2011-10-09

Happy Birthday 2 me !!!!



10 \10

بهاليوم شاء رب العالمين أن ترزق فتاة جميلة اسمها سارة .... ونورت الكويت بهالمولود اليديد ... سارة وما أرداك ماسارة ...

اكبر متحلطمة في الكويت


طبعا كل عام وأنا بخير في ظل الي يحبوني يارب ...


ثانيا  ، اليوم الي اهو الاثنين ... رحت علشان مقابلة التوظيف طبعا ذابحينا ديوان الخدمة اي واحد يتخرج حذفوه تربية .. ولأني كلش ملش موصوب التربية قلت خل نجرب لين ألقى لي مكان زين ومثل ما نشوف اغلب المشهورين كانت بدايتهم بالتدريس فقلت خل ادش هالمجال حتى واحنا رافضين غصب يدخلوننا تربية ، وذبحونا مطلوب مدرسيين وفي نقص وحالتهم حالة ، انصدمت ان في مقابلة ... قلنا يالله مقابله عادي مومشكلة . الحين قلنا عاد احنا طلبة علوم .... مو موسوعة علوم @@ بعض الاسئلة كانت عن صفات المدرس المثالي وانتي شتسوين بالصف علشان تدرسين الطالبات وكيت وكيت كله تمام ...الحين أسئلة عن الجيولوجيا قلت بييبون اسئلة عامة .. بس محضرين الاسئلة دقيقة وصعبة  ( محضرينها بورقة ) يعني موعلى الذاكرة ويبوننا احنا نحفظ الكتاب صم ، الحين المدرس طبعا لازم يحضر لحصته مويدش حافظ كل شي ، طبعا يليت الاسئلة مفهومة بصراحة درستها بالانجليزي ولاني فاهمة حتى لمن قلت ممكن تفهميني اكثر انا موفاهمة قصدج ...!!! زادت علامة الاستفهام هههههه ... قلت يبا الله بالخير ميتة على التربية انا ؟؟ خل أظل مبتسمة للحياه التربية موطموحي بصراحة بس قلت تجربة مجرد تجربة وديوان
الموظفين خذوه فغلوه عسى ماواحد تخرج قطوه تربية ومنو قص عليهم وقال التربية تبي مدرسين ..؟؟؟ التربية قاعدة تطفش المدرسيين عيل مدرسة اولى تقاعدت بعد خمسة عشر سنة ولمن ردت قالوا لها دشي المقابلة ويمكن تعدين ويمكن لا ؟؟؟  @@ ....


حتى اينشتاين لمن سألوه قال ماعرف على قولة رفيجتي ههههههه


عالعمووم  يليت تتأملون هالرقم عدل 10\10 أمانة مو كتكوت ؟؟؟؟ أكيد حلو لأن عيدميلادي بهاليوم ... وبهالمناسبة انا بدز رقم حسابي للحكومة يليت تحط لي فيه جم مليون لأني بصراحة ماحصلت الوظيفة الي تستاهل جهدي وتعبي :) الاعضاء مو أحسن مني :@

5 comments:

MakintoshQ8 يقول...

كل عام وانتي بخير وخوش تاريخ


عادي توقعي كل شي على ما تتوظفين انا خريجة محاسبة وقطوني وزارة الداخلية .. قعدت سنه ونص على ماحصلت الوظيفة الي ابيها الحمدلله

الله يوفقج يارب

طموحة مملوحة يقول...

وانت بخير وبصحة وسلامة يارب :**

اي عادي كل شي يضحك بهالديرة والله اول كنت افقد اعصابي الحين اضحك ورب الكعبة علي برود موطبيعي لي مريت بهالحالات هههه

غير معرف يقول...

للأسف منذ 3 سنوات لم اتأخر ...عذرا فالمرض لم يدعني وشأني ..

دامت اعيادج بألف خير

ناصر العبيسان

النهايه الحزينه :)

غير معرف يقول...

للأسف منذ 3 سنوات لم اتأخر ...عذرا فالمرض لم يدعني وشأني ..

دامت اعيادج بألف خير

ناصر العبيسان

النهايه الحزينه :)

طموحة مملوحة يقول...

ناصر


معذور والف سلامة يارب المرض ماخلى أحد بحاله يكفي الواحد يبتسم ويحافظ شوي على قوته علشان ما يطيح ..

ورايتك بيضا وعسى الله يديم اعيادكم وافراحكم بخير يارب