2011-02-12

twixxa blog


صبحكم الله بالخير والنور والسرور يارب
الف مبورك لجمهورية مصر العربية لفوزها بحريتها وحرية شعبها القوي ، بصراحة كان الخبر مفاجأ ومفرح واحتفلنا في مخيمنا كان احتفال رائع بصراحة ...
واتمنى في الايام القادمة ان تكون ايام انجازات وبحث عن من يقدر مصر واهل مصر ويعوضهم الحرمان الي انحرموا منه في السابق ..
مع اني خايفة من 2011 تكون بداية كوارث استغفر الله فمن بداية العام واحنا مو مترقعين بصراحة عسى الله يستر علينا يارب



من زمان ماسويت دعاية حق مدونات وبصراحة في مدونة مو علشان اتابعها لانها يديدة :q
بس المدونة لشخص عزيز جدا جدا جدا جدا علي
يقولون (( ربّ أخ لك لــــم تلده أمك )) وانا عند اخت من أروع البنات الي فعلا وقفت معاي بكل الاوقات بشدتي وضيجني وبالحزة الي
كل الناس مايصدقوني فيها اهي تصدقني لانها باختصار تعرفني عدل ..
اكثر وحدة تحملتني بسلطنة عمان وتحملت نفسيتي ولساني الطويل ، مو تحملت يعني سكتت ههههه يعني القصد انها ماتخيلي امور
سخيفة تأثر علينا وكانت علطول واقفة معاي الله لا يحرمني منها يارب
وبالجامعة ماله داعي اقول ثنائي القسم المشهور ،، الله لا يحرمني منها يارب
بصراحة استانست لمن قالت لي ودي اسوي مدونة وانا من زمان احن عليها بس الحمدلله انها دشت عالم التدوين ولو ان مو توه يعني
صار لها شهور بس اتمنى انها تكتب كل يوم ويكون لها متابعين علشان جذي .... سويت لها دعاية في مدونتي
أدعوكم قرائي الاعزاء بالاطلاع على مدونة اختي الغالية Twixxa
واتمنى تعجبكم المدونة وتحطونها بالمفضلة عندكم :q
وشرايج يامنور فينيييييييي ؟؟؟ ادري حبيبتج هههههه
وهذا التويكس للي يبي من قرائي علشان لا تقولون ماتضايف :)













@@
شنو هذا ؟؟؟ يعني اغراء يعني ؟
الصورة ويع بصراحة وخلاص يا اختي شكثر مذيعات سووا اغراءات للراس بس صورتج هذي وييع وبصراحة ماشتهيت هالايس كريم ، وترا كل الحريم والرياييل عندهم لسان خشي لسانج داخل حلجج ولا تصورينه جذي حدها موشي الصورة @@
ـــــــــــــــــــ
مقولة اليوم :





لن أموت أبدا دفاعا عن قناعاتي ، فقد أكون مخطئـــــا
برتراند راسل ...... فيلسوف ورياضي وكاتب انجليزي<<<< كل هذا ؟؟ ماشاء الله

8 comments:

TwixXa يقول...

7abiiiiiiiiiiiiiiiiiiiiiiiiiiiibtiiiiiiiiiiiiiiiiiiiiii a7ebech a7ebech :***** mashkoooraaa 7abibtiii


nada shfehaa f9alat@@ 7amdella we esheker walla knt a7ebha w ehya mo nage9ha shy 3ashan etsawe hal7arakat el2r3aa @@

وحيد في المنزل يقول...

تمت الزيارة و الاضافة و المتابعة و التعليق
شكرا طموحه
بصراحه مدونة مبين من اولها انها تستحق المتابعه
:)

بو عبدالملك يقول...

شنو مقلب هو ؟

دخلة مدونة تويكس قلت بشوف المدونة

طلع المواضيع كلها بالإنجليزي

بو عبدالملك يقول...

وصور

Engineer A يقول...

يعطيج العافية :)

t7l6m.com يقول...

زرت المدونه علشانج طلعتلي أغنيه هنديه
خوش مدونه والله يوفقها وبإذن الله أزورها مره ثانيه وأتابعها بتأني
زين سويتي براعية البرد

Bint ilKuwait يقول...

Allah ewafigha wekhalekum li ba3ath inshallah;**

طموحة مملوحة يقول...

يعطيكم العافية على التعليقات والزيارة لمدونة اختي منورة :)