2011-01-27

احلا كيك من ايد طموحة ....... لا تصدقون!!

السلام عليكم ورحمة الله وبركاته

طيلة الثلاث سنوات الا وطيلة وجودي في الانترنت ماحطيت موضوع طبخ لأنه مو تخصصي ولأني فاشلة بالطبخ وساعات لمن اشوف مواضيع المدونات الي يحطون صور كيك وطبخات كنت احس ودي اسوي طبخة حلوة وابدع فيها بس مع الاسف دائما افشل بهالموضوع

الزهقة وماتسوي ..




خلصت ترتيب غرفتي من الاوراق ونظفتها وبخرتها وحسيت للحين فاضية شسوي ؟؟


قلت اروح المطبخ اشوف شنو في اقدر اعفسه شوي


فبديت طبخي او تحضيري بمعنى اصح لكيكة من بنات افكاري :) ومايبيلها تعب كلش

بس نصيحة لا تسوونها ..










أولا يبت الكريمة وقريت المكونات وتاريخ الانتهاء وجميع البيانات بعدين قريت شلون اسويها وقعدت نص ساعة كاملة بالخلاطة احاول اسوي الكريمة مو راضية كلش سائل موراضية تصير ثقيلة كلش وعصبت حدي ، بعدين تذكرت ان مكتوب احط شوي سكر على الكريمة فحطيت وقعدت اقلب واجرب ...





أخيرا صارت تمام التمام وقعدت اتمشى بالمطبخ واخلط الكريمة مستانسة حدي








يبت كاكاو بونجوم وعفسته وحطيته بالصحن ، وقصيت كيك جاهز بسوي صمون كيك :q








حطيت كريمة على شريحة الكيكة بصراحة وناسة وانا احط الكريمة








حطيت كاكاو المفتت على الكريمة










سكرت الصمونة الي فيها الكريمة والكاكاو






وحطيت كاكاو زينة :q فوق الصمونة









الشكل النهائي




طعمها كان ممممممممممممممممممممممممممممممممممممممممم الله يديم النعمة للحين بطني يعورني بصراحة وعطيت اليهال الله يستر بشوف رايهم الحييين @@ انا فاشلة جدا




فصلة طبخية مو شي بصراحة بس دايم يقولون اغلب الماهرين بالطبخ كانوا فاشلين فاتوقع مستقبلا راح اكون خبيرة مطبخ يارب




ــــــــــــــــــــــــــــــــــــــــــ


عــــــــــرض


العرض للبنات بس الي مهتمة بامور الوسط الديمقراطي وتحب تجمع اغراضهم ترا عندي فايلات قديمة حييل للوسط ونشرات قديمة وكتيبات تعليم النقاش وكيفية الرد مع معلومات سياسية قيمّة وعندي ستكرات وسط للسيارة وبروشورات مع باجات وسط اغلب الكليات قديمة جدا للي يحب يجمعهم أنا بصراحة عندي وايد اغراض مابيهم وادري وايد يحبون يجمعون سوالف وسط وبقية القوائم فالي تبي هالاغراض تكتب لي تعليق هني بالمدونة واول وحدة ترسل لي راح اعطيها اياه :q


ــــــــــ
شي ثاني الي يبي يعلق على موضوع قديم في المدونة فحياه الله نتناقش حتى بالمواضيع القديمة لان شفت وايد ناس تتابع مواضيعي القديمة وخاصة الي بسنة 2009 فالي يبي يعلق على شي فالمدونة موجودة للجميع والنقاش مفتوح للجميع هذي مدونة مو منتدى والمواضيع القديمة موجودة ومجال النقاش فيها موجود عادي :)

28 comments:

Seema* يقول...

الفشل يكون بعدم المحاولة انتِ حاولتِ
هذا أول الخير ; )

تسلم ادياتج!

روعـــــــة الحيـــــــاة يقول...

فديت طموحة أنا
ههههههههههههههههههههههههههههههههه

تصدقين و لا منال العالم بتطبخ هالطبخة ^^
مجاملة قوية صح ؟

لا تقولين فاشلة قولي متعايزة أجرب
ما عليج أول ما تنخطبين على طول اليوم الثاني و إلا نفس اليوم بتتعلمين هههه
بعد الريل لازم يذوق من طباخ مرته
مو جذي ..>> كويتية بشكل رسمي ههه

إذا بطرشين الإمارات بتسوين زين
لأني الحين الحين يوعانة حدي

...

يالنسبة للعرض يصير أنا أخذ الأوراق و الأشياء اللي عندج لأني مهتمة بهالسوالف
يعني إذا السالفة ما اتعبج بقول لصديقتي اللي بالكويت تتواصل وياج و تسلميها بما أننا في إجازة من الجامعة و اهي بالكويت و بترجع بعد اسبوعين تقريباً



و شكراً

هيه صح قبل شكراً
جمعتي لي بطاقات تلفون من الكويت ؟
بذبحج إذا قلتي لا << الدنيا فوضى ماكو قانون مثلاً



كتبت مقال الله يحفظني
نلقاكِ مع طبخة أخرى يا طموحة المملوحة ^_*

روعـــــــة الحيـــــــاة يقول...

المهم يعني أريدهم حتى لو ما يخصني فيهم
يعني كفاية إنها من الكويت


أي شيء فيه ريحة الكويت أبيه

فديت الكويت أنا






بصيييييييييييييييييييييييح

أريد أزورها
شكلي بموت و ما بزورها

أحمد يقول...

يا خيتي هو صحيح في كثير من المواضيع قديمة ومغبرة، والناس عارفينها منذ مبطي، لكن المشكلة في ناس تقراها وما تفهم اللي بين السطور، أو ما هي حاسة بما يدور حولها أو ماهي مستوعبة خطورة الموقف، فكويس الواحد يحطها أو يتكلم فيها مرة ثانية وعاد اللي يبي يفهم حياه الله واللي ما يبي عاد هذا شي يخصه.

بو عبدالملك يقول...

http://www.archive.org/download/ISI.IED/IED-Med_512kb.mp4

طموحة مملوحة يقول...

سيما

صحيح

انا شاطرة بالسلطات الكل يعجبه سلطاتي بس احب اعفس وايد واحب استخدم البصل بكل شي لووووول بس كيك وطباخ فاشلة جدا لووول يمكن بالمستقبل اصير ماهرة

طموحة مملوحة يقول...

روعة الحياة


لووووووووول ضحكتيني والله لا اهو شاطر بالطباخ انا راح احضر المقادير بس واعاونه بالمطبخ لين اتعلم D:

يابنية معاي بطاقات ابي ادز لج كرت دعوة للكويت تعالي قولي لاهلج واحطج بالمكان الي تبينه بس خل اشوفج يابنية والله مشتاقة لج والكويت مشتاقة لج بعد :***

طموحة مملوحة يقول...

أحمد


لافي ناس على بالها نفس المنتديات المواضيع القديمة ما تتناقش عليها بس انا احب اتناقش حتى لو باشياء قديمة وارد على استفساراتهم :)

طموحة مملوحة يقول...

بوعبدالملك


شووووو هاض ؟؟؟ ماشتغل عندي

بو عبدالملك يقول...

طموحه
سؤال
على حسب علمي أنج تدرسين جيولوجيا ؟

في سؤال
في رمل يسمى رمل البحر ويسمى بالأردن رمل صويلح هذا شلون نحصله ؟

طموحة مملوحة يقول...

@@


لا أعلـــــــم بصراحة

بو عبدالملك يقول...

زين
تعرفين أحد يدرس هندسة كيميائية
أو دكتور يدرس هندسة كيميائية ؟

Hanan يقول...

الفشل هو بداية النجاح
أحس جبدي قلبت لما شفت الكريمة. (انغثيت من كثر ما كليت منها).

غير معرف يقول...

سلام من الصور الموجودة يتبين ان بيتكم بصباح السالم او القرين لان داخل المطبخ يوجد تصريف ما بلاستيك وهذا المنتج وجد من سنة 1991
اخوك محمد
ملاحظة اعتقد ان نوع ايدك يسمى عند العرب الخيثم

وحيد في المنزل يقول...

انا قلت انطر لثاني يوم و اعلق.. عشان اتأكد من الحالة الصحيه
ماكو مضاعفات جانبيه ؟؟
ههههه
عليج بالعافيه
:)

طموحة مملوحة يقول...

بوعبدالملك

لا والله ماعرف بس لوييت الكلية وسألت محد بيقصر من الدكاترة ساعات احتاج اسأل دكتور في مجال ثاني اروح لقسمهم ومايقصرون واتمنى لو في احد من القراء متخصص في هالمجال يساعدك ان شاء الله

طموحة مملوحة يقول...

حنان

والله نمت منغثة واليهال لاعت جبدهم بس ثنتين مستانسين يقولون لذيذة لوووول مستغربة والي حولي كلهم مستغربون من ردة فعلهم ... انا احب الكريمة بس بهالكيكة حده استغفر الله

طموحة مملوحة يقول...

حنان

والله نمت منغثة واليهال لاعت جبدهم بس ثنتين مستانسين يقولون لذيذة لوووول مستغربة والي حولي كلهم مستغربون من ردة فعلهم ... انا احب الكريمة بس بهالكيكة حده استغفر الله

طموحة مملوحة يقول...

غير معرف


لوووووووول ملاحظتك قوية بس لا موصحيح :q

طموحة مملوحة يقول...

وحيد في المنزل


هههههههه لا الحمدلله حالتي اوكي شربت جاي اخضر خفف من اللوعة

مبدعه يقول...

الفشل اول خطوه للنجـــاح
والخطوه لثانيه اكيد ناجحه

نبي الوجبه الكويتيه مكبوس دياي

شاي الضحى يقول...

ههههه

عادي عادي

ترا انا قبل فااااشله بالطبخ وخاصه الحلو

الحين اسوي الحلو والمالح

TwixXa يقول...

loooooooooooooooooooooooooool sarooooooooon ba6nii 3awarnii mn shofat elkekaa :p fedetech grgo0ortii :***

طموحة مملوحة يقول...

شاي الضحى

لووووول بصراحة انا اتشوق من اشوف مواضيعج مالوت الطبخ ودي اذوق شغلاتج احسها لذيذة بصراحة

طموحة مملوحة يقول...

mnooorty

looooool ashwa ma swait.ha w enty 3ndee lool shofee mta tyeen ashtree 5rabee6 w nswee mn bnat afkarna :p

غير معرف يقول...

لاااااعااااااد اشووفج بالمطبخ لو سمحتي ههههه
نفس الحاله انا بوادي والطبخ بوادي
صج فشله بنت وماتعرف تطبخ خخخخ
يبيلنا دورات شرايج خخخخخخخخ

يااله يعطييك العافيه شيفتناا ;pp

طموحة مملوحة يقول...

هههههه عجبتني شيفتنا لووووول

اقول لج شغلة ؟؟ مرة بسوي كيكة ويبيلها فرن المهم قريت ان ضعي الخميرة بالفرن علشان تتخمر انا على بالي لازم اولع الفرن المهم ولعته والمصيبة اني نسيت الصحن الي حاطة فيه العجينة بلااستيك @@ فالفرن طلع ريحة خايسة وذاب الصحن وماتت الخميرة لووووووول كان موقف بايخ وصرت مطنزة عند الي يسوى والي ما يسوى ...

حدي شيفة لووول

غير معرف يقول...

الله يعطيج الف عافيه على الحلا السريعه
وسهل بداية روعه اشكرج على جهودج الرائعه عـــسى الله يوفقج دنـــيا واخره