2011-08-20

ويـــــــــــع !!!












سمعت الفيديو عقب ماطرشوه لي بالوتس اب ، وجد جد جد لاعت جبدي ....






البهرجة الزايدة الي الاعلام حسسنا فيها بملكة الاخلاق حليمة بولند






يليت تسب وتلعن أحد مسها بشي .... يليتها سبت احد طعنها بشرفها نقول ماشي !!!




اسلوب حليمة الواطي يخليني افتشل بصراحة ، ان يقولون عنها المذيعة الكويتية ، لأنها ماتمثل بنات الكويت وانما تمثل تربيتها فقط ...








فأتمنى من حليمة الي كالعادة تطلع لنا وبكل ثقة وتقول وتتحجى ... تطلع وتعتذر للي غلطت عليهم ...






للشعب السعودي والشعب الاردني .... وللشهري مادري منو الشهري بس غلطت عليه !!!!!!


وشنو صومالي يشحت بلندن .. ؟؟؟ عمر الكويتية الأصيلة مهما كان لسانها طويل ما تتعدى وتغلط على ناس ممكن يكونون ضعاف ماديا ، شلون اتطنز على انسان راح يدور رزقه بديرة ثانية ؟؟؟ عيب عليها تسوي هالحركة ، واكره الانسان الي يستقوى على اي ضعيف كان .... شلون اهي تسوي نفسها ملكة الثراء وتتطنز على الأوادم لأن الله رزقهم بالشيء القليل ...!!!!!






وأتمنى من القنوات ماتحط لنا ( هيييك ) مذيعيين نبي مذيعيين على ثقل ترا احنا نقيم المذيع من اسلوبه ورحابة سدره جدام وورا الناس ..






بس عيب عليها الي سوته صج صج حسيت باشمئزاز ...




غرور تعالي .... وقاحة ... قلة أدب






أعتقد إننا بحاجة لاعتذار رسمي منها حالها حال كل ممثلة ومطربة ومذيعة تعدت على جمهورنا وطلعت تالي تعتذر !!!






جد شي ينقرف الواحد يسمعه ... بس الشرهه مو عليها الشرهه على الي ينافقونها ويرفعون فيها لين حست انها وصلت لمنزلة الالوهية استغفر الله ..






واتمنى دامها طلعت على حقيقتها تظل جدام الناس بهالاسلوب ماترد تسوي نفسها الطيوبة الحبوبة وبداخلها شي ثاني .. عيب عيب




والله عيب فشلتينا وانقصت ويوهنا الي كنا لمن ناخذ الاساءة نردها بالاحسان بس جذي سب ولمن تطلع الكاميرا يطلع الويه الثاني ...




الله يرحم ايام مذيعات قناة الكويت .... صج قناة الكويت قديمة بس لمن ترفع المذيع ترفعه باعتدال علشان ما يصدق روحه زيادة عن




اللزوم :)








ادري عندها معجبين وايد يدافعون عنها ،بس اكره المنافقين لي الوحدة تحجت وتعدت حدودها فتتعداها على الي يتطاول




عليها ان شاء الله ما اصير أم حرة وابي الكون كله ملكي استغفر الله حتى لو كانت قليلة أدب فالجمهور له حق عليها لأنه اهو الي




وصلها .. بس نوعها الي تصعد على ظهور الناس بعدين تعطيهم واحد صفر ..


6 comments:

miya يقول...

ههههههههههههههه حبيبتي اللي زيها لو اعتذرت الف مرة محد راح يقبل اعتذارها واليوم اثبتت لي انه من جد ماعندها جمهور الا بالشحاتة .. وشوفي الفرق بين شحاتتها وشحاتة الصومالي .. الله لا يبلانا بدنائة نفسها
الشهري اتوقع انها تقصد مذيع حروف والوف يمكن؟
شوفي اليوتيوب دا واضحكي اللي زيها يتضحك عليهم وبس :)
http://www.youtube.com/watch?v=2_l-G75pfp4&feature=channel_video_title

مبدعه يقول...

ههههههه مسكينة هالحليمة مصدقة نفسها

وحقيرة واحقر من اننا نطلب منها اعتذار
بس خلي تطلع حقيقتها قدام الناس

t7l6m.com يقول...

قمه في الوقاحه وقلة الأدب
وأذكركم باجر تطلع وتنفي الفيديو وتقول مفبرك
وأذكركم إذا ما قالت ناس حاسدتني وتغار مني

طموحة مملوحة يقول...

تحلطم لوووول قلت نفسك وفعلا وقعدت تبجي مادري شايفه بشعرنا دهن تجذب علينا الاخت نست مقابلتها الي بالانباء الي نفت فيه خبر اجهاضها والحين تستغل هالموضوع عشان تكسب عاطفة الناس والله عيب عليها لو فيها خير جان اعترفت واعتذرت عالاقل تكبر ( شوي ) بعين الناس بدل الترقيع الي ماله داعي ومذيعيين فنون منافقين بيقصون علينا شنو شايفينا اغبياء؟؟ زين لمن تطنزت علي الصومالي كان صوت وصورة هذي ياترى شلون ترقعها ؟؟ بس اقول لك شي ؟؟ اعتب علي الشعب السعودي الي عطاها اكبر من حجمها ولا الكويت تخلي كل المذيعيين سواسية عشان جذي ماعجبها الوضع لان فيها جنون العظمة الله لا تبلانا

purpleyah يقول...

في حياتي ما تابعتها ولا فاهمه ليش هالضجه حواليها يمكن عشان اتبعت المثل اذا بغيت بين الناس تشهر سو خير ولا منكر وهي انشهرت بالطريقه الغلط بطن ميك اب و اكستنشن و لبس اقل ما يقال عنه انه عنقاش (عنقشة ايرانيه) و تصنع غبي وفوق هذا الشعب الخليجي الذكي جدا شهرها فعلا ساعات احس انه الشعب الخليجي مقطع نفسه من الغباء والتفاهه اذا مثل هذي تنشهر ٫٫٫ المهم ما طار طير وارتفع الا كما طار وقع ٫٫٫ اللي مثلها اكيد بييهم يوم وتمل الناس منهم

طموحة مملوحة يقول...

والله جمالها وماكياجها ماكان عليه خلاف يعني كنت اشوفها حلوة فعادي بس القضية الكبيرة اني عبالي انها خلوقة ومتربية هههههههههههههه

والمصيبة قناة فنون يابووووووووووووووووووووي قولي لهم يالله نجذب يطبلون لج ويطلعونج ملكة الاخلاق والشرف لووول