2011-08-21

حسبي الله ونعم الوكيل !!!

السلام عليكم ورحمة الله وبركاته ..








تقبل الله طاعتكم في العشر الأواخر من رمضان المبارك ، ينعاد علينا كل سنة يارب بالخير والأجر للكل يارب ...












الفترة الاخيرة قللت كلام وكنت اختصر بالفيديو ، بموضوعي هذا راح احط كلام وفيديو ...












لماذا بدأت فئة من الأطفال بالكويت والشباب يتحدثون عن الماسونية وبدأت فكرة الماسونية تنتشر ؟؟ بصراحة انا واحدة منهم حتى أصبحت أشغف للقراءة عنهم أكثر ، والقراءة عنهم لله الحمد صلح افكار خاطئة كثيرة كنت مفكرة فيها سابقا لأن ماتوقعت العالم الي اعيش فيه ( أسود ) جدا !!!!
















الموضوع يخص الأمهات والآباء أكثر ، في وايد من الناس شافت هالفيديو وسمعت من قبل ، في ناس تقول لا مو لهالدرجة عاد ماتوصل جذي ، في ناس عبالها ان الشخص الي جدامه شريف وطاهر ونقي نفسه ، نسوا ان العالم مليء بالوحوش ومحبي الأفكار الشيطانية ..












انا عن نفسي أول مرة اشوف هالفيديو وهو جزء من أجزاء سلسلة الحقيقة الي أنصح كل شخص يشوفه في ناس ماتحب تقرا فالفيديو راح يشرح لهم وبطريقة جذابة جدا شلون تكونت الماسونية ؟؟ ومن متى ؟؟ ومنو الي يروج لها ؟؟ وشنو أهدافهم ..؟؟!!!!








الفيديو ليش قلنا لأولياء الأمور ؟؟ لأن مع الأسف لمن كنت صغيرة أنا وكثيرين غيري كنا نشوف هالرسوم بكل براءة ولاندري الرسايل الي قاعدة تتخزن بعقلنا الباطن شراح تسوي فينا مستقبلا
















هذا الجزء الأول ، والذي يصف كيف ان قصة فلم الأسد الملك lion king ماهي الا مدخل لعالم الشذوذ الجنسي ، ماهي معنى كلمة ( بوكاهونتاس ) ، وماقصة العضو التناسلي الذكري المرسوم على القلعة في قصة فلم little mermaid الحرية الصغيرة ؟؟




هذا كله لو واحد عربي اهو الي طلعه جان ماصدقتوه وقلتوا يخرفون نفس ماضحكوا على الشيخ الي قال ان ميكي ماوس لازم ينقتل :) تذكرونه ؟؟ ولكن ادري راح تصدقون لان اغلب الي بحثوا في هذه الامور من المسيحيين والمسلميين الأجانب !!!

























اعذروني ولكن حجم المشكلة كبيرة جدا اذا ماقارنها بين الواقع وبين رسوم متحركة باعتقادنا انها بريئة وماتمس الاطفال بأفكار جنسية ولكن بالفيديو الثاني ، شوفوا أقذر مقطع بأول الفيديو ، القس الواقف والمصيبة العظمى ( اتمنى انتو تشوفونه علشان تحكمون بدون ما أقول ) !!!! وبالفيديو أيضا أبطال الأفلام الكارتونية يقومون بحركة عابدي الشيطان بدون ما الواحد ينتبه لها ، الحركة الي الناس عبالها انها تعني السلام ، والي ممثلينا العرب ( الأغبياء ) يقومون فيها بأفلامهم ، هل هم علي علم بمعناها أم هن متعمدين حقا نشرها بأفلامهم ؟؟؟ والمصيبة العظمى يليت تشوفون المقطع بالثانية 0:55 بالله عليكم هذي رسوم بريئة ؟؟





























للحين تبون تورون اليهال هالرسوم الشاذة ؟؟؟ يمكن هالشغلة كانت غايبة عن فكر أهلنا قبل بس الامور وضحت ، نصيحة لكل أم وأب لا تجعلوا طفلكم مشروع شواذ جنسي ... وابعدوهم عن التلفاز بشكل عام والله اريح

9 comments:

غير معرف يقول...

كلامج صحيح والمشكلة انها شغلة ممنهجة لترسيخ هذي الافكار وللاسف معظمناغافل عنها

اقري هذا المقال اللي ايد كلامج

http://maryameg.blogspot.com/2009/09/blog-post_25.html

وكذلك شوفي هذا الموقع للدكتور زهير المزيدي
http://www.zumord.net/mazeedi/pages/almktb629-als_uti629.php
واستمعي لتسجيل حلقات برنامج يقدمه على اذاعة الكويت اسمه
تبسيط الخطاب الاعلامي
وسمعي شلون شركات الدعاية والاعلان يستعلمون الوسائل الاعلامية علشان يغيرون افكارج ومعتقداتج لأمر ما بعدهاموبس بتوخرين اليهال عن التلفزيون الا بصكينه موليه

هنووي

Miss F.J. Spears يقول...

watch the arrivals u'll know a lot of things about them n the new world order and how they brain wash everyone

غير معرف يقول...

في يوم راح اودي عيالي لوالت دزني ونلعب معاهم ونصور مع ميكي وميني ودونالد وصراحه انا اشجع كل الاسره لذهاب هناك واستمتاع الاطفال مع احبائنا في والت دزني

طموحة مملوحة يقول...

غير معرف 1


اشكرك كل الشكر واتمنى بين الحين والاخر اذا حصلت اخر انك تفيدني بهالامور :) لاني قاعدة اقنع الي عندي بالبيت والحمدلله لقيت استجابة منهم وتفاعل خاصة من الأطفال :)

طموحة مملوحة يقول...

Miss F.J. Spears

i did and i wrote about that in this bost i hope you like it


http://6amoo7a.blogspot.com/2011/07/blog-post_29.html

طموحة مملوحة يقول...

غير معرف

اذهب واستمتع فلست الوحيد المستمتع مع عائلته بهذا المكان ;)

Now or Never يقول...

شفت الفيلم بس الصراحة ماقتعت ببعض المشاهد !

يعني الصراحة في شغلات كلش مو واضحه

يعني لازم تسوين زووووم قوي او توقيف مفاجيء للفيلم يالله توضح اللقطة

اللي يبي يخرب العقول او معتقدات يتروالي يسوي رسائل مباشرة أو على الاقل واضحة !!




في نفس الوقت انا ما اشجع على مشاهدة افلام ديزني لانها فيها اخلاقيات لا يتقبلها الشرع والدين مثل العناق والقبل واغلب القصص حول الحب والعشق بين الجنسين ...الخ


الله يحفظ عقول الأطفال ... آمين

krkor يقول...

اسمحيلي بس الصح واغلط نعرفه من خلال العقل مو من خلال مقاطع فيديو

طول عمرنا نشوف الببايات لا صرنا شواذ ولا تعلمنا اشيا مو زينه بالعكس انا اعتبر نفسي انسانه مستقيمه على كثر الاشيا الي اشوفها على النت وعلى التي في

طموحة مملوحة يقول...

انا معاكم فعلا احنا نعرف الغلط من الصح ... بس في شي اسمه عقل باطن العقل الباطن يخزن وايد اشياء بدون ا احنا ندري ساعات نتصرف تصررفات ونقول كلام ماكنا مفكرين فيه ولا تصورتوا انه يطلع منكم بس هالاشياء مخزونة في العقل الباطن اهو السر ورا تصرفاتنا الي مانتوقعها ... العقل الباطن داهية وفي امور احنا نشوفها بسيطة وعادية بس لو نفكر فيها ممثلا من الناحية الدينية فهي شغلة مصيبة وقوية جدا ، لان احنا من صغرنا نشوف هالاشياء لن كبرنا صار هالشي عادي جدا ، الشواذ كانوا موجودين منذ القدم بس الحين قاموا يطلعون بالعلني وبالافلام و لهم جمعيات ومنظمات تدافع عن حقوقهم ومتطلباتهم ، تتوقعون ليش هالموضوع نشوفه عادي ؟؟ حتى لو من داخلنا نقول اوكي هالشغلة مو زينة بس تعودنا عليها لو نشوف فلم فيه واحد يحب رفيجه وبينهم علاقة ماننصدم ... تتوقعون ليش ؟