2012-02-22

عيدي ياكويت!!



صبحكم الله بالخير 

كل عام والجميع بخير وعسى الله يرزقنا الأمن والأمان في هذ الوطن في ظل شيخنا وحكومتنا الطيبيين

  أمس كنت رايحة السوق مع اختي على اساس افصل لي ، وأنا ماحب السوق ولا أواطنه كلش واروح له للضروريات واخلص حاجتي وامشي ، فاذا رحت بروحي استانس أخلص بسرعة وارد بس اذا مع اختي ولامرت أخوي لازم اسوي روحي مريضة علشان نرد البيت بسرعة ، ان شاء الله ما يقعدون نص ساعة على كل قطعة بالمحل وبالاخير ماتشتري شي @@ !!! عذاب نفسي والله جد حسيت بالرياييل ( الرجاجييل ) الي تقول له مرته ودني السوق ...



المهم قالت لي اختي عقب ما خلصت من المحل الي بفصل عنده ، قالت خل نتمشى ونشوف شعندهم !! قلت لها : تبين تشترين شي ؟؟ هي : لا ناخذ فكرة ... جملة ناخذ فكرة هذي يعني ان شاء الله ماراح نرد البيت الا باجر ، فقلت لها اي مو مشكلة فكل مادشت محل انا اوقف برا ، علشان تصير بروحها وماتاخذ رايي لأني ماعندي ذوق بهالسوالف ... فصارت تطلع بسرعة والحمدلله ماطولنا . 

الشي الي عجبني بالسوق اهو الاحتفالات الي مسوينها كل شي فيه علم الكويت ... جد استانست مسوين على كل شي علم ، رحت خميت لي اعلام وأوشحة ( جمع وشاح ) اذا كان فعلا هذا اهو الجمع الصحيح ، لقيت حتى مسويين برقع على علم الكويت يبته عجبني حده ، وسويت دعايات للمحلات الي تييب اكثر وعجبتني كل شي كل شي على علم الكويت صج حسيت بعرس داخل المحلات .. 


ان شاء الله راح نختفل بالبر مع يمعة الأهل والأصدقاء ... 

ملاحظة : هل لازم اذا يينا نخيم بالبر لازم احط ميك اب والبس كشخة اذا رحت ستار بكس الي يم استراحة رحال ؟؟ حسسوني جني فضائية شفيها اذا لابسة بيجامة عادية ورايحة اييب لي قهوة وارد ؟؟؟ شدعوة عليهم البنات البس نفنوف عرس يعني ؟؟ ولا منافسة ؟؟ ماحب جذي حلات البساطة وهذا بر موصالة افراح @@ ، ماقلت جذي اتطنز عليهم او انهم ماعجبوني كيفهم بس قلت جذي لأني كل مادشيت خزوني بنظرة الــ ( امبي طالعيها ) المرة الياية بلبس دشداشة وشماغ وفي امها  خير وحدة تتحجى :p



وكل عام وانتوا بخير يارب 
وكل عام وكويتنا بصحة وعافية ... 

اشوفكم قريبا ان شاء الله هالبوست كان شبه تغيير شوي من روتين الملل 

نلقاكم قريبا 


في حفظ الله ورعايته

4 comments:

بو عبدالملك يقول...
أزال المؤلف هذا التعليق.
مجرد أمنيـــــات يقول...

لووووول حلوة سالفة في أمها خير وحدة تتحجى:)

صار الزي الرسمي بالكويت حق كل مكان بر حفلة شاليه جمعية مستوصف..حتى وانتي مريضة لازم تكشخين..

واذا لبستي شي بسيط ودخلتي ستاربوكس المذكور ..تصيرين كائن غريب بنظرهم...

المشكلة لو يسافرون ويشوفون ستاربكس برة شلون الناس ماتدري عنه

جان اكتشفوا انهم اهما كائنات غريبة

((لكل مكان لبسه)) هذا الشي الي لازم يعرفونه

وعيدي يا كويت يا أحلى بلد

بو عبدالملك يقول...

الله أكبر
الإصدار الأول ( لجبهة نصرة أهل الشام ) راية سلفية
شاهد في هذا الإصدار عملية إستشهادية على قطعان الشبيحة ومرتزقة كلب الشام
وغيره من العمليات التي تشفي صدور قوم مؤمنين
حمل وانشر

الجودة العالية
http://www.archive.org/download/gabhat_alnosra_02/gabht1.wmv

الجودة المتوسطة
http://ia600809.us.archive.org/26/items/GABHA/GTH-2.rmvb

والله أكبر
دنى زوالك ياكلب الرافضة
فهاهم أحفاد أبو مصعب الزرقاوي رحمة الله
قد جاؤكم زحفاً يعانقون المنايا
فاستعد لما يسوءكم
فالحرب سجال والأيام دول

طموحة مملوحة يقول...

مجرد أمنيات


احب أكون مثل ما انا ابي اكون بيني وبين نفسي وجدام الناس الي يبي يحبني حياه الله والي يكرهني ماني بالوحيدة بهالدنيا .... ماحب اغصب نفسي اصير كول علشان اعجبهم ... @@

وصح كلامج هذي المصيبة