2011-01-24

خـــــــرا صح ؟؟ !!!






أعذروني على عنوان الموضوع المقرف ..

لنفترض ان شخصًا مايسوى فلس قال عنك خــــــرا !!! شراح يكون موقفك ؟؟
اتصلت بي صديقتي أمس غاضبة جدا ..
(( سارة قبل شوي صار موقف جدامي والله العظيم توني استوعب انا شلون سكت ..!!!))
أنا : شصار ؟ ؟
هي : كنت رايحة اييب كرت تعبئة من الجمعية والي يبيع كروت مصري ، يا واحد كويتي سلم عليه جان يقول له ها شلون الكويت ؟؟
فرد عليه المصري بــــ (( مممممممممممـــــــ ....)) ومو عاجبه جان يقول له الكويتي ..
(( خــــــــــــــــــــــــــــرا صـــــــــــــــــــــــح ؟؟؟؟ ))
أقسم بالله عندما سمعت هذه الكلمات لم استطع ان اتمالك اعصابي ولمت صديقتي التي لم ترد عليه ولم تدافع عن وطنها الذي اهين على لسان شخص قذر ..... (( وصخ شوي عليه ))
رأيت ناس منافقين
رأيت ناس يحبون وطنهم بكل صدق واخلاص
ورأيت ناس ياكلون من خير الوطن ويبلعون فلوس من الديرة ويسبونها باقبح الكلمات ....
اعتب على صديقتي التي لم ترد عليه وبكل وقاحة يقول هذه الكلمة امامها وامام المصري واتوقع لو كان المصري مكانه وقيل هذا الشيء عن ديرته لما سكت ولكن اتأسف كثيرا عندما أرى النفوس الرديئة تملأ ارجاء وطني ....
ذكرني هالموقف بغير معرف الله يسامحه قال لي ديرتج الوصخة وتالي قال لي كويتي وغصبن عن الي مايرضى .. الي يفتخر انه كويتي ما يسب الكويت حتى لو وقع ظلم في البلد .... الله يسامحه
،،،،،،،،،،،،،،،،،
رسالة لوزارة التجارة
أتمنى مراقبة الجمعيات والاسواق والمحلات .......... الاسعار ولعت ترا كلها الف مو بلييييون صلوا على النبي
@@ شهالاسعار النار ؟؟؟ ماكو حسيب ولا تعودنا محد يحاسب بهالديرة ولي حاسبوا يهبون هبة محاسبة تالي يردون ينامون صحصحوا وراقبوهم مو حالة هذي ..... @@
،،،،،،،،،،،،،،،،،،،،
كان بودي ان اكتب موضوع فرفوش لكن اتركه فيما بعد لأني غاضبة جدا واكتب فصيح ومن ثم ابدل عامي :q
استودعكم الله


15 comments:

روعـــــــة الحيـــــــاة يقول...

شيء يرفع الضغط
كله و لا للكويت
يا بعد عمري يا الكويت

ادافع عنج وين ما رحت و ما أرضى لو شو يصير إن أحد يسبج

و الله يا طموحة تعبانة حدي و قريت الموضوع تعبت زيادة


للأسف في ناس عايشة بكويت الحب و ما تستاهل و ربي

الكويت أغلى ياناس من إنكم
شو أقول


حسبي الله عليهم

طموحة مملوحة يقول...

اول شي ماتشوفين شر حبيبتي مارديتي على المسج الي دزيته لج

اي والله انا حدي متضايقة والله العظيم ياما ناس تعرضوا للظلم وموجودين بينا بس بحياتهم ما انكروا جميل هالوطن الجميل البسيط وياما ناس تعودت على الترف وعسى ما حاشها شي بسيط سبت الديرة بالي فيها والله حرام وعيب الي قاع يصير في فرق بين الواحد يضيق خلقه لي ماعجبته ديرته يدعي ربي يرفع من شأنها ويبدلها بوضع احسن ما ينطق هالكلام الي يرفضه ملايين من الكوييتيين والله انا لو كنت موجودة وقتها ماعندي مانع اطقه والم امه محمد عليه .... شي يقهر ورب الكعبة

bride ghost يقول...

طولي بالك اختي .....
الوصخين في منهم كتير ...وين ما نروح قاعدين نصدفهم للأسف لشديد
الله يهديهم .......ويشفيهم من المرض إلي فيهم
تحياتي.......

بو عبدالملك يقول...

هذا كنايه
فمثلا لو أقول طموحه أبوها أسد
فهل معناته أن أبوج حيوان ؟
طبعاً لا
ولكن المقصد أن أبوج فيها صفات الشجاعه التي يملكها الأسد

لكن أيضاً لايجوز أن نقول الكلمه التي قالها الشخص لأنها كلمة بذيئه

بو عبدالملك يقول...

والله المستعان

Enter-Q8 يقول...

الشعب المصري اكثر شعب ناقد و ساخر لبلده و رؤسائه ولكنه لا يقبل من اي شخص ان ينتقد بلده او رؤسائه مالم يكن مصريا
و لكم عبره في الشاعر الساخر احمد فؤاد نجم
رسالتي للكويتي بقوله اياها
تعلم من المصري
يا خـــــرا

Q8-Borgy يقول...

شفتي شلون لمن اقولج العيب فينا احنا كمواطنين مع الاسف راحت الاخلاق الي حته ماقمنه نحترم ديرتنا جدام الاجانب

يقدر يبدي رايه مع اي شخص حته لو اهوا مستاء بأوضاع البلد لكن ماتوصل لي درجة السب

خالد احمد محمود يقول...

سلامات أخت طموحه
وسلامة الكويت من أى أذى
عاتب على حضرتك رغم أنى أعرف مشغولياتك الكثيره
لعدم زيارتك للدليل
هل هذا يعنى عدم قبول الأهداء
عموما هو هنا
http://starfromkuwait.blogspot.com/
لك ولكل مدون كويتى تحيه وأحترام

طموحة مملوحة يقول...

اعذرني اخوي خالد نسيت الموضوع لهينا بالمشاكل الي حاصلة حتى مشكلة انقسام السودان شاغلنا والله

q8 transs يقول...

السلام عليكم
شلونج اختي الكريمة
اي والله حساااافة على ناس من هالفئة اتقال عنهم كويتين لااا والله ماظني انهم كويتين تلاااقين لفو شوووفي عاد من وين :)
وحتى ولوووو كانوا كويتين والاوراق الثبوتية تثبن انهم كويتين فأقول وبعالي الصوت الكويت برئية من هالأشكال وهمممم ماهم كويتين
لانه عمرها الوطنية ماكانت حبر على ورق
انا كويتي = انا غنسان افدي الكويت وترابها بدمي
ومحشومة الكويت

ومثل ماقلتي الي صج كويتي ويحب الكويت أولا وأخيرا مايغلط عليها لو شنو ولوووو حتى جاءه ظلم كبير من ناس فيها
ألعن الناس نفسهم وذممممم فيهم نعم اما اذم بديرتي عشان نااااس جار علينا الزمن وخلاهم يأمرون وينهون عندنا وهمممم كوكفو المنصب الي انحطوا فيه مهما كان منصبهم ؟؟؟!!!
لااااا واللله ماسويها ولا يسويها اي واحد شريف وشايل معروف هالديرة عليه


واكبر مثال أنا وقصتي كاني إنسان معلق بين السما والأرض ومحتاج تصحيح جنس وديرتي الحبيبة الكويت ما إنصفتي مع الأسف ولا حاطة حل لهذة الفئة من الناس الي تسمى ترانسكشوال
وكتبت في مدونتي عدة مواضيع عن شكثر انظلمة فئة الترانسكشوال في الكويت لكن عمري ماذميت بالكويت نفسها وماسويتها وولا سويتها ولاظن احد فيه خير ووفى يسويها
الترانسكشوال فئة من الناس صار فيه لبس مابينهم وبين الجنس الثالث والبويات..
رغم انه حتى الجنوس والبويات لازم عمل مركز علاجي لهم وليس عقابهم رأسا بل يجب التدرج بالعقاب مووو يخطوووونهم بجسن وانت والله ليش صاير جنس ثاااالث ؟!
ويسكووووونه ويطقوووونه واعتداء نفسي وجسمي وجنسي !!!!
يااااسلااااااااااام اليحن انتوا يارجال الشرطة بتطبقون القانون ضد التشبه بالجنس الاخر وانتوا نفسكم الي تسون الزنا واللواط مع الي تمسكونهم استغفر الله !!
وحسبي الله ونعم الوكيل والحمدالله الله اخذ بحق كل مظلوووم مواطن كان او وافد سواء كان عنده هالمشكلة او انسان عادي فالله مايرضى بالظلم.


ولكن الله المستعان وانشالله بيوم اقدر اصحح اوراقي من فتاة إلى رجل كوني رجل والعلم يقول ويثبت هالشي
لمعرفة المزيد عن حالة الترانسكشوال للي يحب يقدر يدش مدونتي المتواضعة الي سويتها عشان هالشي

ملاحظة : صديقتج بعد على فكرة ماتنلاااام اهيا نقهررررت صح ولكن ماردت لانه الظاهر انربط لسانها من الصدمة لانها تصير فينا كلنا ساعات ولا لو مستوعبة جان بطت راسه بأكبر قوطي معلبات يمها :)
وبالنهاية نقول درس عشان المرا الياية نرد وجذي



وأعتذر للإطالة تحمست مع الموووووضوع :)

تحياتي لج أخوج
سالم

q8 transs يقول...

وفي شي نسيت اقوله والله مع انه هالشخص يمكن يكون عنده الجنسية الكويتية ولكن والله العظييييم ياجمااااعة
أعرف ناس مقيمين بالكويت وبعضهم كانوا مقيمين وطلعوا منها أقسم باللله العظيم والله على ما أقول شعييد ماتصدقون شنو يقولون عن الكويت
والله انه كل ماسمعوا سيرة الكويت يقولون الكويت لها فضل وخير كبيييييير علين لو شنو ما ننساه..!!
تفضلوا وشوفي الفرق ..

وفي ناس أيضا مظلومين من فئة البدون لكن والله عمري ماسمعت منهم إلا كل خير عن الكويت حتى لو بيني وبينهم الحجي عمرهم ماقالوا شيي عن الكويت الحبيبة
لكن ياجماعة بالنهاية كل واحد يسوي بأصله صح؟

الله يعزج ياكويت وتردين مثل قبل وأحسن إنشالله

طموحة مملوحة يقول...

سالم شلونك ؟؟ صح لسانك الف مرة على الكلام الي قلته ..

انا اذكر لك عدة تعليقات في مدونتي سابقة مانسيتها ويشرفني والله انك رديت وعلقت في مدونتي واثرت هذي القضية الي اعتقد لو فتحت في مجلس الامة راح يدشون في معمعة كبيرة حيييل مع انها بعيدة كل البعد عن المتشبهين ، وادري انك ماتبي تسوي نفس الي يروحون برا ويلجؤون للدول الثانية علشان تعطيهم حقهم واولا انك تقعد بالكويت بديرتك بين اهلك وناسك ولكن اعتب على الدكاترة المتخصصين بهذي الامور في الكويت ما يثيرونها علشان الناس ماتعرف الفرق بين حالتكم وبين المتعمدين انهم تشبهون وبالتالي فالناس تلوم الجميع مثل ماكنت اسوي قبل ما اعرف عن حالة الترانسكشوال ..


الله يكون بالعون وراح ازور مدونتك مرة ثانية واذا على رجال الشرطة شوفم حتى بالافلام كل شرطة العالم يعاملون المتهم كأنه حيوان ماله قيمة ودائما يسوون هالشي صح ( طبعا بالفلم ) انهم على حق وان المتهم يجب ان يعامل هذي المعاملة علشان يعترف ويفيد الشرطة :)

طموحة مملوحة يقول...

سالم شلونك ؟؟ صح لسانك الف مرة على الكلام الي قلته ..

انا اذكر لك عدة تعليقات في مدونتي سابقة مانسيتها ويشرفني والله انك رديت وعلقت في مدونتي واثرت هذي القضية الي اعتقد لو فتحت في مجلس الامة راح يدشون في معمعة كبيرة حيييل مع انها بعيدة كل البعد عن المتشبهين ، وادري انك ماتبي تسوي نفس الي يروحون برا ويلجؤون للدول الثانية علشان تعطيهم حقهم واولا انك تقعد بالكويت بديرتك بين اهلك وناسك ولكن اعتب على الدكاترة المتخصصين بهذي الامور في الكويت ما يثيرونها علشان الناس ماتعرف الفرق بين حالتكم وبين المتعمدين انهم تشبهون وبالتالي فالناس تلوم الجميع مثل ماكنت اسوي قبل ما اعرف عن حالة الترانسكشوال ..


الله يكون بالعون وراح ازور مدونتك مرة ثانية واذا على رجال الشرطة شوفم حتى بالافلام كل شرطة العالم يعاملون المتهم كأنه حيوان ماله قيمة ودائما يسوون هالشي صح ( طبعا بالفلم ) انهم على حق وان المتهم يجب ان يعامل هذي المعاملة علشان يعترف ويفيد الشرطة :)

Bint ilKuwait يقول...

لا حول ولا قوة الا بالله

حسبي الله عالمنافقين

هذا كل الي أقدر أقوله

طموحة مملوحة يقول...

اي والله تلقين حالتهم مافيها مايحمدون ربهم حسبي الله عليهم