2011-01-15

مو عاجبهم ؟؟؟؟ طقاق يطقهم !! رسالة لام بي سي


رسالة للجميع


لمن نتكلم عن أوضاعنا بالكويت والمشاكل الي قاع تصير


فاعتقد هالشي بين الحكومة والنواب والشعب ( الكويتي ) اوضاعنا الداخلية حتى لو الكل عرفها تتم بينا وبين بعضنا



فاعتقد مستوى المذيعة لجين عمران مو بمستوى وحدة تتكلم بدولة عريقة مثل الكويت كل واحد يتكلم بمستواه رجاء


ويليت الي يتكلم بالكويت ويبيلها غزو ثاني يروح يعمر ديرته و يقلل من تسربات بلده واللاجئين من الانظمة ( الخربانة ) بديرته قبل


ما يتكلم بالكويت ...



واعتقد يا شعب الكويت


اني شلت خدمة ال BB من المصاخة الزايدة الي قاع تصير


حمدوا ربكم اقول وبسكم فضايح يقولون شاعر اماراتي يتطنز على الكويتيين وكاتب بدل طرارة ، وتذكرت ان كلمة بدل طرارة الي قايلها


كويتي والي ناشرينها كويتييين يعني لا تكتبون شي تالي تعصبون على غيركم لي عايركم فيها ...


الوضع لله الحمد بخير حتى لو صارت مشاحنات بينا وبين حكومتنا فاعتقد هالشي بينا وبين بعضنا



مانبي نصير نفس الامارات


مانبي نصير نفس قطر


مانبي نصير نفس السعودية


مانبي نصير نفس اي احد


تبون تقارنون قارنوا بين الكويت اليوم وكويت امس ...


تبون تصلحون اصلحوا الي داخلكم قبل ماتصلحون الي برا



قللوا واسطاتكم الواسطة الي حطتك فوق فلان حطت غيرك فوقك لا تيي تالي تتحلطم


اليوم الي لقيت فيها ملايييين بجيبك بقدرة قادر بلحظة وحدة تصير حافي منتف


التحلطم الزايد لمن نتحلطم نبي نصلح ما نبي نتحلطم ونشوف غيرنا ونقول ليش احنا مو نفسهم



تبون تصيرون نفسهم ؟؟؟؟


حللوا الخمر بالديرة !!! ترضوونها ؟؟؟


تبون تصيرون نفسهم ؟؟؟؟


حطوا سفارة اسرائيل وخلوها تمشيكم على هواها !!!! ترضونها ؟؟؟


تبون تصيرون نفسهم ؟؟؟


حطوا بارات ومراقص بكل مكان !!! ترضونها ؟؟؟؟


والله ثم والله إن اهون علينا نعيش بفقر ومشاكل ولا ان نحلل الحرام علشان راحتنا


والي موعاجبه ترا هالبلدان ما تقصر وفاتحة المجال للكل ماراح ترد أحد




أشقاء ... على العين والراس


بس ان سيرة الكويت تصير بكل قناة وكل واحد يحلل على مستوى تربيته الردية ولاكانت تربيته حسنة


جذي ولا جذي مانبيها منكم كل واحد يشوف ديرته ويبطل حجي زايد


ولجين عمران اعتذارج مرفوض لابــــوج لابـــــو MBC فوقج


واقول للكل ترانا بخير وترا بدرتنا الي يتعب ويشقى صج الواسطة تاكل حقه بس ما يضيع الحمدلله ماعندنا طراريين ماعندنا فقارة عندنا بنوك تعطي قروض للكويتيين وللدول الي برا الي للحين ماسددت الديون الي عليها


عندنا خير ونعمة وحتى لو عندنا مشاكل ماتوصل للمشاكل الي هالدول تواجهها او واجهتها قبل فترة من الفترات


وعلى المواطن الكويتي الي يتحلطم وايد ترا اهو الي حط نفسه بهالمشكلة كل واحد يبي احسن سيارة يبي بيته يصير قصر يحط ديون وقروض على راسه تالي يقول الديرة اهي السبب !!!!!


ماقول الكل وايد ناس كانت بحاجة بس ماتوصل ان احنا والله على سكة الفقر



لله الحمد الكويت للحين بخير


وللمرة الالف مالكم دخل فينا يالي برا واتمنى قناة سكوب تبطل اتصالات من خارج الكويت يتكلمون عن اوضاعنا الاوضاع هذي احنا عايشينها احنا الي نحلها بينا وبين بعضنا مانبي احد يتفلسف واتمنى يكرمونا بسكوتهم ..


وللاخ الكاولي اقول له جرب تدش الكويت مرة ثانية حاول بس وشوف شبيصير ؟؟؟ ضحكتوا قبل بس الحال يتبدل ان مالقيت انياب تعضك وتاكل لحمك ماكون سارة بنت ابوي



وعلم يوصلكم ويتعداكم


الي ما يبي الكويت مانبيه والي يبي الكويت نشيله بعيوننا الثنتين واعتقد مو لازم اذكر الجود والكرم الي عندنا مايبيلها حجي :)


14 comments:

أحمد الحيدر يقول...

ئي شقايلة عاد؟
:)

غير معرف يقول...

بردتي جبدي

حـمد يقول...

طولوا البال الشيطان ما مات

شصاير

طموحة مملوحة يقول...

الحبايب قاعدين بالبرنامج يتطنزون على الكويت والحبيب يقول الكويت يبيلها نغزيها مرة ثانية ... مصخت يادول العرب تاركين فضايحكم وقاعدين على الكويت بكل شي تتحجون فيها ...

هههههه نسوا والله نسوا نسوا وين كانوا وشلون صاروا ولمن صاروا شافوا نفسهم ههههه الحمدلله والشكر يارب

يذكروني بالبنات الهيلقيات الي فجأة بيوم وليلة صاروا اتكيت وياكلون من صحن ذهب

نمووول يقول...

احسنتي القول ,,

شكراً

وحيد في المنزل يقول...

ههههه زين تسوين فيهم
طبعا الكاولي مو غريبه عليه
يطلع منه هالكلام

محمد يقول...

الله يديم علينا الامن والايمان
ولا يشمت بنا حاسد او حاقد

كلام رائع

فيه رسالة ماجستير تتكلم عن دور قنوات العربية ومجموعة الام بس سي طبعا دور مشبوه

غير معرف يقول...

يعطيج العافية صديقتي طمووحة مملوحة صج صج على قولتهم بردتي جبدنا ;)

المفروض نطالب باغلاق مكتب ام بي سي بالكويت وياريت الكويت تتخلى عن سياسة الطيبة مع الدول الضد وتوقف كل واحد عند حده
والدول العربية اللي تتكلم عنا كله من القهر والحقد والغيرة من الكويت ... لانه يدرون شنو الكويت وشلون عيشة الكويتين ... ما يتكلم جذي الا الشخص المحتررر والغيور

وسلامتكم

Engineer A يقول...

كفيتي ووفيتي :)

طموحة مملوحة يقول...

ويضحكون يقولون لي طاح الجمل كثرت سجاجينه والحبيب اللبناني قاعد له حتى هذا يحجي لووول

أحب اقول لهم السجاجيين هذي قبل ما تكثر على الجمل انا وغيري من الكويتيين ناخذهم ونحطهم ببطن كل من تحجى نتبرى من تربيتنا ونوصل لمستواهم علشان يتأدبون

والله حالة كل من هب ودب قام يتحجى بالكويت ماكو شغل ؟

الله يرحم لمن كنا نسمع قرض فلاني للبنان والقرض الفلاني للدولة الفلانية والقرض الفلاني للدول العلانية الكويت طول عمرها غنية ولله الحمد مو بيوم وليلة صارت غنية وقام يهايط شعبها ..

الي يبي يتحلطم من عيالنا خل يتحلطم نسمعه و نرد عليه بس لا تقطون ويههكم يالي برا رزة الفيس من طبع الشيسمونه وتبون تقولون قليلة ادب معروفة انا وقت الي يتحجى عن ديرتي اصير جليلة حيا ولا اكبر راس يهمني

غير معرف يقول...

كفو يا ساره صج انج بنت ابوج

Q8-Borgy يقول...

اتعرفين شنو عيبنا مع الاسف ماعندنا اعلام ايدافع عنا

احنا مع الاسف اعلامنا حق الفضايح جاهز مثل سكوب والوطن وغيرهم من القنواة الثانيه وبالاخير ايقولج والله نحب لكويت ونبي مصلحتها

ولي ايحر اكثر لمن يتصلون الناس ويتكلمون ويبجون ويراون العالم كله ان لكويت وحكام لكويت ظلم وكأنه هالشعب عايش في قهر وجوع

صح اعترف ان خدماتنه رديئه والمفروض كدوله غنيه واقصادها مشالله مرتفع المفروض تكون الخدمات احسن من حته اوربا لكن ماوصلنا مرحلة ان حته ماقمنا نحترم حكامنه (صح ولا انا غلطانه بعد) !!

بعدين نيي ونصيح ليش الناس الي برا لكويت ماتحترمنا ولا تحترم حكامنه لأنها كلها من افعالنا

بنسبه حق لجين عمران فهيه طاحت من عيني على هالحركه وحته اعتذارها غير مقبول لأن ماكان من اسف لا كان فقط لتبرير ماحدث وخصوصا ان حته السعوديين لاموها

اما بنسبه حق اللبناني مع الاسف اقوله مثل ما انتوا ماتحبون تكون ديرتكم كيكه حق اسرائيل لازم ماتحبونه لغيركم من الناس وانت لبناني وتعرف شنو يعني احتلال

اما بالنسبه حق هالعراقي فماعندي اي تعليق خصوصا لمن قال فهد الطلال هاذه اكبر دليل على الاستهانه في حكامنه واقوله مشكور وماقصرت بس بالنهايه اقول الحمدلله اني كويتيه وعايشه بالكويت مومثلك بس ماعندكم غير العراق الجريح والعراق الجريح انزين روحوا حطوا ايدكم بيد بعض وبنوا ارضكم بدال مابس تطلعون وتتفلسفون

طموحة مملوحة يقول...

انا الي باطة جبدي سكوب خرا عليها وعلى الي ماسكينها من قلب يعني سكوب ترضى تهين الشعب الكويتي وخاصة الي يأيد الشعبي وترضى مذيعينها يقاطعون المتصلين الي يخالفونهم ويسبونهم بس عادي يسبون الكويت الكواولة الي برا تالي تقول قبلنا اسفكم .. منو انتو ؟ ماتمثلون الكويت علشان تقررون انتو منو انتو ؟؟
وانتي بنتنا ماتشرفنا هذي تكون بنتنا اسم الله على بناتنا ولا وحدة فيهم ترضى احد يهين شبر من الكويت اييون يقارنون بنات الكويت الذهبات بوحدة مثل هذي ... يضحكون على خيبتهم ان شاء الله وياية سكوب يعني كلش الرزانة والتكانة الزايدة علشان يقولون قبلنا اسفج مو عادي كلهم نفس الاشكال ولا لو قلبهم على الكويت والدموع الي كانت تنزل مو دموع تماسيح جان سووا حملة اعلامية ضدهم بس يبين الردي باتفه موقف .

تدرون منو الي عجبني ولأول مرة ؟؟ خالد عبدالجليل لوووول صج صج والله

TwixXa يقول...

fedeeeeeeeeeeeeeeeeeeeeetech wallaaaaa refeeeeeeeeeeeeeeeeeeeejtyyyyyyyyyyyyyyyyyyyy 3alaaa ra9eeeeeeee :************