2010-04-21

سؤال حلزوني !!

اعتذر لكم مواضيعي صايرة وايد مختصرة بسبب الاختبارات الجامعية الي مو راضية تخلص
للأسف قرائي الاعزاء ساعات تمر علي لحظات أفكر فيها وأقول كنت افكر بناحية ايجابية بالموضوع الفلاني وموبس أنا اغلب الناس جذي بس لمن تعطي شخص ثقة بأنه راح يكون قد هالثقة وخاصة في تحمل مسؤولية دولة مساحتها صغيرة وعدد سكانها قليل ويخيب ظنك بهالشخص وتبدي الصحف العربية والعالمية بالاستهزاء على دولتنا بسبب أشخاص خيبوا الظن مع الاسف الشديد ، هذا الموضوع راح اتناوله مستقبلا بشيء من التفصيل ولكن .......
السؤال يحتاج لتفكير عميق قبل الاجابة عليه وللأسف لم أفكر بهذا الموضوع الا في الوقت الحالي ....
لنأخذ على سبيل المثال ان أجدادي أصلي من المملكة العربية السعودية ، وولدت ونشأت وتربيت ودرست وأكلت وشربت وكبرت و تحدثت ( اي اللهجة ) في جمهورية مصر العربية ، ولدي فقط الجنسية ( الكويتية )على سبيل المثال!!!!!!
؟
؟
؟
؟
لمن سيكون ولائي ؟؟؟؟؟؟
أحتاج لاجابة صريحة وشجاعة منكم قرائي .. انا بانتظار مشاركاتكم :)

94 comments:

Sami يقول...

الدوله التي تحملين جنسيتها

Q8-HANDICAP يقول...

اكيد الولاء للمال بالدرجه الاولى

وهالشي اكبر خطأ ممكن يكبر ويتحول الى كره عائلي مو بس وطني

انا ضد هالناس لكن مو ضد ان نعطيهم فرصه يفكرون

Seema* يقول...

مصر ثم الكويت

شاي الضحى يقول...

مصر

ebtsamh يقول...

الولاء للبلد التي عاش فيها الانسان

وتطبع بطبعها ..

وبالتوفيج بالاختبارات :)

Q8 TeaCHeR يقول...

ســــــــؤال جميل جداً واعتقد ان اكثر من شخص عنده مثل هــذا التســـاؤل ..


راح اقولج جــواب اخت عزيزة علي من احدى البلاد العربيــــة صار لها حالياً 6 سنوات راجعة ديرتــها وتزوجت اهناك وكونت اسرتها هنـاك إن الولاء يكون للديـــرة اللي تربت فيها وادرســت واشــربت وعاشــت فيها ! اكثر حتى من ديرتها !!! تصدقين انها تقــول إلى هذا اليوم واهيا موو راضيه تتــأقلم مع الوضع بديرتــها !؟ تقولي مااحس ان عندي ولاء لديرتي الاصليه .. تظل الكويــــــت غير .. فمابالج بالكويتيين ؟


هذه تجربة نقلتها لج على لســــــانها :)


والله يوفقج وتبشرينا بالنتايج الحلوه :)

غير معرف يقول...

اظن مصـــر ثم السعودية ثم الكويت

{~المباركية~} يقول...

المفروض الواحد يفتخر بأصله الي يعود حق المملكه العربيه السعوديه - اما الباجي اعجز عن التحليل

نور الليل يقول...

الي يدفع أكثر


عاوزين نعيش

coïncidence يقول...

بالطبع بيكون للبلد اللي ربيت فيه، مسألة الازدواجيه هذي مسببه ارق

coïncidence يقول...

نسيت شي، الله يوفقج فدراستج :)

عبدالرحمن يقول...

الاجابه صعبه على السؤال

لانها تختلف من شخص الى شخص وحسب الظروف

الكارثه اننا نتناقش الحين في موضوع مثل الولاء بدون لا نشوف سبب !!

شنو اللي خلانا نشكك في بعض ؟

مصيبه الوضع خطير جدا

للاسف اطراف بالسلطه وقوى فاسده عشان تنفذ سياساتها الخاصه استخدمت هل قضية وقدرت تجر الشعب لهل مستنقع الخطير

الولاء في الصدور حتى لو كان المواطن يعيش في هذا البلد من اميه سنه ممكن يكون ردي او لعين ويخون البلد ويكون ولائه مو لها والامثه كثيره في دول كثيره


في الغزو كان في فلسطينيين يساعدون المقاومه الكويتييه رغم موقف بلدهم اللي ضد الكويت وهم ماعندهم الجنسيه بس يحبون هل بلد


الغريب ان عندنا تجربه وهي الغزو جربنا معدن الشعب الكويتي بجميع اطيافه وماشفنا خونه !!

ولا شفنا ولاء خارجي

ومع هذا جايين الحين نبحث في ولاءات بعضنا ؟

شلون لو ماعندنا تجربه قريبه شبنسوي


عمر الجنسيه ماكانت ولاء جم كويتي ابا عن جد باق مليارات وخان بلد وجم وافد وبدون اثبتوا ولائهم وضحوا للكويت



اسف على الاطاله بس اثارة هل موضوع بين الكويتين حيل مؤلم

she is me يقول...

لمصر طبعا..
لانني رغم أصولي وجنسيتي لا أعرف منهما غير ان الأولى أصلي والثانية جنسيتي ..

غير معرف يقول...

أعتقد انتي خير من يجاوب على المثال لانج عايشته :)

طموحة مملوحة يقول...

غير معرف

ماشاء الله تعرفني وايد مبين عليك :)
انا من مواليد الكويت ودارسة بالكويت وجنسيتي كويتية واولى بعد وولائي اولاوثانيا وعاشرا وزليوناً للكويت :)

بس اجابتك مبين عليك عارف المغزى من السؤال أحيييك ;)

غير معرف يقول...

مو كل من شال الجنسيه مادة اولى ولائه للكويت اشكثرهم العيم جنسيه اولى وحتى كلام كويتي مايعرفون يرطنون ايراني رطينه وولائهم حق هناك
مثلا امج جنسيتها كويتيه شي طبيعي لانها متزوجه كويتي لكن هل ولائها اهني مو حق ديرتها واهلها المصاروه ؟
اما انتي دليل ولائج كلامج المصري لاتباعدين بس اخذي جوله قصيره بمواضيع مدونتج وبتتأكدين من صحة كلامي :)

Bandar يقول...

انا اقول يا عل هالقلم ما ينقطع وينج من زمان

بالنسبه لسؤالج ينطبق على الجويهل مع اختلاف الاصل عراقي او هكري نفس الشي حتى انهم يلقبونه جدو وكان صبي عند ميكانيكي مصري مع جده وخاله في الشرقيه في مصر

فريج سعود يقول...

ولائى للبلد الي احس اني عزيز فيه

طموحة مملوحة يقول...

غير معرف


شكو امي بالموضوع ؟ ماسألتها تصدق بس زين امس قاعدة بالبيت موماسكة منصب بالديرة :)

هذا أولا وثانيا اتكلم مصري سيلاني هند عراقي شي راجع لي :) أولا وثانيا ليش زعلان ؟؟ اخاف قاري عقلي الباطن وتعرفني عدل :)

وحاجة تانية أنا سألت السؤال وعاوزة منك الجواب يا تجاوب عليه ياتإفل بؤك مش لازم تؤول انتي وممتك مصرية جاوب على اد السؤال وبس :)

وبسؤالي انا كاتبة ( على سبيل المثال ) يعني اتمنى تقرا عدل :)

ويليت تقرا الردودالعقلانية الي فوق تختلف بالاراء بس ردودها حلوة ، تعلم منهم الرد على قد السؤال :) يصير لك جويهل ؟

طموحة مملوحة يقول...

امي *

على فكرة هم في ايرانييين وكلامهم ايراني بس يموتون على الكويت مع اني اخاف من ايران وخطتها بالسيطرةعلى الخليج على الي قاعدة تنشرهم ، وقعدت مع وايد بنات منهم واشكرة جدامي يعترفون ولاءهم لايران وحزب الله بالاخص بس بنفس الوقت هم في بنات لا لو يموتون ما يطلعون من الكويت ويلقون لها بديل هم نفس الحال لمثال ذكره ابوي عن افغاني عرضوا علي عمل في الامارات بمعاش احسن من الي كان ياخذه بالكويت وكان صاحب بقالة راح شهور بعدين رد قال ماقدر برد الكويت واشتغل بالبقالة المهم اكون بالكويت
وايد ناس امهم وابوهم كويييتيين وانصدم من تصرفاتهم سالفة اللهجة مالها شغل لم اقط قطات مصرية اكون متعمدة بس مو اهي لغتي الاولى :) ولو خذيت ات بعد فرة بالمدونة راح تلقى لهجات ثانية غير المصرية روح دور :)

TwixXa يقول...

egypt!! miss egypt ;p

مشلخ يقول...

والله يا ختي طموحة عمرها ما كانت الجنسية معيار او مقياس للولاء.
و مثل ما تفضلتي ياما ناس يكون الوالدين كويتين و من عيال بطنها بس تنصدمين من طريقة تغكيرهم او سلوكهم اليومي في الكويت اللي اهي ديرتهم.
في موقف صار معاي و ابي اشاركم فيه واتمنى الكل يعلق عليه ويعطيني رايه فيه ..
الصيف اللي طاف نويت اخذ جولة في عدد من الدول الاوروبية و طبعا لازم اطلع فيزا الشنغن ... المهم رحت احد السفارات الاوروبية في منطقة الجابرية الهولندية بالتحديد .. وهناك شفت ام مع بنتها و ولدها ناطرين دورهم جدامي وخلال ربع ساعة ما تكلموا كلمة وحدة باللغة العربية و كله رطينة بالانجليزي ..وانا انجليزيتي قوية فقاعداسمع وافهم شيقولون وكلامهم اغلبه عن طلعات وروحات و ردات واسلوب حياة اجنبي بحت ..يعني توقعت أجانب و تساءلت بيني و بين نفسي عن وجودهم هني لأستخراج الفيزا.. المهم يات الموظفة و قالت بالانجليزي عطوني جوازاتكم كلها وانا اسويها معاملة معاملة .. جان اسمع الام تقول حق البنت give her our blue passports not the black ones !! انا انصدمت يعني اكيد عندهم يا جوازات امريكية او اي دولة ثانية غير الكويت بالتأكيد .. البنت طلعت الجوازات الزرق على قولتها و سلمتهم الموظفة و قعدو على الكراسي .. ويسولفون انجليزي وعربي شوي .. تتوقعون اي لهجة ؟؟ اللهجة اللبنانية البحتة و حتى الصبي اللي معاهم لما قط جم كلمة بالكويتي كان يعوي حلجه يعني بالغصب يبي يضبط اللهجة !
بصراحة منو مسؤول عن هالظاهرة هذه ؟ اشخاص لا كلامهم و لا شكلهم يمت للكويت بصلة و ما اعتقد ان عندهم ولاء للكويت و حز الحزة ان صارت الصجية شالو شلايلهم و طارو الديرة اللي عندهم جنسيتها او على الاقل يحسون انهم منتمين لها و قعدته بالكويت بس عشان ان العيشة واسلوب الحياة فيها اسهل من الدول الثانية ..لا ضرايب و تعليم مجاني و علاج مجاني و غيرها من الخدمات اللي توفرها الدولة.
انا مو قاعد انتقد بس يعني الواحد يحز بقلبه لما يشوف و يعيش مواقف من هذا النوع .. مع احترامي لكل الجنسيات كافة وبالنهاية احنا كلنا بشر وعيال آدم بس ديرتنا لها حق علينا مثل ما احنا لنا حق عليها.

مشكورين على سعة صدركم :)

امرأة من زمن آخر يقول...

صباح الخير ياعسولة
أمس تناقشت مع أختي وقلت لها السؤال
لكن والله ماتجرأت أجاوب في ناس تزعل لما أعلق الله يهديهم !عقولهم مقفلة المهم
اعتقد مصر ثم السعودية ثم الكويت
وغير معرف أنت عجيب غريب
أنا بعد اكتب مرات بالمصري ماني مصرية ولا اقربهم معي زميلات مصريات عسل وسكر وأحبهم علشان كذا اكتب مرات بالمصري على سبيل المزاح بعدين البنت قالت على سبيل المثال كررتها مررتين !!موراضي تصدق وبعدين هم يضربونكم في بعض علشان تنشغلون ببعض ويلالهم الجو ماصارت أنتم محلك سر!!

امرأة من زمن آخر يقول...

كل من يحاول يفرقكم وينقل لكم خبر طنشوا الين تتأك
تتأكدون وخاصة اللي يطلعون بمقالات رنانة وردود ساخنة وتعليقات وعناوين تشوش على الكل اختلط الحبل بالنابل وكل من جاء سب الثاني ركزوا شوي ماصارت العفسة هذه!! وخاصة اللي يتمسخرون على بعض ليش المسخرة لايصل إلا الكلام العقلاني فقط خل جدامك هدف ونفذه بالطريقة الصحيحة الثابته وابعد عن العصبية والسخرية ماراح تجيب نتيجة غير تشويش الناس تستمعلك لما تكون جدي ومحترم في طرحك لقضيتك لرأيك ويخافون منك لأنك بينة أنك عقلاني وغير مستفز من قبل الاخرين وبس تعبت ياأخي ليش تتمسخر بعدين أنتم منتم روحكم العالم يطالعكم اضبطوا أنفسكم قليلا الصبر والهدوء مهم جدا وبس تعبت من الكلام

امرأة من زمن آخر يقول...

لاتعصبون على بعض ابعدوا عن الشتائم والسب بعدين انتم فئات مختلفة جدا هدوا واظهروا بعض الاحترام لبعض
ركز على انتقاد العمل وليس الشخص

امرأة من زمن آخر يقول...

انتقد العمل ودع الشخص
انتقد بعقلانية ودع الالفاظ السيئة اللي تشوهك قبل لا تشوه غيرك

جبريت يقول...

طموحه

انا من امس قريت الموضوع وساكت وانا عارف انه راح اييج انتقاد بالتعليقات من ناس مقربين ويعرفونج

الموضوع وما فيه

كل واحد يفسر الي يبيه على كيفه بالي يشوفه جدامه ولا يعرف حقيقة الامر

بالنهايه

اجابتي على سؤالج انه هناك ناس ترتبط ارتباط كلي مع مسقط رأسهم ويزيد هذا الارتباط بمدى السنوات الي يعيش فيها هناك

لكن الاصل ليس له اساس بولائي له

انا مثلا اصلي فارسي ما قط قلت بروح حق مسقط رأس الاجداد لكن تفكير بعض الناس الله بالخير

البدوي ولائه مو للكويت حق السعوديه

العيمي ولائه لإيران

الزبيري ولائه للزبير

والمادري منو ولائه لمادري منو

منو بقى موالي للكويت؟؟؟؟ محد فكل الكويتيين لهم اصول منحدره من مكان ما وكل يقول عن الاخر ولائه للمكان الفلاني والعلنتاني

تحياتي واسف عن انقطاعي عن مدونتج من مده طويله.

طموحة مملوحة يقول...

sami

مممممم مو الكل يفكر هييك :)

يسلمو لمروك :)

طموحة مملوحة يقول...

Q8-HANDICAP

على طاري المال وايد ترا هني مشغلين فلوسهم برا الديرة لأنهم حاسيين ان احوال الديرة ما تطمن والنعمة الي بيدنا راح تروح بغمضة عين فيبون يضمنون مستقبلهم برا الديرة :)

طموحة مملوحة يقول...

Seema*


شي طبيعي :) وايد يفكرون جذي بصراحة وانا لو فعلا جذي جان قلتها بدون خوف بس اتمنى رسالتي توصل للمعنييين بهالموضوع :)

طموحة مملوحة يقول...

شاي الضحى


أم الدنيا :p

طموحة مملوحة يقول...

ebtsamh


صح وايد كويتين انولدوا برا وعاشوا برا كلوا برا والديرة الي اهم فيها ماوفرت لهم الي توفره الكويت بس خلاص حبوها ورفضوا يردون للكويت ودول وايد مثل الكويت مو شرط الكويت أنا قصدي بسؤالي عن الي عايش برا الديرة ومايعرف عن احوالها واييي بعد سنيين يمسك منصب ويسوي نفسه فهيييييم :) مو كل من هب ودب تحكم بقوتج يا كويت

طموحة مملوحة يقول...

Q8 TeaCHeR


شي طبيعي

سلمي على صديقتج وايد وايد كتييير كتييير برشا برشا اوي اوي :)

طموحة مملوحة يقول...

غير معرف

شكرا على المشاركة :)

طموحة مملوحة يقول...

{~المباركية~}

نفتخر بكل الدول الشقيقة بس الولاء لمنو ؟

طموحة مملوحة يقول...

نور الليل


اكيد لمصر اكيد امك مصرية لووووول


ليه كدا يا راجل ؟؟؟

الفلوس تروح والنفوس تتغير بس النفس القوية الي ما تهتز جدام الفلوس :)

طموحة مملوحة يقول...

coïncidence


بس المقصد مو الازدواجية بالجنسية:)

قصدي الي اييون بدون تعب وياخذن مكا غيرهم وغيرهم ادرى بهالديرة :)

طموحة مملوحة يقول...

coïncidence



ونسيت اقول اجمعين يارب يزاك الله خير :)

طموحة مملوحة يقول...

اخوي عبدالرحمن

انا ماقصدت السبب اي مشاكل من هالسؤال بس انا كنت ماخذة فكرة غبية سابقة ان الشخص الدارس والفاهم يقدر يعمر وطن بس ماحطيت ببالي موضوع الولاء وممكن بدل ما يعمر يدمر وينفع نفسه او ينفع الاشخاص الي تربا معاهم او المكان الي انولدفيه خاصة احنا العرب مع الاسف الشديد نلقى الاجنبي ايي علشان يعمر ديارنا واحنا نهدم وندمر كل واحد يقول يالله نفسي نفكر بالمصلحة الخاصة قبل العامة ،الافكار المثالية الي حطيتها براسي ماتنطبق على دولة ( من دول العالم الرابع ) مثل الكويت مع الاسف تخطيط ماكو اختيار صحيح ماكو تطوير ماكو ... تتوقعون حياة الرفاهية الي احنا فيها الحين لي متى راح تستمر ؟ 10 سنين ؟ 15 سنة ؟؟ زين وعيالنا؟؟ يصير خير ؟ اي صح نسيت ان احنا ما نفكر الا بنفسنا وبس

طموحة مملوحة يقول...

she is me


أجل اجل :)

طموحة مملوحة يقول...

بندر

يبت سيرة الجويهل بروح اتسبح لوووول تيني حساسية مفرطة

شكرا على تعليقك اخوي بندر

طموحة مملوحة يقول...

فريج سعود


يعني شلون ؟ وايد دول نحس ان احنا عزيزييين فيه :)

اشرح لا تكتب جملة وتنحاش @@

طموحة مملوحة يقول...

TwixXa


ولي على آمتييي لوووول يبيله مجدرة من ايد أمِك الغالية :) تؤبريني لوووول مس ايجبت ها ؟؟؟ اخرسي

طموحة مملوحة يقول...

مشلخ


ترا كشخة المزدوجييين على فكرة لووول

يسرحون ويمرحون بديرة فيها ناس عاشت سنييين وعمر فيها وما عندها الجنسية الكويتيية لنا الله بس

خلهم يستانسون بعد وراهم ظهور وناس تسندهم :) سالفة دستور وقوانين هذي بس نقراها ونفهمها ونشرب من ماي البحر اذا طبقوا حرف واحد بس من قوانين الدولة والدستور :)

طموحة مملوحة يقول...

امرأة من زمن اخر

مساء النور والخير يالغالية اعطيج الامان بالاول واقول لج كتبي بمدونتي وعبري براحتج والي مو عاجبه وبيزعل عند يدي ياما قرينا اشياء تخالفنا واحترمناها ماكو دلع عند طموحة لووول

فديتج وفديت اختج ولا تحاتيين هذا كل مادش مدونتي حط دوبه بدوب الوالدة لوول اعتقد انه ما يحب المصرييين او المصاروة مشان هيك زعلان و عامل حالوووو يستفزني بس استانس على ردوده ترا :)

طموحة مملوحة يقول...

لا عزيزتي ماكو مشاكل ان شاء الله بس يحز بخاطري ان احنا نعيش بدولة يقولون انها ديمقراطية وماهي الا دولة رأس مالية يديرهاالتجار :) باختصار

طموحة مملوحة يقول...

جبريت

يا هلا ويا مرحبا نورت موضوعي يالغالي

شوف هالغير معرف ماعرفه ولا يعرفني لأن الي يعروني يدرون اني ما ازعل على تفاهات مثل هذي فيدشون ويقولون باسماءهم ماله داعي ينخشون بغير معرف ، هذا أولا وثانيا وايد يعرفون بهالمعلومة يعني انا مو اول ولا خر وحدة تكون امها مو كويتية شصار بالدنيا ؟ اهو فهم سؤالي غلط ذكرني بناس الله يذكرهم بالخير :)

وكلامك صحيح عين العقل ،لا تقاطعنا ترا متابعة مدونتك للحين ولي نقاشات معاك بس لمن يصير عندي وقت يارب يارب

CBA'Awy يقول...

السؤال صعب


ولكن في هذه الحالة وما دام ان العلاقة بين الدول الثلاث اللي عشت فيها علاقة ودية ،طبيعي راح يكون ولائي لها كلها، طبعا الولاء مش لحكومات هذه البلدان ولكن ولاء للارض او للناس اللي عشت معاهم جزء من حياتي، تقدرين تقولين علاقة قرابة او صداقة او مودة، ولكن الدولة اللي انتمي لها رسميا راح يكون لها الجزء الاكبر من الولاء، ولاء اشمل من بقية الولاءات، لان مستقبلي فيها، و لحم كتافي من خيرها، واذا تعرضت للخطر فأنا بلا شك سوف اتعرض لنفس الخطر، لان هويتي و بياناتي الشخصية مرتبطة بهذه الدولة

واتمنى اني اجبت عن سؤالج بشكل كافي، و اتمنى منج زيارة مدونتي المتواضعة:)

ابو عبدالملك يقول...

2

ابو عبدالملك يقول...

بلا شك ولائج للاسلام والمسلمين
والمسلم اخو المسلم
يعني مافي فرق بين الكويت والسعوديه والبحرين وافغانستان واوزباكستان والعراق ايضا ان كانوا مسلمين



لان المسلم يربطه مع اخوه المسلم رابط العقيده وليس الارض او الجنسيه او الوطنيه

يعني انا مسلم كويتي
ولائي لمسلمي الكويت فقط اما غير المسلمين فيجب البراءه منهم وهذا من باب الولاء والبراء بالاسلام

وبالاخير دولة المسلمين واحده والاسلام فوق الكل حتى وان لم يطبق قانونا



وهذا جواب كل من يتكلم عن الولاءات


فأتمنى ان يتعدى نظر المسلم الكويتي جوازات السالمي والنويصيب والعبدلي

يازين الخلافه العثمانيه مافي شي اسمه كويتي وسعودي او مصر كان المسلم يمشي من الكويت الى تركيا اتقهوى عن اردوغان وارد للكويت بدون جواز او جنسيه

لكن دخلت علينا الجوازات والجنسيه وفرقتنا

فأنا اعتقد ان ان تفرق المسلمين حله هو الغاء الجنسيات

مع التحيه

طموحة مملوحة يقول...

بوعبدالملك

كلامك صحيح ما اختلف معاك نهائيا ولكن اذا دخل الدين اكيد راح يكون الولاء للدين والدول الذي ذكرتها دينها الاسلام ماكو خلاف

بس لو نيي للدول شنو راح نقول ؟ اكيد احنا اخوان بالاسلام بس السياسات الي تتبعها الدول تخلينا نتجه لدولةوحدة مثل الي صار بالعراق والكويت وايد كويتيين يحبون العراق بس لمن صارت الازمة طبيعي يدافع عن الكويت لأنها وطنه

طموحة مملوحة يقول...

CBA'Awy



كلامك صحيح بس هم لازم يكون لدولة وحدة بس الحب الكبير يعني ان احب السعودية واحب اهلها بس هم ولائي للكويت ، لو تدخل هذا السؤال في مجال السياسة راح تفهم قصدي وهالدول الثلاث علاقتهم طيبة بس انا ماكان قصدي عن هالدول اهم مجرد مثال ، لو تفكر فيها ببعض الدول ومو شرط تكون عربية اوكي راح تفهم المقصد من السؤال:)

ابو عبدالملك يقول...

طموحه
الدين داخل بجميع امور الحياه حتى وان لم يكن مطبق قانونا
ويجب على المسلم ان يتحاكم الى الكتاب والسنه فقط حتى ان كان وطنه يحكم بقانون وضعي مثل الدستور الكويتي
اي يعني جميع الامور نردها الى الكتاب والسنه


بالاسلام يجب ان تلغين الحدود السياسيه بين الدول
ويكون قياسج ارض اسلام وارض وكفر
فقط

وولائج للعقيده وليس الارض وانتي لايحكمج الواقع يحكمج الشرع

وصحيح هناك بعض الدول بينا وبينهم مشاكل لكن بما المسلم اخو المسلم فيجب ان نتسامح معهم

الحين ابو متعس مو يبي يتاسمح مع اليهود النصارى بأسم حوار الاديان
وهذا طبعا لايجوز بالاسلام
يااخي لنتسامح مع اخوانا المسلمين بالاول لانهم اولى


اعيد واكرر اتمنى ان تقرأين لو كتاب واحد مختصر عن الولاء والبراء بالاسلام


الامريكي المسلم اخوي والكويتي الكافر عدوي

غير معرف يقول...

طيب انتي الحين بالكويت
بيصير فيه تعادل بين الكويت ومصر خخخ

وكفه الكويت بالاعلى لانها جنسيتك :))

مبدعه يقول...

الشيء الفطري ان يكون ولائي لمصر بما اني اكلت وشربت وعشت فيها

عاضـه يقول...

ولائج راح يكون حق الطين اللي انخلقتي منه
حق المكان اللي اخذتي منه اول شهقة هوا يا طموحه .


و تذكري هالكلمه لي كبرتي بعد عمر طويل
ان كنتي بعيده ( مسافره ) عن المكان اللي انولدتي
فيه تقولين حق اعز من عندج ودوني داري
اموت فيها .


و تسلمين عالسؤال :)

طموحة مملوحة يقول...

بوعبدالملك

والله فاهمتك بس هم للسياسة وجود الدينمحد بيحاسبك فيه غير رب العالمين السياسة للدنيا والدين للآخرة بس لو قلت الدين الدين وخليت السياسة هدد مالها حسيب ولا رقيب صدقني راح يأثر الدين بهالشي

طموحة مملوحة يقول...

غير معرف

زين والعكس ؟؟ لو انا مثلا مولودة بالكويت وعايشة فيها بس جنسيتي مصرية شلون ؟ لازم في اجابة واضحة غير مبهمة :)

طموحة مملوحة يقول...

مبدعة


صحيح كلامج :) مشكورة على المشاركة عزيزتي

طموحة مملوحة يقول...

عاضـه


اجابتك روعة وصح لسانك بالفعل اتمنى اموت واندفن بالارض الي انولدت فيها وعشت فيها ودرست فيها وتربيت فيها عساني ما انحرم منها يارب

ابو عبدالملك يقول...

طموحه
الدين لله والسياسه لله والوطن لله
لايجوز ان تقولين السياسه للدنيا لان هذا مفهوم خاطأ لان الدين الاسلامي فيه سياسه مثال المسلم اخو المسلم سياسه
ايات الجهاد سياسه
خلع الحاكم الذي لايحكم بشريعة الله سياسه
الولاء والبراء سياسه
الزكاه سياسه

الدعوه الى الله سياسه
نصرة المستضعفين سياسه
الشعور بأحوال المسلمين سياسه

طرد منظمة حقوق الانسان سياسه
الهجره الى بلاد اسلاميه سياسه

هيئة الامر بالمعروف والنهي عن المنكر سياسه
بين قوسين (الارهابيين) سياسه
اللي ابي اوصله ان حتى الامور السياسيه يجب ان تقاس بالشريعه الاسلاميه لا بالعواطف او الاهواء او القوانين الوضعيه


بأختصار المسلم هو انسان اقتصادي سياسي اجتماعي تربوي عبد لله سبحانه وتعالى

على فكره حتى السياسه ربج بيحاسبج عليها


بأختصار اي شي تفعلينه بالدنيا انتي محاسبه عليه بيوم الحساب

ابو عبدالملك يقول...

عظم الله اجركم على استشهاد امير المؤمنين لدولة العراق الاسلاميه ابو عمر البغدادي ووزير الحرب ابو حمزه المهاجر

اللهم تقبلهم شهداء
امين

elsha3er يقول...

السلام عليكم

انا جيت اسأل واطمن عليكى يارب تكونى بخير ويوفقك لما تريدى ويارب تكونى فاكرانى ههههههههههههه

تحياتى
أحمد الشاعر

كوكتيل يقول...

اكيد للدولة اللي تربيت فيها وترعرعت وعشت حياتي فيها

المنطق يقول جذي

الجنسية مو ورقة إثبات الجنسية حياة ودولة عشت في خيرها وتربيت فيها أكيد إذا مسها أي ضرر راح أكون مضايقة جدا وهم لديرتي الثانية اللي معطيعتني جنسيتها

للأثنين بس لللي تربيت فيها أكثر :)

طموحة مملوحة يقول...

بوعبدالملك

هذا كلام انكتب وايد اقدر اقول لك اوكي اوكي وما اطبقه لأن الي موجودين ما يطبقونه وشوف لو الواحد فصل الدين عن السياسة بس مارس السياسة بعيدا عن التلاعب والامور الي تضر الدين ما اعتقد راح يكون وقتها كافر
حتى وان تدخل الدين فعلا ترا ماراح يطبقونه عدل في السياسة واكبر مثال عندنا بالله شايف احد مطبق الدين بالسياسة ؟ هذا واغلب الي بالمجلس لحايا قول بالله تغير شي؟ تطور شي؟

طموحة مملوحة يقول...

رحم الله جميع اموات المسلميين يارب

طموحة مملوحة يقول...

غير معرف



الجنسية الي تعيش الواحد ملك وتخلي الواحد يدش المجلس وياخذ من وراه هالبلاوي كلها من يرفضها ؟؟ يضرب له الف تحية بعد :q

طموحة مملوحة يقول...

elsha3er


ايوة ايوة فكراك ده بردوو ؟؟ :)

اصلي دايما بمر على مدونتك الحمدلله انك لسة فاكرني معلش لهينا ويا الدراسة وهمومها حتى مدونتي مابخشش ليها كتير بس مش ناسية الناس الطيبة الي زيك الناس الكويسة تبأى دايما في البال يابن خالتي :)

طموحة مملوحة يقول...

كوكتيل



صحييح كلامك اخوي كوكتيل للاثنين في معزة بس للدولة الي تربيت فيها اكثر وايد كويتيين عايشييين برا والدليل المثال الي طرحه الاخ مشلخ في التعليقات :)

اعرف ناس عايشين برا الكويت كويتيين بس اييون للكويت زيارة ويردون خلاص خذوا على الجو هناك مايبون يغيرون الحياة الي تربوا عليها

طموحة مملوحة يقول...

شخبار السياسة بالكويت ؟ :) صج الامتاحانات تلهي الواحد من قلب :)

ابو عبدالملك يقول...

طموحه
يابنت الحلال لاتستطيع فصل الدين عن السياسه
فصل الدين عن السياسه كأنك تقول ان القرأن هو مجرد صلاه وزكاه وحج وصوم فقط

يعني انا الان اذا قلت لج ياطموحه اكفري بالله سبحانه وتعالى سوف يكون ردج لا مايجوز وادخل بالنار

لكن اذا انا جبتها بصيغه ثانيه وقلت لج افصلي الدين عن السياسه لان السياسه تضر الدين ممكن تتقبلينها
وانتي تقبلتيها وبكل اسف

ف فصل الدين عن السياسه هو كالذي يقول اكفر بالله

وثانيا
السياسه لاتضر بالدين الاسلامي لان الدين الاسلامي هو فيه سياسه
الله سبحانه وتعالى وضع فيه السياسه
هل الله سبحانه وتعالى يضع شي يسئ الى دينه ياطموحه؟؟
والله لايخطأ
ماهذا التناقض

ثالثا
انا ضد دخول مجلس الامه
ومجلس الامه ماهو الا كذبه لالهاء الشعوب الاسلاميه
لكن السياسه الحقيقه هي سياسة قول الله سبحانه وتعالى(ولاتهنوا ولاتحزنوا وانتم الاعلون ان كنتم مؤمنين)
وقول الله (واعدوا لهم مااستطعتم من قوه ومن رباط الخيل ترهبون به عدو الله وعدوكم) وسياسة(جاهدوا بأموالكم وانفسكم) هذي تسمى سياسه

اما شخص يقعد بكرسي وامامه شوية مرتدين ومنافقين ويقعد يطقطق بمطرقه كأنه خبل هذي لاتسمى سياسه هذي تسمى تفاهه

ان كان شخص او شخصان لم يطبقوا السياسه الصحيحه فمو معناته انها سياسه فاشله

لماذا لانتبع سياسة خير البشر الرسول صلى الله عليه وسلم لماذا لانضعه قدوه سياسيه؟؟
فنصحيه : كم تبين تعيشين الف سنه ولا الفين مصيرج بتموتين وتحاسبين على قولة يجب ان نفصل الدين عن السياسه

طموحة مملوحة يقول...

غير معرف


جرحت مشاعري :(


لووووووول طاف من صجك عادي متعودة على كلام الجهلة امثالك بس مكانتي العلمية العالية جدا ماتسمح لي اني انزل لمستواك فقول الي تقوله ماراح تأثر فيني ماوقفت الدنيا على رايك عادي استانست على ردك على فكرة :) فحط ببالك اذا تبي ترد اقوى من هالكلام راح يزيد من مكانتي ماراح يقللها :)


الله وياك :)

طموحة مملوحة يقول...

بوعبدالملك


سياسة ايام الرسول عليه الصلاة والسلام تختلف عن سياسة اليوم :)

سياسة اليوم اذا ماكان فيها خباثة ماتمشي :)

والدين دين تسامح والتسامح ماينفع مع السياسة محد بيرد عليك صدقني انا قاعدة اقول لك هالكلام بصراحة تامة بدون ما اتكلم بشي مثالي وادري انه مو مطبق:)

ابو عبدالملك يقول...

طموحه
اكيد ماراح احد يرد ويطبق
لاني بين علماني وملحد وليبرالي

المهم انا وصلت المعلومه واعتقد انها وصلت لاكثر من عشر اشخاص

اللهم اني بلغت اللهم فأشهد

طموحة مملوحة يقول...

بوعبدالملك

انا ماقلت انك غلط مافهمت قصدي لو مطبق الدين جان ماتعنيت وقعدت تطالب وتتكلم وتقول

وصلت المعلومة والله فاهمتك

ابو عبدالملك يقول...

واتمنى ان كل شخص يدعي انه مسلم يطالب
بتطبيق حكم الاسلام

طموحة مملوحة يقول...

عجبتني كلمة ( يدعي ) معناه ان الكل يدعي الا انت متأكد لأنك تطالب بهالشغلة

والله يابوعبدالملك مادري اذا كنت انت الي كاتبه ولا احد داش من اسمك بس قري تعليييق غير لائق جدا منك وقلت بيني وبين نفسي يا ترى الدين يرضى برد مثل هذا ؟ و يا ترى الي يطالبون بتطبيق الشريعة مهما قالوا غير محاسبين على الكلام الي يقولونه ؟

يليت الي يطالبون بتطبيق الشريعة انهم يطبقونها على نفسهم بالاول صدقني اذا طبقوها على نفسهم ماراح يلقون صعوبة بنشرها :) عدل ؟

ابو عبدالملك يقول...

طموحه

الظاهر فهمتي خطأ

واتمنى ان كل شخص مسلم يطالب
بتطبيق حكم الاسلام

الحين اوضحت المسأله

طموحة مملوحة يقول...

انا استغربت من الرد قلت هذا مو اسلوبه اشوة قلت لي

ابو عبدالملك يقول...

دام فيها ايمان وكفر
قرأتي اقوال العلماء باليبراليه؟؟

ابو عبدالملك يقول...

اسمحيلي اسوي دعايه
لكن والله ماسويته الا من الحرقه

لمن يريد ان يعرف ماذا يحصل لاهل السنه بالعراق

http://ia331202.us.archive.org/0/items/qqqwewe/rfd2.rmvb

http://www.archive.org/download/qqqwewe/rfd2.rmvb

http://www.archive.org/download/nmathej1-m/rfd2.rmvb

طموحة مملوحة يقول...

ماقريت اقوالهم ولا اعرفهم ولا ابي :)

هذا أولا وثانيا اهلا ومرحبا في دعاياتك المدونة ترحب فيك وبمواضيعك

غير معرف يقول...

انا اعتقد ولائك للكويت ....وبسسسسسسسسسسسس ون خلال معرفتى بأسلووووب كتابتك وشخصيتك أحس انك تحبين الكويت وايد

راشد .... عاشق s

طموحة مملوحة يقول...

أخوي راشد

يعطيك العافية على كلامك اللبق هذا من طيب أصلك ،بس سؤالي بشكل عام مو عني انا :)

طموحة مملوحة يقول...

غير معرف

قالوا سكتُّ وقد خوصمتُ قلتُ لهم إنَّ الجوابَ لبابِ الشرِّمفتاحُ

والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ اصلاح

أما تَرَى الأُسْدَ تُخْشى وهْي صَامِتــة والكلبُ يخســى لعمري وهو نباحُ

يزيد سفاهة فأزيد حلما .... كعود زاده الإحراق طيـــبا

بقول لك شغلة : أنا آخر وحدة بالدنيا هذي كلها تهمني هالامور الي تعبت اصابعك وكتبتها فما تأثرت نهائيا :)

جاااااو

ابو عبدالملك يقول...

قالوا سكتُّ وقد خوصمتُ قلتُ لهم إنَّ الجوابَ لبابِ الشرِّمفتاحُ

والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ اصلاح

أما تَرَى الأُسْدَ تُخْشى وهْي صَامِتــة والكلبُ يخســى لعمري وهو نباحُ

يزيد سفاهة فأزيد حلما .... كعود زاده الإحراق طيـــبا

بقول لك شغلة : أنا آخر وحدة بالدنيا هذي كلها تهمني هالامور الي تعبت اصابعك وكتبتها فما تأثرت نهائيا :)

جاااااو

ادعسسسسسسسسس

طموحة مملوحة يقول...

لوول بوعبدالملك لا تقول لي انك انت الي داش بغير معرف وتتشيحط بكلامك ؟

لو انت يبا قول بنكك عادي لوول ادري انت لو تبي تنتقد تنتقد بويه الواحد بدون ما تتخشش بس حاشاك واكرمك الله من الغير معرف هذا شوي تعبانة نفسيته وحاط حرته فيني :q

حفظك الله من هؤلاء يا ابا عبدالملك :)

طموحة مملوحة يقول...

بوعبدالملك لووول شفيك صاير كوبي بيست ؟ :q

ابو عبدالملك يقول...

انا لا انكر قديما اني دخلت مره او مرتين بغير معروف ولكن كانت ردودي عاديه لايوجد بها اساءه او تجريح

لكن بهذا الموضوع لا ناقة لي ولا جمل بغير معروف

طموحة مملوحة يقول...

الطيب مثل الالماس :) لو مهما اختلفوا معاه الناس يبقى معدن ثميين :)

عارفة اسلوبك بوعبدالملك وعارفة ان انت ماتتكلم بهالامور التافهة بس غير معرف هذا مايعرفني فقاعد يتكلم بامور كلش ماهمتني ومايدري ان وايد ناس تكلموا وتعبوا وقالوا كلام اقوى بس ما أثر فيني لأني مؤمنة تماما وواثقة من نفسي فهالامور اخذها بضحك
واعصابي باردة مثل الثلج


فقلت هالابيات مالت الشافعي :)

ابو عبدالملك يقول...

الله يجزاج خير

لكن بيني وبينج حتى انا حاشني طشار غير معروف يسبني ويلعني بدون سبب
فأنا متأكد ميه بالميه ان هذا غير معروف هو شخص له مدونه ويشارك بالردود لكن بعض المرات يبي يستهبل بدون احد يعرفه فيحط غير معروف

طموحة مملوحة يقول...

بوعبدالملك

هذولي مرضى نفسييين لو عندهم ثقة بنفسهم مايدشون بغير معرف هذا اولا

وثانيا لو زادوا اعدائك معناه انك صح يعني مثلا يكرهون كتاباتك ويحترون لأن عندك ناس وايد تعلق عليك وتناقشك فشيسوون ؟ يدشون باخلاقك عادي يسبونك يسبون اهلك يدشون بالشرف والعرض وغيره وغيره وغيره فلو تشوف كل انسان ناجح لازم يطعنون فيه واقرب مثال اكرم الخلق واشرف الناس سيدنا محمد عليه الصلاة والسلام ما سلم من الناس وكلامهم تبي احنا نتجنبهم بسهولة ؟ فعادي اضحك على كلامهم والله استانس اذا قريت احب نفسي وايد بصراحة لووول

ابو عبدالملك يقول...

طموحه مملوحه
دام حاطه قدوتج الرسول صلى الله عليه وسلم تكلمي بكل حريه وماعليج من المحبطين

والله يهدي الجميع الى مايحبه ويرضاه ان شاء الله

طموحة مملوحة يقول...

يزاك الله الف خير بوعبدالملك