2010-03-06

بوست فاضي !!!




وأنا أفكر بيني وبين نفسي تذكرت أيام الطــــفولة ، لمن كنت اقعد الصبح وأشغل تلفزيون الكويت أول ما يعرضون يعرضون النشيد الوطـــني ياترا للحين ؟ وبعدين يحطــــون رسوم متحركة (وادي الأمان ) أذكر مرة من المرات ، وبعدين يعرضون صباح الخير ياكويت على أيام المذيعات التكانة ( أوي ) .

يا ترا وين تلفزيون الكويت ؟ وشنو يعرض ؟ وهل للحي موجود ؟ وشنو المميز بتلفزيون الكويت ؟
حتى الاخبار قمت اشوفها بقنوات ثانية كل القنوات تطــــورت الا قناة الكويت ... ياترا ليش؟



ــــــ



بعرف شغلة وحدة ؟ شلون من بعد التفصخ والترقص والتعري والإثارة تُلقَبْ بسفيرة النوايا الحسنة ؟؟؟



ـــــــــــــــــــــــــ


جميل أن يشعر الانسان برضا ( شديد ) عن نفسه ويشعر بأنه بدأ حياته من جديد وأزال كل الشوائب التي كانت تقف في طـريقه .


ـــــــــــــــــــــــــ












من الأغاني المفضلة لدي :)




ــــــــــــــــــــــــــــــــــــــــ



ملاحظة :






الي مايعجبه البوست مو لازم يعلق ومولازم يكمل قراءة :)


ـــــــــــــــــــــــــــــــــــــــ


ذاك اليوم كنت قاعدة اسمع اذاعة القرآن الكريم وكانوا يتكلمون عن موضوع اصلاح ذات البين ووايد ناس دقوا ويقولون مواقف مرت بحياتهم ، الموضوع عجبني بصراحة وذكرني ببنات كانوا يحبون وحدة من صديقاتي وهالصديقة سابقا كانت تكرهني حيييل فسبحان الله البنت بعد فترة صارت زينة معاي والحمدلله علاقتي معاها وايد زينة ، وصار بينها وبين هالبنات خلافات ، فمافيها شي اذا سلمت على الطرفين فهالصديقة جدا متقبلة الموضوع بس البنات الثانييين ماقاموا يضحكون ويسولفون معاي مثل اول ، فمادري ليش بعض البنات اذا زعلت من رفيجتها ماتبي البنات يسلمون عليها ويتكلمون معاها؟ ليش هالانانية ؟ اذا احد عنده تعليق ويحب يضيف على نفس الموضوع يليت نقرا قصص بهالموضوع ؟






وشرايكم بتدخل الحموات بين الزوجين ؟ مثلا الام ماتعرف شخصية ريل بنتها مثل ما البنت تعرف شخصيته فتقول لها الام سوي جذي وجذي بعدين الريال راح تكون ردة فعله قوية ممكن الأم ماكان ببالها هالشي يصير !! فليش هالتدخلات هذي ؟ ومن زمان والحموات يتدخلون من أيام أفلام الأبيض والأسود وبكل المجتمعات فليش ؟ والزوجة تكبر وتسوي ببناتها نفس ما أمها كانت تسوي فيها أول ... @@



ــــــــــــــــــــــــــــــــــ


الي عنده فكرة بهالموضوع أنا منزلة السكايب على تلفوني بس موراضي يصير مكالمات بس كتابة ، فشلون اقدر اتصل من السكايب ؟ واذا برا الكويت هم شلون ؟



ــــــــــــــــــــــــــــــــ


مقولة اليــوم











الإنسان موسوعة كاملة للحقائق



رالف والدو إمرسون فليسوف وشاعر وكاتب أمريكي



،،،،،،،



،،،



،،



،



كلمة راس لواحد من المتابعين لمدونتي !!! ;) :


راح تلف وتلف وتلف وتدور وتحرق أعصابك وتحفر لي وتحاول تحفر وتحفر وبالأخير أنا الي راح أطـــيحك لأن لا إنت ولا 1000 من أشكالك يهزون شعرة وحدة من راسي ولا تهزون ثقتي بنفسي لأني واثقة من نفسي بصورة جنونية ..


ركز على كل كلمة قلتها وإعتبر كلامي لك كله (( تهديد )) علشان تعرف تلعب بالنار مرة ثانية :) .


بوعبدالملك لا تحاتي الكلام مو لك .. لوووول


57 comments:

ابو عبدالملك يقول...

انا ماعندي تعليق
لكن دام الكلام مو موجه لي
انا على خير

ابو عبدالملك يقول...

جميل ان يشعر الشخص بالرضا على النفس
لكن غير جميل ان الرضا الذي يشعر به هو غرور وليس رضا

غير معرف يقول...

بوعبدالملك وينك

ثلجيّة القلب والأقراط .، يقول...

اول شي : إشتقتللللللللللللج وايد
ثاني شي خل أعلق على بعض النقاط الي ذكرتيها عشان لا يصير تعليقي ماله معنى لول ،
بالنسبه حق تلفزيون الكويت حالياً احس بتناقض برايي يعني مره احسه ميت ! و مره احس ان للحين محافظ على هيبته كـ تلفزيون " الديره " و للحين الي فيه تكانه و مواضيعه جديّه و مفيده ، يعني لو تقارنينه مع غيره من القنوات الكويتيه تحسينه راقي جداً بمذيعينه و ببرامجه ..
أما بالنسبه حق الحموات فـ يمكن أم البنت تهون ، اما الطامه الكبرى اذا طلعت ام الريل جذي @@ !
و أخر شي : اعتذر جداً جداً لتقصيري بحق هذه المدونه المتميزه و بحق صاحبتها :×

ebtsamh يقول...

عودة حميدة ..

والله بوستج هذا كان كل شيء الا فاضي ..

تطرقتي فيه لوايد مواضيع وكل موضوع

يستحق بوست بروحه ..

- تلفزيون الكويت يخضع للبيروقراطيه

الجامده يحتاج دماء جديدة ويحتاج قفزة

كبيرة لمواكبه التطور .


- اصلاح ذات البين حل خلافات زوجية وايد

كان ممكن بتفاهم تصلح وكان السبب في

تراجع معدلات الطلاق بصوره واضحه ..

صراحه يعطيهم العافيه ..

- تدخل الحموات او الخالات مثل ما نقول

شيء لا اييده ولا احبذة .. اصلا الخلافات

والاسرار الزوجية لي تطلع من الاول ..

حتى للام ما افضل تطلع الا اذا شيء اكبر

من قدرة البنت انها تعالجه او تتحمله

وطبعا هالشيء خاضع جدا للفروق

الفردية ..


وسالفه التلفونات ماني خبيره فيها ..

واستمتعت بطرحج .. كوني دائما بخير ..

Seema* يقول...

تلفزيون الكويت يسري على النظام و الخطط التي كان يتبعها قبل 10 سنوات أو أكثر وكأن نسي أحدٌ أن يخبرهم أننا تغيرنا وهم أيضاً بحاجة للتغيير أيضاً.

a8lam7oora يقول...

تلفزيون الكويت لي الحين على حطت إيدج من كنت صغيره بس ما قاموا يحطون وادي الأمان :(
أما عن الرفيجات إلي يزعلون لي نصحتيهم فخليني أقولج سالفه :
هذي وحده من رفيجاتي عرفتي على رفجتها معرفة ويه يعني ما عرف غير شكلها بس واهي بالاجتماعية أما رفيجتي تربية المهم صرت اسلم على البنية إلي بكلتي بسمن بعيد يعني هاي على الماشي بعد فتره صارت البنت تخزني نظرات غريبه فقمت ما أسلم وحديت بالي اهيه مضايقه شي خليني أمشي أحسن تالي عرفت من رفيجتي إنهم متزاعلين وقامت البنت تعامل كل رفيجات رفيجتي جذي.
أما قصة الأم إلي تدخل بحياة بنتها عندي مرة خالي طلقت بنتها 3 مرات وسبب تدخلها لين بنتها صارت ما تزورها علشان لا تخرب حياتها.
تقبلي مروري وآنا بعد خاطري اتعرف عليج وأشوفج ان شاء الله نحدد يوم يميع ويسير المكان قسم الجغرافية بس الوقت نتفق عليه أوكي:)
now moon

نمووول يقول...

بعرف شغلة وحدة ؟ شلون من بعد التفصخ والترقص والتعري والإثارة تُلقَبْ بسفيرة النوايا الحسنة ؟؟؟

عادي يعني صج انها تتفصخ ووترقص بس نيتها طيبة تبي تسعد المشاهدين :)

مبدعه يقول...

^
^
^

^
نمول اضحك الله سنك مثل ما ضحكتني اجل تتفصح بنية انها تسعد الجماهير
هذي لوتبي تسعد الجماهير تقدم لهم شيء مفيد يستفيدون منه بحياتهم


ساره

يعطيك الف عافيه على هالبوست الرائع

بصراحه التلفزيون الكويتي مثل التلفزيون السعودي جالسين يمشون على نظام ماقبل 100 سنه
تجيني هموم الدنيا اذا فتحت عليهم

غير معرف يقول...

تذكرون road runner ؟

هذا الي يقول بيب بيب وينحاش من الذيب منو فيكم شاف الحلقه الاخيره ؟ لانه ابي اعرف اذا قدر عليه الذيب ولا لاء

طموحة مملوحة يقول...

لووووووووول اشتر سيديات بو نص دينار كل الحلقات واشرب لك بيبسي وتابعه وشوف لوووول

Enter-Q8 يقول...

والله يبيله بو عبدالملك سفير للنوايا الحسنة لنه على نياته و قلبه ابيض مثل السكر

طموحة كل هذا بوست فاضي

Made n Q8 يقول...

سؤالي مثل سؤالج..تلفزيون الكويت للحين موجود؟

ومنو هذي ام التفصخ الي صارت سفيره؟ انا خابره انجلينا اهيا الي سفيره النوايا الحسنه بس يحليلها لي راحت باكستان وهالدول يلبسونها حجاب يعني صج خخخخ

الزين يقول...

:)))))

شوفي

انا كنت مندمجه حدي بالبوست

الييييين وصلت للتهديد والتنويه اللي بالأخير
ياعلج العافية

ضحكيتني ربي يسعدج

خُـنْـزُبْ يقول...

احس قنوات اريتيريا و جيبوتي
صارت برامجها تنافس تلفزيونا
بس لو يموتون ما يوصلون مستوي
قناة الكويت احنا افضل p:

طموحة مملوحة يقول...

ابو عبدالملك


ماشوف الواحد الي يرضى عن نفسه غرور :)

بالعكس يزيد من تواضعه ولله الحمد

لا يابو عبدالملك الكلام لناس زبالة حاشاك انت انظف منهم بوايد وعيب اقول لك كلام جذي صج ساعات تقهرني بس ماوصلت للدناءة الي اهم وصلوا لها لأن باختصار انت ريال وتعرف حدودك

طموحة مملوحة يقول...

غير معرف



؟؟؟

طموحة مملوحة يقول...

ثلجيّة القلب والأقراط

ياحياتي لا تعتذرين شلونج ؟ والله انا بعد مشتاقة لج حدي يالغالية :)

سلمي على الاهل وبشريني عن دراستج ان شاء الله تمام

دقي علي خل نتواعد على يوم نشوف بعض من زمان ماشفتج فديتج :**

طموحة مملوحة يقول...

ebtsamh


تسلمين يا احلا ابتسامة

والله احلا شي بتلفزيون الكويت انهم للحين محافظين على احترامهم :q

طموحة مملوحة يقول...

Seema*

اي والله خو انا سنتين ولا الناس والكويت تغيرت 10 سنين شنو؟

طموحة مملوحة يقول...

a8lam7oora



الحمدلله والشكر شدعوة ميتيين على سلامها بس ت.إ لووول هذي اختصار لكلمتين اقولهم لج بعدين ، تخيلي تكتبين بوست مايعجبني وامر بالكلية ماسلم عليج ؟ ملاقة البنات صح ؟ :q

طموحة مملوحة يقول...

نمووول


لوووووول انما الاعمال بالنيات :q

طموحة مملوحة يقول...

مبدعه


لووول اذكر هم قناة السعودية كانوا يعرضون ماوكلي وسوار العسل اخيييي بس والله لما تشوفينهم الحين تحسين قاعدة بزمن التسعينات لوول

طموحة مملوحة يقول...

Enter-Q8



لوووول النوعية هذي من البوستات دايم ترد علي بهالجمل فتوقعت ترد عليه

مدونتك غايبة عن الساحة التدوينية

وبوعبدالملك يستاهل على الاقل يسوي الزين لله مو للظهور الاعلامي والتمصلح :)

طموحة مملوحة يقول...

Made n Q8


لوووول فديت انجلينا حلو علينا التفصخ لوووول المشكلة يختارون مغنيات كل همهم الجمال والخبال يعني انجلينا اختاروها لأن هوايتها تسوي الخير للناس مو عمليات تجميل وتكبير صدر وبعدين سفيرة النوايا الحسنة كلش ماتصلح لوول

طموحة مملوحة يقول...

الزين



لوووول جان كملتي خو شفيج اخترعتي لووول

طموحة مملوحة يقول...

خُـنْـزُبْ


لوووول والله احب اشوف قناة السودان اغانيهم تونس على الاقل تلفزيون صاحي مو نايم

أنا أقول لك والله صج صج ماكو احلا من فوكس موفي عجييييييييييب

طموحة مملوحة يقول...

ااما ترى الأسد تخشى و هي صامته و الكلب يخسى لعمري و هو نباح :)

a8lam7oora يقول...

إيه والله ملاقه بنات :)
شنو يعني ت . إ؟:q

طموحة مملوحة يقول...

بعدين بعدين اقول لج


لوووول باجر وين اشوفج؟؟ لووول

ابو عبدالملك يقول...

طموحه

بيني وبينج هاليومين في شخص يدخل بنك غير معروف ويسب ويلعن فيني

Enter-Q8 طموحه
الله يجزاكم خير

سلة ميوّه يقول...

:)



ماعندي اجابات لأسئلتج...

تعجيزيه :)


بس هقوتي قناة الكويت بالمتحف الحين:P



يازين البوستات الفاضيه..

خفيفه وظريفه


انتي وينج؟؟

حبي:*

فريج سعود يقول...

وين النوايا الحسنة من الساس الي لها سفيرة ؟

Ahmed Al-salami يقول...

الله يغربل ابليسج.. ذكرتيني بما مضى..
*وادي الامان وما ادراك ما وادي الامان .. كل حلقه نطلع انا واخواني بفنتك من فناتكهم.. يوم غابه ويوم بنسوي غارب.. ويوم نبي نروح مناره.. اياااااااااام.
*تلفزيون الكويت يعاني من شلل سريري..
*الراقصة امتهنت مهنة هز الوسط (باب رزق) والاختيار جاء وفق معايير (الوسط) والاختيار ديمقراطي..!
* الغيرة عند البنات (عميه)
* احيان يكون تدخل الحموات في حياة الابناء سبب رئيسي لـ الطلاق.
* كلمة راس ( تحسسيني يا سارة انج ماسكه ليور بايدج وتبين ادشين هوشه) :D

طموحة مملوحة يقول...

بوعبدالملك

لا مو من صوبي هذا ماعرفه بس الي عندي هني اعرفه و ساكتة مو خوف بس عيب البنت ترد على ريال وتهزأه خل هالمواضيع تحلها رياييل احسن :)

والله يعينك بصراحة يمكن هالغير معرف من الناس الي تكره الي تكرههم لووول

شوف انا مو عنصرية بس هم وايد ناس تعصب علي وتسبني لأني ما اتبع توجههم فمالك شغل فيهم دايم عندنا بدولنا العربية مع الاسف ناس تخرب ما تصلح فالي يبي يصلح يتكلم باسلوب ناس متربية بس هذول مايبون هالشي فخل يقولون الي يقولونه عندك ايقونة صغيرة اسمها ديليت ريح اعصابك ولا تشغل بالك فيهم

الله يعينك

طموحة مملوحة يقول...

سلة ميوّه



@@


على 6اري متحف شخبار المتحف القديم ؟؟ للحين موجود ؟

خبري فيه اخر مرة زرته 2003 وكانوا يقولون ان السقف على وشك الانهيار فشخباره ؟

طموحة مملوحة يقول...

فريج سعود



مش عارفة @@

طموحة مملوحة يقول...

Ahmed Al-salami

لوووول والله حلقاته على كثر ماهي حلوة تلقاها مرعبة وتخرع وتخليك تفكر وايد لووول اي المنارة وحلقة الباردة ذكرت ببوست قديم اني شفت حلقة الباردة من بعد سنين وماتوقعت اني راح اخاف منهامثل ما كنت اخاف منها لمن كنت صغيرة @@ لووول

ابو عبدالملك يقول...

اذا ماعليج امر

ابي طريقة تنزيل مقطع يوتيوب بالبوست
؟؟

لان عندي شي طيب
يمكن راح يسبب ضجه

طموحة مملوحة يقول...

تامر أمر

أولا عند كتابة الموضوع راح تلقى فوق المربع الي تكتب فيه موجود تأليف لكتابة موضوع و تحرير HTML لوضع مق6ع فيديو انت لمن تكتب موضوع يكون في حالة تأليف الوقت الي تبي تضع الفيديو خله على تحرير ، بالنسبة للنك الي تبي تسوي عليه كوبي على يمين الفيديو باليوتيوب تلقى معلومات عن الي وضع الفيديو عدل؟ راح تلقى بنفس المكان مكتوب URL و Embed لازم تسوي نسخ على embed هذا اللنك الي نسخته راح تنقله للموضوع ويكون بالتأكيد في حالة تحرير كما ذكرنا سابقا ، ولمن تنسخه وتخلص رد الموضوع لحالة تأليف وراح تلقى الفيديو موجود وان شاء الله اكون شرحت بشكل مفهوم :)

ابو عبدالملك يقول...

الله يجزاج خير
ومشكوره

طموحة مملوحة يقول...

ولو ماسوينا شي بوعبدالملك

غير معرف يقول...

بوعبدالملك انا مو قصدي اسب والعن فيك بس انت الله يهداك ادش بشراع وميدار بالعالم وعلى فكره انا ما عندي مدونه بس متابع للمدونات ومنها مدونة الاخت طموحه مملوحه

وبعدين يابوعبدالملك يا صديقي العزيز اكو شي اسمه النقد البناء ما يصير تشوف واحد ليبرالي او علماني او شيعي او مسيحي اطب فيه اقرا وشوف رايه وخل عقلك يقيم هالامور الي تقراها

على فكره انا حاليا ادرس برا والمكان الي قاعد فيه الكويتيين صايرين مثل العقيق اليماني يعني نادر ما تحصلهم فا تحملني P;

a8lam7oora يقول...

هاي شلونج طموحة شرايج باجر الساعة 12:10 نتقابل بقسم الجغرافية؟
اختج
NOW MOON

ابو عبدالملك يقول...

غير معروف

قبل لاتدرس تعلم الاخلاق والادب
بعدها روح ادرس برا

طموحة مملوحة يقول...

لوووووووول القسم شكبره وشكثر بنات وين احصلج؟؟

a8lam7oora يقول...

لا تحاتين آنا أحصلج:)

طموحة مملوحة يقول...

بوعبدالملك وغير معرف
أقدر أكون جهة اصلاح بينكم ؟ ؟ ماخيالف اذا في سوء تفاهم تنحل بالنقاش ان شاء الله هونوها الدنيا ماتسوى ترا

غير معرف يقول...

عالعموم مشكور على كلامك الجميل بو عبدالملك

الله يسامحك

طموحة مملوحة يقول...

غير معرف


لا تزعل منه انا ساعات وايد اتناجر مع بوعبدالملك ويطفرني وايد بس بعدين تركد الامور وتمر مواضيع نتفق فيها لا تزعل منه بيعرف ان نيتك زينة مع الايام . انت كنت تسبه ؟

بصراحة بوعبدالملك الغير معرف هذا خوش واحد انا لو أوريك ردود الغير معرف الي هني بتحس اني ريال مو بنت لوووول بس استمتع لمن اقرا كلامه لأن للحين منقهر مني وياعساه دوم منقهر يارب :q فعادي صرت اسب السب القوي جنه سب عادي ، فاحمد ربك وانا اقول لو تتناقشون وتطلعون من الموضوع بنية زينة محد شايل على الثاني وايد أحسن صفوا النية ياجماعة ترا الدنيا للحين بخير ، غير معرف اعذره مايخالف مع الايام راح يعرف ان قصدك زين ...لوووول انا قاعدة اتحجى كويتي ؟ احس اني اقط بدليات وايد

ماعليه المرض ومايسوي a8lam7oora ماحضرت اليوم بطني يعورني يابنت :(

وبعدين خل نتواعد بمكان ادله ترا ما ادل والله :(

ابو عبدالملك يقول...

اقول
تعوذو من ابليس

ابو عبدالملك يقول...

سياسية ... طلابية ... كركتيرية ... جيولوجية .. اجتماعية على هيئة تـخاريـــف

عندي لج اقتراح طيب وتكسبين منه اجرا كثير

بعض المرات تسوين بوست مكون من اغنيه او بوست احس ماله معنى مجرد بوست عادي لاينفع ولايضر او بعض المرات بوست احس لما كتبتيه كان مالج خلق

اقتراحي هو اذا لم يكن في عقلج موضوع تكتبينه
لماذا لاتكتبين عن قضايا الامه الاسلاميه مثلا فلسطين او العراق او افغانستان
او مايحصل بالصومال ونيجيريا والجزائر من ظلم وبطش بالمسلمين وتغريبهم ومحاولة سلخهم من اسلامهم
اكتبي من باب المسلم اخو المسلم
وماشاء الله انتي عندج جماهير بمدونتج كثر
بعكس مدونتي السوده اللي مايدخل فيها الا سلفي مجاهد ويرد علي من الماسنجر

وسلامي على طالبان

طموحة مملوحة يقول...

بوعبدالملك


راح اكتب عن هالمواضيع بس يبيلها مخ فاضي في موضوع ودي اناقشه لأن تناقشنا فيه باحدى المحاضرات بس خل افرغ ذهني من الجيولوجيا وعفستها وان شاء الله راح اكتب عن هالمواضيع

a8lam7oora يقول...

حياتي ما تشوفين شر (الله يكون بالعون:(
العموم شرايج بدال ما آنا وأنتي صايرين توم وجيري أدز على ايميلج اسمي ورقمي واندق على بعض وانتواعد أحسن بدال هاللويه:( شرايج؟
إختج
now moon

غير معرف يقول...

دام تخصصج جيولوجيا وعلشان تكتبين الامور الي بوعبدالملك وصاج عليها كتبي عن الصخور الي يحذفونها الفلسطينيين على الدبابات الاسرائيليه بس بنظره جيولوجيه P;

طموحة مملوحة يقول...

بالله انا ليش كتبت ايميلي ؟

لووووووووول احسن شي

طموحة مملوحة يقول...

غير معرف لوووول الجيولوجيا علم مو سياسة لووووول

لا ببالي موضوع ثاني حلو بكتبه بعدين راح يعجبه وايد :)