2010-03-10

منـــــــــــــــو يتزوجني ؟؟




قصة تضحك قديمة تذكرتها وقلت اكتب موضوع بالبوست هذ كامل عنه ، القصة سلمكم الله اني وانا صغيرة احب اقرا الصفحات الي فيها ارغب بالزواج وأشوف الرياييل شنو يحبون أكثر شي والحريم شنو يبون بعد ، فقريت وحدة كاتبة : أنا ارملة طولي .... وزني ... لون شعري ..... عمري .... أرغب بتزويج ابنتي الي تبلغ من العمر كيت كيت من شاب ..... الخ


استغربت حدي ، تبين تزوجين بنتج شكو كاتبة مواصفاتج ؟؟ شالحكمة ؟؟ تبي زواج بس مستحية تقول يعني ؟


والشي الغريب بعد أن أول كانوا يقولون نبي بنت تقدر الحياة الزوجية حبوبة خلوقة محترمة الحين يبونها طويلة موظفة ويفضل ( معلمة ) جميلة فائقة الجمال رشيييييييييييييييييييييييييييييييييييييقة ( ياويلي ويلاه أنا متينة شسوي ؟ ) تحتها ألف خط متعرج !!!!!
















يقوم العالم باستغلال وسائل التكنولوجيا لتطوير العلم وتنفيذ الاختراعات والبحث عن الاكتشافات الجديدة فيما يقوم العرب باستغلال التكنولوجيا في البحث عن الزواج وقصص الحب ( بلكي تزبط ونتجوز وازا مازبطت مش مشكلة نجرب مرة تانية ) وكذلك فالعرب على انشغال هام جدا بستار أكاديمي والبرنامج الجديد المشابه ل Americas Got Talent لأقول لنفسي ماهي المميزات التي تميز العربي كي يشارك في هذا البرنامج ، عجب العجاب لا نراه الا عند الغرب فالعربي مشهور بالأكل والغناء والتغني بتاريخ اجداده العظماء فيما يجلس هو في البيت عل وعسى سيكون ابنه كالخوارزمي أو ابن سينا وان لم يكن فليجرب حظه في دخول برنامج سوبر ستار ليصبح ( سوبر ستار العرب ) على الاقل نستطيع ان نقول بأنه فلح بشيء معين .


من الامور التي تعجبت منها هي كثرة مواقع البحث عن الزواج ، والقنوات التي تنشر الارقام بالهبل لمن يريد الزواج وأحاديث وتعارف وواحد يتعرف على 10 بنات ربما احداهن تدخل مزاجه فيتزوجها @@


بعضهن يدخلن ويضعن اسامي مستعارة كي لا يعرفهم أحد وتبدأ بالحديث مع الجميع لتختار فيما بعد .




مو جنه ملــــــــــــــــــــــــل ؟؟؟؟









أتذكر موقف عبيط صار لي بالفيس بوك ، ضافتني وحدة اسمها الخطابة ام فلان ، قالت لي رفيجتي : ترا هذي فطوم رفيجتنا

قلت لها : شكو تكتب اسمها جذي ؟

جان تقول اهي تلقب نفسها هاللقب .

انا دشيت الصفحة وقلت خل اضغطها شوي : فطوم يالخبلة خطابة آخر عمرج ؟ زوجي نفسج بالاول بعدين دوري للناس .


اليوم الي وراه يتني رسالة منها وعرفت بعدين انها مو فطوم عقب ما رفيجاتي ردوا عقبي يضحكون عليها .


تدور على عرسان بالفيس بوك






دورت بمواقع الزواج قلت خل اقرا واضحك هوايتي حلوة صراحة اني اشوف الناس شتبي ، وعلى كثر ما اقرا اقول بلاها زواج وخلنا على العزوبية دام هذي المواصفات اهي المهمة عندهم ...


قريت عنوان كله ليتات وبعرض الصفحة



اقروا




\

\

\

\



مكافئة خمسون الف ريال لمن يرشدني لهذة الفتاة



انا سعودي ابلغ من العمر 33 سنة من الرياض مهندس ورجل اعمال ابحث عن زوجة بارعة الجمال وموصفاتها كالتالي طويلة وجسمها معتدل مائل للنحافة وانفها قائم رفيع وعيونها واسعة وفمها صغير وملامحها حلوه وناعمة وجاذبيتها قوية جدا

ولصاحبة الحظ السعيد سوف اوفر لها حياة سعيدة ان شاء من سكن وخادمة وسائق وتامين مصاريف شهرية مجزية ولها كل ماتريد



تعليقي : والله رسمتها كركتير بمخيلتي ، مالت على المخ المتحجر أنا أقول ياخذ له زرافة وايد احسن حسسني قاعد يفصل نفنوف عرس يغربل ابليسه .



والأهم من هذا كله ................ تعارف زواج (( اســــــــــــــــــــــــلامـــــــــــــــــــــــي )) يعني حلال عليكم تتعارفون دام اسلامي .. ياربي الحمدلله انك انعمتنا بنعمة العقل بس المشكلة ياربي ان العرب مادري وين راح مخهم حتى بالزواج مايعرفون يختارون بالشكل الصحيح ، اسلامي و رشيقة جميلة خفيفة عيونها وساع خشمها مثل خشم نيكول كدمان شعرها قصير مشيتها عوية شهالمواصفات الهبلة وآل ايــــــــــــــــــــــــــه !!! اسلامي ..... اتنيلــــــــــــــوا بستين نيلة !!!




مبروك مبروك مبروك مبروك .... ترا تزوجت !!! منو ؟؟ فلانة ... اي فلانة أنا كلمتها وماعجبتني هم فلان جربها ماعجبته زين ضبطت معاك .... :q




بالاخير ماقول الا ..... يازيــــــــــــــــــن العزوبية





ـــــــــــــــــــــــــ



بلوقر يديدة صديقتي الصدوقة الرائعة الي ينطبق عليها المثل الي يقول ( رب أخ لم تلده أمك ) هذي أختي وابيكم تزورون بلوقر مالها ابيها تتعود على البلوقات :)







\

\

\

\

\

\

\




مقـــــــــــــــــــولة اليـــــــوم






وراء كل ثروة عظيمة ........ جريمة
فرانسيس بيكون فيلسوف ورجل دولة وكاتب انجليزي

52 comments:

نجمة بحر يقول...

لسلام عليكم
أخت طموحه أنت تتكلمين جد هل في فعلا ناس يتزوجون بهذه الطريقه والله قمة الغباء واللي يبغى يزعل يزعل عادي !!!!!!!!

panadool يقول...

الموضوع كله(الزواج) على بعضه إسمه قسمه ونصيب

رورو الشخبوطه يقول...

خخ شخباري هالصفحة كنت اقراها ..

مادري ليش يركزون ع الشكل اكثر من الاخلاق..

قبل جم يوم شفت لقطة بمسلسل دي تيوب انه واحد يخطب عاد ابو البنت قاله المهر جنه 100 الف قال نعم انه لاقي وحده ب10 الاف وحامل بعد :\

خخخ بس ناقص هالشرط وتكمل السالفه..

خوش موزوع ..

مرسوو..

غير معرف يقول...

هلوووو
بصراحة البلوق صاير عجيب وخفيف وجميل

وانتي قلتي حكمه
العزوبية بحد ذاتها حكمه خخخخخخ من غير ما تكملين
العزوبية تاج على رئوس العزاب لا يراه الا المتزوجون

حياتي هدف مو عبث يقول...

واللي مايبي يتزوج شسوي ؟ P:

غير معرف يقول...

walla ya i5ty il3azeeza ana agool illi ybe yjrb 7a'6a oo yl3b b bnat ilnas yg3ad b baithm oo yakl chicken nuggets mnn cjandra wayd a7san,,,banat ilnas moo l3ba wla hm taf9eeel 3ala mazajhm,,madre mno gayl lhm inna ilbnat dshdasha yabeeha 6weela oo m5a9ara..zain ma gal ybe two pockets da5l ba3a'6 =p
ana agool inna mako a7ad kamil oo inna alla ya5th shay oo ya36e shay oo lil asaf ma 3a6ahm 3agl kafi yfakroon feh,,ilwayh iljameel moo shr6 ykoon ilgalb nafs ilshay,,,alla yaster 3alaina oo 3alaihm,,
oo 3ashaw ilsingles,,
ta7yaatee,,,oo tslam eedch 3ala ilmw'6oo3 ilmumti3=**

mazyona يقول...

هههههههههههههه
حلوه تسلمين

Bandar يقول...

عاد تصدقين صارلي سنه اتابع مدونتج تعجبيني حيلواحسج مثقفه ومتفتحه وذكيه ومن ناحية انج دبببببه ماعليه دام نفسج حلوة
كسرتي خاطري :P


تقبلي تحياتي

Hashimoto يقول...

لووول
شر البلية ما يضحك .. على قولتهم !

كح كح .. ( اسمه America's Got Talent )

Seema* يقول...

خطابة الـ FB أم حسين؟ ;P
قايم سوقها يحليها!

ولله للأسف في مجتمعنا البنت اللي ما تتزوج تكون عانس و الناس تشوفها عاله على أهلها رغم ان اهلها سعيدين جداً بوجودها بينهم وما يتمنون فرقاها. بين الحياة في الغرب تختلف تماماً سواء تزوجت أو ما تزوجت هذا قرار راحع لها سواء كانت في عمر العشرين أو التسعين و أحياناً ممكن تمتد علاقة الشخصين العمر كله من غير زواج أصلاً!

عين بغزي يقول...

loool

Made n Q8 يقول...

لوول ضحكتني الام يحليلها شكلها تبي ريل بس مستحيه تقول ..قالت خل ارقعها في بنتي خخخخ

MSMAAR يقول...

انا اقول ارضوا ان الرجل يتزوج اربعة حريم او نساء لايهم المهم للقضاء على العنوسه وراح تنتهي جميع البرامج التلفزيونيه مالت الزواج او اعلانات اللي يحطونها على اشارة المرور..هذه اخرتها اتزوج من خلال اشاره

اما بالنسبه للاخت الللى تقول ان وجود البنت بين اهلها يسعدهم جتني قصه على هالتعليق
منو اللي قال نبي فرقاهم لانهم هم صراحه على القلب نبي سترهم

Sami يقول...

اتفق معاج ...يا زين العزوبيه

كوكتيل يقول...

عادي عزيزتي المينن وايد هل الأيام الله يكافينا الشر

وين جاعدين الأخ شهريار ويختار من بين الجواري

وأهما الله يهديهم اللي مرخصين نفسهم

أكثر من برنامج قسمة ونصيب

a8lam7oora يقول...

موضوع حلو يا طموحه وعلى هالموضوع بقولج سالفة :
هذيلا زوجين توهم منفصلين من جنسية عربية الزوج توجه بعد الطلاق للعمل في الإمارات الشقيقه وقرر بعد فتره يدخل صفحات تعارف لزواج وتعرف على سيده بمواصفات جميله وشخصيه حلوه استمر التعارف بينهم سنتين بعد السنتين قرروا يتلاقون والسيده من نفس جنسية صاحبنا المهم توجهت السيده الفاضله وهي مطلقة للإمارات وتواعدوا في مطعم أول ما إلتقوا بعض تساببوا وكل واحد يقول لثاني جذام ومخادع وغشاش أثاري طلعت السيده الفاضله طليقة صاحبنا أي زوجته:q
بذمه مو خبال زايد عن اللزوم :)
تقبلي مروري
اختج
now moon

ebtsamh يقول...

غربل الله ابليسج طموحة موتيني ضحك

لا كلش ولا هذا السعودي حده مبدع ..

والضحك مطلوب معلمة راتبها فوق 800

وكل ما زاد المرتب زادوا الخطاطيب ..

ما اقول الا مالت .. والعزوبية ما في

احلى منها ..

sweetya يقول...

شر البليه ما يضحك

لوووول

بس صج بوست عجييب وسالفه السعودي اعجب

بس صج بهالوقت الناس بس ادور عالشكل الخارجي وتنسى الاخلاق والدين


دمتي

Engineer A يقول...

أنا دائماً أقرأ عن هالطريقة في الزواج بس ما اتخيل في جذي بالصج!!


الله المستعان :)

أحمد الحيدر يقول...

عنوان قوي وجاذب ذكرني بكتاب "عايزة أتجوز" وموضوع شيق ويرسم الابتسامة الهادفة كالعادة :)

كل التوفيق يا رب :)

صمت البوح يقول...

الزواج صاير لعبه هالايام الله يستر بس


وتسلمين ع الموضوع يالغلا

فريج سعود يقول...

الجكر هو السمة السائدة في منتديات الزواج

والا ليش مهولين بنفسهم ؟

شاي الضحى يقول...

لووووول خوش هوايه

ما احب اقرا الصفحه احس ملاقه

وما احس في جديه بالي يكتبون

وهم ما احب الفكره احس جنهم طايحين بجبد نفسهم هههههه


وكل شي قسمه ونصيب


ويارب يرزقج بولد الحلال ونشوفج عروسه بأقرب وقت :)

طموحة مملوحة يقول...

نجمة بحر


والله في وايد تلقينهم بكل مكان حتى بالتلفزيون لوووول الله لا تبلانا

طموحة مملوحة يقول...

panadool

قسمة ونصيب بس يضحكون الي يقولون انت نصيبي ويدور على نصيبه بكل مكان :)

طموحة مملوحة يقول...

رورو الشخبوطه


لوووووووووووول ضحكتيني والله

طموحة مملوحة يقول...

غير معرف


حياك الله اخوي اتمنى تعجبك المواضيع دايم
العزوبية حلوة بس تيي فترة ودنا يكون عندنا نونو .. بصراحة تييني هالحالات بعدين اقول مالي خلق زين شايلة نفسي لوول

طموحة مملوحة يقول...

حياتي هدف مو عبث


تلعب :)

طموحة مملوحة يقول...

غير معرف

فهمت فهمت فهمت لوووووول

داومي مبجر باجر خل نقعد نفس قعدة اليوم لووول

طموحة مملوحة يقول...

mazyona

الله يسلمج مزيونة التدوين

طموحة مملوحة يقول...

Bandar


صح كلامك النفسية الحلوة زينة :q

اشكرك على كلامك الي فرحني والله واتمنى تكون دايم عاجبتك

تقبل شكري وتحياتي لك

طموحة مملوحة يقول...

Hashimoto


صار التعديل


thanx :D

طموحة مملوحة يقول...

Seema*


ضافتج ؟ لوووول يحليلها انا سويت لها ديليت صراحة لوول

امبي انا اتفق معاج نفس تفكيري والله مرة قلت لبنات عماتي انا ودي اتزوج لمن اصك ال30 سنة جان يضحكون يقولون منو ياخذج ؟ شدعوة عليهم @@

طموحة مملوحة يقول...

عين بغزي


:)

طموحة مملوحة يقول...

Made n Q8


عصفوريييين بحجر واحد :)

طموحة مملوحة يقول...

MSMAAR



والله الريال لبغى يتزوج 4 ياخذ 5 بعد استغفر الله بس مادري ليش اغلبهم بالخش والدس يخافون من حريمهم :q

طموحة مملوحة يقول...

Sami


يازينها زينااااااااااااه

طموحة مملوحة يقول...

كوكتيل


لوووول التكنولوجيا المزواجية :)

طموحة مملوحة يقول...

a8lam7oora


اح مالت عليهم هذا بدل ما يستانسون لوووووول هذا مو حب يخرب بيتهم لوول

طموحة مملوحة يقول...

ebtsamh

عسانا ماننحرم من ضحكتج يارب :)

طموحة مملوحة يقول...

sweetya


الدين هذا بس كلمة مكتوبة بهويتهم ولا اهم لو بيحترمون الدين ماسووا هالشي يهاي6ون بس

طموحة مملوحة يقول...

Engineer A

استمتعي بالقراءة :)

طموحة مملوحة يقول...

أحمد الحيدر


أجمعيييين يارب :)

طموحة مملوحة يقول...

صمت البوح


الله يسلمج عزيزتي :)

طموحة مملوحة يقول...

فريج سعود


والله الي اشوفه الجيكرة م6لوبة هالايام علشان مايحاتون احد يتحرش فيها لووول

طموحة مملوحة يقول...

شاي الضحى


يابعد قلبي ياقلبي الي نبيه بعيييييد يابنت الناس بعييييد عسى الله يقرب المسافات يارب

فديتج اذا متضايقة وزهقانة اقري ترا يضحكون والله

غير معرف يقول...

بوعبدالملك وينه ؟ ليش ما شده الموضوع؟

رذاذ المطر يقول...

والله ياعليهم طلبات غريبة بس انا الحمد طلباتي بسيطه وقنوع:

أبيها في بحر عشرين لازودٍ ولانقصان

أبيها أقصر طويله والوصوف أشكال وألواني

أبي الجبهة كما الصبح وكما القوس أسود الحجان

وأبـيـهـا نـاعـسـات ونـرجسية سـود الاعياني

أبي رمشٍ كما ريشٍ يغطي الثلج في الاوجان

وأبي جـفـنٍ يشيل الـرمـش طـربان وكسلاني

وأبي خدٍ مثل وردٍ تنمى في طرف بستان

وأبي خـشـمٍ صغير ومثل حـد السيف شاماني

أبي البسمه كما البرق وثناياها كما المرجان

وشـفـاهـا جـمـرتـيـن وفـمـهـا خـاتـم سليماني

أبي شعرٍ مثل ذيل الفرس لاطبت الميدان

أو الـشـلال لامـن بــات لـيـلـه بـيـن الأمـتاني

أبي جيدٍ سواة أبريق فضة ناتقٍ مليان

وصــدرٍ كـنـه مـرايـه عـلـيـهـا طـلـع رمـاني

أبي ظهرٍ كما الجدول وقدن مثل غصن لبان

وخـصـرٍ مـثـل مـجدول العنان وجسم روياني

أبيها نابية ردفٍ وبطنٍ ضامرٍ جوعان

أبـيـهـا مـدمـجـة سـاق وقـدمـها لـسان ثعباني

أبيها بنت عزٍ من رغدها ينعم الفستان

أبـي الـرقـه وأبـي الـدقـه لها بأطرافها شاني

أبي المشيه كما اللي طالع من المعركه كسبان

وأبـيـهـا تـرش مـع خطواتها مـسـكٍ وريحاني

أبي صوتنٍ الا مني سمعته كن فيه ألحان

يـدغدغ مسمعي ويثير كل السحر في أشجاني

أبيها حب وإخلاص هواجيس وفرح وأحزان

أبـيـهـا مـثـل مـادكـتـور أهالي العشق وصاني

أبيها لوحةٍ ماصورتها ريشة الفنان

أبـيـهـا جـوهــرة مـاجـابـهـا قـاصـي ولادانـي

أبيها تنتصر لي من زمانٍ حطني نيشان

وتـبـشـر بـالـغـلا اللي مـالـفـى بـه واحـدٍ ثاني

غير معرف يقول...

على جذيه معناه عنست ؟؟؟؟
بخلى ابوي يحط مكافئة نرقع شوي بس وقتها انا اليه اختار مكافئة ويتشرطون؟؟ انا اليه اتشرط

طموحة مملوحة يقول...

غير معرف


انت السكرتير ماله ؟:q

اي والله تصدق والله ردوده تحلي الموضوع وايد الغايب عذره معاه :)

طموحة مملوحة يقول...

رذاذ المطر

اولااااااااااااااااااااا هذي فتاة ولا شنو بالضبط ؟

حركات والله طلباتكم غريبة علشان جذي الرياييل ملاقة استغلوا كثرة البنات بالتشرط ... عني ماتزوجت :q

طموحة مملوحة يقول...

غير معرف


لووول لا والله الا قولي بيقول لنا خلوا الزواج يولي وقعدوا معاي معززات مكرمات فديته :q


العنوسة تصغر البنت والزواج يكبر البنت 20 سنة بأول سنة زواج لها لووووول نفس الي خبري خبرج :q