2011-10-07

Congestion :p






هذا نوع يديد علي قاعدة احاول ادرسه .. بس كل ماحاولت ارسم صورة معينة تطلع الغلطات بالنهاية الاحظها مثل هذي طلع حولة هههههه ... المهم ابيكم تشاركوني وان شاء الله تعجبكم ...
هذا الشهر جدا جدا جدا مهم عندي لأسباب عديدة وأهمها يوم الاثنين الياي  حاولت ارسم لي كذا رسمة كاريكاتير بس للاسف ماعندي وقت خاصة وان هذي اهي الفرصة مع الاحداث الي قاعدة تصير تعليقي للي قاعد يصير ان حتى بالتجمعات الكويتيين مايعرفون ينظمون نفسهم الكل طلع بوقت واحد الواحد مايدري يطالع هالتجمع ولا
يطالع هذول ...

وبالنسبة للتربية أنا ضد الوزير بس لي ملاحظة مهمة ... أن الي يدرسون ليلي كانوا ياخذون درجات بسهولة ويدشون الجامعة بسهولة مو بمجهودهم بصراحة هالشي نرفضه ان يساوونهم معانا الي درسنا وتعبنا علشان ندش الجامعة ولاحظنا هالشي لمن كانوا يقعدون معانا بالجامعة فرق كبير مابين تفكيرنا وتفكيرهم واكتشفت ان الي يدرسون ليلي الدرجات عندهم بمخابيهم وياخذون بدون تعب . والله أعلم



مجدولة اعمالي وقاعدة احاول استغل الوقت والفرص في آن واحد

ادعولي :)

7 comments:

غير معرف يقول...

وااو..

استمري ي ي .. وأي جديد حطيه لنا خنشوفه..

أنا مهتمة بالرسم عموما..
واعتبرها هواية في غرفة الانعاش..ما أقول عن نفسي رسامة ناهيك عن فنانة..أرسم وبس..مو بالضرورة يعجب أحد!؟
الله يرحم أيام استاذ أحمد :(

.
.
ودمتم

kal ho na ho

طموحة مملوحة يقول...

فديتج والله

لا اذا الموهبة موجودة حتى لو قطعتي عنها ورديتي راح تقدرين صدقيني انا خواتي يقولون ماعتقد نقدر نرسم نفس اول لأن اهم حاطيين ببالهم جذي بس لو جربتوا صدقيني راح ترسمين رسم حلو بعدين في كتب قاعدة اتابعها فيها نصايح حق الرسم ... طبعا اجنبية نادر ماتلقين كتاب عربي عن الرسم والرسام فيه كريم بمعلوماته هههه

حياج الله حبيبتي واكيد راح اعرض اذا رسمت بعد :)

نون النساء يقول...

حلوة بس حوله
سارون والله عبالي ترسمين بس كاريكتير

طموحة مملوحة يقول...

نون النسوة

اقول لج شي بس تصدقيني ؟؟ انا بنفسي عبالي بس كاريكاتير اعرف له لوووول لقيت ان الرسام دام ايده قدرت على نوع معين من الرسم ممكن يبدع في مجالات فنية ثانية وبصراحة ماتوقعت اني اعرف راسمة خشوم شكثر وعيون تدربت وايد عن طريق الكتب بصراحة ماتوقعت هالشي بس احس اني صرت حولة لأن يبيلها تدقيق على الملامح بصراحة اقدر اعدل عيونها بحركة بسيطة ماتصير حولة بس امي عجبتها جذي تقول خليها جذي احلا لووووول ....


يالله دزيلي صورتج ارسمج :**

نون النساء يقول...

ههههههههههههه اخاف اتسويني حولة بعد



لا بس صج وايد حلوة انا ماعرف ارسم جي بالرصاص
بالي مو طويل بالرسم ومو دايما أدرب ايدي
تقدرين تقولين ماشية بالرسم عالبركة والصدفة :)

الزيتي ماصارلي فيه جم سنة بس خلينا نشوف لوحات زيتية ترا اسهل شي الزيتي

طموحة مملوحة يقول...

هههه انا اول كنت ارسم زيتي اعرف له بس ماعرف الاساسيات له بصراحة ...

انا نفسج بعد ومزاجييييية لابعد الحدود يعني ماحب احد يقول لي رسميني الحين ولا بعد يومين خلصيها ماحب احب ارسم على ممزاجي وصار لي فترة طويلة موراسمة ترا هذي اخر رسمة لي وفعلا الممارسة زينة بس تعالي شوفي مزاجي على مايتعدل للرسم ههههه

عبدالعزيز يقول...

رسمه حلوه حييييييل ياحليلها هالحوله هههههههههههه
هاذي البدايه وان شاءالله تتطورين
اما بخصوص التربيه فانا اكره كل وزارات الكويت اصبحنا متخلفين بعد ماكنا بصداره تخلفنا بكل المجالات مع الاسف
الي يدرسون ليلي هينه الاتعس منهم الي شهاداتهم سعوووووووديه عاد هذيله حدث ولا حرج
بس المهم يبين الشاطر من الكسلان وحد يضحك علا نفسه
الي معاه الشهاد من الغش والبقشيش اذكره في قول الله تعالى
((((مثل الحمار يحمل اسفارا)))))
تقبلي مروري