2011-01-05

اليوم الحاســـــــــــــم !!!


احب أوجه كلمة لكل من يصرخ يمين ويسار ومنهم جريدة (( شفط النفط )) وقناة Slope ( \ ) :
أقول لهم ترا سمعنا كلام شيخنا الغالي وفهمناه شايفين براسنا دهن علشان كل ماصار شي قلتوا نفذوا أوامر ولي الامر ؟
لاحظت كل ماواحد تحجى بموضوع بعيييييييد حيييييل قال طاعة ولي الامر ....
ياكثر الامور الي متجاوزينها الحين سلاحكم بس طاعة ولي الامر ؟؟؟ هذا بس سلاحكم ؟؟
كل ما واحد يبي يمشي كلمته نسبه للامير وقال طاعة ولي الامر ؟؟؟ ترا مو لعبة كلمة سموه ؟؟؟
بس عادي الوضع طبيعي الي يخلي البعض ياخذ آيات قرآنية من كتاب الله ويفسره على الوضع الي اهو يبيه ، يخلي البعض ياخذ كلمة سموه ويخليها حجة له ..
وينكم عن طاعة ولي الامر بالامور الي تخص الوحدة الوطنية ؟؟ وجريدة شفط النفط المفروض تسكت وماتتحجى بس مثل ما يقولون ويههم مغسول بـــمرق ...
وقناة Slope ( \ )
الله يرحم من كان يقلب الشعب على الحكومة صاروا الحين يطبلون للحكومة وطاعة ولي الامر ،يحليلها هالقناة كل من هب ودب حتى بجزر القمر يدقون يتحجون بسياسة الكويت مفضوحين من هالقناة وعسى ماصار شي قالوا صوتك وصل ، ودموع وحالتهم حالة الحيييييييييييييييين ....!!!!!!! سبحان مغير الاحوال صج بالسياسة ماكو صديق دائم ولا عدو دائم .
وأحب أقول للنواب سواء خذاها ولا ماخذاها تكفون مشوا الامور وكملوا مسيرتكم بدون عرقلة ... ورقعوها ماعليه ماكو شي يدوم على ماهو عليه ، يعني لمن كانت الكويت حلوة جميلة جدا والكل حاسدها طبعا حزتها كانوا يقولون (( الله لا يغير علينا )) بس ماكو شي يدوم على حاله فتغير الوضع ، هني احنا نقول الله يكتب الي فيه الخير للكويت ومو بس دعوة دعوة واجتهاد .... لذا اتمنى من النواب التعاون مع الحكومة حتى لو كانت الحكومة ضدهم وضد الشعب كله لازم تتعاونون الشد عمره ماراح اييب نتيجة والي يسوي الخير لديرته حتى لو ماخذا شي بياخذ السمعة الطيبة والتاريخ بيذكره .
وللحكومة أتمنى يا حكومتنا تكونين حكومة منتجة وتردين للكويت شبابها وحيويتها ، وأتمنى من قنوات وصحف التأزيم والفتن التوقف عن التمثيييييييل ترا حفظناهم خلاص وعووووووووووووو بسهم ...
وأقول للشعب الكويتي كله ، لا تتفرقون ولا يصيرون ناس مع الحكومة ضد النواب وناس مع النواب ضد الحكومة ، وتصير نزاعات حتى بعالم التدوين اقرا الردود اقول يالله لك الحمد على كل شي يتهاوشون ومسوين فيها تفرقة بسكم خلاص فكونا ترا بطيتوا جبدي ههههه كافي يبا كافي ..
وأخيرا اتمنى تكون الرسمة كفت ووفت بالتعليق :)
شكريا ...

ملاحظة :

جيكوا على التعليقات وشوفوا منو ياي يعلمنا النظافة هههههه بس نصيحة قبل ما تقرون تعليقه سكروا خشمكم لوووول


15 comments:

طموحة مملوحة يقول...

غير معرف


اقول لك شي ؟؟؟

اوصخ واحد بديرتي انظف منك ومن اهلك

ومووووووووووت حــــــــــــرّة

bride ghost يقول...

دائما مبدعة اختي الغالية بمواضيعك المطروحة ورسوماتك ....
لا تعليق علموضوع...
ولكن أحب أقلك .......دعي الكلاب تنبح والقافلة تسير
وربي يحفظك ويحميكي ويبعد عنك كل حاسد
تقبلي مروري غاليتي
المتابعة الدائمة لكل أعمالك:bride ghost

بو عبدالملك يقول...

http://www.modhil.com/old2010/images/stories/omo.jpg

هذا سر نظافة الشعب الكويتي

بو عبدالملك يقول...

وهذا للتوفير
http://www.oo3o.com/msn/top/c/pic/f5c859de33.bmp

بو عبدالملك يقول...

وأحيانا تستخدم هذه المنتجات
للحالات الخاصه

http://www.baytalhaq.com/images/articles/1256791042befbaf.jpg

بو عبدالملك يقول...

وهذي هديه مني لج بمناسبة السنه الجديده
http://www.chm.bris.ac.uk/motm/dettol/dettol1.gif

الحــــر يقول...

للاسف صار كل واحد يفسر الظروف على حسب مصلحته الشخصيه وصار الاعلام الفاسد مسموع والبواق محامي ومحترم
وللأسف الناس انجرو ورا الطائفيه والقبليه والفئويه وتخلو عن المبادىء خليها على الله اخيتي بس لا تخافين مو الكل بينجر ورا هالاعلام الناس مو كلها عميه الله يحفظنا وما يفرقنا
:)

طموحة مملوحة يقول...

بوعبدالملك

ممكن تنخس وتنجعم انت الثاني هذا اذ1ما كنت انت الي معلق لان بالكويت الي معلق ومحد يقول عن ديرتي وصخة وعن شعبها الا امثالك الحثالة فاكل خرا واحمد ربك ما سحبوا منك الجنسية ولا انت والله البنغالي اولى منك بهالجنسية يالحثالة يالله تت




مابقى الا اشكالك يحطون هالصور الظاهر تستخدمهم وايد خلهم لك انت ومو انت الي تييي تعلمنا النظافة .. هههههههه مابقى

طموحة مملوحة يقول...

الحر


وللأسف امثال الناس الرخيصة وموالين الدول الثانية يحملون جناسينا واهم اول المخربين مع الاسف الشديد

طموحة مملوحة يقول...

عروستنا

فديتج يالغالية :**
تكفين ماعندكم شيخ شي ولا احد ايي يقرا على واحد مسكون عندنا ؟ :q

مو بعيد اهو قاع يحوس هني لوووول

بو عبدالملك يقول...

طموحه
أولاً
أحترمي نفسج وخلج خوش بنت
والسب والغلط لايفيد لايضر الحي ولايفيد الميت وهذي مو تربيه
فإذا انتي تسبين فأنا اقدر اسب ونقلب المدونه زباله
ولكن كوني مسلم فأنا لا أسب لأن هذا ماتعلمته من الإسلام
فألتزمي بالأخلاق الإسلاميه
بارك الله فيج

ثانياً
انا لا أعلق الا بأسمي
فأنا لا أخاف الا من الله وانتي تعلمين ذلك
فأنا أتحدث بأمور أعضاء مجلس الأمه لايستطيعون أن يتحدثون بها بداخل صنمهم المعبود قبة عبدالله السالم
وأنتي تظنين أنني معلق بغير معروف
تعوذي من أبليس


وبخصوص البنغالي فلعل البنغالي عند الله افضل منج ومني
وهذا وانتي تدعين الانسانيه
وان البشر سواسيه بالحقوق والواجبات

اضبطي حالج
واتقي الله
واستغفري ربج
ولاتوسخين لسانج
بنت شطولج شعرضج تغلطين
والله عيب

طموحة مملوحة يقول...

ديليت بدون ما اقرا الي يحترمنا نشيله بالعين والراس والي مايحترم نفسه يتحمل عدم احترامنا

طموحة مملوحة يقول...

غير معرف


كاااااااااااااااااااااااااك
والله ضحكتني اول مرة اسمع واحد يقول كويتي وغصبن عليج وقبلها يقول ديرتج الوصخة والله ماكو احد وصخ الا انت وامثالك وقبل ما تتكلم بشخصي الي يسواك ، وشاد حيلك من قلب ما تدش وتكتب بغير معرف ... بس انا عرفتك

لوووووووووووول العب باعصابك عدل ترا مو انا الي تطيح بسهولة يالله تت يالله :qوشكرا على متابعتك لمدونتي لوووول

طموحة مملوحة يقول...

غير معرف


كاااااااااااااااااااااااااك
والله ضحكتني اول مرة اسمع واحد يقول كويتي وغصبن عليج وقبلها يقول ديرتج الوصخة والله ماكو احد وصخ الا انت وامثالك وقبل ما تتكلم بشخصي الي يسواك ، وشاد حيلك من قلب ما تدش وتكتب بغير معرف ... بس انا عرفتك

لوووووووووووول العب باعصابك عدل ترا مو انا الي تطيح بسهولة يالله تت يالله :qوشكرا على متابعتك لمدونتي لوووول

لا تحاول تستذكى على راسي اوكي :)

عــــــابره يقول...

حفظ الله الكويت واهلها من كل شر
دمتي بود