2010-03-16

شخابييييييط جامعية !!!!




على كل هالضغوطات الي قاعد نحصلها من دكاترتنا وسووا عن الموضوع الفلاني والموضوع العلاني ، 6 بحوث لازم اسلمهم هالكورس وبديت اشتغل على اثنين منهم ، ادور وارح وارد واسبوع كامل في شركة النفط وللحين بعد في معلومات ثانية احس ملوا من ويهي ، حسيت اني راح اكتشف الذرة صراحة .... يالله ماعليه




اليوم طرحت علينا الدكتورة موضوع الرشاوي وشلون وايد طلبة يرشون (بعض ) الدكاترة بهدايا ، بفلوس ، باقامة ،بثلاجة ، بغسالة...الخ
ذكرني بالمادة الي للحين ماطفتها وخذيتها 3 مرات وكله F وتييني وحدة من الزميلات تقول خذيت C+ ابوي سوى اقامة الدكتور ولا انا F ، من حرتي رديت البيت قلت لأمي عندنا احد يسوي اقامات ؟ لازم نسنع وزاراتنا علشان نشتغل رشاوي يعني؟






لوووول واحنا طايحين له دراسة وكد وكد وكد وأقول ياربي وايد طلبة كسالة ومايحضرون لا نشوفهم واهم الي ياخذون A واحنا طاح حظنا ندرس بلوشي والحلو اذا الدكتور قال هذا مجهودك !!!!!!!




فقالت لنا الدكتورة بمواقف مرت فيها من الطلبة اشكرة يقطون بالويه ، وفي طلبة بطريقة غير مباشرة ...




انا بعرف مو حرام نتساوى مع هذول ؟؟؟ اي نتساوى يبا جان زين مو حرام اهم ياخذون درجات مايستحقونها واحنا نتعب على الفاضي ؟
أطالب الاداة الجامعية >>>>> اي خير بيردون عليج !!!!!
أطالبهم بأنهم يسوون فتحات تهوية بمبنى 3خ ، ويقلعون الي مالم دخل بالجامعة بس اييون يقزون ويسببون لنا ازمة كراسي احنا طلبة الجامعة بحاجة لها ...
وأطالب ادارة الجامعة باحترام الطلبة ترا احنا مو بهايم ، شن هذا الي كل شوي منكسر خشم واحد ومفلوقة راس وحدة بسبب كراسي بوطقة؟ وين قاعدين ؟
والمضحك يا اخوانا واخواتنا ان كان في وفد ياي من الدولة المتطورة حتى النخاع ( اليابان ) وكانوا قاعدين يستمعون الى المحاضرة ولا واحد فيهم طاح لأن الكرسي انكسر .. وقعدوا يضحكون يعني باليوم لازم نقعد نعدعدد ضحايا الكراسي ..
تبون نسوي نفس ماكنا نسوي بالمدارس ؟؟؟ نييب 5 دنانير كل طالب علشان تشترون لنا كراسي ؟ والباجي بجيبكم يعني ؟
واطالبهم كذلك بارسال فريق جيولوجي من اي شركة لدراسة طبقات الارض تحت درج مبنى 3خ ، والسبب ان كل ما وقفوا شباب القوائم يغنون ويطقون الارض بريولهم احنا نحس بزلازل صراحة خاصة هالمكان فمستقبلا اتوقع راح تصير فتحات وثغور هواء بالدرج مما يؤدي الى سقوطه وبالتالي وقوع ضحايا .... مساكين طلبة جامعة الكويت لووول ولا كاشخين انا جامعي
الله يسامحج يا دكتورتي !!!!
على كثر ما اعطي واتعب على هالمادة الا ان ماكو فايدة لأن ببساطة الدكتورة متحيزة فقط (( للطلاب )) شذنبي يعني ان انا بنت ؟ اربي شنبي يعني ؟
كل ما سألت سؤال وارفع ايدي تقوم كل الشباب وبعدين اظل انا الاجابة عندي وابي اشارك تقول لي بعدين بعدين وتكمل ... يرفع واحد ايده تقول قول يافلان @@
ووايد تستهين بالبنات وتمدح الشباب عندنا شدعوة يعني عاد شكثر احبها الدكتورة بس ليش هالتحيز ؟؟
صرت اتملل من المادة حدي وماودي اعطيها حقها لأن أدري الاخير ماراح اخذ الدرجة الي انا استحقها وادري لو في علامة أعلى من الA فاستحقها بصراحة بس للأسف انا بنت ...
،،،،،،،،،،،،،،،،
مقولة اليـــــــــــــوم




المسافة بين أن ننصح الناس وبين أن نساعدهم كبيرة جدا .
أنيس منصور ... أديب وصحفي مصري

31 comments:

Made n Q8 يقول...

لوول

اخاف دكتورتج اهيا نفسها الي درست اختي ..على قولتها عادي تقعد يم واحد وتلمس ساعته على بو ان عاجبتها خخخ

Seema* يقول...

قلبج متروسه يا مملوحه!
هذا عشان لي تخرجتي وخذيتي الشهادة تعرفين قيمتها.
الله يسهل عليج ويوفقج ويسخرلج الأرض ومن عليها : )

أخبار الاتحاد يقول...

فعلاً الدكاترة - القدوات - يعانون من جوانب خلل كثيرة ! وهذه النوعية من الدكاترة جانب منها ، يجب معالجته وإلا استمر في إنتاج أجيال من ذات الشاكلة ... ولا حول ولا قوة إلا بالله.

BeNT JaBeR يقول...

وااااي حطيتي ايدج على الجرح بصراحه,,,

انا مادري ليش في تحيز عند دكاترتنا صج ماكو عدل بين الطلاب الي يكدح ويحظر اول باول ياخذ اقل من حقه..

هذا كوم ومبانينا كوم ثاني,,,


الله يعين بس

ebtsamh يقول...

بتعيشين وياما بتشوفين ..

في عالم اكبر من الجامعة وظلمة اكبر واشد

بس انصحج .. انتي سوي اللي عليج

وخلي الباجي ع ربج .. اهوا ولي

التوفيج ..

شاي الضحى يقول...

ان شاءالله تتخرجين وتفتكين من مذلة الدكاتره

كلنه مرينه بهالشي

الله يعينج

لما تخلصين والله بتضحكين وتقولين شلون كنت انقهر على هالسوالف لانج بتنسين


مووووفقه :*

Sami يقول...

الله يعينج

نجمة بحر يقول...

بالتوفيق أن شاء الله وأن شاء الله تحققين كل اللي في خاطرك وتوصلين أعلى المراتب لكن الهمه أيتها المميزة ولا ترضي بغير التميز وبتوصلين بأذن الله

well_serviceman يقول...

يالله كلها عشرين سنه ويفتحون الجامعة اليديده، والدكاتره لنك يدد ، الصبر مفتاح الفرج!!!

نجمة بحر يقول...

مساء الخير على قمر الكويت
سؤال :فسري معنى التنافس الشريف؟
أحتاج الاجابه
أنت فتاة مميزة وواثقه من نفسك وأريد معرفة رأيك ليطمئن قلبي

نجمة بحر يقول...

آسفه تسرعت أنت جاوبتي عليه في بوستك الأخير لكن أنا تذكرت مواقف سخيفه وعصبت آسفه أعتبريني ماكتبت شي !وين عقلي ؟!

نجمة بحر يقول...

تصدقين أنه قبل أيام تناقشت مع زميله في العمل عن الدكاتره وكنت متحمسه لدكتور معين وقلت والله طيب ومحترم ووووهو فعلا كذلك فقالت هي ليسوا جميعهم فقلت الممتازين أكثر أن شاء الله وهم كثر والسيئين قله، العلم يزيد الأنسان تواضع واحترام وتفهم وأمانه وعدل مع الغيروأن الأنسان المتعلم وصاحب العلم الحقيقي هوالمتواضع لايتكبر ولا يقول أني تعلمت وأنا الأفضل (وما أوتيتم من العلم إلا قليلا ) ودائما أمين مع نفسه ومع غيره أم المتكبر والمنافق وغير الأمين فلم يأتي من العلم شيئا وبس عذريني على اللخبطه !

عاضـه يقول...

طموحه تراج هم انتي تدورين الطلايب
ييبي كرسيج وياج و مالج شغل باحد
و اذا بتداحرين ادارتكم باجر يعتبرونج شريره
:))

علي الملا يقول...

الخل في الدكاترة اسأليني عنه
معانين منهم
وكلهم دكاترة رشاوى

NOIR يقول...

be positive and u will get all the best

صمت البوح يقول...

الله الله كل هذا

ههههههه ذكرتيني بالجامعه والمدرسه لوووول


الله يعينج يالغلا

غير معرف يقول...

ربي يووووفقج ....


ع فكره نتيجة الإبداع بديرتنا محطمه,,,


مو من البلد نفسها ....من المورث الفكري اللي يمتلكها شعبها


ودمتي بووود

اخوج نهايه حزينة

طموحة مملوحة يقول...

Made n Q8


قولي اول حرف من اسمها ... انا ذاك اليوم بغيت ابجي لمن قالت لي لا بعدين سارة بعدين وتخلي الشباب بجاوبون وتمدحهم جدامنا والله قهر والمصيبة ان بعض الشباب معانا بكذا مادة ونعرف مستواهم وتمدح فيهم بشكل يخلينا نقول نيوتن الي يدرس معانا مو فلان لوول وبعض الشباب ياخذونها وناسة مايحضرون او يتفلسفون لووول

طموحة مملوحة يقول...

Seema*

يابعد قلبي انتي فديتج اي والله اول كنت اقول ماعندي شي خل اخذ راحتي الحين اقول ابي اتخرج خلاص مليت من جامعة الكويت بكمل برا

طموحة مملوحة يقول...

أخبار الاتحاد

المشكلة محد يبي يقولها واخاف اتكلم تحقد علي انا كافي لمن اخالفها بالراي شوي وتكفخني لوول

طموحة مملوحة يقول...

BeNT JaBeR

امشي خل نسوي مسيرة نقول فيها نبي جامعة أوادم مو جامعة بهايم ....

تعبنا والله :( مش معؤووول

طموحة مملوحة يقول...

ebtsamh

نفس الكلام الي قالوه لي :(

تخيلي في سؤال محد جاوب عليه انا جاوبت جان تقول لالا ون6رت احد يجاوب لمن جاوبت نفس اجابتي ، الكل قعد يخزني وانا حسيت ببجي لوول نفس الاجابة زين ليش؟

طموحة مملوحة يقول...

شاي الضحى

انا من الحين قاعدة اضحك على حالي بصراحة :)

طموحة مملوحة يقول...

Sami

يعين الجميع يارب

طموحة مملوحة يقول...

well_serviceman


يمديني صح :q

طموحة مملوحة يقول...

نجمة بحر

فديتج والله شرفتي مدونتي بحضورج

يالغالية التنافس الشريف اهو التنافس الي يصير بدون حقد أو ضغينة من أحد ال6رفين ويتنافسون بغرض الاستفادة بعيدا عن الشجارات والنزاعات واخيرا كل واحد راح يشوف ويعرف قدراته ويتعلم من الآخر

في دكاترة فعلا يكونون خوش دكاترة ووايد بنات يقولون لي ويع ومادري شنو واشوفه خوش دكتور بصراحة

لا تحرمينا من وجودج يالغالية :) واخذي رحتنج

طموحة مملوحة يقول...

عاضـه




ابي حقي @@

طموحة مملوحة يقول...

علي الملا

اما ابي اسمع رشاوي ... ما ابي اسمع حلول :(

طموحة مملوحة يقول...

NOIR



يارب :D

طموحة مملوحة يقول...

صمت البوح

راح تصير هالشغلات ذكريات اكيد :)

طموحة مملوحة يقول...

نهاية حزينة


مع الأسف من سلبي الى سلبي :(


يزاك الله خير ناصر