2011-08-05

تذكـــــــروون؟؟؟



أول شي شوفي الفيديوات حتى لو ماشفتوا هالفوازير علشان اتكلم عنه بموضوعي في الاسفل ...

































مثل ما شفتوا بالفيديو الفوازير ( الصجي ) الي فعلا كنا نستمتع بمتابعته فوازير شيريهان ونيللي وسمير غانم ..


هالفوازيرات كانت جدا بسيطة فرفوشة مايبيلها تكفلة ولا يبيلها مرأة خارقة تكون ممثلة ومطربة ومغنية ورقاصة ومذيعة بنفس الوقت ...


الفوازيرات هذي كنت أتابعهم يوميا ، ولمن شفتهم قبل ماحطهم بموضوعي خنقتني العبرة ، وشفت نفسي جدامي وانا أقلدهم وأقلد حركاتهم .. وكانت أختي العودة تسجل لي الحلقات باشرطة علشان أشوفهم وأعيد وأزيد ... فيها أشياء تجذب موبس رقص ومثل وسلام عليكم ...



مثلا فوازير نيللي ( عالم ورق ) في مقطع كانت ماسكة نفنوف ونزلت ورا الصندوق بثانية وقامت إلا اهي لابسة النفنوف الي كان بيدها .. ولأني كنت صغيرة وقتها ما أفهم بأمور القص واللزق الي بالعرض فكنت أقول انها عجيبة شلون لبست نفنوف بثانية وحدة وتخيلوا أقعد بالساعات اقلدها لين مليت وقلت خلاص ماقدر أغلبها :) ...



فوازير شيريهان تسوي حركات خبلة وتونس يعني تكفون قولوا حق حليمة سوي حركات شيريهان تتوقعون تسويها ؟؟؟ حركات اليهال الخبلة !! طبعا ماراح تسويها ،كنت أحسدها لأن عندها ملابس وايد ملونة ومرقعة لأني أحب الترقيع وايد فكنت أقول حظها كل ثانية لابسة نفنوف ملون أزرق بأحمر بأصفر كل الاولوان بنفنوف واحد ...



طبعا حليمة وايد مقلدة من موديلات شيريهان بس طبعا الأصل هو الأحلا ...!!!!



فنصيحة لوجه الله يا حليمة اخذي لج اجازة طويلة الأمد تفرغي فيها حق البيبي ، و نصيحة لميريام انتي حلوة حدج حلوة ملكة بس تكفين لا تشوهين الفوازير ، ويليت القنوات يحطون لنا فوازيرات القديمة علشان نسترجع ذكريات الطفولة ...!!!!




مادري شلون اوصف شعوري بس ، مومصدقة اني كبرت ... ولا أبي أصدق برد أطالع الفيديوات وأتذكر طفولتي :( ....




4 comments:

وحيد في المنزل يقول...

اولا .. مبارك عليج الشهر اخت طموحة و كل عام و انتي بخير
ثانيا .. بالنسبة للفوازير و الفرق بينهم قبل و الحين .. ما اعتقد للشخصيات المؤدية دور في جودتها .. الفرق كان في المادة و الاعداد .. كان فيه معدين و مؤلفين جيدين .. اما الان فالاعمال سلق بيض و دلع و مصاخه بس .. من غير اي محتوى
ثالثا .. تعلقج في الفوازير القديمة هي مجرد بسبب الذكريات.. لانها مرتبطة بذكريات فترة الطفولة الجميله و انبهارج ايامها ..

q8y يقول...

عز ياشريهان مافي لاقبلج ولا بعدج
مع انه تقنيات قديمه بس للحين تشوفها روعه
كله كووووم وحليمه كوم والمصيبه ثقه!
وميريام مقبوله بس ماعندها فنون الفوازير والاستعراض سوت الي عليها وهذه مستواها

غير معرف يقول...

والله جاتني صيحة لاني تذكرت ايام اول الله يشفيها ويعافيها كانت صج ما في مثلها اقصد شريهان

purpleyah يقول...

اه محلات ذيج الايام رديتيني ٢٠ سنه لورا ٫٫٫ صدق صدق كانت احلى ايام