2011-01-27

ليش ؟؟؟ ليش ؟؟

السلام عليكم ورحمة الله وبركاته
بغيت اسألكم الرقم الي نشروه حق اذا شفت الاسعار غلت صحيح ؟؟
لاني انسانة شكاية حيييل وعسى ما شفت مخالفي مرور او تعدي على الناس في الشارع دقيت سيدة على العمليات اشتكي حفاظا على امن وسلامة اهل ديرتي .
فبعرف اذا الرقم صحيح خل يستقبلون مكالماتي لان الوضع جدا جدا مو شي
الحين الي نزلت لنا الف ومرة وحدة شكو غلوا الاسعار ؟؟؟ حتى كي دي دي ؟؟ والمصيبة انها شركة كويتية اول وحدة تبي تبوق كي دي دي ؟؟ انا انصحكم تروحون تشترون من المنتجات السعودية وخلوا الكويتي مامنه فايدة ..
وانصحكم اذا تبون عصير خل نشتري فاكهة زينة من عند الدول المجاورة ونفتح لنا مصانع بيتوتية تسوي عصير طبيعي احلا ، حتى العصاير ؟؟ ماخلوا شي .. ووين وزارة التجارة الي غردت وقالت ماكو غلاء اسعار ؟ كل يوم توصل لي اخبار عن الاسعار الي تزايدت يبا اقول لاهل الكويت كل واحد يخش الالف مالته او يسافر فيها يقطها برا على وناسته ابرك ، عينهم على المنحة لابارك الله فيهم .
وشي ثاني للي يقول الوافدين يبيلهم منحة كذلك ، اقول الوافدين ماخذين حقهم وزود ويشتغلون بالكويت علشان رزقهم وبس ماعتقد لو كويتي برا يشتغل راح يعطونه منحة يعني خيرنا لاهل ديرتنا واهم مو قاصرهم شي الحمدلله وضعهم احسن من اوضاعنا بعد .
انا مستغربة شلون وبكل جرأة غيروا الاسعار ... بس مقيولة من أمن العقوبة أساء الادب :)
وردوا لي خبر بلييز على صحة الرقم ، يهمني مصلحة ديرتي واهلها وخل يتحملون اتصالاتي .. كل واحد يروح الجمعية واذا شاف شي غالي لا يشتريه واولهم كي دي دي وايد غلوا اسعارهم ...
اتوقع كافتيريا العلوم راح تغلي اسعارها بعد فوق ما اهي غالية ههههههههه
ـــــــــــــــــــــــــــــــــــ
مقولة اليوم :




عن المرء لا تسأل وسل عن قرينه فكل قرين بالمقارن يقتدى
عدي بن زيد العابدي ..... شاعر عربي جاهلي

2 comments:

روعـــــــة الحيـــــــاة يقول...

اي الرقم صحيح
شفته بكذا برنامج أكدوا عليه
في قناة الوطن ..
في برنامج صباح الوطن

يعني صح أنا اماراتية بس متابعة أخبار الكويت خبر خبر

فخذيها مني يا طموحة =)

طموحة مملوحة يقول...

فديتج دزي لي رقم حسابج لووووووول

لا جد والله لا يعطونا شي وتالي تروح بيوم واحد بقاطع كي دي دي بصراحة
وبشرب عصير طبيعي وانا اسويه بنفسي ولانهم يشوفونالكويتيين بس ساكتين ما يتحلطمون على الاسعار ولا يتكلمون قالوا نزيد عادي