليوم :



ليس حرا من لم يَسُد إمبراطورية نفسه

فيثاغورس .... فيلسوف ورياضي اغريقي

45 comments:

Seema* يقول...

هنالك سبب لعدك مشاهدتي هذه التفاهات وهو أني أعرف أنها تتناول المواضيع من جهة واحدة هذا لو كان هنالك موضوع أصلاً لأنهم عادة ما يعرضون فوضى كثيرة مع قليل من الجنس والسخرية لاستقطاب الجماهير الغبية

برافو للاعلام العربي
من سيء إلى أسوأ!!!

Engineer A يقول...

شوفي خلج مثلي أنا صارلي 3 سنوات مقاطعه المسلسلات الخليجية :)

يمدحون التركية حولي عليها :/

Made n Q8 يقول...

انا من قريت اول شي قلت هذا جنه احداث مسلسل خليجي ! طلع اخر شي صج لوول

المسلسل شفت لقطات منه وبصراحه مايسوى اني اتابعه

ابو عبدالملك يقول...

ضروري
http://boabdalmalk.blogspot.com/2010/02/blog-post_27.html

بعدين راح ارد

ebtsamh يقول...

والله من ثالث وحده عرفت انه مسلسل خليجي ..

خخخخ لوووووووووول

لا تعليق ..

*Being One يقول...

كااااااااااااااااااااااااااااااااااااااااااااااااااااااااااااااااااااااااااااك
لا جد جد موتيني ضحك عالبووست
الله يخليج من شاف ويه الممثله ستغفر الله من اول حلقه لي اخر حلقه و تبي تبجي علينا ابجي ابجي فكينا

ابو عبدالملك يقول...

لهالدرجة في بنات مساكين بمجتمعنا مثل هالجمانة ؟؟

مو بس جمانه مسكينه
حتى البنات اللي يتمردون على احكام الله ويستهزؤون بها او يرفضونها ويبون يتحررون ومايعجبهم اهل الدين
ويبون الدوله تكون مدنيه وليس اسلاميه
هؤلاء ايضا مساكين
لان الله سبحانه وتعالى اعدى لهم عذاب اليم

يعني سبحان الله
الله سبحان وتعالى خلقه فسواه واحسن خلقه
وبالنهايه يتمرد على الله

طموحة مملوحة يقول...

ليش متضايق عليهم خلهم ربك بيحاسبهم ليش زعلان خوووو ؟؟

حتى الي يكفر بالناس مسكييين بعد

Hashimoto يقول...

شخباري المسلسلات الخليجية .. صارلي 4 سنين مادري عنهم .. وانشالله استمر !
لووول

عاد موضوعج هذا قبل جم يوم قعدنا نسولف عنه ويا الاسرة الكريمة

المسلسلات .. كل ماله وتصير اخس !

خادم العترة يقول...

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته

نحتاج الى مسلسل اسمه انحطاط المسلسلات الخليجية

حتى نعرف أين يكمن الخلل؟

فرأيك أين يكمن الخلل ؟

someone_q8 يقول...

السلام عليكم

اختي الكريمة , اذا قل الابداع عند المؤلف راح انشوف اشباه مؤلفين وراح انشوف الابداع الاخلاقي في تشويه المجتمع بأرخص الادوات , نعم هناك سلبيات لدي البشر لكن اين الحل ؟ وهل الحل بإظهار المجتمع ككل بهذه الصورة ؟ ما اقول الا الله يهديهم ويهدينا الى كل خير

{~المباركية~} يقول...

عندي ربع من احدى الدول العربيه وبالتحديد في المناطق الي يكون عيشهم رديئ ومتواضع

يقولي انتوا بيوتكم و سيايركم كشخه حتى لبسكم
والله العالم خذا نظره عن لكويت انا احنا كلنا عيال فلوس و ماكو احد على قد حاله

الـسـنـبـلـة يقول...

بالضبط كل المسلسلات الخليجية مأسااااااااااااااااااة ..

بصراحة أنا إذا بطالع مسلسل خليجي بس أطالع حق وداد الكواري لأنها تعرف تكتب !!

أنصحج بالدراما السورية شي محرز :P

طموحة مملوحة يقول...

بوعبدالملك
ومن يكفر مسلم فهو كافر روح عد جم واحد كفرته بعدين تعال كلمني ومرة ثانية شغل مخك عدل وفكر عدل بالمواضيع الي تنكتب بعدين احكم على كيفك وعلى العموم مو مهم عندي تفهم ولا ماتفهم بال6قاق

اجتماعي يقول...

ههههه ..

والله صح كلامج ..

ولا تنسين بعد ..
المخدرات والحفلات : )

مـي يقول...

متابعة المسلسلات الكويتية أشبه بتعذيب نفسي !

آخر مرة تابعت مسلسل من سنيــــن

ياحلو ايام درب الزلق وخالتي قماشة..

خُـنْـزُبْ يقول...

وين ايام الابريج المكسور
وين ايام جودر الصياد و غيرها
من المسلسلات الهادفه و فيها قيم
و اللي كانت جزء من تربيه النشأ .

خااالف تعرف يقول...

نسيتي السحر
هابين فيه هالموسمين

طموحة مملوحة يقول...

Seema*


انا اشوف مقتطفات بصراحة وانصدم لوووول شدعوة لهالدرجة المجتمع بهالبشاعة للأسف مايبنون الجانب الايجابي من المجتمع والي يحمل ناس زينة :)

طموحة مملوحة يقول...

Engineer A


لا والله انصحج تشوفين المسلسلات الكورية على قناة كوريا عجيبة والله

طموحة مملوحة يقول...

Made n Q8


اي يعني شنو مسكينة وكل شوي طاقينها وساكتة ... كويتية تسكت ؟ والله تدوس على راسهم لووول

طموحة مملوحة يقول...

ebtsamh


مايبيله تعليق لووول

طموحة مملوحة يقول...

*Being One



لوووول اي والله حسسوني اشوف فلم والدت ديزني لووول

طموحة مملوحة يقول...

Hashimoto


اي كنت مطرشة ربعي يسمعون نقاشك مع اهلك ويوا قالوا لي لوووول

طموحة مملوحة يقول...

خادم العترة

الخلل بالممثلين مو بالمجتمع :)

طموحة مملوحة يقول...

خادم العترة

الخلل بالممثلين مو بالمجتمع :)

طموحة مملوحة يقول...

someone_q8

اي والله يا حلات مسلسلات اول للحين نشوفهم وهم نشتاق لهم

طموحة مملوحة يقول...

{~المباركية~}

اي حتى اهلي بمصر على بالهم احنا اغنياء والفلوس بالشارع طايحة لوووول نكح فلوس بعد

طموحة مملوحة يقول...

الـسـنـبـلـة

ترا نفس الشي وداد يعني تكفين كل المسلسلات متشابهة قالوا بيغيرون سووا فلم هندي لوول

طموحة مملوحة يقول...

اجتماعي


ذاكرتهم موجودين

طموحة مملوحة يقول...

مي

صدقتي والله

طموحة مملوحة يقول...

خُـنْـزُبْ

راحت ايامهم ويت ايام الهشك بشك :)

طموحة مملوحة يقول...

خااالف تعرف


اي والله نسيته تصدق خو المجتمع مايتعامل الا بالسحر انا وانت وهذاك وهذا وكلهم كلهم هذا الواقع شفيكم

Ahmed Al-salami يقول...

اول ما بديت بقراءة الكلمات المتقاطعة :) فهمت قصدج..!
مسلسلاتنه تافهة وساذجة وبعيدة كل البعد عن الواقع، ولعل المسلسل الخليجي الوحيد الناجح هو (طاش ما طاش) الذي ينتقد وبقوة الكثير من الاخطاء ويسلط الضوء على أمور كثيرة.. أما مسلسلاتنه فهي نسخة كاربونية يتم إعادتها سنوياً مع إضافة بعض الرتوش.. وتغيير الاسماء (بمعنى اصح يسوون تدوير للفنانيين)..
ولذلك نجد أن التوجه العام أتجه نحو المسلسلات التركية (حب وكلام فاضي).. ومن قبل كان التوجه نحو المسلسلات (المكسيكية).. وبكره يمكن التوجه العام يروح باتجاه المسلسلات (المريخية)

كوكتيل يقول...

أكيدعزيزتي أنا ما قمت أطالع هذي التخاريف إحتراما لعقلي رقم واحد

ولأني ما أحب وصلات النكد الا نهائة فيها

وحيل ينرفزوني أنهم يركزون على شي ما يكون ظاهر في المجتمع ويخلقون منه ظاهرة فعلية فتظهر عندنا مشكلة جديدة
مثلا الجنس الثالث ما ظهر عندنا بالجرأة والوقاحة هذي إلا من بعد المسلسلات اللي كثر الحجي فيها عنهم وإنهم وايد

خبري أول يتخششون ويستحون الحين فعلا صاروا ظاهرة لا ويطالعونك جنه إنت اللى غلط مو أهما

وايد إعجبتني مدونتك وأعلمك أني من عشاق مجلتي الحبيبة ماجد

وأتشرف بأن أضيفك لقائمة مدوناتي المفضلة :)

david santos يقول...

Really excellent work and very good space. Have a nice week.

a8lam7oora يقول...

لوووووووووووول تعليقات فذه بس نسيتي سالفت إن كل بنات الخليج يحاجون ويطلعون مع الصاحب وتعطيه الثقة تالي تحمل ويتنكر لها و لضناه وتقوم تنتحر أو إذا متمسكه بالدنيا تولد وتقط الولد عند باب المسيد:q
والله لو كنا أمريكان ما سوينها كل قصصهم السخيفه.
تقبلي مروري اختج
now moon

ابو عبدالملك يقول...

من كفر مسلم فقد كفر
مو ياحجيه من كفره المسلم بغير وجه حق
فهمتي

اما على الموضوع حطي موضوع سنع ولا لاتحطين
العالم بينها حرووب وانتي مسلسلات

طموحة مملوحة يقول...

بوعبدالملك
انت شتبي ؟؟؟ كيفي اكتب الي اكتبه انت الي راز ويهك الناس تضحك عليك وعلى بالك الكل مرحب فيك !!!

روح روح روح بس مسويلي فيها فتوة راح شوف نفسك وتعال تحجى مابقى الا انت بعد تتكلم بالكفر والدين علم نفسك الدين بعدين تعال تفلسف تت يالله مالي خلق لك ولا لأشكالك عديمي الاخلاق

يتكلم بالدين و24 ساعة قاعد بمدونتي مادري الدين قال تحجى مع البنت 24 ساعة الظاهر مالقيت احد يسنعك ويخليك تمشي عدل وبكتب الي اكتبه كييييييفي مواضيعي الي بقى وانت الباب يوسع لجمل


تت

طموحة مملوحة يقول...

a8lam7oora


غبي آل ايه ال يحارب العلمانية والليبرالية والشيعة شاف ويهه بالاول؟ الي مثله ما استغرب اذا باجر يا وادعى النبوة هالخياس ما يبين الا على الي مثله ارف

طموحة مملوحة يقول...

Ahmed Al-salami

والله يا احمد يليت كل الناس تفهم مثلك ومخها نظيف مثلك يبيله تسوي دورة ( نظف مخك وبسك قرقة ) حق اخينا في الله بوعبدالملك مسكين كل الناس بتدش النار الا اهو واقف على باب الجنة يدخل الي يعجبونه بس

طموحة مملوحة يقول...

كوكتيل


اشكرك اخوي وفرحت كثير لمن دريت انك من قراء مجلة ماجد اغلب الي يقرونها صاروا مبدعين وانا راح اشوف مدونتك بعد ومدونتي ترحب فيك دائما :)

طموحة مملوحة يقول...

david santos


thanx i hope i see your comment again :)

ابو عبدالملك يقول...

اقول لاتبجين بس

طموحة مملوحة يقول...

انا اعصابي باردة بس انت ( الله يهديك ) وايد ترز ويهك مولازم تفرض وجهة نظرك غصب @@