2010-12-07

سؤال خيالي محتاج لجواب خيالي !!!

يا جماعة الخير كان في خلل بصفحة التعليقات الحين الوضع تمام






موضوعي خيالي شوي بس مافيها شي اذا تخيلنا ووتصورنا راح يتغير الحال ولا يصير أردى ولا يظل على ماهو عليه ؟؟
خيالي يقول لكم قرائي الاعزاء :
لنتعتبر نفسنا من الناس الي مايمهمه الدستور ولا يحترم قوانينه ( عادي وايد جذي ) ، المادة 82 من الدستور تقول ان يشترط على عضو مجلس الامة ان يكون كويتي الجنسية بصفة اصلية وفقا للقانون ويجيد اللغة العربية .... الخ
لو فرضنا ان دش المجلس نائب من دول العالم الاول ، علشان نتكلم شوي عن دول العالم الاول ، تشمل الدول الصناعية الرأسمالية المتقدمة وهي دول غرب اوروبا والولايات المتحدة الامريكية واليابان *
وكان هالشخص مو اي شخص يعني دكتور او عالم المهم صاحب انجازات عظيمة جدا في خدمة العالم المتطور ، ماله دخل بمواضيع القبلية او المذاهب او الدين او غيره ريال ماشي مثل ماديرته تمشي انجاز وعمل ومثابرة ، دش هالريال بوسط مجموعة من النواب الي يناقشون القضايا التي تهم المجتمع الكويتي جدا قضية المايو ، قضية ال10.000 دينار الي خلت وايد ناس من ذوي الاحتياجات الخاصة - استغفر الله - قضية المال العام الي كل فترة يقل المال العام وللحين ما انحلت القضية - قضايا الحسينيات والمساجد والضرب على الاوتار المذهبية والقبلية ، قضايا المراة الي سكتونا بالحقوق السياسية فقط ، قضايا تمس الامور الشخصية للنواب ..... الخ . هذا النائب الاجنبي ياله شعور انه يملك في جعبته الكثير من الامور الي ممكن توصل الكويت الى مستوى دول العالم الثاني مثلا و جعلها منافسة شرسة للدول المتقدمة .
قدم هذا العضو اقتراحات ذكية شجع على اثرها الشارع الكويتي انه يمدحه ويسير على خطاه للوصول للتطور واسترجاع لقب اوروبا الخليج .
تتوقعون شنو راح تكون ردة فعل نوابنا ؟ عند وجود منافس شرس وقوي مثله ؟؟ هل راح تثمر انجازاته ؟
مجرد سؤال للي يحبون يتخيلون ويفكرون ويتوقعون شراح يصير ؟؟ بالنسبة لي اتوقع وايد اشياء راح تتغير بس احب اسمع واشوف خيالكم قرائي الاعزاء ...
بانتظار مشاركاتكم في هذا الموضوع :) .
ـــــــــــــــــــــــــــــــــــــــــــــــــــــــ
* كتاب ( جغرافيا سياسية ) د.حسام الدين جاد رب ، ص59


6 comments:

Alikingkw يقول...

يغتالونه؟

محمد سعد القويري يقول...

تحية عطرة معطرة
Attention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات

RembieMonsterRose يقول...

assassination XD

طموحة مملوحة يقول...

اخوي محمد والله ولهت على مدونتك صار لي فترة مازرتها باذن الله راح اشوفها الحين

اغتيال ....!!!!!!!! لووووول يجوز ليش لا

.. يقول...

أمممم حان طلع الجويهل وصرح وقال هذا مزودوج مالكم شغل فيه خلوه عنكم ما يبي مصلحتكم مصلحتكم مايعرفها الا عيال بطنها وعيال السور لوووووووول ..



جدا رائعه الفكره :*

طموحة مملوحة يقول...

لوووول حياج الله