2011-06-19

شكرا لكم ..!!!




السلام عليكم ورحمة الله وبركاته ..




قولوا لي مبرووووووووووووووووك D:




والهدايا قاعدة تتحذف علي من كل صوب اخييييييييييييييييرا تخرجت من جامعة الكويت اخيرا اخيرا :)






مع امتياز ومرتبة الشرف ؟؟؟؟ لالالاالالاالاا مو مع امتياز مع شهادة كرف وكد تسوى الف امتياز ..






الحمدلله تخرجنا على خير ومن الحيييين ابي اضبط لي السيرة الذاتية مالتي واذا احد يبي يتوسط لي بشلمبرجير ماقول لا ماعتقد في نائب راح يتوسط لي لاني ضدهم ...




واسطتي رب العالميين خلاص :)




راح اتكلم عن دكاترة كان لهم تأثييير خاص بحياتي الجامعية وماعتقد راح انسى أفضالهم علي ، فاتمنى لمن يقرون موضوعي هذا يعرفون اني مانسيت احسن المدرسات الي كانوا ييدرسوني باولى ابتدائي فماراح انساهم ، وراح اذكرهم بكل خير يارب .




هالدكاترة كانوا وايد يشجعوني مو شوي . راح اتكلم عن واحد واحد فيهم وان شاء الله ما انسى شي :)








نبدأ بدكاترة قسم الجيولوجيا أحلا قسم بكلية العلوم ;)






الدكتور محمد الصرعاوي







دكتور محمد الصرعاوي ندوره دوارة لي نزلت المواد والي ياخذ عنده امه داعية له ، بصراحة كنت اقرا عنه وايد قبل ما ادش الجامعة وخصوصا في الامور البيئية لاني وايد مهتمة بهالامور فلمن خذيت عنده بصراحة اتشوق وايد لمن يذكر لنا الابحاث الي اجراها والامور الي قاعدة تصير بالكويت ، يششجعنا وايد بالمحافظة على الكويت ، يهتم وايد بان الطالب يكون منتبه ، حتى لمن ناخذ بريك نتكلم بامور تخص البلد ، اتفاءل وايد لمن اكون بمحاضرته ولا احس بملل ، سعيدة جدا اني خذيت عنده مادتين في قسم علوم الارض والبيئة . واتمنى اكون مثله بصراحة يعطي من قلب وبضمير الله يحفظه يارب.








دكتور ابراهيم الرفاعي







درست عنده مادة وحدة بالجيولوجيا وكان يسميني (( أم الفول )) ، وما انسى الموقف الي صار معاه بالمحاضرة حضرت رفيجتي ، ومن غبائي الزايد كاتبه اسمها بعد اسمي ونفس خطي ولا يعني علشان ما يجكني غيرت اللون ، بآخر المحاضرة قال خل انادي اساميكم علشان اتعرف عليكم مابقى آية مابقى دعاء ماقلته ، بس صادني وويهي صار احمر ، وفشلة لمن يصير موقف والي قاعدين جدام يلفون ويههم بيشوفون منو هالخبلة الي كتبت اسم رفيجتها ، والمصيبة رفيجتي قالت لي حضريني الحيين ياية وسحبت علي @@ ..




دكتور ابراهيم الرفاعي ، كنت اذا عندي امور خاصة بالدين اروح استشيره ، يقدم لي كل النصح والاحترام اعزه حيييل واعتبره ابوي دائما ينصحنا دائما يسأل عنا ، عسى الله يحفظه يارب ويطول بعمره آمييييين يارب .







دكتور جاسم العوضي








رئيس قسم علوم الارض والبيئة ، أحسه رئيس القسم الوحيد الي يعز طلبته حيييل حاط الاولوية لطلبة الجيولوجيا وكل ما صارت عندنا مشكلة ورحنا كلمناه ما يردنا ونعم الدكتور بصراحة عندي مادة خذيتها عنده وماكنت شادة حيلي راح اعيدها ان شاء الله وبيييب فيها قريد باذن الله ، لان بصراحة ماحبيت الجيولوجيا اكثر الا باخر سنتين .. فابي اعيد المواد الي ماكان لي خلق لهم ، بصراحة قسم الجيولوجيا يبيله مكان اكبر من المكان الي موجود بالعلوم لان في علوم صحراء وعلوم بحار وعلوم بيئة تتبع القسم بس للاسف مافتحوهم لعدم توفر الامكانيات فاتمنى من جامعة الكويت انها تعطي هالقسم الاهتمام علشان يبدعون الطلبة فيه قسمنا (( يستاهل ..... يستاهل )) ..














دكتور عرفات الشعيبي

أول مادة خذيتها بالجيوولوجيا كانت عند الدكتور عرفات الشعيبي الي (( أسسنا صح )) ، والي حبيت الجيولوجيا ودراستها لأنه يدرسنا بضميييييييييييير زيادة عن اللزوم ، يعني في دكاترة مايهمهم الطالب نجح سقط مو مهم ويدرسون ومالهم خلق ، بس دكتور عرفات كنت لمن ادش محاضرته كأني داشة سينما بصراحة ابداع بطريقة الشرح ، كل معلومة يقولها كنت اتخيلها 3D لووول مادري يمكن لانه كان وايد يذكر لنا امثلة عجيبة ، مبدع جدا هالدكتور براحة ولازم لازم يكمل ويصير بروفيسور ، أنا اقول انه من ابناء الكويت الخيريييين لازم يقدرون جهده ومكانته ويعطونه حقه ، يستاهل دكتور عرفات بصراحة ، يمكن في ناس تقول عنه مغرور وعصبي ، انا انزفيت منه 3 مرات وبجيت بصراحة بس تعلمت منه بكل زفة تأدبت ههههههه ، اعتبره اخوي ، وين نحصل دكتور يخاف علينا ويقول ترا هالشي الي سويتيه غلط ؟؟ وممكن الناس تفسره جذي حاولي تسويين جذي ، في ناس تزعل من النصيحة بس انا احب النصيحة واقدر كل نصايحه وفي موقف صار لي يضحك شوي الموقف ، كنا رايحيين حقلية وكنا فوق مرتفع بالخيران ، فرفيجتي بغت تطيحني فقلت لها (( منور يا حمارة )) الدكتور انصدم جان ايينا قال لنا : منو قال Donkey ؟؟؟ انا قلت ماسمعت دونكي منو قال ؟؟ المهم محد رد جان يلف الدكتور يمكن بعد دقيقتين جان اقول اووووخ دونكي .... يعني حمار !! انا قلت حمارة حق منور ياربي الدكتور راح شقول له الحيين ؟؟ لوووول قلت اشكرة صوتي اخاف يقول تجذب هذي وخايفة تعترف فاذا قرا موضوعي دكتور عرفات ترا انا الي قلت :)




عسى الله يحفظه ويخلي له اهله وبنته يارب .








دكتور محفوظ بابطاط






دكتور محفوظ من الدكاترة الي يأسوونا صح غصبن عن عيننا ، للحين اذكره لمن قفل علينا باب المختبر وقال ماتطلعون لين تخلصون شغلكم ، دكتور موفاهمة يشرح مرة ومرتين وثلاث وان شاء الله عشر ماعنده اي مانع ، عسى الله يشافيه ، من الدكاترة الخيرين متواصلة معاه دايم ماكو مناسبة صارت ما يا وبارك ووقف معاي وقفات كثيييرة مستحيل انساها ( مستحييل ) ما اناديه الا ( يبا ) حتى بعمان دايم يتطمن علي وعلى البنات وكنت ادق عليه ان صارت مشكلة ، ماكان يخلينا كلش ، يسأل علينا ولا ينسانا كلش ويزعل ان ماسألنا عليه من حقه والله . عسى الله يحفظه يارب ويشافيه ويكتب له الصحة والعافية دووووم مو يوم يارب .










أستاذة مريم الشميمري






أستاذة احبها واقدرها واتواصل معاها وايد ، ماتقضر معاي كلش ، تنصحني تعلمني تفهمني حتى بالامور الي ماتخص الجيولوجيا لمن اقعد معاها ، ساعات يكون فيني طيش لمن اكلمها اركد ، احسها اختي الكبيرة ، السوالف معاها حلوة حييييل ، احب اشوفها بالقسم غشمرجية ودمها خفيف فديتها .












قسم الرياضيات














دكتور بدر الشمري










محد مايعرف هالدكتور طق مطاقق عليه لمن ينزل شعبة ومن حقهم وين نلقى دكتور رياضيات مثله ؟؟ دكتور بدر من الدكاترة الي شجعوني وايد ، وبصراحة انا رحت سجلت عنده وكان مايقبل اي طالب بس لأن قال لي انتي خدمتي الكلية وانا اقدّر الطلبة الي مثلج ؟ قلت بنفسي : الحمدلله يارب في دكاترة جذي يقدرون وعلشان اهو قدر هالشي لازم اشد حيلي بالمادة . وفعلا شديت حيلي كنت وانتو بكرامة حتى وانا بالحمام احل جم مسألة ، يعني ماكنت شاطرة وايد بالرياضيات بس بهالمادة جد قمت احلم بالارقام ، وادرس لها اول بأول واروح الامتحان مودارسة قبلها بيوم كنت العب قبل الامتحان علشان ادش الامتحان نفسيتي زينة ، والحمدلله يبت قريد وخاشة امتحاناتي لأني مو مصدقة بصراحة ودرست للمادة بضميير ، قلت مابي اخيب ظنه ، شنو يقول انا اقدر الطلبة الي مثلج وانتي شاطرة . وبالاخير اييب درجات موزينة لا والله ، الانسان اذا صمم على شي يوصل له ، بس للاسف توني استوعب هالشغلة لو مستوعبتها من سنة اولى جامعة جان انا متفوقة الحيين :) الدكتور بالمحاضرة كان يعطينا اساليب نتبعها بوقت الامتحان علشان نعرف شلون نحل المسائل بدون لف ودوران وتضييع وقت ، فالي ينتبه ويفتح اذونه وخشمه وعيونه وكل حواسه راح يستوعب ، كان الدكتور يعطينا المحاضرة كاملة فكانوا البنات يملون يبونه يطلعنا قبل نهاية المحاضرة بربع ساعة بس كان يرفض انا كنت اسوي نفسي يعني مليت اقول دكتور خلاص زهقنا (( علشان لا يحسدوني @@ لاني بصراحة حابة المسائل )) اعتبرت القوانين ربعي ، والقانون الصعب كنت اشوفه شرير كنت ادش معاه حرب علشان اغلبه ، بس القوانين السهلة كنت احسهم على نياتهم ويبوني افهم بس ، المسألة الي احلها بنفسي وبعد تفكير طويل كنت اعلقها بالطوفة واحط عليها نجمات وايد وامدح نفسي ، واغني وناسة ترا حليت مسألة صعبة بدون مساعدة .




انا متضايقة مو لاني حسيت نفسي مينونة كالكلس لا ... لأني ماكنت مينونة من زمان @@




الف شكر للدكتور بدر الشمري وبيض الله ويهه ، ماقصر مع احد بكل صراحة .













دكتور حيدر خاجة





دكتور حيدر كنت ماخذة عنده كالكلس وكان وايد يزفني يبيني اهتم شوي ، وكنت مو مهتمة بصراحة ، بعدين لمن استوعبت صرت اروح له ادرس عنده يشرح لي وايد مسائل نسولف بالسياسة اخذ رايه ببعض الامور ، واذكر بمرة قلت له مو فاهمة هالمسألة فقال لي كتبيها على السبورة ، حاط سبورة بمكتبه ، كتبتها ، قال يالله حليها ، قلت : شلون احلها الحين انا ياية علشان تشرحها لي ، قال : ماراح اشرحها حليها ، وتنحت على السبورة اخزها ياربي شسوي الحييين ، حليت نصها جان يقول لي يالله حطي القانون قلت له : اي قانون ؟؟ قال لي اسهل قانون شنو ؟؟؟ قلت والله ما اذكر ، جان يقول : خلاص ، ييبي هذا الكتاب ويأشر لي على كتاب بمكتبه ، خذيت الكتاب ، جان يقول : يالله دوري القانون !! انا بققت عيوني ، قلت له : دكتور الله يهداك ابيك تشرح لي اياها ، قال : لا انتي راح تحلينها . واقعد ادور بالقانون ضحكت وقلت له : دكتور ماعتقد راح انسى هالقانون . قال لي : علشان جذي قلت لج انتي حليها ودوري . ولقيت القانون وحليت المسألة وحسيت بانتصار . كنت كل ما اخذ امتحاني درجتي اروح له يبارك لي لأني ما ابي اخيب ظنه وأمله وصار يشجعني وايد من خيرة الدكاترة بصراحة . الله يحفظه يارب








قسم الجغرافيا




بصراحة غلطتي الوحيدة الي سويتها اني خذيت مساندي جغرافيا للاسف ، بس هم التقيت بدكاترة طيبيين وايد وحبيت مادة الجغرافيا السياسية لان فيها سياسة بس :) !!!!!!











دكتور سلمان الفيلكاوي



دكتور وايد طيب وكان وايد يشجعني ويقول لي ان موهبتي وطموحي لازم يستمرون لما بعد الجامعة . تشجعت وايد وطبعا ماراح اخيب ظنه فيني يارب .







دكتور جاسم العلي














دكتور يدرس بذمة وضمير وتحسفت لاني ماشديت حيلي اكثر بمادته ، ولازلت احتفظ بكتاب المادة لانه ممتع واهو بصراحة الي حببنا بموضوع الكتاب في امور جغرافية ماكنت اعرفها تعلمتها منه ... الكل يمدحه ماشاء الله عليه دكتور حقاني واتمنى اقوم بعمل ابحاث باشرافه .




دكتور حمد المطر








للأسف ودائما أقول ان مجلس الامة خسر شخصية مهمة كان ممكن انه يغير بدل ما يفضلون ناس لخبطت التاريخ ولعبت بحسبته @@ دكتور حمد المطر بغض النظر يتبع اي تيار و .... و.... حجي سياسة مايخلص ، كنت اقول ليش يمدحونه وايد ؟؟؟ شنو السر ورا هالدكتور ؟؟ لقيته لا سر ولا لغز ولا شي ، دكتور يهتم بتثقييف الطالب بشتى النواحي مو شرط الكيمياء فقط ، دكتور حمد المطر يخصص لطلبته يوم واحد علشان اييب لهم شخصية معروفة تتكلم بامور مختلفة مثل ما ياب الباحث الكويتي صالح العجيري الله يطول بعمره ، وتكلم لنا بامور الفلك ، دكتور حمد يلقي دورات تدريبية لطلبة الجامعة كان يشجعنا اكثر على طلب العلم ، كان يلقبني بالنقابية ، اتشجع وايد لمن اشوف دكاترة نفسه ، لازم الدكتور ينوع شوي ويسوع مجال المعرفة لدى الطالب ، كل دكتور كان يخليني افكر واتخيل واتشجع على طلب العلم مستحيل انسى جميله علي . في دكاترة مالهم خلق لنا فالطالب طبيعي مايكون له خلق لهالدكتور بس امثال الدكاترة الي ذكرتهم وفي غيرهم وايد اكيد مستحيل الطالب ينسى نصايحهم وخوفهم عليه .




وبالنسبة للدكتور حمد المطر أحب اقول له ان المجلس اهو الي خسرك مو انت الي خسرت المجلس :)





مس نانسي



احبها حيييل وقبل ما اتخرج عطتني حضن كبييييييييييير لمتني حييييل دمعت عيني اوووخ لهالدرجة تحبني ؟؟؟ وحاطة بمكتبها رسوماتي رسمتهم لها من زمان ولازالت متحتفظة فيهم وكل مازاروها دكاترة من برا قالت لهم عني وورتهم رسوماتي حتى تقول ان اهلها بامريكا تكلمهم عني وايد ، وتقول لي لا تتركين الكريكاتير وطلبتني رسمة للحين ماسويتها @@ زين اني تذكرت راح اسويها الحييين :)












ارجو من الله ان ينييير طريق هؤلاء الدكاترة ويجعلهم خير قدوة للطلبة يارب ويرزقهم كل الخير يارب .






لن انساكم أبدا وسأظل في درب طلب العلم والمعرفة ولن انسى نصائحكم وتعبكم لأجلي أبدا .






طالبتكم المخلصة






سارة النومس


















36 comments:

نون النساء يقول...

وأخيييييييييرا يا سوير
مابغيتي يا بنيه

:)

موفقة من الرحمن ان شاء الله
وألف مبروووك يارب

Seema* يقول...

ليش صارت الدمعة بعيني وأنا أقرا؟
ماشاءالله..ألف الحمدلله اللي الله بلغج بهاليوم والمناسبة.. ألف مبروك التخرج ويا ربي منها لأعلى الشهادات وأحسن الوظايف! :")
فرحتينا معاج!

Bor8y يقول...

الف الف الف مبرووووك


موفقه بذن الله


وان شالله تحصلين وظيفه توافق رغباتج

مبدعه يقول...

الف مبروك يا سارة

ما شاء الله دكاترة يشرفون
ومخلصين للمهنة
وهذولي اهم اللي يحببونك بالتخصص

الله يوفقك وتصيرين مثلهم واحسن

غير معرف يقول...

مبروك

TwixXa يقول...

yatnee elbachyaaa ra2a9aaaaa ;'(((( sarroo fe '3al6a bf8arat ma7foo'6 eglebat eljomla foog ta7at " ya2asna qasdech ya2asna 9j wela asasnaa "
elmohem neseetee el7ub menwer looooooool w micheal :0
a7ebech :**

طموحة مملوحة يقول...

نون النسوة


لووووووول لا تقولين جذي حسستوني قاعدة 20 سنة بالجامعة حتى الاهل مو مصدقيين لوووول
الله يبارك بعمرج يارب

طموحة مملوحة يقول...

سيما


يابعد قلبي انتي والله الله يبارك بعمرج يارب :*** يالله نحتفل يالله

طموحة مملوحة يقول...

برغي

يارب الله يسمع منك يارب :)

الله يبارك بعمرك ان شاءالله

طموحة مملوحة يقول...

مبدعة

مشكورة ياقلبي اي والله خوش دكاترة احبهم وايد ماشاء الله عليهم يليت كل الدكاترة مثلهم مخلصيين ويحببون الطلبة بالدراسة

طموحة مملوحة يقول...

غير معرف


الله يبارك فيك

طموحة مملوحة يقول...

منوريتا حبوبيتا


لا ادري وايد بدليات بموضوعي بس هذي مو بدلية لوووول

لا لا مايكل احبه بس ماحببني بالدراسة لأن كله يعطيني سي :( لوووول

منور خان @@ لووووول قلت له يعرفني على شاروخان قال مايصير له قلت زين سلمان خان قال اي ولد عمي قلت زين اميرخان ؟ قال لي من اهلي ... فبزور الهند وازور هالممثلييين طبعا امون على منور



i'm his boyfriend remember??

لووووووول

طموحة مملوحة يقول...

منوريتا حبوبيتا


لا ادري وايد بدليات بموضوعي بس هذي مو بدلية لوووول

لا لا مايكل احبه بس ماحببني بالدراسة لأن كله يعطيني سي :( لوووول

منور خان @@ لووووول قلت له يعرفني على شاروخان قال مايصير له قلت زين سلمان خان قال اي ولد عمي قلت زين اميرخان ؟ قال لي من اهلي ... فبزور الهند وازور هالممثلييين طبعا امون على منور



i'm his boyfriend remember??

لووووووول

خالف تعرف يقول...

ألف مبروك

نتمنى لكم مستقبل زاهر :))

كوكتيل يقول...

مبروووووووووووووووك عزيزتي ألف ألف مبروووووووك:)

she is me يقول...

مبروك .. ألف مبروك
وعقبال كل الأسرى ..

غير معرف يقول...

مبروك التخرج بعد مسيرة 6 سنين :)
عقبال مااشوفج وزيرة
ان شاءالله عرفتيني منو :)

طموحة مملوحة يقول...

خالف تعرف


الله يبارك فيك يارب عقبال مانشوف نجاحاتك يارب

طموحة مملوحة يقول...

كوكتيييل

الله يبارك بعمرج يالغلا فديتج والله

طموحة مملوحة يقول...

she is me


الله يبارك فيج ياقلبي ، بس مافهمت اي اسرى ؟؟؟ قصدج المحكووورين بالعلوم لوووول ؟؟

طموحة مملوحة يقول...

غير معرف


يما منو @@؟؟


الله يبارك فيك يارب ... وان حطوا وزارة الطموح راح انزل هالوزارة .. بس بشرط الطبطبائي مايكون موجود بالمجلس >>>>>>> وييييه عيل املج !! لوووول


والله ماعرفت منو معاي بس حاسة انه احد الدكاترة المذكورين بصراحة :)

Hashimoto يقول...

عالبركة عالبركة !

منها للأعلي انشالله

يلا انشالله بالمستقبل نشوفج ذات منصب
P:

بالتوفيق انشالله

طموحة مملوحة يقول...

هاشيموتو


الله يبارك بعمرك يارب .. ها جم باجي لك ؟؟

والله انا بالعطلة قاعدة ادور كتب وقاعدة اتدرب على رسم من نوع ثاني وعندي كذا مشروع لحد ما اتوظف :)

اشكرك اخوي الغالي الفال لك يارب

طموحة مملوحة يقول...

غير معرف

:) والنعم والله

مالك الأسلمي يقول...

مبروك، ومنها للأعلى، وإن شاء الله تكون أول خطوة في النجاح بتحقيق طموحاتج، موفقة لكل خير.

رورو الشخبوطه يقول...

مبروك ومنها لاعلى يارب..

قلب طفله يقول...

الف الف الف مبروووووووك ساره
واااااااااااااي ساره دمعت عيني
دكاترة الجيولوجيا اللي ذكرتيهم روعه ما انسى محاضراتهم و روحهم الطيبه ابد ~
الله يعطيهم الصحه و العافيه
و يخرجون اجيال و اجيال تحب
الكويت تنفعها مثلج و شرواج :**

ربي يوفقج حبيبتي و يرزقج
بالوظيفه اللي تتمنينها
و يسعدج بالدارين :***

Katkoota xD يقول...

maaabroooooooooooooooook

alf alf mabroooook

38baal elwa'6eefa ya rab :**

طموحة مملوحة يقول...

اخوي مالك


يعطيك العافية الله يبارك بعمرك يارب والفال لك يارب

طموحة مملوحة يقول...

رورو

الله يبارك بعمرج يارب :**

طموحة مملوحة يقول...

قلب طفلة

يابعد قلبي هذا لان قلبج رهيف قلب طفلة صج ... فديتج والله ... الله يبارك بعمرج يارب :**

طموحة مملوحة يقول...

كتكوتة


الله يبارك بعمرج يارب :**

غير معرف يقول...

مبرووووووك التخررج سااااارونه عقباال الوظيفه اللي ترضي طموحج ياارب ونشوفج باعلى المرااكز يالغاليه
حددي متاخر سوووري
اخيتج الي تحبج ودووووده :*

Hashimoto يقول...

يلا بالتوفيق انشالله بمشروعج وتطوير رسمج
P=

باقيلي انشالله سنة ونص من الدراسة والطحسة

xD

طموحة مملوحة يقول...

ودووووو

حبي انتي فديتج :**

طموحة مملوحة يقول...

هاشيموووتوووو


والله صايرة اتجه لنوع ثاني من الرسم بس مابيه يمنعني من الكريكاتير :(